麵檔

营业中

休息中

今日收工去咗食車仔麵銅鑼灣呢間車仔麵好有懷舊特色，門口已經係一個打卡位店內播住懷舊金曲，裝修都係走懷舊路線車仔麵餸嘅選擇好多，有瑞士雞翼、牛腩、春卷、墨魚、豬紅、滷水蛋、懷舊豬大、爆汁潮州牛丸、雞腳等等真係好多選擇啊！車仔麵可以揀5餸，真係好豐富啊！我哋分別揀咗 瑞士雞翼、牛腩、滷水蛋、懷舊豬大腸、魚皮餃配米線🍜豬大腸特別好味😋滷水汁醃得好入味，超香濃！另外嗰碗嘅酸齋非常大件，索晒湯底嘅腩汁，全部精華喺晒度！定係仲可以揀特色小食推介豬皮蘿蔔，豬皮口感淋身，超入味而且蘿蔔新鮮，食落都冇渣豬紅好大碗，辣辣地夠哂惹味🫶🏻

📍麵檔 (銅鑼灣) 銅鑼灣Time Square附近原來新開左間懷舊車仔麵店，店舖嘅裝修以七、八十年代公屋為主題🏠，除咗有經典嘅格仔牆之外，仲有好多舊式海報，門口仲會有一部黑膠唱片機，好復古好有特色，加上店舖仲會播住好多經典廣東歌🎶，充滿回憶~ 車仔麵一共有26款配料選擇，可以自由配搭，價錢仲好抵，性價比高！𝑰𝑻𝑬𝑴𝑺 𝑶𝑹𝑫𝑬𝑹𝑬𝑫:▪️五餸麵 - 香辣豬紅 魚皮餃 香辣水魷 清湯蘿白 瑞士雞翼｜幼麵 ($56)呢碗嘅湯底選擇左秘製辣汁同懷舊沙爹醬，🌶秘製辣汁好夠辣好惹味，麻香十足！而懷舊沙爹醬都好出色，夠哂香濃！幼麵口感爽彈，掛汁力強。配料方面份量十足，香辣豬紅質感好滑溜，但略嫌唔夠入味。🦑香辣水魷好爽脆新鮮。😍瑞士雞翼大大隻咁，仲好入味。至於清湯蘿白就有少少失望，因為入面好多渣。▪️五餸麵 - 春卷 鹵水孖筋 五香牛腩 懷舊豬大腸 爆汁潮洲牛丸｜油麵 ($56)第二碗嘅湯底選擇左秘製辣汁同加腩汁，腩汁牛香味濃，加埋辣汁好正！🥰春卷好大條好多魚肉，食落好煙韌，而鹵水孖筋就好彈牙入味。五香牛腩同豬大腸都好入味，😋牛腩夠哂淋，豬大腸唔會太過肥。爆汁潮洲牛丸則正常發揮，入面都算多汁!! ▪️懷

銅鑼灣時代廣場後面街開左間玩味車仔麵，今日同同事食lunch都幾唔錯😋鋪頭細細，門口播著80年代既舊歌，環境設計都好懷舊feel。.車仔麵分3/4/5餸，相差價錢唔係太多，擇左5餸麵食😋😋麵底有油麵/米線/河粉/粗麵/幼麵/米粉/菜底，湯底全部清湯，但可另加辣汁/腩汁/沙茶醬。.🍴五餸麵 （菜底） 配秘製辣汁$56酸甜斎、懷舊豬大腸、牛柏葉、春卷、五香牛肚，幾鍾意佢啲鹵水好入味得黎份量俾得唔少，每樣餸都有幾件👍🏼 春卷2大條好彈牙好食，最吸引都係個辣汁😍辣得黎又夠惹味，車仔麵真係最緊要個汁呀！.🍴五餸麵 （菜底）配清湯 $56瑞士雞翼、南乳豬手、魚皮餃、炸魚片頭、香辣水魷，雞翼同辣水魷真心值得叫，尤其係水魷，吸晒啲辣味，唔算好辣得黎又好食；雞翼就炆得夠淋身。是日菜底係生菜，5餸+菜底已經好夠飽😅好彩無亂叫麵食。.同事加點左兩個小食，分別係：懷舊咖喱魚蛋 $28 and 鮑汁雞腳 $28，魚蛋大大粒咬落會爆咖喱汁，雞腳入味淋身，仲好多隻！.野飲加配$8/罐，主要係汽水為主，價錢方面係銅鑼灣區真係算抵食又大份，下次再食下其喺餸先😋

假日黎到銅鑼灣行街，經過時代廣場後面一間車仔麵檔，門口播緊啲懷舊金曲，再望望入面既裝修擺放舊式收音機、特色舊裝修，令我湧現懷舊情懷！再加上見到好多人都幫襯，無論外賣定堂食，都人潮湧湧，令我更加想幫襯呢間咁有特式既鋪頭！港式情懷懷舊車仔麵，最緊要百搭！呢間店鋪有過二十種材料選擇，唔同麵式選擇，個人覺得最重要麵底既湯汁，會影響一碗麵好唔好食，必試秘制辣汁同埋懷舊沙嗲醬，昇華成個麵好唔好食！食材選擇特別要試香辣水魷，滑口爽彈，老闆話為左保持新鮮爽口口感，每次都只會勁少量咁整，確保質素保證！另外仲有鹵水蛋，橙黃色半熟秀既蛋口感剛剛好！牛腩同孖筋都超重腩味，有咬口又唔痴牙，正！仲有特色小食，懷舊咖喱魚旦必試，魚旦大大粒超爽口，加上餐廳秘製咖喱醬，真心覺得比起街邊魚旦好味多倍！香辣豬紅都係港人最愛之選，呢間豬紅夠曬滑口，份量又多，抵食！整體黎講，車仔麵真係幾高質，好用心做好每個餸，令我最沉醉真係裝潢同播緊啲懷舊金曲，同埋店員服務超用心，衛生環境又乾淨，值得一試！📸 Credit to Instagram: @mroolong

食車仔麵最開心是有得揀，今日同朋友臨時約食個快飯，兩個人麵想食麵，就試下呢間新開的車仔麵。餐廳門口有黑膠播舊歌，場牆都印有懷舊句子及餸名，滿滿的懷舊風。餸菜有超過20款選擇，再配搭油麵、米粉、米線及菜底等等，一定啱口味。叫兩個5餸互相分享，即刻食到10款食物！◽️ 南乳豬手、酸甜齋、鹵水孖筋、鮑汁雞腳、清湯蘿蔔（5餸麵 $56）豬手及孖筋炆至軟腍，雞腳適合吮骨人士慢慢歎、酸甜齋有咬口、蘿蔔清甜無渣，好有食神樣樣都好食！◽️ 香辣水魷、春卷、蠔油花菇、懷舊豬大腸、牛栢葉（5餸麵 $56）蠔油大花菇腍身入味、牛栢葉夠爽、豬大腸肥美無羶味、水魷彈牙帶辣、春卷美味，整體都不俗。◽️ 淨雞翼尖 $28食車仔麵一定會叫雞翼尖，這裡的雞尖入味又易食，帶少辣更惹味。餐牌參考

銅鑼灣新開了一間懷舊的車仔麵店，正正位於時代廣場的旁邊，店裡店外擺放了香港經典的明星，裝修懷舊充滿舊香港味。想不到寸金尺土的地方，也有這類價錢親民的小店，最便宜的三餸麵只需$42，有超過二十款配料任君選擇；麵底有油麵、米線、河粉、粗麵、幼麵和米粉；份量很多，完全不需要加底。五餸麵 - $56肥大的瑞士雞翼，醬汁入味得雞皮深褐色，帶少少甜味；紮實彈牙的爆汁潮洲牛丸頗香甜；五香牛腩和五香牛肚味道濃郁，牛肚好爽脆，牛腩軟腍；魚肉春卷外層像腐皮，內裡則有點像墨魚丸的口感；醬汁方面，選了香濃的懷舊沙嗲醬，還有腩汁和秘製辣汁，甚至健康一點走汁；更有少少生菜平衡膩感。五餸麵 - $56雪白的墨魚丸很彈牙，還有少少墨魚粒；牛栢葉好爽脆；鹵水蛋的蛋黃帶點流心感，好入味；金菇菜細緻滑脆；除此之外，同樣也有點了五香牛腩。蠔油時菜 - $18一片片翠綠的生菜，爽脆鮮嫩，有少少咸香的蠔油，更惹味。無糖可樂 -$8還有其他罐裝飲品如檸檬茶、忌廉等等，也有健康的蒸餾水。

⭕間唔中我都會去銅鑼灣行下，有時候行行下肚餓，我都會想揾野食 😉🥳不過唔知有冇發現喺銅鑼灣呢啲相對比較高消費嘅地方，有時候想食一碗簡單嘅車仔麵😅其實都好困難😭好好彩，前排畀我發現到銅鑼灣開咗間新嘅食車仔麵嘅舖頭😊👍「望著海一片，滿懷倦無淚也無言」我入鋪前已經聽到佢地播住d經典金曲🤙🎤我就同朋友各自叫左碗4餸 $50，我叫左豬大腸，咖哩魚蛋，豬皮同墨丸🥳😎豬皮好入味，夠冧；豬大腸都浸得夠時間，食落口唔會實的的😛😋佢哋嘅自家製菜莆都好正，送麵一流，每款餸都好惹味，夠哂地道😀👍喺銅鑼灣食到呢種質素絕對值💞✨淨雞翼尖 $28份量比想像中多，不過冇諗過佢都幾辣🌶️雞翼尖 夠入味，個人覺得鹹左dd，但如果你本身食得重口，應該冇問題😶

#位於鬧市既懷舊車仔麵經常係銅鑼灣做野，成日要揾餐廳食飯，好多都食到厭🤮見到新開既懷舊車仔麵，裝修真係好懷舊，係偽屋邨feel🤣好啦，外貌協會會長就衝左入去食~今次同朋友仔豪食車仔麵，好多款餸都好想食，所以我哋係大人就全都叫了 #因為小朋友才選擇🤣懷舊系列都值得推介🥘#魚蛋 係爽身有魚味，#豬大腸 食親車仔麵都必點，唔錯，正常水準👌 #豬皮，而家都覺得好回味，炆得勁入味，一咬落去充滿湯汁🤤 #蠔油花菇 好入味加好爽身，推介👍太多餸不能盡錄，但個菜圃真係好正，朋友仔不停加，好香辣辣哋好惹味～仲有個 #溏心蛋，除咗有protein補充，真係溏心好有誠意🤣如果有多啲菜可以揀就更加好啦！

懷舊車仔麵「麵檔」係時代廣場附近，位置非常方便，而且店內裝潢以六、七年代懷舊風為主，我哋就叫咗兩碗五餸車仔麵試試先🥳 麵底有六款，另有一款是菜底可選醬汁特別推介懷舊沙爹醬，入口微辣，帶香濃花生味道，用嚟配搭其他餸，非常出色五餸車仔麵✦ 懷舊咖喱魚蛋 魚蛋彈牙，咖喱味好入味✦ 香辣水魷辣度適中，好惹味，水魷好爽口✦ 瑞士雞翼雞翼瑞士汁濃郁，甜而不膩✦ 炸魚片頭魚片頭入口熱辣辣，剛剛炸起，非常新鮮✦ 清湯蘿白蘿白燉得好淋好入味，好清甜，推介👍🏻✦ 蠔油花菇花菇同樣好入味，滲透蠔油味道，不錯的✦ 爆汁潮洲牛丸牛丸好彈牙，小心燙口丫✦ 鮑汁雞腳雞腳入口爽脆，帶香濃鮑汁味道「麵檔」性價比非常高，車仔麵餸選擇多，醬汁又出色，

睇開我地既朋友仔都知有一個地方係我地既最常蒲點🙈鍾意食麵既男朋友仔就非常開心因為今次晚飯時間我地就黎左以下哩間💛良心車仔麵店💛------------------------------@widesurplusltd 大排檔小炒既姊妹店🙈每人叫左一碗五餸麵餐🍜另加一碟小食———————香辣水魷🦑酸甜齋🫔五香牛腩🐮牛柏葉🍢咖喱魚蛋 配秘製辣汁🌶🌶男朋友既五餸辣汁米線🍜水魷食落絕對爽口彈牙👍🏻牛腩都幾入味同埋都唔會韌------------------------------春卷🫔蠔油花菇🍄韭菜餃🥟炸魚片頭🍢清湯蘿蔔🥕加腩汁怕肥既我就變成五餸加菜底👍🏻貼心既選項☺️韭菜餃🥟食落都幾足料😋蘿蔔亦唔會無味😉以我既食量黎講👍🏻菜底既份量都唔會太少🙈------------------------------懷舊咖喱魚蛋🍡好多朋友仔都推介哩款小食👍🏻果然無失望😉每粒魚蛋都大大粒配埋辣度適中既咖喱🍢開胃又惹味👍🏻一食就會停到口☺️

今日經過利舞臺同時代廣場附近行下,見到呢間新開既懷舊復古風車仔麵店！無諗過係呢個地段竟然有呢個價位既車仔麵食！店內既車仔麵分左3個選擇,三餸,四餸同五餸麵.每枱都有自家製既辣菜甫,菜甫辣得黎又惹味,配搭車仔麵食更香.整體佢地既份量真係好多！仲要價錢真係好抵,食完令你可以抱住個肚腩出去既車仔麵店.五餸麵配秘製辣汁 hkd$50。爆汁潮洲牛丸牛丸好彈牙而且咬入真係充滿牛肉汁既精華！。牛栢葉爽彈唔會過韌,中間皺褶位掛起晒車仔麵湯底同辣汁！。春卷煙煙韌韌得黎又大大條！。鹵水蛋鹵得夠入味！唔會外面鹹但內裏好淡.打開中間先發現原來係溏心蛋！好有驚喜！。清湯蘿蔔蘿蔔無渣而且清甜,蘿蔔煮得夠軟腍.。秘製辣汁充滿一陣陣麻香辣味！辣度同後勁同樣充滿好濃香既辣椒香.。河粉香滑得黎唔會一夾就短.五餸麵配懷舊沙爹醬 hkd$50。瑞士雞翼雞翼大大隻又滷得好入味,瑞士汁香甜又唔會過鹹！。沙嗲豬皮豬皮乾淨無毛！同樣滷得夠均勻入味,豬皮爽彈吸晒沙嗲汁香.。鹵水孖筋孖筋份量好多！牛筋唔會煮得過軟爛,保持住彈牙感得黎又帶住膠原既漿口感.味道同樣入味,充滿鹵水香.。韮菜餃餃皮少少偏口但保持到煙韌感,唔會甩晒皮.韮菜餡豐富,

銅鑼灣時代廣場附近，有一間懷舊裝修嘅餐廳，彷似踏入咗八十年代嘅老香港咁，啱哂打卡。門口更放咗一部黑膠碟機，一路播住啲舊廣東歌，依家真係好少見！麵檔睇個名都知，主要係賣車仔麵，五餸都只係$56，性價比超高！豬皮、蘿蔔、魚蛋真係車仔麵必點，仲有quota可以揀多兩個餸，滿足哂乜都想食嘅我🤩必點推介🤤👍 懷舊咖喱魚蛋魚蛋比坊間大粒，超彈牙。有厚厚嘅咖喱汁包住，香濃唔辣。一份有三大粒，超滿足！👍 香辣豬紅豬紅彈牙有咬口，唔會淋哂一pat野咁，而且份量頗多。店家自製香辣，令豬紅更惹味。👍 清湯蘿蔔最普通又最考功架嘅配料，車仔麵必點！蘿蔔浸得夠耐夠哂淋，無筋。清湯入味，非常鮮甜。👍 懷舊沙嗲醬店家以湯勺另外送上，見到都覺得好濃郁，可以自行決定落幾多去調較濃度。好香沙嗲味，少少辣，配車仔麵一流。📍麵檔銅鑼灣勿地臣街10號地舖

今日去咗港島做野，Lunch time一個人食咩好…行經時代廣場，見到呢間麵檔大排長龍，原來係新開既車仔麵檔。懷舊設計好有特色，除左放滿黑膠唱片，仲見到唔少舊式屋邨既裝潢擺設。餐牌簡潔，一目了然。提供辣菜脯，爽脆惹味!最後叫咗淨餸再加多個時菜就岩岩好~牛腩汁湯底好香濃，再另上秘製人氣沙嗲醬！南乳豬手好軟糯，肉質軟滑。瑞士雞翼醃得入味又夠腍。大大隻蠔油花菇爽滑又鮮甜。牛筋爽滑綿軟，入口豐腴而不膩。爆汁潮州牛丸爽彈有咬口！清湯蘿蔔清脆爽口仲好多汁～鮑汁雞腳入味又軟腍，正。蠔油生菜，夠哂健康又爽脆！

銅鑼灣times square附近開了一間新的車仔麵店，店內的裝修很懷舊，店舖不是很大!中午時間都有好多人排隊堂食或叫外賣!餐廳車仔麵餸菜款式都幾多，而且價錢都唔算好貴!我跟同事都點了五餸麵，份量都好多!豬大腸豬手豬紅春卷雞翼油麵，他們的車仔麵湯底可以加腩汁，而且亦可以加沙嗲醬!油麵爽身，豬大腸好入味，豬手炆得夠腍，豬紅口感好滑，春卷彈牙!而雞翼是瑞士雞翼，所以雞翼都好入味同好腍，而湯底味道都好香濃!香辣水魷豬皮酸甜齋魚蛋豬大腸油麵，而我就點了碗就加了腩汁和小辣，辣味剛剛好!魷魚爽脆，豬皮有淡淡的沙嗲味!這裡的魚蛋不是陳皮魚蛋，大大粒，爽口彈牙，好好食!酸甜齋都好大塊而且味道都很夠，很美味呢!蠔油時菜，當日時菜是生菜，個人覺得除了點蠔油好食，放湯味道更正!餐廳亦有汽水提供，這餐午餐非常滿足!

🥢新開特式屋邨裝修份量特大車仔麵🥢銅鑼灣最近開了一間裝修幾有趣的主題車仔麵店，用上80年代嘅公屋屋道裝修，唔難發現牆上的紙皮石，屋邨嘅通窿牆，晾衫竹及等舊物做裝飾，門口仲有個打卡位，感覺幾得意🥢枱面上提供辣菜蒲任落，唔好睇個樣好似好辣咁，其實無咩辣度，碗麵超級大碗，而且份量都認真多，食晒真係會超級飽，而且店家好大方可以加底唔使錢，超級大食嘅人一定好開心，今次點了辣醬+沙嗲醬，有成個匙羹咁多，心諗今次一定辣死，拌勻後竟然味道唔會太濃味，怕辣又怕濃味嘅朋友可以放心食🥢總括嚟講，裝修真係幾有香港特色風味，而且麵底及餸菜份量真係好多，最啱附近返工嘅朋友仔過嚟食，由其大食的男士，真係唔夠飽嘅話仲可以免費加底，一定食到你夠飽，以銅鑼灣區來講真係幾抵食🥢餸菜方面比較推薦魷魚因為住得好爽口彈牙，同埋豬紅佢嘅口感同鴨血一樣咁滑嘟嘟🥢五香牛腩，滷水孖筋，沙嗲豬皮，蘿蔔，咖哩魚蛋（ +沙嗲醬多蔥）🥢5 餸麵 $56 小紅腸，豬大腸，滷水蛋，鮑汁雞腳，豬紅， 河粉 (中辣+ 沙嗲醬多蔥）🥢另外留意到枱面的紙巾盒，寫住大排檔小炒，個字同灣仔同銅鑼灣都有分店的小炒店一樣，查詢店員原來係同一間集團開的💛鍾意的朋友可