麵.睦月 (已結業)

隨意經過，發現呢間日式抵食之選！滑蛋鰻魚飯，足料抵食！同行友人叫了天婦羅冷瀑布闊麵，雖然冇試食到，但見到擺盆上碟一流，就已經開心曬。仲可以跟套餐加配小食🥳店鋪裝潢簡樸，店員既友善隨和，足以令各位享受短暫式既日式體驗！會回來的～

黃埔又開左幾間新鋪,一連三間新開張今次先試依間,因為已經係網上介紹左黎到三點左右,唔洗等位地方光鮮闊落,約有二十個位估唔到重有下午茶食,平廿蚊,正第一次黎先試網上推介既瀑布闊麵外表討好,有三塊义燒,半隻糖心蛋等配料先飲啖湯,好清甜,濃濃鰹魚味,不錯再試闊麵,好滑,長長一條感覺上用沾麵方式整會更好到試义燒,差少少,老左d,比一般厚身而配料都算豐富,加上有下午茶時段絕對可以一試總括黎講質數不錯,下次可以試埋烏冬以上食評只反映本人立場,如有雷同,實屬不幸

「雞肋者，食之無味，棄之可惜」這家小店位處紅磡，從港鐵站B出口走約五分鐘路程。地點方便，價錢以同區而言尚算公道。室內裝潢尚可，地方亦不算過逼（固然以香港標準）。可是我為何說這小店是雞肋呢？這家小店比較大的gimmick是它稱為「瀑布麵」的麵條。我用餐時也見多人點用。作為喜歡吃麵的人，評價麵條當然重點在於：口感、掛汁／湯能力。這家的瀑布麵，一方面雖有厚道，但口感卻缺乏。布狀麵條一般都是以放棄口感來以掛湯／汁能力作為賣點。可惜這家的咖哩，卻是乏善可陳。不是說咖哩難吃，而是無什特色，以致根本不需要用瀑布麵條專門去品嚐這咖哩。同時，這麵條口感確實差，變相就變成四不像：既無口感，所掛之汁亦毫無特色。但以一碗普通的咖哩麵來說，又不能說它難食，只是未到好食而已。所以，這碗麵就像雞肋：食之無味，棄之可惜。另外，小店內有一中年女性員工，服務態度有待改善。總體而言，我並不推介專程去試，但若路過又想一試，便一試吧。

其實食左好多野，一大班人都可以去小店相聚。因為人多可以嗌多啲，食多啲唔同種類嘅野食。日式野唔食魚生，就通常係食冷烏冬同炸物，今次試左好幾樣炸物😋😋😋😋😋，幾乎餐牌上面有嘅都叫哂，再嗌埋蟹籽沙律加個童年回憶波子汽水🤤🤤🤤🤤自己個正餐就係「天婦羅闊瀑麵」，食法同稻庭烏冬無異，口感當然會有不同，新野就係要嘗試，好食就係有下次🤘🏼🤘🏼未試就即管要去試喇，試過自然就會知😬😬😬😬

今晚過咗紅磡發現有好多新食堂！發現一間小店食闊麵同烏冬7點到巳經見到店內有好幾枱客人了咁就膽粗粗咁3人行入去試。點了一個中華冷麵配芝麻醬都唔錯再點了一個天婦羅🍤配烏冬都okay，有2隻蝦，1茄子,1南瓜，1蕃薯🍠之後亦點了一個鰻魚蛋丼同小食咖哩可樂餅都可以，不過唔記得影相

新店呀～～～～ 日本嘢呀～ 梗係要試下啦～店內主食選擇唔多～ 反而小食款式就好多～不過唔洗套餐，所以小食有幾多款都唔關事 😆要左個叉燒流水烏冬。好大碗呀～～～ 仲有好多配料，日式魚蛋、醣心玉子半隻、甜腐皮、木耳 😋😋😋😋 抵呀～不過流水烏冬應該只適合凍食，熱湯版令烏冬腍左，唔彈牙，令人相對失望，唔完美，但可接受，可改善。而最重要嘅，叉燒，竟然驚喜好食。雖然脂肪多，但香薰味甘又入味，好食得唔識形容。食過你就知👍🏻 而且有四塊咁多 😋😋😋 開心死～

約咗朋友係紅磡食飯，見到依間Ｄ烏冬好特別，唔係一般烏冬 有瀑布麵?!作為烏冬FANS 就決定揀佢嗌咗個叉燒瀑布闊麵  條麵真係超闊 ! 一面食一面要小心彈D湯上件衫到!但麵夠闊吸收晒D 湯底!正!份量好足夠 唔好以為得幾條 其實都幾飽肚下叉燒肥瘦適中 , 湯底係鰹魚湯底 清甜 幾好飲 仲有個 北海道薯餅  即叫即炸 幾好味 夠熱辣辣仲有枝豆 *特別要讚下佢 唔係烚定的 出來時仲熱辣辣 加埋D 鹽唔係白烚!! 幾有心 服務都幾好 . 叫加水都無黑面馬上就加。嘢食都幾快到 , 係炸物要等下 . 依家一碗烏冬70 80蚊走唔甩.不過佢勝在份量夠 又唔係HEA 貨鳥冬依個價錢算幾良心 . 希望佢KEEP 到服務同食物質素啦

今日去試食新店叫了4個主食親子丼 珍珠米 份量都足夠 食落幾香但不特別之後仲有叉燒瀑布闊麵 + 叉燒烏冬首先讚既係叉燒好厚 又唔會好韌 👍份量都足夠 老闆娘同staff 都會好熱心介紹 裝修都好舒服同乾淨 又唔會好大有煙味缺點: 佢個湯底好有問題， 同我去超市買既cheap cheap 鰹魚汁exactly 一樣味，如果我整到就唔使去食 佢既烏冬係幼身烏冬 冇咩驚喜 闊麵真心好闊 闊到係你會O到嘴 如果呢個係selling point 我覺得會fail 又掛唔到汁另外加左雜錦天婦羅同蟹肉忌廉餅 (做套餐)一般水準啦 雖然老闆話係日本薯仔整 我就食唔出啦 不過忌廉餅又真係幾滑 套餐可以加($12)飲品一罐 有日本汽水選擇 都唔錯總括而言 份量足夠 但食物質素就見人見智

話說打風果日 番到屋企附近要揾野食見到呢間個感覺好清新 日本feel比佢吸引左入去佢既野食 選擇唔多正正就係日本餐廳既賣點夠專我地嗌左個叉燒瀑布麵大大塊 好滑 (圖入面係已經食左一半）個湯好清 但係味道剛剛好 不會過濃 而且好好飲 我係第一次飲晒個湯 仲要唔覺得口渴個叉燒同個蛋都真係一流炸雞軟骨 以為佢係雞膝 點知佢居然係雞胸軟骨！！ 加自家秘制蛋黃醬 滴檸檬超好食炸雞件雞好滑 有肉汁！有雞味 個sauce 又係自己整既 好好食偷偷地講你知 我地已經食左3次質素如一 又有人情味呢間小店食得過呀！

見到呢一間新開嘅日式小店，周圍派傳單宣傳，價錢都唔算貴，有六十幾到80幾蚊不等。晚餐時段人比較多，以佢哋嘅座位又唔算多，會坐得比較迫一啲，裝修風格都有日本小店style ，落單都係自己填紙仔。食咁耐日本野都未食過闊麵，所以老婆同個仔都嗌左叉燒瀑布闊麵，叉燒有四片左右加啲配料，而闊麵食落去嘅口感就好似陳村粉，都幾得意，但我個人就麻麻哋呢一種面嘅口感。我點左叉燒雜錦冷麵，個叉燒就唔係一片一片而係切碎上，可能為咗配合其他配料嘅形狀啦，加埋芝麻醬一齊食，酸酸甜甜都幾開胃。個夥計唔知係咪老闆娘，好有心機介紹唔同嘅食物俾我哋，服務又好好，只有小店先有呢種人情味。

如果俾我選，我唔會再黎呢間食。食物種類少，好多餐廳都比佢種類多。作為日本餐廳，素材應該要新鮮，但呢間用料唔太新鮮，甚至有種未解凍嘅雪味。質素真係嘛嘛地。下次唔會再黎

味精多，食幾支水都唔夠。雪味濃，總之冇下次。冇招呼，見已經唔係多客，都唔好好地做。食材唔好講，湯底多油，好似油浸麵，食完灌左幾支水，我諗佢地想客叫多D飲品，所以重手味精野。

路過紅磡見到，之前行過好似無見過，應該係新開的。入去試試。前提我本身都幾鍾意食日本野。環境清潔，尚算不錯。隨便叫咗1熱1冷烏冬，另加2個 小食牛舌及芝士紫薯波(?)小食我真心覺得唔錯，個叉燒流水烏冬都幾特別又幾好食，配慢煮牛舌，個人認為一流而日式冷烏冬就味道略為淡味，喜歡清淡的朋友可以試試＊有題外話，小故事＊值得提提既係我女朋友唔小心整跌了冷烏冬入面既鵪鶉蛋有員工見到，入廚房叫師傅整多隻鵪鶉蛋比返佢，非常貼心，係值得一讚既！