黃明記粥粉麵家 (已搬遷) 新店位置

黄明記，陪伴我在九龍城區成長的一家歷史悠久的潮式粉麵店，相信都有四五十年的歲月了，墨魚丸特別出色，系signature嘅鎮店之寶。以前出埠後，啓德机埸一落機就要過來吃返一碗“墨丸河”，有一種回到家的感覺，香港原味道的感覺，很是温馨。過去的幾十年，偶爾又會去吃返一碗潮式粉麵，曾介紹給很多位朋友都有不錯的評價。舊舖曾經再次装修，也很不錯，畢竟已很老舊的舖頭了。近月聽聞老闆說因重建要搬了，就在後面沙埔道。上月和曾在舊舖吃過的朋友入去新舖試試，一入門口就聞到一般渠的異味，可能是新裝修的關系，朋友是有要求的人，她頂不住不吃就離開了。今天中午做完運動行過去再試試看，發現渠味仍然有，而且系在舖面入面的位置比較強烈，於是就坐在近門口位置，叫了招牌“墨丸河”加油菜，味道沒有太大分別，可是看到這家歷史悠久的老店，沒有借搬遷新舖的機會改變一下甚至改進多一點，衛生情況都跟以前差不多，更沒有什麼管理，雜亂無章，看見他們工作流程，更是沒有什麼可說，錯漏百出，惨不忍睹，仍然有六七十年代的一家大细一腳踢的傳統。如果這個是香港獅子山精神，我想很快就會被淘汰了。

年青時已聽過這店的威水史，猜不到要今晚才首次光顧，可是 ...知道它老字號，但竟然老到樓面有點骯髒，服務雖好，食物未到會自動跟進，見你碗麵太長會主動拿剪刀幫你剪麵，但地板潮濕，冷氣有霉味，服務多好、出品多棒都沒用！“細蓉”，傳統大地魚蝦子湯味，夠鮮味，但可能那鍋湯已滚了一整天，真的太鹹了！據說墨魚丸是自己打的， 但沒什麼特別，又不彈牙，不過有芽菜仔墊底，湯是蠻鮮甜的，加上那些有咬勁的墨魚鬚，這碗“淨墨丸雙拼”，還算可以。另一招牌“手打豬肉丸”，跟墨魚丸一樣，不怎樣的，但湯汁內有唐芹和炸蒜，湯味又濃又香，更難得的是三個湯是三個味道的，這碗我連湯都渴光。芥蘭腩汁，ok啦，味道還可以，但確是有點凌亂，菜未放好便端出來，有點hea。好，吃完，準備埋單，往收銀處一看，老闆一收完錢，馬上往旁邊那桌包雲吞，包了两只，又過去收錢，然後又回去包雲吞，全程赤手空拳，果然是老字號（）！

九龍城黃明記已經開業40年 ，由很久以前天花上掛著一個個的走馬🐎燈的古舊裝修時（6元一碗麵🍜），幫襯到依家有中國風味的裝修（43蚊一碗麵），都幫襯咗幾十年。可惜九龍城啟德道即將重建，這間黃明記很快便會沒有了。🐙墨丸河：本人幾十年來都是獨沽一味「墨丸河」 因為小時候真是一試難忘。潮式的墨魚丸與我們平時普通麵舖的墨魚丸是完全不同的。黃明記墨魚丸更是手打墨魚膠唧出一粒粒丸。墨丸中還加了馬蹄粒，出面吃不到咁正。 不過，有人亦嫌這種潮色墨魚丸並不彈牙，但是我卻覺得非常好吃。河粉非常滑，聽長輩說他們的河粉是由對面陳明記入貨的。湯底配有剁個的豬肉粒，再配埋香蔥蒜，真係回味無窮。由於朋友想吃粥，所以另叫一碗淨墨魚丸吃，可惜，湯底非常咸。反而墨丸河的湯底咸道適中，唔知何解。🐷肉丸粥：肉丸的味道並沒有滲入肉丸粥內，粥底很淡。至於肉丸，朋友一覺得出面的差不多。希望黃明記會搵到新的舖位繼續營業下去。不過我記得細個嘅時候，墨丸河內裏是有少少墨魚鬚附送的，現在已沒有了。 值得一提以前舊機場未搬的時候有很多機師空姐空少嚟幫襯。以前電視台亦經常在此舖取景拍攝電視劇，我記得見過陳妙瑛在始拍劇。

Located in Kowloon City, 黃明記粥粉麵家 (English name: Wong Ming Kee) has been serving noodles for decades. Their most popular item? The squid balls and pork balls. But I always seem to come here for fish balls and fish skin dumplings.We came here for lunch and there was quite a line. The place isn't very big but food comes out quickly so the wait isn't long. Menu is in Chinese. They have an English menu upon request. There is no 10% service charge. Boyfriend and I shared out toppings so we could try e

請容許我在這裡發表一件不公平嘅待遇，昨晚我去呢度買外賣，買完後在門口等侯我的外賣時，站在我旁邊已經有位坐輪椅嘅中年男人在門口似等待很久想買外賣，他禮貌地向呢度一位員工買外賣，可惜呢度一位穿着制服肥伴的女員工向呢位中年男人説，店舖10 點關門啦，唔接受外賣了，旁邊兩個年輕人都覺得過分，中年男人已等了很久，為何一直沒有理睬他，最後用藉口不做他的外賣呢？咁為何不一早不告知中午男人，累佢一直久等，而且為何繼續接受其他人的外賣呢？明顯地，這個員工有歧視這位中年男人坐輪椅，不想做他的生意，但他只是打工，老闆也有責任教導員工，為什麼香港係一個國際城市，仍然有這些歧視情況出現，經過昨晚親眼到這件事，我以後都不想幫襯這間店舖，希望是個別事件，大家幫襯時，不會遇到同樣事情發生。😡😡😡

黃明記係九龍城都已經好多年, 我都可以講係由細食到大!個人覺得最出色係個芝麻撈麵, 但有時覺得食芝麻撈有D dry, 所以依家多數會轉食牛筋撈麵, 再加多個雲吞外賣,雲吞無記錯好似都係6-7粒?仲要粒粒大大粒 啖啖肉, 所以黃明記係一個食宵夜既好選擇!

其實已經幫襯左呢間店好多年了由以前爸媽帶我去大排擋到佢搬左入舖我都有間唔中黎食下我記得以前已經覺得好好食到左今日我依然覺得係好味既唔識講個水準係咪保持到但至少我知道我會繼續黎食的今晚食左~墨蘇河呢個係十次黎九次必點的墨蘇本身唔多見而且呢度灼得剛好而且湯底好香呢個係出邊食粉麵食唔到既味道今晚係外賣無拎到辣椒油但就算無辣味都仍然覺得好唔錯

年輕時，死黨已是個愛吃的人，那時一儲起有些零用錢便帶頭吃東吃西。第一次光顧便是她領著來的呵。墨鬚粘，粘是銀針粉，爽滑。墨魚鬚份量頗多，大大條兼新鮮爽脆，很少有粉麵舖有得吃的。值得一提是湯底，因銀針粉和墨魚鬚本身都沒有什麼味道，而湯底就濃香，帶有葱、蒜味，令成碗墨鬚粘更惹味。四寶撈麵，有魚皮餃、墨魚丸、豬肉丸和魚蛋各2粒，墨魚丸非一般白色的丸子，而是較為有依依韌韌的咬勁。撈麵煑得剛剛熟，麵條爽爽的，很易咬切。芥蘭油菜，淥得軟腍，蠔油亦唔太鹹，一碟可以一人吃光。

朋友推介九龍城有間懷舊粥麵店，主打手工丸，今日試咗墨魚丸河粉，表面粗糙嘅墨魚丸充滿了墨魚鮮味及肥豬肉的甘香，河粉非常幼滑，正呢碗四寶粗麵，包括爽口彈牙的豬肉丸、多肉汁的魚皮餃、爽口彈牙的魚蛋及墨魚丸配上豬肉碎嘅湯底，令整碗粗麵增加了層次感，不愧為人氣粥麵店

慕名而來，下午點零鐘嘅時候剛好仲有一個卡位，兩個人點左四寶麵和四寶紫菜河，想試多啲唔同嘅丸，問夥計四寶有邊四寶，佢話有魚蛋、墨丸、魚扎和魚皮餃 (奇怪會有魚扎），所以另外點左豬肉丸拼雲吞，再加白灼腰潤。兩碗粉麵嚟到，並非夥計所講嘅四寶，碗河粉有兩粒豬肉丸、兩粒墨魚丸和兩粒魚皮餃 （居然冇魚蛋)，只係三寶。碗麵就有魚蛋、墨丸、魚皮餃和豬肉丸。兩碗都冇魚扎，反而有豬肉丸，如果係咁我就叫雲吞拼魚扎啦⋯⋯ 似乎四寶都係隨心，聽到夥計喺廚房話呢碗冇魚蛋喎⋯⋯ 所以都算啦，反正食完都覺得冇必要試咁多嘢⋯⋯小時候食開香港仔謝記，呢度啲丸始終都係比唔上，除咗謝記冇嘅豬肉丸，質素係唔錯，其他就有啲失望。食完一粒相信類似係墨丸，係淋嘅，有少少霉，冇口感，冇墨魚味。除咗豬肉丸係真係可以贏到其他地方，其餘嘅都係一般。比較欣賞啲河粉，夠幼夠滑，麵嘅份量都唔錯，加$3有紫菜都算幾抵，湯底多油，偏鹹，食完之後都幾口渴，有豬肉嘅雲吞亦都算有水準。驚喜嘅反而係白灼腰潤，質素非常高，幾爽口，有芽菜底，有點兒喧賓奪主⋯⋯

黃明記成日都聽啲朋友講話好好食要去食，但因為距離舖頭太遠，所以都冇去食過，有一天無意中見到有一段片介紹老闆娘怎樣整三寶丸，那種對食物堅毅的精神，真的令人深深佩服，所以二話不說，第二天立馬捉埋老公去食。可能星期六，去到長長的人龍，大概等了20分鐘。我們今次叫了雙丸麵、浄墨丸和腰潤麵。雙丸麵❤️- 豬肉丸與墨魚丸，細細粒口感一流，咬住下去，啖啖肉，尤其墨魚丸 ，煙韌得來又彈口，好耐冇食咁好味嘅墨魚丸。（相片為浄丸）腰潤麵❤️- 豬潤加豬腰，女士恩物，補腰又補血又補腎，兩者又是爽口非常，証明這裡的腰潤烹調時間處理得非常好，其實我第一次食腰潤，初期睇個樣，覺得佢怪怪的，老闆娘見我食剩啲豬腰，就叫我試一次先，佢話好辛苦整，功夫多，同埋唔係成日有得賣，旁邊的客人聽到也說：「這裏的豬腰是最好味的！」那我就試試，味道同豬膶差不多，但口感更爽，如果未食過腰潤，可以在這𥚃試一試。老字號又好吃的粉麵店買少見少，寫這篇食評前，已經食了好幾次，真心誠意推薦！❤️🌟😍

我諗大家約上去九龍城都係食泰國嘢居多但係除咗泰菜九龍城仲有好多小店值得去幫襯已經係香港絕跡嘅人情味仲係呢一區裡面搵到仲可以週圍探索周潤發 發哥嘅行蹤就好似呢間位於九龍城邊皮嘅黃明記區內扎根四十多年 真係又細食到大佢地最出名嘅手打墨丸同墨鬚食過一定返唔到轉頭有時仲癲到特登出九龍城買佢地嘅墨丸返去打邊爐自97年啟德機場搬咗之後 九龍城可謂風光不作難得小商户終於捱到沙中線差唔多通車之際政府宣佈開展九龍城啟德道重建項目影響約40個地舖 當中包括黃明記 須在兩年內覓地搬遷或結束生意所以真係食一次少一次

相信有好多人都對黃明記唔陌生 特別係有好多人特登揸車過黎食 每一次經過黃明記都有好多人排隊 今晚遲咗放工 於是獨個兒去品嚐去到黃明記大約晚上9:30 雖然門口唔使等位 但係餐廳內全部都已經坐滿 我知道黃明記最出名食墨丸墨蘇 不過今晚想食清少少 於是叫左個魚蛋麵再加一碟油菜魚蛋幼麵 $34幼麵好彈牙 而且冇好濃的鹼水味 正正啱我心意 而且有三粒大魚旦和三片魚片 唔知係咪太肚餓 一陣就已經食晒 芥蘭 $17今晚試菜有芥蘭和生菜🥬 我就叫左芥蘭 芥蘭好新鮮 原來可以選擇蠔油或者加牛腩汁 下次可以試下

今次不是第一次嚐試，不過是第1次寫返食評，數唔到係第幾次食，不過食過就知一定唔會淨食一次，一定返轉頭食呀！門面舖內舖外均非常乾淨，衛生程度一讚！光線充足，比人感覺係一間有實力，口碑的老字號！MENU除了經典的魚蛋，丸，牛腩外，仲有粥，不得不提是出面好少搵到的粘！（類似銀針粉）食物是次吃必點的墨丸墨蘇粘！外賣的話老闆娘推薦唔分湯，因為粘索下D湯會更好味！再點一個豬雜米粉，老闆娘建議分湯；果然！返到屋企米粉依然根根分明，絕無"焗壞"！湯底仲好鮮味

老字號，食足甘多年店内唔大，但次次都滿坐要等位好就好在，每次都唔需要等太奈（大約5～10mins左右就有位啦）竹竹一坐底都系叫番墨丸墨鬚河（多葱），都好快就黎到啦香噴噴的~再加埋佢地家嘅辣椒油主角登場墨魚丸 （細滑香）墨魚鬚 （有咬口）食河粉/麵必叫小食 - 炸魚皮脆卜卜一大碟，最岩同朋友share食，當然自己食哂都得啦，熱氣姐😂😂😂次次黎食一碗都唔夠😂所以會叫多一碗淨墨魚丸或者墨丸麵啦佢地家啲麵好好味，有些少咬口而唔系一舊林哂嘅除左我鍾意食嘅以上食物之外佢地家仲有生滾粥/撈麵/其他丸嘅麵嫁都好多客人會叫嘅，下次經過可以試試