黃記煌三汁燜鍋 (已結業)

近排天氣凍返又好想食辣野。朋友知我鐘意食辣，就介紹左我黎試呢到既麻辣燜鍋。好興奮！黎到發現餐牌仲有唔少小食選擇。我同男朋友就叫左麻辣土豆絲和尖椒皮蛋作為前菜，為稍後的麻辣鍋作好準備味道好正，辣辣地非常開胃。麻辣土豆絲尖椒皮蛋我地叫左牛氣麻辣燜鍋(小辣)。牛氣麻辣燘鍋裡頭有牛仔骨、西冷扒加上其他配菜例如蔬菜和薯仔。呢個麻辣燘鍋食法好特別，我地要先食完牛肉餘下配菜後，才係鍋上再之後用黎打邊爐。感覺幾新穎。講番味道方面，個鍋一黎到就聞到一陣辣味，真係冇諗過小辣都會咁辣！不過真係好好食牛肉鮮嫩、配菜新鮮，辣度十足，喜愛食辣嘅朋友一定喜歡！食完牛肉，我地就跟指示加水，個燘鍋立即變左個麻辣火鍋。我地放之前叫左嘅火鍋配料，有脆皮芝士腸同鮮蝦，正！呢間餐廳仲有一個特點，就係同許留山合作，令客人可以叫一d許留山嘅甜品同特飲。我地當然唔會放過啦！粒粒芒果西米&芒果奶西第一次食麻辣燜鍋，開心又刺激。非常滿足。值得再黎！

今日和朋友往尖沙咀黃記煌三汁燜鍋食燜鍋, 我們點了海鮮大軍燜鍋, 三黃雞件、白鱔片、讚歧烏冬和可樂。海鮮大軍燜鍋我們點了小麻辣, 海鮮大軍燜鍋有紅魚柳、白蝦、墨魚仔、廣島蠔、西芹、洋蔥和紅羅白。職員先奉上一個紅色的樽, 個樽叫六寶盒, 盒內原來是海鮮大軍燜鍋的材料, 採用無水方式烹調, 確保食物食出食物營養和鮮味,之後職員先後將食材, 麻辣醬、酣和莞茜放往鍋內燜煮, 燜鍋賣相吸引, 很有特色, 約5分鐘後便可食用, 紅魚柳肉質鮮甜味美, 白蝦和墨魚仔食落新鮮彈牙,廣島蠔食落鮮甜味美, 配菜西芹, 洋蔥和紅羅白食落爽口, 小麻辣辣度適中, 莞茜配上海鮮一起進食能食出海鮮的美味；食完燜鍋內的海鮮, 之後我們便將三黃雞件, 白鱔片和讚歧烏冬放往鍋內；三黃雞件, 雞肉肉質鮮嫩, 食落啖啖肉；白鱔食落新鮮爽脆；讚歧烏冬食落爽口；燜鍋很有特色, 將所有材料集中在鍋無水烹調, 很入味, 好好食；餐廳座位舒適, 食物美味, 我和朋友食了一頓美味特色的燜鍋。

收工係尖沙咀行街，想揾啲岩4個人食既餐廳。但又唔想食雞煲，打邊爐又有啲悶，朋友就提議黎黃記煌食燜鍋！上到黎員工都好好服務同好nice。首先嗌左啲涼菜開下胃先，我地嗌左皮蛋同土豆絲，皮蛋好驚喜！個醬汁好入味個蛋好滑，土豆絲好爽口！哩到仲有酒嗌，我地都嗌左支柚子酒飲，仲好細心，怕我地覺得太濃，跟埋一桶冰上比我地用！重頭戲當然係個鍋啦！我地有人唔食辣，所以嗌左兩個鍋，一個麻辣汁既石班鍋，一個海鮮汁既海鮮鍋。個外型好得意，好似舊時皇帝啲野食咁！店員仲會過黎幫我地落醬搞勻佢，好好服務海鮮鍋個醬汁好夾，仲有好多海鮮，份量都好多，蠔、蝦、扇貝都有齊！啲海鮮食極都仲有，好飽呀～石班鍋同麻辣汁好夾，啲魚仲好滑！唔食開辣既我都忍唔住爭住食！食哂鍋入面啲野之後就當然要打下邊爐啦！除左嗌下啲丸同菜，打邊爐又點可以唔嗌牛？我地嗌左個牛既拼盤，啲牛掛哂上去好得意！哩到仲有得嗌許留山飲！一人整個多芒小丸子，非常滿足！唔想就咁打邊爐，又食厭左雞煲，食下燜鍋的確係個好選擇！仲有咁多個鍋有得揀，下次試下牛魔王鍋先！

餐廳位於尖沙咀金馬倫道出口行幾分鐘就到趁冬天黎食個魚鍋就好正紅魚柳燘鍋 $258餐廳有新嘅食法就係無水烹煮 先吃後燙材料及湯料以一個八寶盒形式上枱入面已經包括晒所有材料同調味店員即席喺你面前烹煮魚鍋先落油 再加上蔬菜同魚柳 烹煮約5分鐘打開蓋加入杞子酒同醬狀湯料再焗三至四分鐘加入芫荽就食得魚柳保持鮮嫩醬汁香濃食完魚樓同蔬菜 即可以加湯打邊爐美國安格斯牛小排 $178牛小排有別一般切法 用上厚切牛味香濃 好有質感蔬菜拼盤 $78食咁多肉 要叫返碟蔬菜黎解膩手工丸雙拼 $69丸類方面主打手工自家製雙拼包括手工鵝肝蝦丸同手工松露墨魚丸鵝肝同蝦味都非常配合 好邪惡墨魚彈牙 松露味香濃芒椰奶西 $29/杯餐廳特飲係許留山出品 飲到最特別嘅芒椰奶西銀菊露 $48/壺銀菊露味道甘甜 並非一般只有甜味嘅銀菊露降火清熱 打邊爐飲最啱

尖沙咀少有即特色火鍋一鍋大約為二人份量多款口味任選 食材煮好左就食得之後仲可以加湯打邊爐㗎三黃雞麻辣鍋(小辣) $188店員將食材一層層咁樣放好係雞鍋入邊加入杞子吊味然後就燜煮大約10分鐘一揭開嘅時候香氣撲鼻 令人流晒口水雞肉都幾嫩口 而且唔會太肥美國安格斯牛小排 $178呢度嘅牛肉係好厚切嘅所以食起上嚟有d唔係太習慣不過牛肉肉質非常高質牛味亦都好香濃手工丸雙拼 $69手工鵝肝蝦丸加上手工松露墨魚丸兩款各具特色 而且爽口彈牙松露同鵝肝超級香 都係邪惡之選芒椰奶西 $29/杯另一特色就係呢度可以飲到許留山嘅飲品好耐冇飲過嘅芒椰奶西 芒果非常清甜

天氣又轉涼，朋友點名要求到這裡飯敍。第一次食燜鍋，發現其實同雞煲打邊爐差不多，但就有更多選擇，除了雞，還有魚、海鮮和牛肉，又可以自行選擇醬汁。餐紙上說明了先吃然後加湯，再打邊爐。朋友很策略性的提議先點了三黃雞燘鍋，因為知道份量大，先吃雞，然後再看看我們的「胃容量」才點火鍋配料。上菜的容氣超特別，似是一個花瓶，但其實每一層都放了燜鍋要用的食材。店員先把配菜類如洋蔥、蒜頭、青椒等放進鍋内，顏色鮮豔。然後再很有心機地放已調味的雞件，整整齊齊，份量極多，難怪朋友提議先吃了雞再決定吃其他。食材全放進鍋後，會先蓋上，燜一會兒，鍋蓋的造型富中國色彩。本想吃麻辣鍋，但朋友之前試過，想試招牌咸鮮汁，初時以為汁是雞的調味汁，但原來「花瓶」的最後一層，就是我們選的汁。店員有點像表演似的很用力地把很濃稠的醬汁攪拌，然後加入鍋裡。再等一會，就可以起筷！雞件嫩滑，洋蔥、南瓜等配料吸收了雞的精華也都好味！也因為份量太大，我們最後只點了兩個蔬菜作打邊爐用。值得注意的是：這裡的甜品是許留山出品！常說甜品有另一個胃，我點了多芒西米撈。朋友點了多芒小丸子，絕對是這餐的一個美好總結。

喜歡吃魚的我常常周圍找魚的菜式，今次朋友介紹有魚之餘仲有我最愛的辣當然捉男人同我去試啦。去到沒想到仲有許留山食十分特別，我地最後選擇了魚的小辣和男人最愛的牛肉來吃!~ 好特別喎，等了一陣來的是幾層似一個花瓶東西，原來是一層層食品和醬料，仲會係面前即時整出來，落完菜再加魚之後再加醬煮，大約二十分鐘就可以食。 沒想到這個原條黃骨魚燜鍋份量會咁多，有驚喜!~最後仲要差點吃不完添，魚的肉質好嫩滑而且骨十分少，醬汁好味又吾會好咸帶點辣十分好，除了魚好食之外配菜都好出色，特別入面有蕃薯入晒味，正。差不多食完會吾會覺得好口乾同咸，之後就加水等食打邊爐。這裡除了免費的檸檬水外，當然都是一個西瓜汁，不太甜又足料，好清甜。 打邊爐配料牛肉最後選擇了安格斯頂級肥牛，份量十足口感不錯，價錢都合理。而我最愛的三黃雞件沒有令我失望，雞厚身又滑，都幾大份，最後仲要食吾晒添，都已經十分飽肚。

上星期相約朋友去吃另類的火鍋，不是一般的火鍋，是燜鍋。自選燜鍋點選了廣島蠔、白蝦、大腸、石斑魚柳，選了鹹鮮汁職員會一層一層把食材放進鍋裡燜煮不過當日果位職員有點粗心大意，弄髒了我的衣服再加醬汁後燜煮一會就可以吃。燜煮期間先吃點前菜，鴨血的味道不錯。燜煮完成，廣島蠔，白蝦幾新鮮，白蝦夠爽彈。吃完燜鍋可加湯轉吃火鍋，手打雙拼丸夠彈牙。鮮腐皮十分好味。這裡有個特色是可以同時點許留山的甜點，喜歡芒果的不能錯過

早前上大陸已見有過這類的燜鍋 想不到也開到香港來，前陣子特意跟家人上來試試看 重點是可以同時吃到許留山飲品跟甜品 燜鍋也有不少選擇，更有麻辣鍋可選家人不吃辣，只選了海鮮自選燜鍋配招牌鹹鮮汁層隔載著幾種不同的材料然後服務員逐層逐層的打開，再將各樣的食材放在鍋中第一層是蔬菜配料，第二層就是海鮮，最底層是醬汁蔬菜配料也有不少燜鍋就是以無水烹調，保持食材最原汁原味加上海鮮跟醬汁再焗本來以為醬汁會很鹹沒想到剛剛好，相信麻辣會更好吃！蝦也來得爽口最後加湯打邊爐炸魚皮手打雙拼丸松露墨魚丸有咬口，帶點松露香味最後點了甜品，劃上完美句號食物的確不錯，但店內人手不足，服務也有待加強┃店家資訊┃尖沙咀加拿分道16號金輝大廈1樓電話:26565178 如你喜歡,請給個LIKE^^ DULL LIFE宣傳你的專頁

星林居屹立多年，其實負評甚多，不知為何，赫然一看發現原來樓上開了這家餐廳。這間黃記煌，與平時的雞煲不同，點餐後，有一名員工拿着好像寶塔的東西，這個稱為「六寶盒」，每層小盒子包羅著各種營養元素，滋補膳食，保存食材營養成分及帶出原有鮮味。據店內有指，先放底油、再鋪上底料、擺放主料、拌醬汁、鋪上醬汁、然後燜製。內裏裝有調味料、然後另一層就裝起一些配菜、然後另一層再裝起三黃雞，當雞在煲內煮了一會兒，差不多熟了幾成，店員便會把醬汁撈勻然後倒到雞件上面。合上蓋子煮數分鐘，結果，煮完小麻辣的三黃雞，味道也挺香濃，但是辣得來有不會一味死辣；亦都可以看到其他配菜：有紅蘿蔔、西芹、椒、洋蔥、以及蒜頭粒，提供大量香味。雞肉煮完都不覺老，吸收辣味及香料味道甚濃，不覺死辣。因為這個三黃雞煲裏面，都已經有不少雞肉，因此，吾等再外加的食物，就是點了腐竹、冰豆腐、娃娃菜、以及午餐肉。午餐肉大大份，而且算是相當厚切，做食肆就最棹忌太過吝嗇，因為很多時你去吃早餐，都會發現午餐肉切到非常之薄，但是這兒的午餐肉，可能有兩三隻筷子的厚度，之後煮完，軟林得來帶點肉感，相當不錯。而腐竹以及冰豆腐，都比較吸味，因此吃上來味道就會比較

冬天，就是打邊爐的好日子 食厭了雞煲，今次來點新意 這個黃記煌，看地址的話實在很難找 因為地址是加拿芬道，但入口卻在金馬倫道，門口還是小小的 要不是我在尖沙咀混熟了，很容易錯過呢~ 雖然門口係小小的，不過上到黎地方是大大的~ 估計這裏是新裝修，環境很不錯，乾淨企理，座位寬闊~ 這裏嘛，最出名係一種無水烹調的三汁燜鍋 無水的，先吃鍋內的肉，食一半後才加打邊燼 而鍋也是不止雞鍋，還有牛，雞，魚，海鮮等等..... 原個三汁燜鍋的份量很大的，我們3個女孩子，吃不了那麼多呀 於是就揀了這種2人用的麻辣鍋~ 牛氣麻辣燜鍋 (小辣) 牛氣鍋內有牛仔骨和西冷扒，而且份量係超級多的~ 就是鋪得滿滿的肉呀~ 因為無水烹調，所以肉唔會韌，牛仔骨和西冷扒都好淋，好入味~ 而且辣得黎唔會死咸~ 肉底下鋪了粟米，薯仔和雞脾菇，吸收了肉的精華，亦中和肉的滯~ 辣味很香，因為真的很多花椒八角乾辣椒，真材實料的辣香 雖然叫左小辣，但辣味實在很刺激，我覺得係平時食既中辣呀 不太食得辣的朋友訂單時請叫小小辣呀~ 食到一半肉後，我地將D肉撈起，加水入去打邊爐~ 雖然加左水，不過辣味依然很強勁呀~ 因為鍋

今晚收工冰冰凍，好想暖下個胃，和同事一齊去打邊爐，尖沙咀有間黃記煌 佢嘅燜煮鍋非常出名，一想到就急不及待地衝上去。一個海鮮麻辣燜鍋，大大隻虎蝦吸盡麻辣香氣，爽口辣甜。鮮香紅魚柳同樣滿載麻辣香，又不失魚柳嘅滑溜。墨魚仔夠爽脆，一整鍋份量十足。另一個牛魔王燜鍋配招牌 鹹鮮汁，呢個醬汁頂呱呱，鹹香四溢，每一件牛件比個醬汁慢慢燜煮，原汁原味，好食到停唔到口。食完牛件後再加上湯 繼續添食，我最愛嘅鵝肝蝦丸爽口又彈牙，鵝肝配搭蝦丸鮮上鮮。另一個松露墨魚丸同樣吸引，散著松露芳香，墨魚丸爽滑蜜味香甜。另一款墨魚丸都不遑多讓。飲品都不遑多讓，一杯芒椰奶西同芒椰芒果爽，各有千秋，食材新鮮不在話下，加上大師調配嘅功力 真係功不可沒。MENU

本身想去星林居食米線，點知發現左呢間新餐廳，平時食得打邊爐多，就冇咩試過炆鍋，咁就試下啦!入到餐廳，地方好乾淨，好衛生。我地坐左個卡位，而每張枱都有個鍋準備好，感覺都很專業! 而個鍋方面,我哋見到其實好多選擇。無論你揀咩乜嘢味道好，主要有雞鍋牛鍋同埋石斑鍋。但係見到佢新出咗個麻辣鍋,就好想試下!其實我哋好似大部份香港人，我好鍾意食麻辣，但係又唔係食得好辣。好在佢有得揀小辣中辣同大辣。咁我哋就揀咗個小辣。落單之後店員會你枱上面嗰個窩拎入廚房即刻整個炆鍋，一定保證唔係整左先。然後，上菜嘅時候我哋見到成個鍋都好足料，但係同時都驚好辣。等佢滾咗之後，就可以開始食啦。雖然個鍋個樣好紅，但係食落個感覺唔會真係得麻味。因為好多配料嘅關係，食落真係好惹味,加埋牛小排同牛仔骨嘅厚度同口感，同平時食麻辣肥牛好唔同，感覺真係似平時食四川小菜的風味。個鍋仲係冇加水炆,所以麻,香, 辣,鮮都出曬黎。食到咁上下,就可以加湯落其他配料。我地兩個人就叫左手工松露墨魚丸,鴨血,鵝腸同珊瑚蚌. 四樣配料都比我地想像中大碟,好抵食.特別係手工松露墨魚丸同珊瑚蚌。手工松露墨魚丸真係好鮮好夠味,其他火鍋店都唔會有! 每一粒都係

路過又凍凍地想打邊爐，咁岩見到原來呢度有一間新開嘅鍋燒餐廳，原來依家火鍋都有一個新嘅食法，就同朋友上來試吓！我哋叫咗一個牛肉炆燒汁鍋，等咗大概15分鐘，職員捧住啲一盤紅色嘅材料到來，而且將材料一層一層放落鑊中去炆！首先第一層係蔬菜嘅配料，有蘿蔔，芹菜，蕃茄，杞子同南瓜等食材。然後就到主角牛肉，有牛小排，牛仔骨等，鋪到成個鍋面都係！份量好多！以2百蚊左右嘅價錢算係十分超值！鋪完之後職員再加一點調味料，然後就慢慢炆熟。我哋揀咗海鮮特製招牌醬汁。炆熟之後好香！牛肉好入味！最緊要牛肉唔太肥，有咬口！正！食完牛肉加上湯入去鍋入面就可以用來打邊爐！海鮮拼盤好豐富！而且亦算新鮮。個人應為水餃比雲吞好吃。另外粟米超甜！金菇冇咩特別。最驚喜嘅係可以響度食埋許留山嘅甜品！唔使轉場咁麻煩！好方便！

內地過江龍又多一間餐廳在香港開分別，黃記煌在中國全國也有不少分店，香港第一分則在尖沙咀。三黃雞麻辣燜鍋 ($188)，食法似食雞鍋，先食完雞，再加湯打邊爐。這個麻辣燜鍋其實真的很辣，自己一向食米線食二小辣，但食這個雞鍋點了小辣都覺得超辣，中間要飲西瓜汁止辣。鍋內除了有雞外，另有粟米、紅蘿蔔、菇等、大量紅椒花椒等配料。雞肉偏結實，少脂肪，除雞皮外，中間甚少脂肪。食完雞鍋會加清湯再食火鍋，加入清湯後，辣度大大降低，由超勁辣變成正常辣。要了個澳洲霜降牛面頰肉($198)，霜降牛已經是較矜貴，現在更是正正用上牛面頰，更是少有。牛味會較一般的肥牛濃郁，肉更有彈性，中間的脂肪層熟了後會似一層薄薄的啫喱。記得要叫西瓜汁，一邊食辣辣鍋，一邊飲西瓜汁，飲品特別美味甘甜。而且這是鮮榨西瓜汁，可食到啖啖西瓜肉，一jar可倒出大約4小杯。