點一龍 (如心廣場一期)

营业中

休息中

放假，見天氣唔錯，一早就去左荃灣行街，早餐就揀左呢個有點心同台式早餐既舖頭食😋一入去，店舖既裝潢都唔錯，好有氣氛，由其是天花板既燈籠，都好靚！餐牌上面有一盅兩件早餐同埋台灣口味既早餐，岩曬唔同人既早餐選擇～我同朋友比較新派既就揀左台式，有一個就揀左一盅兩件，大家share食試下上枱先飲品，我地叫左2杯低糖凍豆漿同埋1個茶（普洱茶）豆漿唔太甜，岩曬我地呢d想減肥既人，有淡淡既豆味，好難得仲有好飲既豆漿呀！茶具好靚，雖然係袋裝茶，但茶香撲鼻，真係有去茶樓飲茶既感覺～到左野食上枱了，蛋卷好靚，好細心切到細細件方便食，蛋餅皮唔太厚，入面仲有煙肉、粟米同蛋，配埋個醬汁岩岩好，唔會咸同膩再黎都係台式早餐，肉鬆荔芋多士，淡得黎有小小甜的荔芋泥配埋咸咸地既肉鬆，同埋哄到脆既多士夾住，真係好有層次感呀！咸甜既組合都好夾，令人喜出望外跟著就係d中式d既點心同埋盅飯到啦～首先出場既係蟹子小籠包，皮薄餡多，d肉仲有肉汁，再加上蟹子，就算唔點醬汁就咁食都好味同埋夠曬鮮味仲有個盅飯，排骨好腍好軟綿綿，鳳爪好夠味同埋好香，成個飯就算唔淋豉油都好夠味，但始終都係淋小小先有酒樓個感覺🤣最後，仲叫左個楊枝甘露做甜品，以

早上在荃灣如心酒店做完嘢在商場逛了一會兒 再去了點一龍食早餐😋😋早餐選擇有一盅兩件早餐及台灣味道早餐幾款台式早餐都幾吸引我😊😊A 古早味蛋餅$42有四種餡料選擇我揀咗肉鬆鮪魚蛋餅 (吞拿魚)粉皮很薄及很平均😋而口感是很軟軟嫩嫩的😋C 大腸貢丸麵線$48香濃入味😊而勾芡適量啱我不會太糊口的😊😊我唔鍾意落超多粉打芡嗰種質感😆😆沙茶醬及芫茜蔥可自己再加落去我覺得味道都好夠了所以沒有再加醬料😁包餐飲低糖凍豆漿 柑橘蜂蜜綠茶本身都幾鍾意呢間荃灣分店 因為餐廳很寬敞而且餐桌距離 較寬闊坐得尚算舒適在這裏慢慢嘆番個早餐係舒服嘅😁😁👍👍另加一服務費99/2人

這次再次經過荃灣點一龍，一於進去試一試點一龍早餐套餐的質素如何。在店外已經可以看到早餐的餐牌，主要配搭為一個主餐+一杯飲料，大約$38-$48進去之後，檯面已經放好餐具，非常整齊。店裡會提供口罩套讓我們放好口罩除了早餐套餐之外，還可以在點心Menu叫其他的點心，最後決定了要試一下古早味蛋餅和大腸貢丸麵線，不過古早味蛋餅的皮不夠脆，如果可以再脆一點就更Perfect了！大腸貢丸麵線可以配上沙爹醬，有少少辣更加惹味，每個早餐套餐可以送一杯冷/熱飲，選擇了柑橘蜂蜜綠茶和檸檬茶，柑橘蜂蜜綠茶是低糖版的，適合減肥人士（就是小K！）最後點了一個甜品（楊枝甘露），西米的口感與平常吃的楊枝甘露不同，有一點爽爽的感覺。

❣️點一龍台灣風味早餐❣️送左小兄妹返學🎒行返屋企嘅時候竟然見到點一龍出左台灣風味早餐🥣話說我真係未去過台灣😆成日聽到人講台灣嘅古早味蛋餅好好味😋如果有機會去台灣一定要試吓😜而家機會就係眼前😍唔使搭飛機都可以食到😛有ABCD四款唔同嘢食揀😍仲有好多唔同款式嘅配搭👍🏻我就揀咗期待已久嘅古早味蛋餅！配芝士粟米再加埋肉鬆😛雖然佢係一條不過份量都好多！一共有六件！柔軟Q彈既蛋餅！包住勁多芝士、粟米同埋肉鬆！側邊仲有甜甜嘅醬汁！一啖咬落去多重口感😍套餐嘢飲都有唔多選擇！豆漿、綠茶、奶茶、檸檬茶汽水、中國茶！我就揀咗柑橘蜂蜜綠茶！呢個係凍飲嚟嘅飲落少少酸少少甜好好醒神😍姐姐話佢超級肚餓所以佢揀咗大腸貢丸米線🍜另外仲有一碟芫荽同埋咖喱醬自己配搭！佢個咖喱醬好開胃！貢丸彈牙！大腸都好爽口😁米線係幼身果種！食完超級滿足😃最驚喜嘅就係佢杯凍奶茶超級大杯！姐姐以為我幫佢叫咗加大🤣茶同奶嘅比例啱啱好！飲落唔會好甜😚食完早餐返過去隔離楊屋道街市買餸然後返屋企！簡直就係Perfect😍

有冇諗過飲中茶食點心都可以同英式三層架下午茶聯想埋一齊？當知道點一龍有得食下午茶點心三層架，立即就約好姐妹黎high tea☕除左點心三層架上點心，每人仲有得揀一客原隻鮑魚雞粥或者鮮蝦雲吞麵，我地兩個都揀鮑魚雞粥，鮑魚唔算大隻不過煮得夠軟，但估唔到佢個雞粥味道好鮮味，仲食到有好多粒香滑雞肉，粥身都煮得好綿，食到底都唔會變得水稀稀，真係好少遇到咁高水準嘅粥。食完粥就開始逐層進攻點心！最底層係蒸點心，有晶瑩海蝦餃、杞子鮮蝦燒賣、幸運小水母、蟹子小籠包。蝦餃燒賣味道唔錯，蝦肉夠爽口彈牙，蟹子小籠包超多湯汁好好食。最可愛嘅幸運小水母係南瓜味，外皮入面係蒸魷魚同蝦，鍾意食蝦嘅一定好滿足，四籠點心有三款都蝦🦐🦐🦐中層係香脆點心，有海蝦長春卷、苦盡甘來(涼瓜牛肉酥)、金黃素鍋貼、蓮香惜玉煎包子。春卷外皮夠脆，鍋貼同煎包子煎得唔算好燶，比較健康。涼瓜牛肉酥雖然外型無苦瓜，但其實係好香嘅綠茶外層，中間係夾住香酥嘅牛肉同唔太苦嘅涼瓜，係一道造型精緻又味道層次豐富嘅中式點心。上層係甜點心，有斑蘭馬拉糕、果仁腰果酥、紅棗小魚子、芝麻小卷。食到最頂層，到我最鍾意嘅甜點，果仁腰果酥好適合一邊飲茶一邊傾計慢慢食，芝

成日都食西式下午茶都覺得有啲開始悶啦，所以呢今日就試吓中式嘅三巡下午茶，其實都係中式嘅點心，不過擺盤同埋精緻度就提高左，三層中有鹹點甜點，分別有斑蘭馬拉糕、芝麻小卷子、紅棗小魚子、炸春卷、小籠包、金黃素鍋貼、晶瑩海蝦餃、鮮蝦燒賣、幸運小水母等等，每一道菜都非常精緻，當中我最喜歡就係小籠包同埋蝦餃等等最地道嘅中式小點，套餐中仲會送埋鮑魚繼續或者鮮蝦雲吞麵，份量真係超級足，每位都只係$128，CP值來講爆燈，以食物質素來說中上，座位非常舒適，環境亦都乾淨寬敞，服務態度不錯，而且一次可以試晒咁多唔同小點，滿足晒平日食點心驚食唔晒只能夠點少少嘅慾望。

😍好靚 真係少女心爆發！今次去點一龍食下午茶好似去咗hightea咁！因為作地最近推出左「下午茶點心三層架」$128 任食！又好睇又好食❤️第一層-甜點心 斑蘭馬拉糕、果仁腰果酥、紅棗小魚子、芝麻小卷第二層-香脆點心海蝦長春卷、苦盡甘來(涼瓜牛肉酥)、金黃素鍋貼、蓮香惜玉煎包子第三層-蒸點心晶瑩海蝦餃、杞子鮮蝦燒賣、幸運小水母、蟹子小籠包另外每位仲會贈送 原隻鮑魚雞粥 或 鮮蝦雲吞麵話說佢哋另外仲有「點心放題」有好多點心🥧糕點⋯包括瑤柱雞球粥、海蝦脆春卷、黑蟹子小籠包、幸運小水務、間瑩海蝦餃、雪影金腿叉燒包、薑茶湯圓、生磨芝麻小卷等等多達幾十款點心糕點🧆可以任食😍好靚 真係少女心爆發！今次去點一龍食下午茶好似去咗hightea咁！因為作地最近推出左「下午茶點心三層架」又好睇又好食❤️第一層-甜點心 斑蘭馬拉糕、果仁腰果酥、紅棗小魚子、芝麻小卷第二層-香脆點心海蝦長春卷、苦盡甘來(涼瓜牛肉酥)、金黃素鍋貼、蓮香惜玉煎包子第三層-蒸點心晶瑩海蝦餃、杞子鮮蝦燒賣、幸運小水母、蟹子小籠包另外每位仲會贈送 原隻鮑魚雞粥 或 鮮蝦雲吞麵話說佢哋另外仲有「點心放題」有好多點心🥧糕點⋯包括瑤柱

約咗好友去飲下午茶，有人話想食點心，但係又要有啲新意。記得早前有朋友去咗荃灣「點一龍」品嚐新出嘅下午茶三層架，見啲點心賣相幾精緻，而且鹹、甜、脆點兼備，應該啱我朋友口味，一於試下。點心用咗個英式三層架盛上，每層都有四款。第一層甜點，包括有：斑蘭馬拉糕、果仁腰果酥、紅棗小魚子、芝麻小卷。馬拉糕賣相好精緻，外形的的骰骰，質地香甜鬆軟，視覺和味覺都很清新。果仁酥非常香口，面頭的腰果同夏威夷果仁入口脆卜卜，一啖一粒，令人回味無窮。錦鯉造型嘅小魚子堅搶眼，質感軟糯清甜，入口散發住紅棗的芳香，一點也不黏牙。芝麻卷煙韌彈牙，黑芝麻味好濃，入口甜而不膩。第二層香脆點心有：海蝦長春卷、苦盡甘來(涼瓜牛肉酥)、金黃素鍋貼、蓮香惜玉煎包子。長春卷熱烘鬆脆，中間的蝦肉彈牙味鮮。牛肉酥外皮以綠茶炮製，茶味柔婉回甘，配上苦瓜外形同牛肉餡料，香口又美味。鍋貼用料好足，入面塞滿了蘿蔔、芹菜、木耳、冬菇粒等，入口皮薄香脆。蓮香惜玉煎包掌心大小，面頭黏滿了黑白芝麻，入面嘅豬肉餡好鬆化，吃時仲會咬到粒粒蓮藕，味道有層次。第三層蒸點心有：晶瑩海蝦餃、杞子鮮蝦燒賣、 幸運小水母、蟹子小籠包。蝦餃外皮做得好薄，望落晶瑩剔透，一口

早幾日行過見到點一龍新出咗三層點心下午茶tea set $128位🫖今日一於試吓，餐廳闊落坐得舒服Tea set送嘅鮑魚雞粥同鮮蝦雲吞麵，雞粥好入味，仲有原隻小鮑魚雲吞麵都好彈牙Tea set 賣相好靚，上層係甜品，中層係鹹點，底層係蒸點心，款式相當之多，份量非常足夠抵食蒸點心夠熱，每件賣相好靚，蟹子小籠包皮薄多湯汁好味幸運小水母，造型好可愛，皮薄多餡料鹹點炸春卷入口夠脆，另外綠色嘅係苦瓜造型，其實係苦瓜牛肉配上酥皮幾特別甜品整體唔會好甜我鍾意，斑蘭馬拉糕入口鬆軟有微香味～推介果仁腰果酥新鮮製造，食得出好鬆化

放半日假 又去荃灣行下食下野經過點一龍 職員介紹有任食同下午茶set見唔算太肚餓 就揀左每位128嘅三層tea set試下點知三層架都咁多野食嘅平時點一龍叫一個點心都幾十蚊我冇諗過128嘅份量會多到咁🙈每位可以自選一個主食鮑魚雞粥粥底好綿 仲有原隻鮑魚同幾件好嫩滑嘅雞肉鮮蝦雲吞麵有三大隻雲吞 入面有原隻鮮蝦 好爽口麵質彈牙 三層架有蒸點心 香脆點心 甜品最底一層係4款蒸點心晶瑩海蝦餃勁大隻海蝦 好鮮味蝦餃皮偏厚 有咬口 我鍾意蟹子小籠包皮薄餡靚 食時要小心湯汁爆發杞子鮮蝦燒賣好足料 豬肉鮮蝦花菇杞子配埋特製辣油一流幸運小水母入面餡料同樣係蝦 加入調味 比鮮蝦餃惹味外型可愛趣致第二層就係香脆點心有生煎包 煎素鍋貼 海蝦春卷 涼瓜牛肉酥當中最最最推介海蝦春卷我地擺左好耐先食依然熱辣辣 非常香脆 苦盡甘來呢個係苦瓜牛肉酥造型別緻 整到苦瓜咁 口感近似牛油皮 又香又鬆脆 但就唔係好食到苦瓜味最上層係甜點芝麻菲林卷口感幼滑 果仁腰果酥又夠香口紅棗小魚子紅棗味濃 非常煙韌有彈性另外叫左職員推介必食嘅楊枝甘露真係好得呀勁足料 勁多芒果同柚子肉最特別係佢嘅西米同平時食開嘅唔同佢係爽口嘅 即係某出名糖水

服務極差，企門口一段時間，冇人招呼，當你透明，要叫"唔該"幾次才，先有人回應，冇人帶位，要自己搵坐，坐低又冇人招呼，冇人問你飲咩茶，當時好多空位，職員得二位做野，最後坐左太耐，無人理會所以走左，走時仲要同我講多謝，以為是吃飽埋單走。

平日嚟到都如心廣場冇咩人～難得放假就去食個下午茶😉呢個下午茶份量一啲都唔細 完全可以食飽架😜而且價錢好合理～下午茶點心三層架（$128/位）（星期一至五1430-1800）第一層斑蘭馬拉糕 果仁腰果酥 紅棗小魚子 芝麻小卷斑蘭馬拉糕細細件好得意 不過斑蘭味可以多少少😛果仁同埋腰果酥各兩塊 食落好脆👍🏼紅棗糕建議大家嚟到就食咗先 因為熱食口感比較好 煙煙韌韌 而且好重紅棗味😍 而芝麻卷都好香黑芝麻味 啱晒鍾意糕點嘅客人！第二層海蝦長春卷 苦盡甘來（涼瓜牛肉酥）金黃素鍋貼 蓮香惜玉煎包子春卷好大條 而且入面隻蝦好新鮮又大隻 春卷皮都好脆😍😍 涼瓜牛肉酥幾特別 造型得意 外面嘅酥皮鬆脆 帶有少少苦瓜嘅甘味😉 鍋貼係素嘅 有啲似粉果嘅餡料 鍋貼外皮都香脆❤️ 而生煎包都細細個 如果多番啲肉汁就更好😌第三層晶瑩海蝦餃 杞子鮮蝦燒賣 幸運小水母 蟹子小籠包呢幾個蒸點心都好相似 全部嘅蝦都好好味 好新鮮 完全係雪藏蝦嘅味道😮😮 小籠包細細粒得尼都唔求其 入面嘅湯都好濃😍原隻鮑魚雞粥真係有隻鮑魚係入面架～同埋有啲雞肉 雞肉都好滑身 而粥底煮得軟綿綿😋😋鮮蝦雲吞麵佢哋嘅蝦真係好新鮮 仲有3粒雲吞 下午茶來

🤴🏻同事約食飯，又去食點一龍，我就食過2-3次（都係荃灣），正所謂冇上次嘅好那有今次嘅差呢？🙁🙁我哋4個人就揀左$188點心放題，4人同行有九折，等於免左個加一😌😌入到去每一步都痴痴立立，係連廁所地板都係咁，我相信係地板結構問題，但難免比人污糟嘅感覺😢😢對比起第一次食嘅菜式明顯少咗三份一，仲記得佢嘅杏仁茶超級超級好飲，今次冇咗😰😰仲有楊枝甘露都冇埋😭😭，非常失望～～～原隻鮑魚雞粒酥～～～鮑魚幾大粒，但個批底就一般😕😕～～～幸運小水母～～～ 呢個就係上次黎食冇嘅新加菜式，橙色水母幾得意，但塊皮超厚，食咗一粒唔會想再食😡😡～～～瑤柱雞球粥～～～雞粥煲得好綿好有雞味，雞件都幾滑🥰🥰～～～清灼生菜、清灼菜心～～～果然係清灼，得菜味！菜心OK，但生菜食到中間係霉嘅😣😣而佢其他嘅招牌菜式例如叉燒包、蝦餃、燒賣、鳳爪等都保持到水準😚😚希望佢下次會有返杏仁茶啦😒😒

好難做到那麼難食點心！蝦餃無味、叉燒包無叉燒味、牛肉球散無味。所有肉都好鬆好似用鬆肉粉嗱到無口感。環境可以但不乾淨，地面黐立立。梳化坐下凹的。我以為去左茶餐廳。好彩那天沒有自助任食（要我任食食大堆垃圾重慘）。只點3籠+茶位（175元），其他的炒野都吾敢試，埋單去其他地方再吃😟

這家茶樓來過很多次,因為就是在公司附近,且食物質素高,所以光顧很多次了。這間茶樓沒有下午茶時段的,但會有套餐優惠或定期有不同的推廣(如之前有做點心買3送1)。是次叫了一份套餐及網脆腸粉。套餐很抵食,是次叫了乾炒牛河套餐。有配一杯飲品,桂花糕及菜心一碟。乾炒牛河炒得很有鑊氣,且份量多。而點心方面,只叫了一碟網脆腸粉。每每來到,這道點心是必選的。因為真的很好味,入面有大蝦的,而且外軟內脆,要趁熱食,最好味。這兒所有菜都是即叫即整,所以上菜時都是熱騰騰的,很好。