齒留香

营业中

休息中

琴日中午係太子搵食，見到一間門面吸引的燒味店，打算幫襯下，估唔到一食難忘咁吸引！店名「齒留香」顧名思義是食完呢度的燒味會齒頰留香。果然好食，簡直可以形容全九龍最好食的叉燒可以係呢度食到！午餐送粉葛豬骨雞腳湯，濃得來飲完一d口渴感覺都無，肯定絕無味精添加👍🏻見多數人都叫叉燒，我都唔執輸，點了叉燒燒肉雙拼。上台好快，未食已經讓嗅覺享受個夠。叉燒入口嫩而甘香，甜味適中，不會蓋過肉的鮮香。肥瘦適宜，雖然厚切，卻容易咬嚼，每啖都充滿柴火烤製的木香，一流！燒肉雖然係配角（我自己覺得😝），但絕不亞於一級叉燒的滋味！燒肉皮燒到脆脆地，少許燶但不怕苦鹹。肉的肥瘦分明，而瘦偏多所以啱晒多肉少肥的人🤤*我建議只需食原味已經好好，不需要額外點芥末醬，因為本身d肉已經醃得剛剛好，因此燒完味道一流*另一樣值得一讚的係，舖頭賣既款式好多，廚房、燒味部絕不馬虎，值得推介！

特意黎買第一叉燒 叉燒好淋身 好鍾意佢咁厚身 淡淡肉 買返屋企加送 晚飯一開盒就見到成堆油 好恐怖味道ok既 我同屋企人覺得太重口味 好甜好鹹 送飯就可以balance返 下次決定去店到食 再試試真味

喺旺角工作咗十幾年， 唔單止聽聞齒留香叉燒大王個名，每天都經過嗰間店舖，想起加餸自然會斬大嚿义燒回家慢慢品嚐㗎。 今日路過界限街，見到齒留香竟然有堂食啦，未入鋪已見人龍長長等買外賣，可見佢幾多捧場客。一尚都支持佢地义燒，當然要入去坐低食個晚飯，叫咗一個义燒及燒鵝（下裝）义燒例牌大大碟，色香味仍然有水準，肥瘦均勻，夠晒淋滑唔靱，啲肉汁喺口腔裡，真啲唔好咁快吞下去，慢慢咀嚼吓，好滋味。燒鵝下裝有成隻碟咁大，上枱已聞到陣陣香味，外皮燒到脆卜卜，真的皮薄肉嫩，肉汁留咗口內都感受到醬汁味道啱啱好。再叫咗碟油菜，加埋碗老火湯，當晚同老公不知食得幾滋味。最後覺得坐位，回想食嘢食味道，下次可與朋友再來品嚐其它燒味。

我都唔記得自己幾耐無食過燒味飯了，今日行過太子見到掛係鋪面的香噴噴燒味，即刻同朋友講話想麻甩一下，就一齊入去食碟大大碟燒味飯！二話不說，點咗我最鍾意既叉燒同埋油雞，原來唔配飯仲可以揀配其他粉麵，咁我就揀咗最match既瀨粉了！叉燒燒得好夠火喉，表面小小微燶，甜味更加入味。豬肉食得出係梅頭，啖啖肉超滿足！油雞最緊要雞皮夠甜，佢唔止雞皮香甜，而且雞肉都好滑，無得頂！朋友好肚餓所以就嗌咗個四寶飯，一上碟立立ling ,真係流晒口水。燒鴨燒得好香，最緊要鴨肉唔腥！由於無晒乳豬，就轉咗燒腩仔，一樣咁香脆！薰蹄真係整得好出色，好爽口，肥瘦均勻，朋友大讚不絕。油菜夠新鮮睇黎呢間係得繼太x之後又一食燒味好去處！

今日放工醒起早排行過太子新開左間齒留香...記得電視睇過話啲叉燒同燒腩肉出咗名好好食...但係一個人食唔到半斤叉燒（$100 一斤)...所以我就決定買雙拼飯$37..本身都冇乜期望因為只係飯盒...但係我打開個飯盒就見到有五舊腩肉再加六舊叉燒!!d叉燒係Juicy又唔係太肥嗰隻!仲係厚切唔係乾爭爭嗰隻!!!極度推薦啦只係$37咋!!!!美中不足嘅地方就係我唔知佢係唔記得落豉油俾我,定係佢不嬲都冇...所以下次如果去食嘅話記得一定要提佢落豉油!!但係我覺得呢個飯係超級物有所值啊!!!!!

新開業，門口經常擠滿人，有的輪侯入座，有的等攞外賣，十分熱鬧！窗外掛滿燒味，而且列明價錢，明碼實價👍🏻內裹仲有雅座，可以食很舒適，坐得舒服。開房式廚房，一目了然，環境衛生整潔。伙計亦忙於接單同出菜。一坐低伙計立即送上老火冬瓜湯，功效消暑袪濕，好啱呢排成日落雨天氣，夠貼心！而且大大舊冬瓜在湯裡，絶對足料。豪得起四寶飯 （乳豬、燒鵝、叉燒，熏蹄）$98大大隻燒鵝脾，切得剛剛好不會太大件，啖啖肉。乳豬皮燒得脆脆，咬落卜卜聲。，叉燒燒得好有光澤，唔會好干，好林又唔會好鹹，肥瘦剛好。熏蹄夠爽。一次過滿足全部口感。而且份量足夠！九香秘製牛𦟌瀨 $52牛𦟌食落林唔痴牙，而且好入味。凍啡、凍檸茶 ，套餐凍飲只須加@$3油菜 $15，可選菜心或生菜。令人滿足的一個午餐😃

貓貓對老味咁具有香港代表性既野食不嬲支持。最近見到個老闆咁囂，貓貓決定睇下有幾囂。貓貓order左個燒鵝瀨粉。menu話係招牌，唔係唔食呀嘛。貓貓食左一啖燒鵝。皮燒得脆，唔太油。貓貓鍾意唔油既燒鵝，因為唔會食得濟。貓貓鍾意鵝肉夠滑，鵝肉整得靚呀。鵝肉點酸甜醬食，酸酸甜甜，好清新既感覺。酸甜醬好好味，貓貓濕左個嘴。食燒鵝配瀨粉係一定架！瀨粉爽口又好味。濃味既燒鵝加返個清甜既瀨粉，啱啱好！貓貓忍唔到口，order左佢傳說中既第一叉燒。外表同其他叉燒一樣，但味道真正令貓貓濕左個嘴。好少食到叉燒入邊咁霖又多汁。外邊個層有蜜糖包圍豬再燒。上邊層紅色肉燒得好香甜。成舊叉燒除左完美，貓貓唔知用咩形容。叉燒燒得均勻，無地方係燒到黑色燒焦。好佩服燒叉燒既功夫。又健康又好味。食食下飲杯凍檸茶，好港式，好好食。貓貓佩服老細，因為真係囂得起。

其實睇完老闆的片段，感覺他牙刷刷，屎忽鬼，食開再興嘅我，已經好想去會一會，睇下佢咩料咁爸之閉！隔了幾個星期，終於有時間去試一試！ 入到店內十分光猛和乾淨，可能仍然是下午六點左右，人流未算太多，我因為怕熱氣，所以點了一個叉燒切雞飯，一杯凍奶茶，等了大約八分鐘，終於有得食，第一件事，當然係食叉燒喇！正！肥瘦適中，口感不太硬，味道有炭香味，也不太甜，有肉汁，簡直太好味了，到切雞方面，雞皮很滑，很有雞味，肉汁也足夠，而飯粒方面也很好，軟硬適中！ 但凍奶茶方面就有待改進，感覺上是茶放得太耐，不夠新鮮了！所以我只喝了半杯！ 整體來說我覺得有八十分，有機會的話我會再試燒肉，燒鵝和乳豬等等的！

近來四圍去搵燒味飯食。一聽到有地方好吃的，就馬上跑去試試....這一間，好像新開張不久的，但原來在旺角那邊亦有分舖的....聽聞這兒的老細對自己的出品頗自傲，竟稱自己的叉燒為"NO.1"....小弟說老實，是懷著點踢場的心態而來....不單只叉燒，我對這兒的燒肉也挺有興趣。索性就來個雙併好了.....先喝口粉葛豬骨湯。味甜得來有點不自然....我看還是專注吃我的燒味雙併吧....好了，等了不到五分鐘，我的飯端來了....份量，特別是燒味，絕對比我想像中的多。要想不飽，難矣....先談所謂的"NO.1叉燒" ，看色水笠擰擰的，肉的紋理亦清晰有條，光睇就知是對勁。用筷子夾起一件放入口，登時就暗呼 : "怎麼肉是如此軟熟而兼彈牙的 ?"，嚼落亦不似是下了鬆肉粉之感；蜜味亦是適當合道，其中有兩三件更是有些燶邊，咬落當是更香....這好幾件叉燒，可真是近月嚐過的最佳了....識食的，吃燒肉就一定挑腩骨而並非腩仔，貪其不會太膩之外又"有骨落地"....這裡的燒腩骨，皮是脆的但稍不太夠酥化；肉的鹹度倒見醃得頗適中；近軟骨位的地方也挺有咬頭....不過和叉燒相比，就不能相提並論了....七十三大洋，以

今日同朋友去街，路過齒留香，見到d燒味好吸引，就入左去食。店入面唔係好大，但都坐得舒服，又有電視睇。叫左個燒鵝香妃雞飯，份量唔少，大大碟，豉油同飯比例剛剛好，仲有菜，唔知係咪我好彩，竟然有燒鵝脾同切雞脾！燒鵝皮脆肉嫩，顏色帶有光澤，肉同脂肪比例十分好，鵝肉好香，加埋酸梅醬更加惹味！香妃雞肉飽滿、嫩滑，肉質好新鮮，再點d薑蓉，真係冇得彈！朋友叫左叉燒乳豬飯都好正，叉燒香甜嫩滑，乳豬皮脆肥美，非常好食。另外有仲有例湯送，合掌瓜紅蘿蔔湯，用料十足，好滋潤。價錢都算平，燒味正又食得夠飽，會再黎幫襯。

陪朋友去買d野路過此地，見到有好多人幫襯齒留香，就入左去食飯我叫左叉燒+炭火手碌乳豬飯，同埋凍檸茶賣相吸引叉燒色澤光潤，肥瘦均勻，蜜汁渗滿係外同內，味道香甜，肉質更嫩滑鬆化，口感鬆軟，超好味而乳豬的皮燒得脆卜卜，肉係半肥瘦，入口香脆鬆化，超級惹味，非常中意朋友就叫左齒留香燒鵝+瑤柱香妃雞飯都係好好味另外有合掌瓜紅蘿蔔湯清清甜甜，滋潤解燥碟碟飯量都好大份，食完好飽，好味好抵食佢地仲有得淨叫燒味架，非常推介

今天有點事要到太子, 那就順道來試試齒留香, 齒留香以靚叉燒作招徠, 叉燒是我愛吃的，也吃過其他賣叉燒出名的店子, 這次來試試店子的水準如何。中午時份來到，店內人客已不少。先來一碗是日例湯青紅蘿蔔煲豬踭，夠熱也清香，足料亦不錯, 紅蘿蔔就是又稔又甜, 這一碗例湯味道唔錯。要了叉燒拼燒鵝飯, 叉燒口感偏稔, 味道也偏甜;鵝皮是燒得脆口，鵝皮唔會有太多脂肪, 鵝肉鮮嫩而滑，唔會太韌，而且肉厚。街坊小店也值得一試的。吃得飽飽, 辦事去也。

睇到網上平台互動廣告，慕名而來，一心品嚐招牌叉燒，街外廚窗睇到叉燒，賣相好靚，等左十零分鐘，終於有位，叫左兩份叉燒米粉，兩杯涷檸水，嚟得一份，涷檸水變熱檸水，又要換，叉燒得個「林」字，平平無奇，大失所望，坐位狹窄。等一段時間才有店員落單，落單你推我讓，得個亂字，兩個人叫兩份同樣食物，嚟錯左，又話唔係佢落單，已經落左單，又要轉枱，枱面匙羹又無，送來的食物錯漏百出，因為轉左枱又無人知....店員個個都好忙，因為枱枱單都錯，真係唔會再幫襯下次。

香港人吃燒味真的情有獨鍾，我自小受父親影響，對叉燒特別喜愛，腦海常常浮現港式叉燒，紅潤的顏色和香甜味道所吸引。其特別是用半肥瘦梅頭豬肉烤製，因為燒臘店用特別大烤爐，家庭怎可以做到。所以燒臘店便開到成行成市，今天係太子做完運動，路經界限街見到一間新開店舖叫齒留香，門口掛上立立令野味叉燒和香噴噴燒鵝，重好多人排隊等買外賣。自己一個一於試下，門口窄窄地，铺內不太大，不過行入去還有轉彎位，可能時間仍早，店員安排我坐係卡位，比較濶落，還可看電視牆上掛上由一位相信係店長黃師傅牌扁一塊，最後精句期盼有一天，時光沖不去味道，能經過考驗，傳承與繼續另外還有兩句同店名很襯托睇吓menu都算多選擇，還有早餐和西式吃最終選吃叉鵝飯套餐，有湯送和飲品，叉燒賣相相當吸引，我用不同角度都係咁吸引，叉燒真的No.1,肥瘦相間，肉嫩多汁，厚道適中，表面燒得立立令，又夠香口，口感十足，極品，正而燒鹅皮脆肉滑多汁，燒得赤紅紅的，鹅香撲鼻，鹅汁盡瀉，一啖咬落，滿足度爆燈，正例湯雖然細細碗，但濕濕口無咁油膩總結是真的齒留香

上網睇到條片，聽講呢度老闆好招積，所以決定黎試一試，有咩咁把炮。餐廳普普通通，同普通燒味舖差唔多。叫左個例牌叉燒。眼見叉燒同其他叉燒無差，但食落去即刻feel到個差別。麻甩佬一定會對叉燒有研究。我成日食屋企樓下既叉燒，相比之下真係天與地。呢個叉燒燒到出邊個一層少少幹同硬，食落feel到特別香。中間既肉先係重點。好滑好多水份既叉燒，真係第一次食到咁軟滑，但出邊個層又咁香既叉燒。另外一個好食既地方係，叉燒出邊燒得幹香，但淋上蜜汁之後，個肉既質感有少少幹身又黏又香。個肉真係有少少痴係牙度，個種少少痴牙又香既口感真係無得輸。口感好豐富。食完叉燒，再叫個回味招牌薰蹄瀨粉。薰蹄夠彈牙，整得有啲似豬耳。口感爽口味道夠。加埋醬一齊食，個味道更特出。個爽口既感覺，又有肉係中間，真係薰蹄先有。而且薰得靚，看似無咩調味料，但味道香。仲有個熱湯送。食得好飽。飲埋熱檸蜜，食左一個好滿足既一餐。抵老闆招積！