龍鳳廚坊 (已結業)

本來約好幾個好友出來一起吃飯(已訂枱), 誰知其中一個唔舒服, 免得大家勞師動眾出來, 索性取消~但正好我和老公都在太子行街, 老公堅持下, 都是走來吃~ 侍應叔叔沒有怪我們由5人改為2人, 還好好安排坐位~ 白雪雪, 滑嘟嘟, 未吃過生腸是白色, 雖然不是爽口脆身, 但滑啫啫, 又有少許麻油味, 新奇又好味~ 青瓜也很脆~好在有例牌叫, 如果要最少叫半隻, 我倆都唔知點吃得哂~ 雖是招牌菜, 但都不是太特別, 好似平時的鹵水鵝, 而且唔熱, 但鵝肉的確係滑~好有新鮮感, 而且冇蠔餅咁膩, 可能有蕃茄條, 感覺FRESH, 九肚魚又軟滑, 好特別~待應姐姐拎來時, 只是一碟普通芥蘭, 突然倒入砂鍋, 真係"啫啫"聲~ 感覺好夠鑊氣~雖然我平時用手機影相差, 但今次呢張相咁蒙, 係因為芥蘭不停出煙, 想影低呢份"鑊氣"啊~ 有鹹蝦醬味, 芥蘭又爽, 蝦乾又超大隻, 正!! 平時一個很細食的男人(食糧如女仕), 都話能清哂4個餸, 都唔嫌多, 只欠了叫白飯和啤酒, 就會十分完滿~下次我想試炸豬頸肉~

鮮蝦水瓜烙：鮮蝦唔鮮；餅 “淰淰地”唔香脆又無咩味。碌鵝：鵝味道怪怪的，一d都唔香，呢個招牌菜好唔抵食。荷菜飯：餡料十足，飯味道香濃，口感濕濕地易入口。啫啫芥蘭：個汁有咸魚味，但未夠香，只係鹹和太 "傑"。香醋骨：肉質 juicy，醋味清香。大魚頭煲：魚肉嫩滑，炒得幾野味。見到甘多人讚好令我好大期望，但我和朋友們都覺得質素一般。

上網見到呢間冇負評, 特登同埋屋企人試一試"預先"book 檯7:30, 其實我6pm 先打電話白楊街同界限街交屆, 好光猛, 好大個招牌, 一眼就望到去到等左5分鐘, 等佢執好張檯俾我地先入得由於睇過OR, 好多野都想試點知...........煎焗魚頭嘴, 冇!芝麻菠菜, 冇! 佢話冇菠菜糖醋煎麵, 冇! 理由竟然係唔o岩時候, 夏天先會食醋 (食麵都要睇時候?! 真係第一次聽)講番有o既菜 青瓜脆腸 - 生腸冇我想像中咁爽, 味道都算ok, 起碼平過食旺角肥媽 賽香肉 - 用豬手扮狗肉, 主要係落左新彊菜常用o既孜然粉, 所以好香, D豬手, 不過不失 碌鵝 - 係咪碌o既關係呢? 超多肥膏, 我怕肥, 掉o既仲多過食 (新出品) 通菜兩食 - 一食係脆炸通菜, 一截截通菜上脆漿拎去炸, 第一次食, 幾得意; 二食就係豬膶杞子浸通菜, 呢個最好味 荷葉飯 - 都幾多料, 幾大個, 荷香唔夠, 蝦米香仲多過佢, 冬菰幾入味, 幾滑, 食唔哂, 要帶走下次記得打電話去訂檯之餘, 問下你想食o既菜有冇

原來在太子有很多小炒地方,不過云云中,多笑哈哈的,這廚坊一線跑出。估不到有樓上雅座,我稱它「雅座」因為確實感覺乾淨/舒適得多。六人共點了如下:青欖燉白肺湯$128,味道如豬潤水,有青欖苦澀。mm…有點似燉湯,較清淡。碌鵝(例)$76,我本身不好吃鵝,但它的醬油醃汁,比起燒鵝/鹵水鵝做出來,更到味。青瓜脆腸$32,喜歡薑蔥汁,作餐前小食,開胃。香煎蠔仔餅$56,邊脆,而且很多蠔仔。飄香荷葉飯$62,有荷葉味的荷葉飯,很少地方吃到了。今次可是很意料之外,因為真的很好吃,有蝦米/冬菇/雞粒等。份量足夠我們大家餸飯吃。拍薑炒芥蘭$52,太硬,見隔離枱吃啫啫做法,好像good D。煎焗魚頭咀$76,炸粉夠薄,椒鹽味沒搶到軟綿綿的魚肉味。吃魚喜歡吃骨的,可試試。虎皮尖椒$32x2,惹味!絕不是簡單寒貨的齋煎,又豆豉又梅菜又煎焗過般(似唔似豆豉鯪魚)。平凡中絕不平凡。老兄芋頭烙$28,要用餐中途落單,因為製作需時(15-20mins)。芋頭很綿,皮也有點煙韌。雖是甜品,但有點花生碎,又煎香過,其實都不太算甜品。樓上有一店員很友善,不hard sell,跟我們介紹菜式。

兩個人膽粗粗去walk-in，無辦法啦，等是無可避免的。唯有拿著號碼紙，每十五鐘打電話去問座位情況啦。終於等到了，但我們兩日已經餓透，馬上點菜！蠔餅很難做得好，我很怕太「厚粉」的蠔餅，或者蠔只集中在餅的中心，夾起來的時候不是只有炸粉，就是只有蠔。這裡的蠔餅沒有以上的問題了。西洋菜湯很有住家感覺。碌鵝應該是必吃的，味道是不錯，但可惜鵝太肥，扣分呀！啫啫生菜當然沒有問題啦。最後以荷葉飯作結。由於太飽，吃不完，不過確實出色，決定打包。兩個人吃潮州菜看來不太合適，眼看其他枱都是大夥人很熱鬧進餐的。下次啦，搞一場大龍鳳！

一直都好想拜會一下嘅龍鳳廚坊，機緣巧合下竟在一星期內到訪兩次，兩次飯局都係跟我最好的朋友分享，所以希望在小弟美食Blog出世的日子，特此優先寫下呢個食評，作為多謝佢地對我一直嘅支持。位於太子嘅龍鳳廚坊雖以潮洲菜為主打，不過風格跟傳統迴異，部份招牌菜式更加係在其他潮洲菜館聞所未聞。首次到來未知餐館底蘊，所以都係叫招牌菜式最穩陣。先來頭盤青瓜脆腸，雪白色嘅生腸咬落去爽脆非常，滑不溜口，配上香濃麻油及酸醋，非常醒胃，加埋蔥花襯托下，呢個頭盤絕對無敵。頭盤過後再來一個暖暖嘅青欖白肺湯，呢度嘅燉湯係需要預訂，一盅約可以分到八碗，大家訂位時可以先預計一下。侍應為我地分湯後，將湯渣放上碟上，大大堆豬肺雞腳，用料豐富，未食已叫人流晒口水。青欖白肺湯火候十足，清甜無比，個人覺得比起杏汁白肺湯更勝一籌。豬肺軟腍嫩滑，雞腳肉厚滑溜，再蘸醬油食，實在好味到不得了。碌鵝果然係名不虛傳嘅招牌菜，據知所謂碌鵝，就係將醃料塞入鵝肚，放於溫油上慢慢碌熟，然後將鵝肚內醬汁曬上鵝身，再不停翻動，碌到入晒味為止，相當花時間功夫。肥美鵝肉吸盡醬汁精華，微脆鵝皮夾雜豐富肉汁，非常好味！而鵝肉雖有半厘米嘅肥脂，但勝在入口即溶，加埋

親友飯局，想到這裡是個不錯的吃飯好地方，決定舊地重遊，再嚐美味。再次到來，想當然地繼續叫來這裡的招牌菜式。「青瓜脆腸」固然少不了，碌鵝本來也想叫，不過親人不愛吃鵝，所以打消了這念頭。聽說這裡的「荷葉飯」也做得不錯，決定一試，再加一個這裡有名的湯水------「青欖白肺湯」與前次到來吃飯時試過，感覺不俗的「燒汁芥蘭牛仔骨」作為是晚的晚餐。士別數月，雖然這次訂檯稍遲，不可以坐在樓下，要坐上二樓，這裡的環境倒沒有什麼改變。伙計的服務態度同樣沒有變樣，仍是一貫地好。至於菜式，其實「青瓜脆腸」和「燒汁芥蘭牛仔骨」都是食過番尋味的，味道仍能保持，可是碟頭上相比起之前卻似乎比前細小了，莫非食店紅了後便偷工減料？抑或是通漲猛於虎，為保利潤而要在碟頭大細上打主意？這種態度可要不得呢！「青瓜脆腸」仍然好味，不過部分生腸不及前次爽脆，顏色也不夠白，帶點灰暗，賣相不太吸引。「燒汁芥蘭牛仔骨」除了比前細碟外，味道也比前遜色。芥蘭雖仍然爽脆而帶甜味，但不夠嫩身，以燒汁醃過的牛仔骨味道尚佳，但質感過於軟淋，質素不是太好。兩道新的菜式中，「荷葉飯」是入味的，可吃出飯香，可是飯身太濕，而且餡料也不是太多，仍未達最高的水

星期日想近近地食餐飯，於是就諗起龍鳳。龍鳳而家好多好評，亦見好多人話遲去無位。於是未夠六點就去到，當晚所有枱已book, 但因為我地早，佢俾枱我地先，但就要我地7點交枱。之前都食過幾次，都唔洗點睇menu。青瓜脆腸、荷葉飯，水瓜酪、青欖白肺燉湯同清炒豆苗。由於少人，所以好快就有得食，等得最耐係個荷葉飯。青瓜脆腸保持一貫水準。生腸爽口無異味，而青瓜就拍得好入味，醬汁有少少帶酸，開胃。但今次d腸唔係好白，反而灰灰地，個賣相差少少。青欖白肺燉湯好大煲，每人有三碗，真係飲到成肚水。燉得夠火候，又足料，所以啖湯好夠味，好潤肺。好多湯料，有幾隻雞腳同豬肺。豬肺清洗得乾淨，絕不會有異味。清炒豆苗一個咁簡單嘅餸，都可以炒得好有鑊氣。出面食炒豆苗，通常都勁油。但呢度炒得唔錯，炒得有鑊氣之餘，又唔會成碟都係油。豆苗當做，好嫩，最愛佢獨特嘅草責味。鮮蝦水瓜酪記得上一次黎都有食，不過味道不太記得。炸得非常香脆，夠乾身，粉漿剛好，剛包住水瓜同蝦。水瓜軟軟的，而面頭又脆脆的，好香口。蝦新鮮彈牙，吃下去應該係鮮蝦。荷葉飯最後先到...睇落平平無奇，但食落去，味道又好正。用大大塊荷葉包住好多好多飯，好飽滿。份量好多，

與好友們團年，地點是位於太子白楊街的龍鳳廚坊，預早一星期前訂位，八點半到涉後，一行六人獲安排在閣樓入座，同場有兩大檯兩小檯，十分熱鬧，但其實也有幾分嘈吵。先來前菜青瓜脆腸，這裡的生腸呈雪白色，跟平日吃到的「橙色生腸」不同，入口爽脆非常，以同樣爽甜的青瓜壓底，添點蔥花，再淋上惹味麻油，相當討好。再來半隻鄉里碌鵝，據知店方以中山黑棕鵝入饌，鵝身在醬汁及一眾配料中不停翻動，盡吸當中精華，味道固然濃郁，而鵝肉則比較肥美，肉汁豐富之餘，脂位入口瞬即溶化，的確不俗！砂煲啫芥蘭是將預先炒好的芥蘭，倒進燙熱的砂煲內，頓時令熱氣四冒，「啫啫」的聲音響個不停，加添了視覺的享受，但除此之外，就是一道很普通的炒芥蘭罷了！另一味令我期待的菜式是「賽香肉」，香肉，即狗肉也，賽香肉，跟賽螃蟹一樣，擺明以豬手「裝假狗」，同樣是以「啫啫」形式上檯，熱氣迫人，更傳來一股來自七里香、紫蘇葉等配料的香氣。豬手肉入口充滿彈性，惹味是一定的，只可惜骨比肉多，概念特別，但仍未能叫人滿足。最後來的是菠蘿咕嚕肉，上檯後發覺同想像的有點出入，這裡的咕嚕肉偏肥，入口很腍，幸酸甜醬汁依然醒神，一吃也是無妨的。這餐買單人均只需 $65，實在化

一行5人來, 未到前店員好好的REMIND我地的BOOKING及教我地如何去.到了以後我們被安排到2/F, 地面有點滑不過人真的太多只剩一張台所以我們並無它選.我地點了1. 青瓜脆腸-味道很清, 2. 尖椒-非常甜魚肉煎得很香口, 只不過有些椒地SEED去除,辣得很.3. 賽香肉-比較UN, 我麻麻地中意黎味菜4. lotus leafrice : 我最愛的一味, 不油,飯有點香葉味, 味道超好.5. veggie - 非常嫩, 只可惜煲仔唔夠熱.6. dessert : almond milk 好香almond味, 係我食過最好味的一次.p.s. 湯很快sold out, order就要快. 不過唔係好明why個肺湯既肺係黑色.

是夜提早放工馬上CALL母親大人打電話BOOK 枱誰知店員說: 妳等陣兩位黎齊我即刻俾枱妳好吧! 到我倆到齊時己是7時正還好老兄說了算 馬上把我們帶到閣樓去坐一坐下便叫餸青瓜脆腸: 每次來必叫, 因為真的.....好吃碌鵝: 別看它好像很肥, 其實剛剛好, 半肥半瘦, 就是它令我『心癢癢』荷葉飯: 用兩大塊荷葉把飯包得實實的, 打開香氣四散, 不過要適可而止, 事關越食越咸煎九肚魚酪: 蠔餅大家就吃太多了, 這裏的獨創菜色。沒想到那麼好吃, 該脆的脆, 魚身還是很嫩滑, 正招呼很勸快 店員都很親切很難得這次真的是太滿足了離座時看到都有人開始等位了真是越夜越精彩啦

再次到來此處，當然少不了食招牌菜，今次更加盡量食多D之前未試過既餸，今日一行六人，都叫左十一個餸，一個湯，味道依舊好味，完全滿足。燉湯常清甜滋潤，今次的豬肺終於是白色的了，沒有上次變黑色的豬肺。頭盤四個，分別係青瓜脆腸、醬拌茄子、虎皮尖椒及普寧鹽水炸豆腐。青瓜脆腸沒有下食用色素，白雪雪，爽脆清新，墊底的青瓜更加係鮮甜無比，配上特製的醬汁，令人一試難忘。醬拌茄子就比較失色，茄子煮熟後，淋上醬汁，醬汁味道唔夠，而且是熱的，所以十分普通。虎皮尖椒帶少少辣，豉椒汁味香濃，加上煎釀魚肉內加入了辣椒，鮮味十足，是一道送酒的佳品。看似一道普通不過的炸豆腐，其實是一道豆味十足，非常滑溜的炸物，有一股濃烈的豆燶味，實在不是百福豆腐可比美的。招牌碌鵝沒有以前那麼濃味，不是是否減少了翻碌的次數，顏色也比以前畸淡，可是味道依然是好的，墊底的酸蘿蔔酸味十足，可以減少碌鵝的肥膩，食得津津有味。其實我對賽香肉不太感興趣，因為有類似醃羊肉用的孜然粉，我不好這種味道，但平心而論，都是好食的，豬手燜得夠火喉，加上砂窩的熱力，香氣一下子迫了出來。上次食過九肚魚烙同蠔烙，今次想食唔同既烙類，所以點了這個鮮蝦水瓜烙，正常黎講，

位於太子邊陲,界限街與白楊街交界的"龍鳳廚坊",在這半年之內,光顧了三次.初次來是與幾位舊同事來晚飯,順便帶一點探路性質,全因是其後的窮鬼局,便會在此舉行.訂位之時詢問店主,有什麼要預留,店主說除了燉湯之外,大部份也不必.那個時候來,還是水靜河飛.地下的飯廳,連同我們只得三檯客人.聽說此店的大廚,是做潮州菜出身,於是者便點一些以潮州味道,另外再點些店內的招牌菜.首先上的前菜是脆瓜生腸,以青瓜,麻油,伴以生腸,這處的生腸並不像坊間的燒味店,染到橙色.雪白色的生腸,爽脆非常,加上爽甜的青瓜,濃香的麻油,是很開胃的前菜.另一味小吃是鵝翼,免費的,有骨落地,送啤酒最佳.碌鵝是龍鳳廚房的招牌作,做法比鹵水鵝更煩複,是用以醬汁煮鵝,不斷碌來碌去,碌到上食入味為止.這一隻鵝夠肥,碌得非常均勻,鵝皮完全吸收醬汁,連皮與肉之間的肥肉,也甘香味美,鵝肉與鵝皮一樣,被醬汁碌到完全入味,所以鵝肉本身味道已不甚明顯.至於鵝肉的質感,軟稔鬆化.當大家聽到賽香肉,第一時間想起狗肉,斷不會光天化日賣狗肉?非也,其實與狗仔鴨一樣,只是用烹調狗肉的方法,來處理其他食材.這個賽香肉,實際是掛狗頭賣豬肉,真正主角是豬腳.以"

少吃潮洲菜，因此今次在龍鳳廚坊所吃的幾味小菜都感覺新鮮。先來青瓜脆腸，青瓜雪得夠凍，入口夠爽甜；生腸則夠爽脆，加上濃濃的麻油香味，是個不錯的前菜。鹹菜粉腸什是另一個驚喜，材料十足，湯底有濃濃的胡椒味，配上酸酸鹹鹹的鹹菜，甚為開胃，叫人想一吃再吃，成為另一搶手菜。碌鵝是其名物之一，叫來一碟例牌試試。老實說，雖知整法與一般的滷鵝不同，不過吃不出其特別之處。鵝肉肥羔較多，肉質腍滑，至於滷水汁的味道則偏甜。平時在家很少整炸豆腐，所以在此叫了滷水店出名的普寧鹽水豆腐。可惜水準不佳，豆腐吃落有强烈的「火煙」味，是不好的材料壞了事。賽香肉聲稱是用烹煑狗肉的方法煮豬腳，可惜除了八角等香料之外，完全不覺肉香。更甚的是豬腳是骨多肉少，老人家興趣不大，年少的亦覺無癮。至於松子仁百合金粟及荷葉飯，普普通通。前者松子仁下得少，更影響好感。最後上場是番茄九肚魚烙，一看樣子大家即七嘴八舌議論其做法。保持到九肚魚的軟滑，而又添上香脆感。可惜入口比較肥膩，就是有酸酸的番茄，亦吃不得太多。

因為第一次想避過繁忙時間..... 所以晚上九點後才到訪......坐下叫碌鵝、鮮茄九肚魚烙、芋頭烙及青瓜脆腸.....最後除了青瓜脆腸外.... 其餘全部賣晒...... 唯有加個荷葉飯....同埋鹽水豆腐就算.........呢次食既野幾好味.... 唯有寄望下次早點到......於是隔兩日.... 死心不息...... 今次六點就到訪..... 先叫碌鵝、鮮茄九肚魚烙及青瓜脆腸.......碌鵝(例牌) $76嘩!! 碟例牌碌鵝一放下.... 已見到成碟肥膏........ 佢分做3行.... 旁邊及鵝脾下面個兩行除皮同骨.... 係100%肥膏...... 無錯!! 真的是100%肥膏... 其中只有一兩件有一小片肉相連......只有最上面個行有薄薄的鵝脾肉.... 大約有4舊.......真奇怪.... 隻鵝肥成咁.... 但係隻鵝脾得丁咁多肉.....鵝肉佔全碟比例.... 小於25%..... 收人$76一碟.... 完全搵笨..... 男友讓我吃鵝肉.... 自己只吃鵝皮....... 我見他碗下面的骨碟.... 全圍滿了吐出來的肥膏...... 心裡滿不是味兒...