龍鳳祥餃子館 (已結業)

又係happy Friday，決定同同事行遠少少食個靚lunch。去到白居士街，附近唔少地道食店，中間零零舍舍有一間裝修較為典雅既餃子店。店內睇落乾淨舒適，門前的大姐好熱情。我地今日想食好少少，坐得舒服一點，就入左去喇。Menu好簡單一張，但食物其實唔少。主要分為餃子、麵食、小食三大類。我地一人點左一麵一小食，再加一個煎餃子開心share。《東北滷打麵》就甘睇個名，完全估唔到係咩野，但我就最鍾意點d地道新鮮野喇。上枱原來係一個鮮蕃蛋花濃湯既湯底，配鮮蝦同上海手打麵，幾岩我口味。蕃茄湯底杰杰地，好重蕃茄味，非常香濃，當中既蛋花亦增加左唔少口感。鮮蝦足料大隻，鋪滿湯面，入口爽口。麵底方面：粗幼適中，質感滑溜有彈性。整體黎講，幾樣食材配合得好好，係一個好味得黎清新又健康既組合。《千層醬豬耳》呢道小食絕對係驚喜之作。首先碟頭大，細份已經非常夠份量，有好多豬耳。佢地並唔係只用特式醬拌豬耳，而係加份左三款椒絲，增加左口感既層次。豬耳外皮軟滑，內裡有咬口，椒絲爽脆，整體口感非常豐富。味道方面：醬料屬重口味，微麻微辣，非常濃郁，但椒絲既清香又平衡返果種重口味，令到我地食極都唔覺得膩。《京蔥羊肉煎餃》一

位於佐敦的龍鳳祥餃子館，是我一間很想吃的餃子店。佐敦白加士街53號地下上網看不少人吃過，都有不錯評價，因此一試龍鳳祥餃子館主售餃子，種類不少，點了三種餃子和一碗麵。四川膽膽面$38大大碗膽膽面份量可不少，雖有一隻辣椒，但辣度極底。反而花生醬味濃帶沙，每條麵條都充滿麻醬味道，濃郁帶香，我和好友都喜歡。肉三鮮$45肉三鮮餃子即豬肉，韭菜，蝦仁。 龍鳳祥的餃子為上海厚皮餃子，一碟十隻，原來吃下份量不少。包著不少餡料的餃子帶豬肉韭菜香，沾上醬汁更美味。蕃茄雞蛋拼素三鮮$47把兩種不同的餃子合拼，只需加$5貪心想試多種味的你可以一拼。蕃茄蛋餃子配+$5的蕃茄湯底，實在絶配蕃茄蛋餃子我首次嘗試，炒蛋為餡料，感覺新奇。配以的蕃茄湯濃稠開胃，酸而稠密，如碗仔翅。素三鮮餃子為菜仔，甘荀，木耳。口感爽脆的餃子，為食素人士之選。記得要配上凍豆漿，香滑豆濃，值得推介。服務員姐姐服務不錯，只是不喜歡有人看著我不斷進食

去過呢間兩次。食物，服務同環境都唔錯。食過佢地既麻醬雞絲面 肉三鮮 白菜豬肉餃餃子大大隻多汁 一碟都係40幾$認真算抵食麻醬雞絲冷面都好足料上次兩個人食兩碟餃子一碗面食到勁飽如果口痕想食餃子呢間可以一試

呢間野見佢OPENRICE好似都幾多人話好所以去試,無睇到之前真正比左劣評既好心人,一入到去,果位短頭髮戴眼鏡既人已經啤實我,招呼都唔打都算,咁我求其坐低啦,點知一坐低就比佢叫番起身去第2張枱,咁點解一開始你唔帶位呢? (利申:成間舖都無人,除左座最入包緊餃子果位阿姐)D野食黎到,我叫左九菜豬肉煎餃(為左證明我真係有食過,張單打住九朱),一食入口已經超多油,仲要一食已經FEEL到係勁舊既油翻用再翻用,已經覺得好唔乾淨,仲要入面既肉係超咸,我懷疑煮既人已經無左味覺,都唔緊要,最慘係一路食一路比個短髮戴眼鏡女人眼超超,埋單仲要唔收5毫子,大大聲話呢度唔收散子,其實我只係比左兩個5毫子,唔係二十個,洗唔洗咁寸?千祈唔好貪方便或者想試新野走入去,絕對會奶野,寧願去隔離既八方雲集無咁嬲!

去食個晏叫左個羊肉餃，唔太餓無叫其他。個伙記不停問我仲有無其他，我話我無，佢問左三次因為見我睇menu。我唔一定加錢要飲豆漿姐？我唔一定要加錢要特色湯底姐？跟住唔加就大力拍張單落枱。當然走就更衰，唔講幾錢唔講多謝，一粒聲唔出加黑面。一碟餃子$48加份細小食total $63食個晏就，就換黎咁嘅服務態度，食左都想嘔返出黎！

有台灣味道的小店。小食點左豬耳，好香又惹味，little spicy。蒜蓉拍青瓜必食，真係拍打出黎，幾traditional。秘制牛犇湯麵激贊，牛肉依然嫩滑，湯底可以drinkable就知道厲害！見到店員係隔離包緊餃子，即刻點返個肉三鮮餃子，皮薄餡靚，好fresh! 仲可以外賣生買走。

佐敦真係好多野食，澳牛就出晒名啦，但原來附近有間餃子店。個日去學日文前就去依度醫肚。上堂同減肥一樣都要食飽先有氣力唷話明餃子館就想食個餃子啦嗌左依個肉三鮮$42/10隻，加5蚊就可以有個湯底，我地揀左酸辣湯底。肉三鮮入面有豬肉蝦肉同韭菜，而佢既餃子皮嫩內裏juicy。但食完韭菜都幾係野，一路上堂個咀臭臭的 而佢既湯底個人係鍾意既，雖然佢吾係好酸好辣好大陸個隻，但佢個口味又適中，我覺得會岩香港人。都仲稀稀地吾會太茨feel，有啲金菇碎雲耳蛋花，可能另一方面幾似碗仔翅既配料所以正中下懷。同埋酸辣都算balance到，有啲鋪頭太酸我會頂吾順。 另外，餃子口味仲有一隻係羊肉，我frd麻麻所以都無嗌到。鍾意羊既話可以試試仲有炸醬麵 $38 肉醬慷慨 屬於偏甜既肉醬 同埋味道都重 肉醬既肉粒算大 吾會好似存在感無乜甘 加上青瓜清爽啲 但個肉醬食得多會小膩 飲豆漿 夠晒中式整體餃子特別同好食多了 好鐘意!!

佐敦一向多好野食，但見這店面少，卻一直很多人，我決定入去探個究竟。 第一次食用蕃茄雞蛋做餡料的餃子，感覺很有趣, 酸酸甜甜的 > < 再加配蕃茄濃湯, 更進一步帶出了鮮茄的味道。 這個肉三鮮餃子肉汁鮮嫩, 皮不太厚, 食起來口感剛剛好。再加配了牛肉湯, 帶出了濃厚的肉味。 如果想食清淡一點, 還有三鮮素餃子, 味道清淡。 雖然沒有肉, 內裡仍有一些清淡素汁。 用餐期間還有件趣事, 就是我們要的餃子少了一粒, 店員在我們沒有為意的情況下, 自動補上了一粒。哈! 這店員也太好了吧。

本身都唔餓，但途經就吸引咗入去了！係門口已經聞到餃子香味！就試下這間中國風的小店，正因為唔太肚餓！所以兩個人只叫了兩樣食物！第一樣：牛犇麵，本身諗住第一次食驚中伏！所以才叫！但一食真係出色！湯有勁濃郁的牛味，牛肉好軟綿綿！份量適中，真係一試愛上！最重要係食沒好多味精！推介另外仲叫咗10隻水煮蝦餃，點醬食！入面有好大隻蝦！味道簡單清淡！喜歡下次再去要試下其他前菜，雞絲粉皮同拍黃瓜都好想食！

因為一碗牛犇麵、一碗特色餃子而吸引我，起初我隻佬對呢間小店冇咩興趣，佢話個店名好"Leung", 雖然個名有點土氣，但見佢打正旗號甘叫餃子店，我諗佢啲餃子應該唔錯既，最後入左去食。一入去，四周擺設都好古色古香，傳統既中國餐廳，環境乾淨，但台與台之間太近，食客背靠背甘食野，話哂佐敦旺區，小店租貴，都算啦。但服務真係唔得，雖然佢地好熱情，得有點過火，我地一坐低，就問我地食咩，好似準備要你落order甘，我話未睇餐牌。隔一分鐘都冇，又第二個丫姐問我地食咩！唉，仲要係甘講叫我地試咩試咩，之後就被催地叫左一碗三色餃子牛犇湯底，牛犇面，醉雞，豆漿。話說我係叫三色餃子，食落先知佢比錯全蝦餃我，不過算啦，佢啲餃都真係幾好食，有份量，真係有鮮蝦架！就黎食哂先記得影相，呢個醉雞份量多就多，但得個鹹字，又唔夠滑，唔洗試。Ps.因為我隻佬叫左牛犇面，但佢好快食哂，食完我先記得影相，我試左，我地都覺得好好食，牛肉多，面條好正宗，好入味另外，豆漿好好香豆味，唔會溝好多水 得個糖水味，豆漿好飲。------------------------------第二次食：話說因為我好想再食上次想食但冇食到既羊餃，所以我又同

早左放工行到攰攰地 就去到咗佐敦佐敦出咗名係多好嘢食嘅地方今次就誤打誤撞黎左呢間餃子館聽到餃子館呢個名就應覺得好吸引因為本身小妹係一個餃子愛好者目標係要食盡全港九新界最好食嘅餃子店麻醬冷麵＄48由於真係幾餓嘅關係 要食碗麵醫下肚先平時食冷麵好怕啲鋪頭聲稱個面係凍但上菜嘅時候係室溫 呢度嘅涼麵溫度既凍既 所以乎合小妹對冷麵既要求冷麵呢就係採用左上海嘅幼麵 質感厚實加埋左雞絲青瓜紅蘿蔔一齊撈埋一啖一邊可以食到厚實清爽清新既感覺而麻醬係另上既 客人可以根據自己喜好選擇落幾多麻醬因為呢小妹其實都係個重口味嘅人所以將全碗麻醬落哂味道啱啱好肉三鮮＄45聽到你個名就知道呢個餃子係有豬肉架啦另外個兩鮮係指蝦仁同韭菜首先講吓個餃子皮 呢道餃子皮係屬於厚身個種厚身嘅餃子皮令到食落更有咬口至於餡料方面 聽到有蝦仁 以為舖頭會將蝦肉剪碎包入餃子入面但係當咬開餃子嘅時候 見完完整整嘅一隻蝦係入邊蝦肉爽口再加埋韭菜嘅香味 令到餃子嘅味道好出色以＄45嘅價錢食到10粒餃子 可以話係物美價廉

去得澳牛旁邊的食肆...主要都係因為又忘記左澳牛逢星期四休息...於是去隔離試試這個一顆蕃茄冷面。點左一份大的雞絲粉皮，d麻醬太多，同青瓜雞絲粉皮撈完都仲係太濃。而家已經較難找到整到味道調得適中的雞絲粉皮了。再來一個秘制牛犇麵，犇讀音「奔」，指牛驚走、奔跑，是奔的古字。用「牛犇」為名的拉麵，意譯得不太好（仲有d慘添），或者店主想用四隻牛表達牛肉多、牛味濃郁的意義。的確牛的份量算多，至少有10粒。但湯底除了咸，還是咸。最可怕的是吃過後五小時回到家，還是十分口渴，不知道湯內用了什麼調味，以後都不敢再試了。一顆蕃茄冷麵，應該是較值得推介了，蕃茄酸甜適中，湯底清甜，真係幾啱生飛滋時食！店舖細細，坐得唔舒服，食完都有被趕的感覺。蕃茄冷麵可以試下既，但牛犇麵就唔好了。

今個星期四五請左AL自制左long weekend，連放四日假，四日都去玩😁做左好多野，感覺好似放左成個星期禁！充實既假期真係好重要🌼今日係最後一日假，同男友仔去左呢間bookmark左都一排既餃子店食lunch，因為男朋友好中意食煎餃嫁。出左地鐵站，吳難搵到呢間食店，就係澳牛前幾個鋪位。十二點幾黎到好似剛剛開鋪，幾個食客剛剛坐低。我地望左個餐牌好奈，選擇困難症又發作，好多野都想食。又想食面又想食餃子又想食冷面同真係好多野擇，好多款餃子，又可以用五隻餃子轉湯麵（原本係十隻），湯底又有三款..有d失望係煎餃要三點後先有，仲要加8蚊🙄比人催落單後，叫左兩個面一碟餃子一杯豆漿秘制牛犇面$48，我地同伙記講要牛牛牛牛面😂佢地調正反我地係讀牛"軍"，佢應該一日教人幾十次話說個面一黎到就好香，少少藥材味，又好香牛肉湯。牛肉好林好正有d配菜連面一齊食一顆蕃茄冷面$48 我第一時間督爛個蕃茄等啲蕃茄溶入湯。個湯連面真係好冰涼，少少酸但又吳太搶。大熱天時食一定好正，不過我個時吳夠熱，所以中意牛肉面多啲肉三鮮餃子$48/10隻，我覺得有d貴既，如果加湯要加$5，煎餃加$8，比出面好多食店貴。水煮既餃子普普

來到佐敦，本來同友人想可澳牛，但睇見條人龍都怕怕，所以轉為去隔離的龍鳯餃子。見佢裝修都幾企理，坐位就迫D 同窄D豬手麵:豬手有三件大件又抵食。辣得來麻麻口，香口好味，豬手又滑。麵身爽口彈牙。白菜豬肉餃$40 十隻必吃啦皮溥內裏多豬肉，多汁，咬下去每一囗都充滿濃郁的豬肉味，食得出是用上新鮮豬肉包。配上酸醇和諧美味來到佐敦，本來同友人想可澳牛，但睇見條人龍都怕怕，所以轉為去隔離的龍鳯餃子。見佢裝修都幾企理，坐位就迫D 同窄D餐牌設計簡單易選菜式

天氣熱，不想吃太多白米飯。此時心中立刻就浮現了一碗湯餃子來....佐敦區內有不少的餃子麵店。隨手揀一間走進去，就可以滿足我今天吃餃子的願望了....只吃一碗餃子當然不夠喉，通常小弟都會配搭多一份冷盤小食來伴餃吃。雞絲粉皮往往是我最常點的選擇....雞絲雖似是手撕的但就甚為嚡口令人頗容易黐牙；粉皮雖似晶瑩通透但口感卻下太夠韌齦彈牙。幸好有頗足夠的麻醬相陪，否則就真是很難將之清碟的....好，接著三鮮餃上場。湯底錯誤地揀了蕃茄湯，一上桌看到色水如此的紅噹噹就覺不太對路了....酸至咪眼的它口味很不自然，喝多兩口過後便開始感到口渴；餃子的皮對我來講算是偏厚的。餡料號稱有豬肉、韭菜及蝦，但小弟吃得出就只有後兩者而已；韭菜蠻香的一向是我所好，蝦肉雖是爽口但就沒有甚麼味道....水準非常平凡一般的餃子....我想要再吸引小弟來的誘因，應該是全然欠奉了....