1+1 吧 (已結業)

事前用table map訂枱, 十分方便!比起樓上的2+2, 這裡one+one食物款式較少, 但一入去, 覺得環境較寛敞舒適已值得加分 簡單buffet雖沒有刺身海鮮, 但已夠飽肚:熱食有 蟹肉伊麵, 沙嗲腸仔串, 雞, 豬頸肉, 春卷等; 中西熱湯, 包冷盤有 壽司, 火腿, 沙津類, 水果 (西瓜, 哈密瓜, 菠蘿, 正!)甜品有 蘋果批, 蛋糕, cheesecake, 自製pancake或格仔餅, 雪糕 (雀巢)有些未記得影相已吃掉了今天是平日, 多是上班族 / 退休人士, 偶然有些年青家庭, 不太吵 服務員態度亦不錯~加上恆生卡8折 (滙豐卡 85 折), 每人埋單不用 90 元, 十分抵食!

星期五晚想吃好些，不過所有地方都等候人多。手上有張1+1的coupon，便即管問問，結果可以坐室外或是吧枱。不過室外是吸煙區，最後選了吧枱位置。坐得不舒服，食物款式亦少。對比起同酒店的2+2，差很遠。食物大致分3類：BBQ類；沙律、生果；甜品和湯。BBQ 是由廚師即場燒的，每次的款式都由廚師去定。間中會燒出牛仔粒、牛仔骨、大蝦、腸仔。燒好一定份量等人拿，如果沒有人拿，就放到另一張枱上。從不是「食肉獸」，只對大蝦有點好感。不過這是老老實實的雪蝦，蝦殼黏肉，肉又無彈性，又燒過了頭，但已經是最好的一味了。至於沙律，全因紅色八爪魚，和青口，顯得比較有相頭。這款越賣越貴的八爪魚，在自助餐桌上，已經很少見了。雖有coupon 7折的優惠，但，也不值。

今日係男朋友既生日，為左可以一齊悠閒咁慶祝～我地2個一早就請好左假, 見都無乜特別既地方想去, 不如就搵間酒店既cafe嘆下啦~搵左好耐, 最後都係決定去1+1吧食lunch buffet~ 因為$98夠抵食今次呢個自助餐係以東南亞美食為題～由冷盤、熱盤至甜點都好多款唔同既選擇話明係東南亞美食，第一個梗係要試海南雞啦！～唔知係咪係酒店食～覺得呢個海南雞真係唔同Ｄ～好好味Ｄ雞肉彈牙得黎又唔會痴牙（我平時最怕食野痴牙）～好香好有雞味～仲有Ｄ黃油係雞肉入面滲出黎tim呀～襯熱食係最正！跟住我地仲試左肉骨茶～～我個人覺得正宗程度可媲美新加坡果Ｄ！呢度Ｄ廚師一Ｄ都唔慳皮，個肉骨茶好足料，好濃味～～Ｄ肉仲煲到好lum整體感覺係好保身～女仕們必定要一試～～除左上面果２樣，其實仲好多熱盤小食～～我地拎左特色河粉、春卷同埋烤羊肉～～　全部都俾到我驚喜個河粉爽口得黎又好滑～～　春卷炸到岩岩好，ｄ脆脆唔好話好＂吉＂口～個烤羊肉都ｏｋ～～羊味好濃～～男朋友就最鍾意呢個～冷盤推介～～出到去估唔到呢度有咁多冷盤小食～～　因為我唔食得太多生冷野～　所以只係攞左少少至愛～壽司ｄ飯好黏身～仲加左醋係入面～配埋入面新鮮既

好耐無黎 happy hour 加食野，款式多左，價錢貴左，好彩還有 happy hour 買一送一，而且埋單簽恆,生有折。香茅雞翼：香茅味好淡，雞翼肉質比較乾，沒有一種一咬開外皮就感受到的充滿肉汁和嫩滑雞肉既口感。烤三文魚柳：魚柳嫩滑，肥美鮮味。巴馬火腿芝士茄汁扁意粉：意粉煮得透而硬身，蕃茄醬香濃，蓋過了芝士味。士多啤利梳孚里：賣相精緻，食落嚇死你，甜到飛起，真係超級難食。我地每人要左兩 round happy hour，Nothing 酒味太淡，可以 stronger D。表演既 live band 好噪又唱得麻麻，頗阻礙客人傾計，我唔 enjoy 呢個環境。客人多但店員少, 個個都走黎走去做唔停甘, 好在仍好服務。但呢度感覺上已唔似酒店既 lounge , 似餐廳多d。

今日和朋友在沙田逛街後，在商場附近看見了酒吧的海報！便想來這邊閒談一會！但意想不到竟有如此意外收獲！第一次來這邊，環境真的不錯，有室外室內選擇之如，一進去便看見各款各類的食物放在白光燈的光芒下，真的令人不注意也不行！我和朋友經侍應極力推介下，叫了十分扺食的套餐！148 就可以享用三款BBQ 美食+wine!!!!!真的十分符合本人十分為食的本性！我和朋友點了兩客，並叫了一紅酒一白酒!食物到啦，有和牛，雞翼，牛舌，骨付腸，茄子，同磨菇包!和牛:有香噴噴既炭燒味，食落去超juicy，牛味香濃!!good雞翼:有醃過橙色既汁，燒我一d都唔dry，有d 辣辣地，好惹味!牛舌:無特別骨付腸:第一次食，肉質幾特別，味道不錯茄子:係原條燒!!!!大大的一隻，皮燒得好香又唔燶磨菇包:一打開，好香既牛油味同洋葱味湧出黎，d菇菇梗係一流啦!Anyway, 我會再返黎食其他野食!

好耐都冇黎飲野，點知最近1+1 出左個好抵食既package，!$148 有3 款即烤bbq + 1 杯啤酒or 紅酒!!!!!有烤魚(大過隻手掌)，帶子，扇貝!!另外仲有和牛(超juicy) !!!!如果唔食肉都有蔬菜!

慶祝元旦去食buffet, 見佢200幾蚊,平平地就試下。佢個時間係 6-930pm, 我地去到已經8pm, waiter提醒我地要盡快食。 點知去拎食物時, 個廚師已經停哂手唔燒野食, 只係將之前燒好的放在箱內暖住, 我對呢方面有d 不滿law!食物款式超少呀, 海鮮只有 藍青口同海蝦, 沙律是最最最普通貨色, 亦係得幾樣。熱盤只有炒粉麵, 中西式湯, 一兩樣餸, 根本無選擇可言! 甜品亦只有大路ge cream cake, 黑森林果類, 連我至愛的cheesecake都無! 雖然話係bbq buffet je, 其他菜式都唔駛少成咁呀bbq : 有雞翼, 牛舌,牛肉, 羊肉, 豬肉, 都是大路野, 我fd 話雞翼幾好, 其他都是一般, 本來有蝦架, 但廚師竟然話燒哂, 所以無得試, 當時才8pm, 搞錯!冷盤海鮮: 藍青口 + 海蝦都幾鮮甜, 係我成晚惟一比較滿意的, 所以我主要都係食佢地 ~.~湯: 中湯好咸, 西湯是普通牛尾湯 =.=熱盤: 飯粉麵我都費事掂, 只試左芝士煮南瓜, 好香芝士味, 不錯甜品: 普通到爆的cake我無試, 只試左bread pudding, 麻麻,

Lunch Buffet book 左位唔駛等食物款式好似少左d咁, 有幾款泰式沙律 , 西式沙律菜 , 一款湯 , 麵包有幾款揀 , 熱食四盤 , 甜品 , 仲有咖啡同(檸檬)紅茶任添; 本來用買3送1 coupon, 勉強叫可以一試, 點知埋單時唔知係咪打錯單定仲有優惠無端端又減左 $50 左右, 除返一個人都係 $45, 咁樣就幾抵食, 呵呵

是晚在附飯吃畢晚飯, 時間尚早, 朋友提議到這裡輕鬆一會, 多談一下酒吧分兩邊, 室內有很多舒適的位置及live band, 亦有吧枱座位多個, 室外亦有約十張枱, 在這涼快的天氣下, 坐外面真是享受! 燈光焝暗但不會暗得令人打嗑睡, 足夠光線清楚看到大家及現場環境, 已差不多座無虛席, 幸好我們找到了不錯的位置味道超甜, 蓋過了酒精味道, vodka味真的太輕微, 冰幾塊但像已溶了, 沒有任何garnish, 少rock杯上而不是shake好的martini杯, 雖然不是問題, 但不是我期望的cosmo, 可能我沒看清餐牌照?!?環璄是勝於飲品及服務, 可以靜靜的傾談一下, 真不錯, service不夠attentive及侍應沒記性, 其他的客人的很斯文, 裡面live band質數一般, 幸好是夜志不在此

臨瞓前同班friend約定，第日起身食完個下午茶繼續出去唱k，上網睇睇下原來openrice而家有得上網book位，好方便!! 成零晨5點幾都可以book到位，勁!!今次去附近間酒店食tea buffet，主題係吉列buffet，一入到去就見到我最鐘意食既吉列黃梅占包，咬落外皮好脆，內裡麵包軟綿，仲有酸酸地黃梅果jam，超好味，食左成4-5粒!!仲有幾款吉列主打既食物，例如: 吉列豬扒 – 味道唔錯，肉質都算滑； 脆漿炸南瓜 – 味道一般，內裡南瓜較粉身，可能我本身都不太食南瓜既關係；椒鹽雞翼 – 很入味，炸得唔乾身，內裡仍然保持有肉汁。除左吉列既食物外，仲有其他食物選擇，例如: 即場整窩夫、班戟等，好好玩又好好味，兩部窩夫、班戟機既隔離就係雪糕櫃，可以自製窩夫加雪糕，雪糕有好多味道選擇，例如:士多啤梨、芝麻、朱古力等等。今次呢個tea buffet最好就係價錢吸引，每人大約一百元，環境又好靚，我地坐個位都近buffet區，所有野都唔差，可以去試下!!

行完一田見到呢度既 dinner buffet 幾平, 只係 $218, 宵夜 buffet 都要咁上下既價錢, 仲唔使等到咁夜 食物選擇唔多, 刺身欠奉, 不過絕對優勝過唔少三四星級酒店既宵夜 buffet 海鮮: 長腳蟹, 翡翠螺, 青口, 凍蝦 肉類: 即燒羊架, 豬手, 魚, 等等, 不過個印度廚師手勢一般, 有 d 燒到燶哂都照比客食 熱盤: 菠菜芝士撻幾好食, 雜菜湯都幾好飲 甜品: 幾款 cake 都麻麻地好食, 唔係太酸就太甜, 食牛奶公司雪糕好過, 仲有部窩夫機比你自製窩夫最唔滿意係冇任何飲品, 成晚都係飲水同湯 不過環境幾舒適, 座位唔迫又有電視睇, 仲有 live band 現場表演 用恆生卡有八折, 每人二百唔使

今日明愛搞活動，午飯在這兒吃自助餐，其實我對這兒沒太大期望，因為主持人話沒有刺身，但是今次是日本菜，心想沒有刺身，應該有天婦羅及壽司吧！但是一進去，超失望，因為連基本的日本菜都沒有，沒有壽司，只有冷麵，而天婦羅只有菜的，沒有蝦！其他的全部不是日本菜！乜自製格仔餅都是日本菜嗎？除非下次有基本的壽司，否則是絕對是不會再來！

從某報的食評認識到1+1Bar, 見今次午市自助餐只需$78, 並且主題是葡國菜, 立刻上嚟OR睇睇, 見到有一篇有關的午市食評是, 那我便放心地致電booking, 從電話小姐口中知道連續幾天都Full House, 那麽我的排期是排到下星期一。$78的一頓自助午餐, 我並沒有太大期望, 因為我食過青衣的酒店那七十多元的lunch buffet, 我知道大約會是什麽的模樣, 再者葡國餐的葡腸、馬介休等都不是什麼平價材料, $78的lunch buffet能回本嗎?1+1Bar位於酒店大堂, 原來大堂唔喺好大, 在等待12pm入Bar時我見酒店的保安員很盡責, 因為有一內地八,九歲左右小男孩在喧嘩, 跑來跑去, 他爸媽正在辦理check in, 而婆婆級的老人家就坐在我身旁, 那保安員竟會輕責那小男孩並帶他回父母處, 叫父母把他看緊些。12pm Bar門打開, 經理會先帶有預約的客人入座, walk in 客要等等, 我估那天都是Full House, 因為walk in 客要坐bar 枱。 食物放在bar枱前通道, 食物熱盤約有六款, 放在左邊, 右邊是三款甜品, 窩夫機 及 自助沙

作為一間酒店, 以咁既價錢就真係幾抵,咁當然啦, 都要睇下有d咩食既!自問本人都食過不少既酒店buffet, 佢地以咁既價錢吸引顧客我一開始都係抱住"試下又唔駛死" & "都唔係貴"p.s. (因為有coupon)既心態入去!等我講下有咩食先!!凍盆:長腳蟹~夠大隻, 唔夠鮮甜,蟹鉗一流,正...不過唔多翡翠螺~夠鮮甜,又大隻青口~冇特別凍蝦~新鮮雜菜沙律~冇特別韓式泡菜、醃青瓜、醃豆芽等等~不錯，夠味,不過辣d仲好!哈哈!我鍾意辣。熱盆:牛肉~夠薄,唔韌,又夠味!正!雞翼~一般土豆薄餅~太油,唔吸引炒面~夠味!烤魚柳~好滑!烤雞~"鞋"左d!仲有其他肉類!都冇咩特別!甜品:生果~好甜啊!可以翻叮!葡撻~d酥皮林左同埋冇咩蛋味米糕~一般, 冇牌既話係唔知自己食緊咩囉!芝士蛋糕~唔夠芝士味糖水~值得一讚!因為咁熱氣,有木瓜雪耳糖水!總括黎講~都ok 啦!加一之後$150都唔駛!加上d 服務ok ~好有親切感!!!讚讚讚!!!

天朗氣清的端午節，實在陽光普照和非常炎熱，我們一家大小臨出發游龍舟水前，去到帝都酒店1+1吧食葡式自助餐，室內環境不錯，發現很多其他顧客都是一家大小來到食buffet，很多小朋友，氣氛好熱鬧這裡的頭盤有數款沙律配料及sauces，例如：有蕃茄、青瓜、納豆、薯仔等，再搭配不同既sauces, 例如: 千島醬、沙律醋、橄欖油、芝士粉等等，各樣配料都很新鮮、爽口，除此之外，倒了一碗洋蔥湯飲，加上暖笠笠軟綿綿既餐飽一齊食，好好味熱盤方面，全部都是葡式既特色美食，例如：葡萄牙海鹽辣椒燒雞，雞肉醃製得很入味，微辣帶點香草味，食落非常惹味!! 葡國雞，椰汁味香濃，雞肉嫩滑，如把芡汁拌白飯吃，一定很快吃清光；葡國香腸燴牛肉，肉質略嫌有點韌，味道普普通通；海鮮雜燴西洋飯，色澤好鮮艷，配料豐富，例如: 有青口、鮮蝦、紅蘿蔔等至於甜品，都吃了幾個不同款式，例如：木糠布甸，其實自己本身都十分喜愛食木糠布甸，因此都攞左幾轉，這裡的布甸質地較稀身，味道ok，如果質地再實d就更好；這裡的窩夫是自己製作的，幾好玩，食落外層脆皮、內裡軟棉； 砵酒雞蛋布甸，質地濕軟，味道帶有甜味的砵酒，搭配水果一齊食味道好fresh.