616牛肉火鍋專門店 (已結業)

今日喺鵝頸橋附近做嘢，見橋底辣蟹旁邊開咗間616。上次試過佢另一分店個午餐，覺得唔錯睇吓今日又有乜嘢食先。佢唔同分店會用返附近有特色嘅舊香港為設計主題裝修。午餐分店有不同選擇，今次就來一個辣牛肉片飯，牛肉片用料靚，似乎係晚市打邊爐嘅用料另外上次在另一分店食過嘅咖哩牛肉飯，朋友再點，佢話這分店的肉更好味，更大件今次再點嘅菜式仲有佢👇🏻個煲仔好cute 似乎用料,這分店用料好，新鮮又大件，店仔唔細都座滿人

今午行經鵝頸橋，轉入謝斐道附近搵嘢食，見一食肆個名幾特別，叫616拾二味牛肉火鍋店，從落地玻璃望入去幾企理咁，於是入去一試。看餐牌，原來午市套餐有三款選擇，有牛四寶湯飯、芝士紅燒牛肉麵、同埋古法牛筋腩飯！兩人各點了一個牛四寶湯飯和一個芝士紅燒牛肉麵！牛四寶湯是用瓦煲戴上，白飯就另上！用瓦煲好處是夠保溫，所以湯料夠熱，湯料有紅蘿蔔同白蘿蔔同煲，牛四寶包括有牛肉、牛腩，牛仔骨，牛筋，等等，味道鮮甜不似有味精。芝士紅燒牛肉麵，份量足夠，燒牛肉也很入味，配以蔥花，什菜等，外觀吸引！麵條爽滑有口感！原來這套餐只是$48還有一枝樽裝飲品隨餐附送的，真是超值！

呢一日約左h小姐黎銅鑼灣碰面餐廳係鵝頸橋附近, 牆壁用左鵝頸橋既畫,好特色餐廳午市有3款食物: 咖喱牛肉飯, 水煮牛肉飯, 牛4寶飯。 3款都係飯。 都有牛。 因為餐廳主打牛肉。 好在朋友同我都係食牛既。 每款48蚊包飲品。飲品有可樂同雀檸揀。 我食辣。所以叫左水煮牛肉。 真係好好味。因為又麻又辣。 有豆卜, 芽菜, 牛肉同椰菜。 朋友唔食辣。佢叫左牛4寶飯。 我見到就有牛根, 牛仔骨, 紅蘿蔔同蘿蔔。 佢話d湯好好飲。 我下次都想試下食呢個餐。

今日去CWB搵吃, 之前吃過上環616的火鍋, 原來佢係銅鑼灣有分店，中午有做lunch set, 價錢都係$50左右.裝修好似其他分店咁, 好有舊香港feel~水煮牛肉飯 $48 包汽水水煮牛, 味道好, 有層次, 不會spicy, 推介!牛四寶湯飯 $48 包汽水四寶牛, 清清地, 牛味濃, 送飯一流,包汽水只在午市時間供應, 晚上冇得吃gar, 另外, 要留意全店吃牛, 吃靚牛, 適合牛肉狂好者~ ------------------------------參考吃評:近期少見高質抵食火煱616牛肉火鍋專門店https://s.openrice.com/QrbT0UHul00———————————————— 如果喜歡我嘅文章，請喺下邊襟個心俾我，鼓勵下我繼續寫食評。多謝你。❤️

Taste: great tasting beef and assorted meatballs and fish balls. Food was very fresh and the soup base was very flavourful. The restaurant also had their own craft beer which is a must try for beer lovers. Mix your own dipping sauce also a plus.Decor: good setting for hotpot dining. Chairs could be slightly more comfortable.Service: very good! Very quick from order to food on table. Even faster service for ordering beer, which is essential! Hygiene: both food and restaurant were nice and cleanVa

今日食晏，行到灣仔謝斐道，見到有間食牛嘅餐廳叫616十二味，望下個餐牌，價錢大眾化而且賣相吸引。我同同事坐低左，叫咗個咖喱牛腩飯同埋牛四保湯飯。先來咗個咖喱牛腩飯，牛腩薯仔好淋好入味，而且份量又夠多。牛腩汁好香口，用來用嚟撈飯一流，一陣就食晒成碗飯。牛四保湯飯都好好食，個湯唔油而且材料好足，有四種唔同嘅牛部位，個湯仲好好飲。二咁嘅質素可以用咁嘅價錢食到,仲要係咁方便嘅地方就可以食到一餐咁豐富嘅午餐，連埋凍飲都係＄48。下次可以試埋其餘兩個餸，真係抵食夾大件。

第一次幫襯616十二味銅鑼灣分店，之前去過他們同一集團在西環和尖沙咀分店，對他們出品的食物有一定信心。午飯的時間，銅鑼灣迫滿晒人，616十二味門口也排晒長龍等枱，好彩我們早到，不用等太久。水煮牛肉套餐，用了豐富，除了有新鮮的牛肉外，也有豆卜、芽菜和野菜。麻辣味十足，喜歡麻辣的朋友，一定唔可以錯過啊！老實說，在銅鑼灣以＄48可以吃一個午飯套餐已經很難得，大家樂也不只這個價錢。咖喱牛腩飯，616集團專營牛肉，他們的牛肉出品是不容置疑的。牛腩炆得剛剛好，牛腩稔得來有咬口，牛肉唔會蘇，薯仔亦非常入味。

剛好今天去離公司遠一點的地方幫家人拿東西，路過看到這家店的午市非常平宜！！！只是＄24一個午餐，今時今日真係好難搵到，竟然比我遇到！環境清靜，但位置也不少！原來晚上是吃火鍋的！雖然一心諗住一分錢一分貨，但估佢唔到！佢地都係保持到正價甚至高過正價既水準咖哩牛筋腩飯 正價 ＄48平時茶餐廳成日食到既飯，茶餐廳既價錢，今日仲要半價！但上檯我覺得很驚喜，因為牛腩多過薯仔，汁一點也不淡，是濃濃的咖哩香味，店員一拿上檯已經聞到！真的是有筋有腩，每一啖都很滋味，而且咖哩是真的咖哩，是真的辣！不太吃到辣的朋友要注意呢！水煮牛肉飯 原價＄48另外一個是比較午飯少吃到的水煮牛，不要少看這個小的鍋子！內裡都是很豐富，有不少的牛肉、豆卜、芽菜等等正常基本有的。味道也是濃濃的味道，非常用心制作，辣不算太辣，也不算太油，但這個價錢真的是不得了！餐飲另外每個餐都包了飲品，$24 今時今日真的是抵到爛！！！順帶一題，這家店是專吃牛的，不吃牛的朋友也要注意喔！

今日去鵝頸橋附近搵好食，噢，附近開左間新店店內都好寬敞舒適，有少少懷舊感覺我們12點幾去到就搵位容易，1點鐘後，已坐無虛席喜歡食牛的客人系最好選擇水煮牛肉系我最愛，好多配菜：芽菜，豆卜，黃芽白，指天椒等等主角牛肉好嫩滑鮮美辣度可以接受這煲超級豐富：牛展，牛腩，牛筋，牛仔骨配備紅蘿蔔，白蘿蔔，西芹等等煲出濃郁香甜湯又保身又暖胃食落肉質鮮香，飲啖湯，聞到好香牛肉味蒜香炒油麥菜，新爽帶甜娃娃菜炒得好香甜免費配上一罐飲品食飽飽，下次再來食晚餐

上班前 要出銅鑼灣果頭整野見到616 雖然我知晚市打牛邊爐好出色但我又好奇lunch係咪都咁出眾呢入到去 好懷舊香港feeld壁畫 好正 display都好玩味言歸正傳今次order牛四寶湯飯($48) +油麥菜($9) +飲品(free) +10% service charge上菜速度都好快 三至四分鐘就送到我眼前喇一開蓋見到有 牛肋骨 牛展 仲有牛腩 兩款蘿蔔 西芹都好足料 個湯好有 清版肉骨茶 feel好香 唔會鹹d肉好不費力 就輕鬆分開肉同骨唔會話軔到咬唔開 食到好滿足 午餐我都食到清 如果晚餐 我怕會食埋人地隻牛 人地唔做我生意*依家我見到門口話2nd lunch係 半價 大家有興趣 可以叫埋fd子去試la

「616十二味」的裝潢以懷舊老街作藍本，並以牛肉作主打食材。在晚市時段，餐廳會變作一間火鍋店，供食客細味不同的牛肉部位。在午市時段，餐廳則提供多款牛肉菜式，在匆忙間也能吃到餐廳的招牌食材。細看午市餐牌，一共有三款套餐供選擇，定價 $48 包指定飲品，免加一之餘更有七五節優惠，實在便宜得無話可說！這客「牛四寶湯飯」以小瓦煲盛載，內含牛腩、牛𦟌、牛仔骨及牛筋四寶，另伴有紅白蘿蔔及芹菜等湯料。就四寶而言，牛𦟌口感最為鬆軟，牛腩則肉味最濃。牛筋透白軟身，膠質感重，補氣養生。紅白蘿蔔主要為湯汁添甜，自身腍透無渣。湯汁方面，牛肉部位款式雖豐，但味道不及預期濃郁。 整體而言，牛四寶用料談不上高質，但以人均消費只是三十餘元實在有所交代。或許要節省成本，午市繁忙時段樓面只有一人，點菜上菜執枱結賬「一腳踢」，嚴重不足，需留意一下！

今日黎食個午餐，知道這間牛牛出名的火鍋店新推出咗午餐，$48 有主餐、飲品，都幾抵食，所以一如黎品嚐一下！環境都幾寬闊，有懷舊風情的設計及像舊式的坐位！服務員午餐真係好忙碌，又要落單、送上菜、給飲品、埋單，好厲害的一腳踢所以這裡不是好多選擇，但貴精不貴多，主力牛牛！我選擇了牛四寶湯飯及加了油墨菜好大窩好香喔，一上枱就被吸引了！好多料，有：牛𦟌，牛腩、牛筋等，試一試個湯，好清甜好好味！好保身之選擇牛腩好腍好軟，不需用力咬，好香濃的牛味，正呀牛筋大大塊，補充骨膠原最好的食物膠質好重好滑！我以前好喜歡在酒樓食牛仔骨，這個好香好濃郁的牛味，有咬口有口感！牛𦟌好大塊又香濃牛味，一層一層間著的牛肉及牛筋，好靚的牛！配料有紅白蘿蔔及西芹作湯底，難不得個湯咁好飲咁美味這間食牛的真的好質素又美味，正呀

早前見雜誌介紹過616，都已經好想拉阿sir嚟試，因為價錢唔貴兼可以試到好多牛唔同部位。直至前排响Openrice無意見到全單66折，大力說服兼努力打電話訂位攻勢下，我終於可以一嘗616，仲要搵多兩個朋友仔一齊開心邊邊添訂咗8點正，但去到都要等到8點半先有位，不過既然有大優惠，落住單等都無所謂啦，鋪唔大位唔多，迫迫地兼要搭枱坐，環境真係麻麻地，好在地方都叫整潔。因為66折實在太抵，大家都盡情點食物，平時打邊只識牛頸脊，所以我哋今次採取求其點策略，反正全部都未食過，一有枱店員清理好後，就即刻將全部食物放滿枱，超壯觀，即時令大家食慾大增。。。鴛鴦麻辣牛骨湯底 – 麻辣唔太麻，叫小辣已經好辣；牛骨湯唔太濃，唯有點混彌補海鮮併盤 (折實$190) – 全部海鮮都好新鮮，尤其龍蝦超鮮甜多膏吊龍伴 – 無乜特別，牛味一般牛腩頭 – 無乜特別，牛味一般牛腩心 – 重牛味，encore咗一次脖仁– 口感爽，有牛味挽手腩 – 無乜特別，牛味一般牛心錠 – 重牛味，encore咗一次牛肉餃 – 皮太厚，肉好多味精牛骨髓 – 貪佢口感爽爽地，都係無味響鈴 – 一碌就即刻腍，同埋唔係新鮮貨白蘿蔔 – 甜而無根

見六月中616 做6折優惠，我早兩個星期已經打電話去book16/6 晚食。我一直都有幫襯開616 火鍋，銅鑼灣分店亦去過好幾次，但係今次服務質素之差令人失望。以前從來冇寫食評，但今次實在不得不寫。book 咗8點兩位，我準時8點已經去攞位，當時都冇咩人等位，後來越來越多人嚟。其中安排入座嘅女職員先叫我同其他食客用ipad落單。一直等到8:20都未有得食，嗰女職員由廚房攞番各人張單話已經落咗，但係我又未有，原來佢落漏咗我張。而哩個女職員係按落單次序而唔喺攞位次序入座，明明遲過我到嘅二人枱竟然可以入先。三催四請下啲人先再幫我落番單，但都仲落漏。足足等咗45分鐘，我再三投訴吓先有得入座。究竟哩間餐廳做嘢有冇規矩？book咗位嘅人客都要等45分鐘？諗住用promotion吸客但又做唔嚟？今次叫嘅牛肉同海鮮拼盤喺唔錯，但係啲職員又冇清潔好張枱搞到仲係好油好癡立立。去過咁多次銅鑼灣616，以前都覺得啲叼鑽牛肉部位幾得意，又坐得舒服。但今次服務質素之差，非常令人失望。香港仲有好多其他牛肉火鍋店，616咁幾服務態度，我以後唔會再幫襯。

同朋友食飯成日都會打邊爐，因為可以坐耐少少。今次就搵左呢間專門食牛既火鍋店，我地六點半去到，到既時候鋪頭人唔多，即刻入座。叫左個鴛鴦湯底，一邊清湯，一邊沙嗲。沙嗲湯底就麻麻地，因為越煮越多泡，越煮越油，所以唔推介。雖然係專門食牛既地方，但係我地都唔係叫左好多牛既野食，一碟牛肉同牛柏葉。感覺新鮮度一般，份量還可以，其他蔬菜和響鈴都正常。我地都叫左一壺佢地自家製既酸梅湯，味道唔算特別，亦唔特別好飲，整體中規中矩。