A La Umai (已結業)

雖然係Groupon買返黎嘅一餐，但係一D都唔平，而且可以選擇嘅時間唔多，我地呢日6pm就去到食晚餐。餐廳嘅服務質素一般，坐低會即刻收你$99 service charge。老實講，真係有D突兀，雖然呢個問題可以歸咎於Groupon個系統(而家叫Hoko)唔能夠一次過收埋錢嘅問題，但餐廳其實可以book檯時及入座時先作提醒，完成整個「服務」後，離座一刻先至收「服務費」比較合理，俾客人嘅感覺亦比較好。當日因為受颱風+熱帶風暴嘅氣流沉降影響，所以全港嘅空氣污染嚴重，就算無雨，能見度都極低，煙霧迷漫一片。頭盤係生蠔4隻，感覺新鮮爽口。第二道頭盤係哈蜜瓜配18個月西班牙風乾火腿，男朋友讚好好味～蟹肉龍蝦濃湯👇牛肝菌黑松露忌廉湯👇我地選擇了兩種湯各一，龍蝦湯比牛肝菌湯好味，不單味道鮮甜，而且十分濃郁，加上湯裡面仲有一絲絲蟹肉，口感豐富。黎之前略略研究過openrice，見有唔少人盛讚黑毛豬，於是主菜我地就揀咗黑毛豬。第一啖都幾驚喜，肥瘦適中，唔會鞋口，不過再食落去就開始鞋口，可能1)豬肉位置唔同或者2)剩餘熱力繼續over-cook隻豬。下圖可見切開後嘅肉質👇墨汁意粉👇忌廉味濃郁，香氣四溢，👍可

見yahoo團購有推廣套餐，打去問下有無得即日用店員回覆無，要提早預約先可以用但見到野食同環境都好吸引，無團購優惠都照食就問今晚有無位，點知店員一口就用非常差既語氣回應，態度非常差都吾明想訂個位食飯都可以咁

個下午茶餐唔錯。好休閑，野食又唔差。係凍咖啡無乜啡味。個景係靚既。因為係下午茶時間，好多人都返緊工。所以無人，靜靜地，幾好。服務態度都唔差。下次再食埋佢其他野食。有機會可能會試下個午餐。

是晚在朋友介紹下到尼間試下一去到真係被佢個景吸引左一陣25/f望過去維港😝頭盤---蠔由淡到重味👍🏻👍🏻👍🏻鵝肝拼李---標準蜜瓜火腿---個火腿幾好最少係24個月既湯---都唔錯-薑汁南瓜湯麵包---夠晒軟😍主菜---龍蝦配龍蝦汁/銀雪魚大蝦帶子服務員---態度友善食完仲上左天台睇景✨🌟⭐️

經過天后見到有間餐廳做緊10週年優惠招待~做到5月~就係叫2個set dinner就會送半打時令生蠔，仲會送埋枝意大利玫瑰氣酒~真係幾抵食wo! 又送蠔又有氣酒。上到餐廳環境暗得黎有情調又唔係好多人又唔會嘈咁~岩哂去把酒傾心事飲番杯！時日生蠔係有法國，南非，愛爾蘭！！法國隻gillardeau新鮮爽口~帶dd清香既棒子味！！最為吸引~其他2款都正~比較creamy!! 餐湯簡左鮮肉龍蝦忌廉湯~加左少少pepper, 仲帶出個湯既鮮味，真係有粒粒龍蝦肉係湯入面！幾鮮味~個湯夠哂濃！！好味又唔膩。18個月黑毛豬風乾火腿件哈蜜瓜~黑毛豬火腿薄尊一片包住哈蜜瓜！咸香味道遇上清甜真係絕配~好爽口~主菜要左澳洲烤頂級羊架配芥末籽忌廉汁，羊肉真係烤到剛剛好唔會熟 ~保持番肉汁既鮮味！有少少肥膏件住更帶嫩滑~加埋個薄荷醬食更係另一番風味~另外我仲加左份牡丹蝦刺身~原來係一客二食！牡丹蝦肉刺身部份非常鮮味~加左d黑魚籽更帶口感！蝦頭部份已經炸到卜卜脆~連d蝦既長觸鬚都可以食得~最後跟餐個甜品朱古力moouse都好好甜~雖然細杯d, 但少食多滋味~~總括黎講食物，質數，環邊都係幾好既餐廳！！i like~

其實係慶祝生日嘅晚飯, 梗係想搵間靚啲而食評OK嘅餐廳, 最好唔好咁多人,所以揀咗呢到因為訂咗位, 所以一去到就已經有得坐餐廳係長型, 唔係好多枱不過裝修得幾靚, 比較適合2 人嚟食咁啱佢地今個月有10週年PROMOTE, 凡係ORDER兩位SET, 就會送半打蠔同一枝ROSE個SET都好好豐富, 有STARTER - IBERICO HAM 同時日頭盤, 湯有蠔湯同龍蝦湯我就揀咗龍蝦, 好濃好好味呀MAIN COURSE 有4 款- 有PORK LOIN, ANGUS 肉眼, 羊架同龍蝦配鱈魚由於唔食羊, 只係揀咗肉眼同龍蝦兩樣都好好食呀, 特別係鱈魚,真係皮脆肉滑仲有甜品同咖啡茶, 基本上個SET係夠飽嘅, 只不過我地口痕, 嗌咗個蘑菇意粉, 呢個真係不得了, 好正不過價錢就偏高啲, 但都預咗囉

一期一會既聚會, 朋友就同我去左天后食個晚餐, 談談女人經~先食個珍寶牡丹蝦, 一如其名, 牡丹蝦SIZE真係好大, 原來仲係一味兩食添!先食SASHIMI先, 質素係刺身專用牡丹蝦, 蝦身鮮艷如牡丹般又剔透高質感肉質甜嫩，咀嚼後口感軟滑，甜度和韻味都很足, 點少少芥末入口，就能感受到那種鮮爽中帶軟糯的口感之後再食蝦頭, 炸得卜卜脆, 內裏有有唔少蝦子、蝦膏, 口感絕對一流玫瑰汽酒, 玫瑰花香洋溢於口腔中, 口感清新及持久, 食完海鮮, 再飲一口, 玫瑰汽酒, 感覺良好再食個野菌松露意粉, 濃濃的松露香氣, 確實誘人, 松露汁與意粉黏在一起, 意粉口感較煙韌，QQ的較有彈性, 每一口都散發著菌香味, SIZE岩岩好經理仲介紹我地而家做緊10週年優惠, 叫2個SET送玫瑰汽酒同半打生蠔, 等我下次帶埋男朋友黎一於!

男朋友話帶我去天后揾野食，行到一棟大廈門口前面，話要請我食一個有驚喜既西餐！答電梯上25樓一開電梯門暗暗的，由待應帶我地入去裡面，一入到去就已經好surprise!原來係一個好浪漫好有情調既地方！坐係呢度望出去個景好靚,仲可以望到維港景色！返左成日工，收工已經又攰又餓！要食餐好既慰勞下自己因為我同男朋友都好鐘意食生蠔，所以我地另外加左$118試下呢度既生蠔！一共有三款，由左至右，由較淡食到最濃味：Grillardeau, Irish, Fine De Clarie三款生蠔都非常新鮮爽口，加少少檸檬汁中和生蠔既海水咸味，真係好正！而且完全唔會有鐵銹味，怕食生蠔既朋友黎到呢度都值得一試！雖然好想encore，但係要留返個肚食其他野18個月黑毛豬風乾火腿，咸味十足，一定要配埋蜜瓜一齊食，我就鐘意一啖火腿一啖蜜瓜，既食到火腿咸香，又可以食到蜜瓜清甜味道沙律絕對搶鏡，肥美海膽×2,真係份量十足！上面加上少許魚子提升海膽的口感，配埋沙律菜，淨係呢個沙律都已經值回票價！唔好忽略旁邊既芥末沙律醬味道調得不錯，如果醬汁多啲會更加滿足龍蝦湯，味道不會太濃，岩晒食完幾個冷盤前菜準備食主菜之前暖暖胃主菜-1/

話說當日中午book，竟然有得夜晚2食。餐廳很小，得10張細檯不到。個晚幾乎每一檯都食生日飯。總的來說，食物質素一般，服務也很一般。雖然係一間西餐廳，但無食西餐那種放鬆，慢慢享受的感覺但夜晚上天台景色就真的不錯啦

前兩日係我同男友仔既一個月紀念，知佢番工攰，所以呢個慶祝活動就由我諗，平日咁辛苦，決定要食好啲慰勞下我地。上網搵到呢間A La Umai，食法國菜，就試下。等佢收工，又要ot，到八點左右先去食，呢間餐廳係一座大厦既25樓，大厦門口唔大，所以要細心搵一搵。入到去，感覺靜靜地，好浪漫，最最最不得了既係佢個落地玻璃！！！一眼望曬維港夜景，可以成晚對住個夜景食飯實在太正正😍如果有埋煙花睇就真係perfect。講下我地食咩先，懶得諗既我地決定食set dinner。一開始就加左蠔，其實我就唔太食生嘢既，不過呢三款蠔都易入口，由淡到濃咁食，由左食到右，唔識食蠔既我都食到，淡淡地既咸味，加啲檸檬汁好清新。前菜係黑毛豬風乾火腿加哈密瓜，火腿唔會淨係得個咸，淡淡地配清甜哈密瓜，真係好好食頭盤有呢個海膽，唔識食生嘢既我就唔班門弄斧喇，淨係見到佢大大舊，食到佢甜甜地，係幾好食既。 湯我就試呢個蠔湯，佢好滑，有濃濃既蠔味，有啲中式蠔豉湯既味道，感覺好新鮮。主菜我食黑毛豬配蘋果黑醋汁，呢個真係好驚喜，黑毛豬外皮烤到脆，好香，入面留住啲肉汁，烤得剛剛好，食落皮脆肉嫩，又唔會韌同乾，真係好好食。只係大大舊份量有啲多

呢間位於天后既高級餐廳真係無得頂 前排同女朋友去左呢度倒數 今次係第二次黎呢度la真係好好彩 本身諗住早幾日打電話去book位 點知話full曬 之後我地用vip既身份大個經理 好彩經理好好人咁幫我地位天台加多張抬點解一定要坐天台？因為天台可以直望成個無敵大海景同煙花果晚仲特別加推new year既dinner set最中意佢地既龍蝦忌廉湯 真係好正 同埋磯煮日式鮑魚其實佢地既所有野都好正 例如生蠔 一set三隻全部黎自唔同國家 睇下D相就知！黎緊過年再去多次 今次同屋企人

上網搵倒的，聲稱有個景即管試下個lunch個人覺得十分麻麻Waitress 吾會點理你叫到過黎又完全吾識中文野食煮得吾錯，但 食材差價位吾貴但食果d野就吾值食完就即出單趕你走

聖誕節一年一次, 男朋友細心地為我點選左一間有氣氛又可以望住維港共進晚餐, 真係好開心!男朋友知我鍾情生蠔, 就加錢食左3款生蠔, gillardeau蠔質肥美、 有脆口感覺，味道很鮮甜，但蠔味唔會過分爆發，有細膩層次fine de claire呢個法國蠔, ,爽口而海水味濃, 而澳洲既smoky bay 生蠔, 肉質爽口清脆，肉帶甘香、蠔汁鮮甜、 且帶有海水鮮味，蠔的鮮味齒頰留香。聖誕大餐連埋甜品有道菜, 食完生蠔之後, 我地食STARTER啦, 黑毛豬風乾火腿伴哈密瓜, 風乾火腿甘香味美, 口腔內維持很久, 而哈蜜瓜頗香甜, 甜度高且肉質細滑, 同風乾火腿非常之夾, 好似我同我男朋友咁, HEHE。頭盤係北海道帶子, 帶子肉身豐厚富彈性，味道鮮味甘甜，口感嫰極, 配上魚子令味道提升上另一個層次, 配埋牛油果, 口感柔軟、绵密、滑腻, 有股淡淡的牛油味道, 唔錯。之後就飲法式鮮蠔忌廉湯, 生蠔打至幼滑，啖啖鮮味和滋味, 餘下鮮香的味道還會在口腔稍稍逗留，令我慢慢品嚐這幸福的味道。MAIN我點左1/2波士頓龍蝦雪魚配蟹肉忌廉汁, 鱈魚外層煎到好香脆，有少少焦香味，肉質好滑好嫩，重有陣

又到聖誕，又到聖誕～普天同慶嘅節日梗係要同最愛既人去優雅嘅場境食番餐好啦！因為佢要同屋企人去日本旅行, 所以我地就提早慶祝聖誕, 佢係朋友介紹之下, 點選左間有氣氛既餐廳, 最重要係面對維港兩岸！地！玻！璃！窗！睇住海景FINE DINNING, 提早過一個滿足愜意的溫暖聖誕先入夜後 ICC、IFC、摩天輪霓虹燈亮起，明信片一樣！好靚先黎個麵包, 熱辣辣, 有芝麻既香, 撲鼻牛油香氣，麵包質感好SOFT, 唔錯STARTER係18個月黑毛豬風乾火腿伴哈蜜瓜, 黑毛豬火腿, 口感十足, 味道非常細膩, 酒紅色的色澤與其獨特的橡果香氣相互結合，齒頰留香, 配上蜜瓜既清甜，鹹鹹甜甜嘅味覺衝擊，真係意想不到咁夾咁好味單是前菜已極具睇頭, 加拿大海膽刺身，肉質豐厚，味道甘香鮮甜, 就如奶油般滑不溜口, 入口即溶及獨一無二的味道成功擄掠左我鮮肉龍蝦忌廉湯, 厚厚質感, 加少量淡忌廉玩拉花效果, 賣相幾好, 而每一口均有新鮮的蟹肉,味道濃郁,配以新鮮的香草和忌廉作配料,使湯底混有忌廉一香草同龍蝦香氣, 沒膩感我點MAIN係烤美國安格斯300日肉眼 (200G) 配紅酒汁, 美國安格斯牛肉眼烤得外焦脆

前排去左天后有間西餐廳覺得好正想介紹比大家，餐廳位於25/f, 餐廳唔算好大~但係一個超級無敵既靚景！一邊食一邊望住呢個靚veiw超正~而且播住柔和既歌曲更令氣氛帶情調。有咁靚既view當然要開枝wine飲下啦~開左枝美國brand既chardonnay, 我覺得味道夾雜住d香桃味同埋幾清新！超爽呀要左份法國鵝肝配烤鳳梨配藍莓黑醋汁~present得好靚仔！未食已經吸引眼球食落鵝肝煎到表層香脆！内層細緻綿綿加埋個下層個烤鳳梨超香甜，帶點微酸，夾埋個鵝肝一齊食好match蟹膏龍蝦湯~湯頭龍蝦味道濃味又極細緻！湯内既蟹肉一瓣瓣！好鮮味~夠哂足料而且個溫度夠哂熱！最驚飲湯唔凍唔熱！呢個湯真係夠哂香又好味慢煮澳洲雪花和牛尾嫩肉配紅酒汁，亦係賣相好靚~紅酒汁醬好似神來之筆咁有art. 牛尾嫩肉真係好滑好軟淋~吸收左d醬汁味！勁好食雖然肉既位置唔太多，但骨與骨之間既軟骨細肉我都唔放過！可想而知真係有幾好味呢？？甜品就是左份法國valrhona朱古力心太軟配香草雪糕，濃濃又唔太甜既朱古力滲透出黎，味道好好~同埋食得出雪糕又係用靚貨。so far真係好欣賞呢間法國餐廳。店員服務既態度又夠細心！真的一讚