Alva House

营业中

休息中

感謝老細周年聚餐，請全世界去帝逸食自助餐。聽聞都幾難Book，而且價錢唔平，真開心。準時入座，獲安排係窗邊位，非常光猛舒服。一入門口就一排甜品櫃好吸引，行入少少就有凍海鮮櫃，仲有生蠔。之後就日式串燒，東南亞美食等。入面就主要係各式熱盆。先拎幾款刺身、凍盆，樣樣都幾新鮮。三文魚相當鮮甜。生蠔都要排一陣隊，即開生蠔都幾大隻，相當甜，食左幾轉。熱盆選擇都好多，特別推介燒牛肉，都幾腍，幾夠牛味。仲有日式串燒。一向食自助餐都主攻甜品部，選擇實在好多，小杯奶凍類特別好食，抹茶蛋糕都印象深刻。最後仲有迷你杯Haagen Dazs。整體算相當唔錯，所以價錢應該都唔平，如果有優惠可以再試。

Don’t download the Royal app. $100 welcome coupon couldn’t use for breakfast anymore (July still can)- they changed their policy! Cheap class hotel! Foods are really bad for a 3 stars hotel standard! Location too far nothing to do surrounding! Don’t waste your time and money!

第一次嚟Alva House就係專登入嚟食自助餐，平日晚市人流唔多，冇坐滿嘅情況。生蠔好新鮮，即開即食，不過每次只可取2隻。其他冷盤海鮮質素一般，不過可以回本！你喺度都係貪選擇較多，多國菜buffet一定係佢No.1🤣

依間的自助餐口碑都幾好，好多人去食，所以訂位都要預早2個星期以上。咁岩有朋友入面做，有員工優惠，所以就山長水遠咁去食。最出色係生豪，見到員工係即開竹，好新鮮。長腳蟹就麻麻地，鞋得熟食中片皮鴨都好好食，整體來講唔錯。

表姨大喜日子👰‍♀️又可以繼續食好西🥳去左逸帝酒店Alva House食自助餐食物款式都係嗰d啦刺身壽司熱食燒物甜品不過我覺得算多，最重要係岩食❣️刺身壽司可以，三文魚同吞拿魚新鮮，厚度適中，肉質嫰冇乜筋生蠔細隻但處理得幾乾淨熱食種類幾多，喜歡咖喱但老公話似日×咖喱味🤣燒牛肉呀羊肉嗰d就一般喇，韌同埋冇乜味道串燒好受歡迎，雞皮好食👍一放出黎總會冇晒包一杯飲品，可揀橙汁蘋果汁zero水吧都有檸檬紅茶，熱紅茶，檸檬片，咖啡選擇甜品就不過不失👌，特別深印象應該係意大利雪糕同突然推出黎嘅雪糕蛋糕，朱古力味濃但又唔太甜，雪糕質感好，軟硬適中，夠滑。唔想比自己食咁多🤭，如果唔係應該會失控

今次特登過海和家人來試吓，大感失望，七位消費 $1600 （HSBC 咭已有15%discount)，但服務及食物質素一般，絕對不值收呢個價！😤🙄😪黑松露手撕雞半隻$298- 冇雞味雖然已下很多黑松露醬，但冇乜味亦不看香😕點心拼四件收$128 ， 唔可以講係好食🙁

好耐之前有聽過其他人話Alva嘅自助餐唔錯~今日一試,完全係開了我的眼界！自問都係一個幾喜歡吃自助餐,而且又大食嘅人~但我喺呢度完全食唔飽,因為真係無乜嘢好食...先嚟當然係去排下生蠔排下魚生壽司~可能因為第一轉,所以都排成起碼10分鐘,不過睇到都覺得好一般...希靈魚正正常常,但鯛魚有點霉又有筋...生蠔又瘦又無味,食咗一round已經無再去拎了...然後試下啲沙律~正正常常嘢,感覺都算新鮮~熟食款式唔多,個燒牛肉可以一試~然後佢中間位置仲有啲炸嘢,天婦羅同埋串燒嘅攤位,但基本上永遠都係吉嘅...個廚師仲要話: 唔好排啦,有排都未整好~雖然唔係話態度差,但嚟食自助餐,連熱食咁基本都唔識先整定要翻熱?有真係咁追求啲嘢一定要新鮮即製即放入客人個碟嗎?我好好運咁拎過一次炸魚,味道係唔錯(起碼係所有熟食中最正常),難怪常常有人喺攤位附近徘徊等出爐~最後去到甜品~無錯,係有好多款嘅選擇,仲有一大櫃嘅蛋糕仔,但...又真係無一款吸引我!於我而言,自助餐嘅靈魂係甜品,就算唔係多款或款款都正,最起碼俾一兩款我會想無限encore嘅嘢~但sorry,真係無...我第一次拎已經唔太拎得落手,因為如圖中放

先講凍野蟹 蝦 青口 全部霉嘅刺身可以溶雪溶到變到暖嘅正宗連三文魚都可以難食Ham個啲可以全部擺到有異味沙律連沙律醬都無放係到反觀擺成十幾支醋同油俾你落而家我係食油定食沙律？天婦羅炸物個啲炸都未炸好就放岀黎俾人拎仲有所有肉類食物全部唔係凍哂就係味道差到爆熟食仲勁 整個揚州炒飯就當一味甜品就好啲 多選擇食包相對穩陣我比較喜歡食佢舊方包 好有家的味道 好似我平時屋企買嘉頓烘下個啲咁全個buffet最掂就係haagen-dazs個雪糕櫃員工全部晦氣到爆呢間野真係食到人父親節真快樂

一年會籍係呢個月完結食最後一擊buffet 🤣食反個lunch buffet12:00-14:30 一定可以慢慢食D 蠔越嚟越細隻👎🏻同埋冇咩味道今日d 大蟹鉗又ok好鮮味🦀🦀😋😋蝦冇咩未乳鴿必食😋燒牛肉都可以唔太食生野可以叫佢燒一燒👍🏻今日二個湯都好好飲😋😋中湯：粉葛湯夏天啱晒去濕西湯：蕃茄湯甜品最好味品種多😋最驚喜燒味檔服務員值得贊佢見我男友望望吓乳鴿果個位置當時係冇晒佢專登炸一隻夾咗半隻拎過嚟真係估唔到咁細心服務👍🏻👍🏻👍🏻

慶祝屋企人生日聽講呢間自助餐好受歡迎又好難訂所以一早訂嚟試吓當一去到跟著個帶位姐姐行入餐廳時其實都幾振奮 因為好似幾多嘢食咁每個counter都幾企理生蠔係即開嘅 幾高質唔會太瘦 師傅洗得乾淨 唔會太咸有日式櫃檯包括串燒及天婦羅紫薯天婦羅最出色串燒種類繁多 雞皮串燒好味海鮮選擇唔太多 啲蝦好細隻龍蝦鉗幾鮮甜意粉檔個姐姐好helpful自選配料同意粉 味道唔錯魚生普普通通 冇咩特別熱食中規中矩 種類繁多但味道唔太突出第一次嚟應該會幾OK嘅但係未必會再想去第二次因為唔係特別好吸引乳鴿都好食嘅 仲有豬腳薑啲嘢都幾地道甜品選擇都多嘅不過成餐飯最唔好嘅經歷就係催場可能一round接一round嘅原因訂咗11:30 入座時話自助餐到1:4512:30已經嚟埋單 喺12:30-1:45之間大概嚟提咗五次自助餐到1:45其實會唔會多咗呢？

滿心期待地入住，房間泳池健身室又靚又舒服職員又友善，本來一切都好完美……早餐無預先通知下，到check in先知食7am-8:20am，早過番工起身都算，去到枱面明明無人、甚至餐具都未拆封，一兩個職員會放紙巾hold位，而唔係用預約牌留位，坐左都叫人起身轉位，呢種服務真係令人好唔開心。再來食物質量，酒店早餐好難唔好食，但佢地真係麻麻地，之前讚好食評都唔知點解寫得出黎…簡單如all day breakfast - 番茄煙肉焗豆煎蛋還可，但豬柳鹹到想吐、腸亦無咩味！中式點心-牌寫菜肉包其實係叉燒包，牌寫糯米雞其實係珍珠雞，完全錯晒！-除蘿蔔糕外，叉燒包珍珠雞燒賣都唔好食！粉麵-只有生菜、通菜、水餃、貢丸、幼麵、公仔麵，無河粉米粉，湯底如水一樣淡，無味！-同職員講左要幼麵佢都聽漏無煮到，餃子一隻一隻夾起去煮熱，買個有孔湯殻好難咩，感覺好無效率西式點心-葡撻仔蛋糕仔只有甜唔知食緊咩==-牛角包係又硬又靭生果-只有菠蘿最好食總結：想享受假期一係自己出去食早餐，佢地早餐質量甚至服務都負分

很久無同家人食buffet了 ，趁疫情好返啲即刻約下先😊 聽聞帝逸酒店buffet乳鴿，雞粥同埋串燒也不錯的大概十二點到 平日都非常多人，店員很忙碌呢一安排位置後馬上去排隊攞野食😋美國生蠔又唔錯，都唔算好細隻，蠔肉爽甜帶淡淡海水味凍蝦 爽脆鮮甜彈牙，食左好多隻❤️刺身黎講 八爪魚彈牙鮮甜，三文魚都有水準 吞拿魚同𩶘魚就普通熱食每樣攞咗件試吓燒牛肉略韌 燒肉皮脆肉香豬頸肉肉質夠爽唔會好乾豬腳薑 豬腳肉質爽滑 夠腍而且甜醋入口不會嗆口太酸呢一道有驚喜雞粥 不是連皮雞件同煮 係雞絲 所以粥雞味不濃 等咗好多轉 乳鴿碟入邊都係得空盤終於有一次搶到一件😂 外皮香脆 肉質細嫩較薄去左noodle bar整碗魚蛋豆卜菜喇沙湯底 喇沙湯濃厚但略咸炸蠔 熱辣辣食 外脆內creamyCheese 同莎樂美腸款式比較少 不過lunch buffet都夠應付了最後當然係甜品時間✨柚子啫喱 奶凍 tiramisu等甜品都有質素的甜品當然仲有haagen dazs雪糕☺️服務都nice同舒服，而且收碟速度都很快

Book左平日晏就黎食lunch buffet估唔到咁爆😧餐廳座位都算多，依然坐無虛席🙀一開始既時候拎海鮮、魚生同生蠔要排一陣隊先拎到😂凍海鮮有龍蝦鉗、蝦、蜆、青口龍蝦鉗：厚肉、但肉質鞋口；無鮮味🦞蝦：尚算爽彈、蝦味欠奉🦐生蠔：細隻、帶少腥味😿(唔明點解仲要排咁長條隊)魚生🍣三文魚：魚腩肥美、其他部位口感一般💔吞拿魚：肉質鬆散、零鮮味❎熱食 雖然睇落選擇豐富，但真正想夾黎食既真係唔多😹其中最吸引我既係印度料理🇮🇳印度烤餅：口感煙韌、唔油，點咖喱食唔錯🫓咖喱雞：味道唔會好辣、質地較稀🥘咖喱雜菜：較稠身、比咖喱雞好食🥙烤牛肉：無牛味，質地偏鞋🥩粟子燉雞：正常發揮燒鵝：皮下脂肪唔多，皮唔脆，肉質尚算嫩烤龍脷魚：無特別🐠甜品絕對係成個buffet既亮點✨食左凍海鮮、生蠔同熱食之後，好失望😣好彩甜品有少少驚喜🎊甜品全部細細件，可以試多幾樣賣相同味道都唔差👌🏻芝士蛋糕：質地厚實、口感幼滑💯歌劇院蛋糕：朱古力味少苦帶甜，層次豐富👏🏻芝士撻：芝士🧀creamy，撻皮酥脆蘋果金寶：蘋果🍎酸甜開胃，唔漏既甜品鮮果撻：味道清新、撻皮酥脆心太軟：質感偏實，唔會過甜👌🏻Tiramisu：酒味🥂同咖啡味☕️頗突出；

今日紅雨,阿仔唔使返學,咁啱我又收早,所以打嚟問下有冇位.龍蝦鮮果沙律不錯.龍蝦、生蠔都算新鮮.帶子刺身大粒新鮮正.肉骨茶、小籠包一般.佢嘅牛扒就.............串燒及天婦羅一般,性在熱辣辣.鵝肝多士,我覺得冇鵝肝味,多士非常十分脆.龍蝦粥煲得好綿.粉麵一般.片皮鴨可以,不過大塊少少更加好.避風塘炒蟹一流.飲品得熱檸茶、熱檸水、咖啡、凍水、凍檸檬茶.甜品推薦他們的雪葩.這間缺少咗凍蝦及羊扒.整體來說我覺得一般吧！這個價錢沒有其他酒店好！（純粹個人意見）

今次我表姐夫親自叫到生日想食自助餐慶祝，而度度都waitlist 排到幾個月後，得e間星期日晚比我地book到，又未試過就做下白老鼠啦～未入餐廳已經好多人喺出面排隊🙊我地因為人數多安排左係D區（=離食物最遠嘅地方😂）食物種類係好多，但質素真心普通🥲而且中間魚生海鮮/鐵板燒/天婦羅部分成日都要排隊，特別嘅食物like鵝肝、天婦羅蝦真係唔搶就冇得食😂魚生海鮮類❤️龍蝦、蝦、長腳蟹、麵包蟹👎魚生鐵板燒❤️ 鵝肝、海膽和牛炒飯、大阪燒串燒（免治雞肉、雞肉、雞腎、秋葵）天婦羅❤️天婦羅蝦、餃子、海鮮餅、冬菇、秋葵中菜類❤️海南雞、滷肉豆腐、片皮鴨、炸蝦球、👎乳豬雞粥即叫即整湯河（有肥牛）西式類牛扒、羊架甜品類👎各款蛋糕、Häagen-Dazs雪糕、自家製雪葩總結：特別覺得好食嘅食物應該係龍蝦同鵝肝，但其他冇❤️嘅真係好一般，而👎更係令人失望😞一個人嘅價錢加左一$560，雖然唔算好貴但都唔會再去了⋯（所謂試過$7XX自助餐之後返唔到轉頭😂）評分（5⭐️為最高）：環境：⭐️⭐️⭐️服務：⭐️⭐️⭐️食物：⭐️⭐️價錢：⭐️⭐️⭐️如果喜歡我地嘅餐廳食野情報就follow@我地 hkfoodie_90s_couple啦～