Alva House

营业中

休息中

新界東酒店已經唔多，仲要有得食自助餐，新開張無耐的Alva帝逸的buffet終於試到了，用埋信用卡仲有特別折扣，真心抵食，而且食物質素真係交足功課，依個價錢有生蠔、龍蝦、蟹腳、煎鵝肝等等。。。已經值回票價，果然平日晚都係滿哂座，真係超級難book，如果要食真係預早book，尤其係一家大細人數上多，仲要入deposit！除左上述提過精選美食之外，好多熟食、燒物、甜品都好唔錯，份量又唔會太大，真係可以食多幾轉！

友人推介左呢間自助餐，位置喺石門站附近。咁就一於預約試吓啦，人氣旺盛，留意返要一個月前去預約。今次我哋去食下午茶⋯近期做緊推廣，有匯豐卡仲有七六折添啊。每人平均$420。一入到去環境幾光猛，位置亦都好大，座位算多。每人每次最多可以拎兩隻。美國生蠔 雖然唔算大隻，大勝在新鮮及好大浸海水味 不錯👍🏻有好大隻蟹鉗，海鮮有蝦，蜆及青口。蝦好新鮮好鮮甜，而青口同顯肉就麻麻哋。蟹鉗 啲肉有啲實～不過不失啦有自家製嘅意粉，我選擇左墨魚麵，佢有好多配料可以選擇 我揀咗紅椒煙肉同蜆肉。味道唔錯的呢度其中一樣比較好食就係串燒，見着廚師新鮮喺個爐燒出黎，熱辣辣 雞腎好爽口好惹味！雞軟骨同瓜 好食 不斷encore！佢啲甜品就正正常常。最好食係伯爵茶芝士 Cake!

呢個價錢吸引嘅早餐,抱著「食少少都抵返」嘅心態。因為普通茶餐廳都要一半價錢。原本不期望不太高。酒店大堂感覺已經不錯，去到看見早餐種類繁多，以$98包加一這個價錢，實在CP值很高。真是意外驚喜。中式/西式/麵包/沙律/車仔麵/生果….每樣食少少，已經好飽。感到大滿足。

伏伏伏！網上很多好評，亦說很難訂位。滿心期待去試試，但很失望。所有食物的質素都要一般的，只是平均，不會太好，亦不會太差。生蠔很多人排隊，開蠔的不斷與同事傾談及慢動作開蠔，見到有人等到發脾氣，蠔非常細隻，很薄，比想像中差👎🏻，開蠔員工表現更差！凍海鮮還有龍蝦鉗，青口及蝦，正正常常都可以。沙律類少又唔好味，巴馬臣火腿絕對唔ok❌。乳鴿熱辣辣出爐真的不錯👍🏻。天婦羅粉厚又快淋晒，好一般👎🏻。甜品除了雪糕較好，其他都可以不試😫😫仲要分2段時間。

今次再食Alva House自助早餐，並非因為太好食……🤣，而是讓家人來試試這預訂期很長的餐廳的早餐很一般，第一次是staycation包早餐，今次也是。第一次食，沒趣到完全沒想到要拍照介紹，今次想講講這餐廳只拍了食完後照片😂，因為家人原本說生日帶我來食這家很出名要預訂很久的自助晚餐，早前有機會試了自助早餐，就懷疑這個水平為何要訂很久？也不是說很差，就是沒必要訂很久吧！🤔所以就很想家人來試試這感覺，當然晚餐跟早餐的食材是不能比的，但都是同一個廚房出品吧！早餐沒煙三文魚（家人笑我這個重點），有煎蛋服務，中，西，日，甜品也有點，但味道都是非常普通，今次有豬柳，算是比M記好，沙律菜都新鮮，整體是很平凡很普通很正常的一個廚房出品，所以我想像不到這廚房的晚餐會如何驚喜，最後和家人得出結論就是晚餐可能有很多很多款式，香港人追求可能就是要多款式多選擇（感觀先行），晚餐既海鮮只要夠鮮再加上大量選擇可能都是他們出名的地方吧！另外就是服務方面，不知道是一天要做多場（看附上價格裡的場次），還是職員都是外援，除了帶位那幾個，裡面收碗碟的職員提供的都不是酒店式的服務，像是大飯堂式的🤪，那些女士很勤快粗獷的，提醒

今次係第三次食alva 嘅lunch buffet，一次比一次少嘢食 不過質素都ok 嘅～ 所以都繼續食！起碼仲有生蠔同乳鴿出面唔係好多自助餐有乳鴿～ 但真係要捕住先得，如果唔係好難拎到～ 乳鴿出現時間得一分鐘就會比人拎晒仲有豬腳薑都唔錯！啲薑出奇地唔老，好味次次都會食如果餐廳睇到呢個留言，希望佢哋可以加返以前嘅自家製雪糕 一試難忘！但依家得返哈記～ 差好遠呢….信用卡優惠後，每人$308，又有生蠔又有乳鴿算係幾好

早幾個月訂定抱住期待既心情食，去到六點，好多人呀，唔係排生蠔就係排鴨肝多士，當然我唔會排住。😌😌成餐我最鍾意食佢地既甜品，真係好食又多款，我食唔曬咁多款。🙂🙃第二生蠔🦪，係美國生蠔，平時唔食生蠔既我食左8隻，好甜新鮮，每人限拿兩隻。🤪第三龍蝦🦞，每次一出，好多人搶曬，肉好鮮甜多汁，有好多膏。😉第四鴨肝多士，好香，飲鵝肝咁。🐥飲品自己拿，無咩選擇。🤨總體來講無我想像中咁多野食！🙂

之前曾經試過alva house既自助午餐，當時印象係還可以啦，但見網上啲人話佢既晚餐唔錯，凍海鮮有波士頓龍蝦、生蠔同蟹腳，於是就係兩個月前book定（因為疫情關係，再加上政府既消費卷，好評比較多既自助餐真係要提早好多book呀⋯）任食凍海鮮既選擇有：波龍，波龍隻鉗，青口，麵包蟹，長腳蟹腳，生蠔。選擇夠多，一次過滿足多個願望！波龍refill速度快，味道算ok，唔會太乾又或者擦子膠咁硬。而麵包蟹就無乜點refill，只係拎左一個蟹蓋就無lu。青口有驚喜，質地味道都ok！蟹腳就比較瘦，肉質就麻麻地，不過都好過無既。生蠔雖然細隻但新鮮，師傅開得好亦無蠔殼碎。而家唔係間間酒店都有做自助餐，能常有龍蝦就無生蠔。alva house依然有齊呢兩樣已經好好。蜆肉偏咸，凍蕃茄帶子湯有d難接受⋯拆完d蟹腳，整體偏瘦一啲生蠔比較細粒，但都算新鮮。食左應該10隻，第二日腸胃無事剌身方面，八爪魚唔錯！有海水既自帶咸味，亦有八爪魚既鮮味。但係個白身生魚片就麻麻，好似係𩶘魚？總之有小小泥味⋯燒牛肉都ok，個人喜歡呢個生熟程度。片皮鴨好味片皮鴨卷好味，食左兩三舊賣相唔錯既西班牙海鮮飯，不過因為肚既空間有限，只係淺

講到食自助餐訂位困難，呢間都算係其中之一，要早2個月訂位，究竟值唔值得，真係食過先知。習慣食自助餐都會食個小沙律醒下胃。沙律唔係好出息，不過都唔重要，因為唔係個個都食，skip左佢又唔覺可惜。跟住落嚟就試吓的海鮮。長腳蟹肉質鮮甜多汁，不過size時大時細比較難以捉摸。而生蠔早段時要排長龍，而開蠔需時，而見佢基於衛生要求，將蠔沖洗十秒左右，蠔味相對大減，而到後期已經少人攞，變得啲蠔放耐咗少少，味道相差甚大。至於其他方面，熟食款式比較多，西式方面就有薄餅，日式就有大阪燒、炸物，中式有燒味、片皮鴨、車仔麵檔、炒飯、薑醋等，喺數量上已經比其他知名嘅酒店為多，而味道同其他酒店自助餐相約，不算太有驚喜。係甜品方面，有比較少見嘅刨冰，不過因為要自己整就無咁好食。另外除咗Häagen-Dazs雪糕外，仲有啲自製嘅雪糕同雪笆，好唔好食就見仁見智啦，至少其他地方少見。另外值得推介下係鴨肝、焦糖燉蛋同埋個凍檸茶。鴨肝要排隊等下先至有，而且細細舊弔胃口，不過勝在味道好好，反正呢啲都係少食多滋味，食多幾舊都食唔到其他囉。而焦糖燉蛋真係好香，如果怕甜，可以整走面頭嘅焦糖，咁就味道啱啱好啦。飲品方面相對較少，不過最

I had a chance to come to this hotel for two days one night staycation. The package included tea set and breakfast buffet.tea set was quite nice with the special theme!but breakfast buffet was a bit disappointed! although they had different choices.the food was not tasted good or up to standardi dont think I am dare to try dinner buffet due to this experience!

我喺係8月份訂位嘅，星期一同媽咪，表姐一齊去。三人用HSBC有折，扣減兩張$100現金券，加一後，埋單係$1497.60-。當晚6:30已經到場，應該有八成入座。要排隊嘅只有生蠔及煎鵝肝多士，但排隊人數絕對唔多，大概都係得四五個。生蠔係有比較遜色，屬於BB級數，比較細隻，體型只有半隻手指咁大。煎鵝肝嘅師傅大約10至15分鐘煎完大約20件，一分為二，放喺多士上。我諗我哋攞咗起碼十幾轉，排隊都冇超過3分鐘。凍海鮮共合約四款，有龍蝦、蟹腳、青口、蟹。無可否認啲蟹腳係細啲瘦啲。但當晚龍蝦好鮮甜，咁多款涷海鮮裏面食得最多款就係呢個。平時喺出面食到好多都係已經好冰，應該解凍功夫做得唔好。唔係我一個人話好食㗎，媽咪同表姐都食咗好多㗎，唔好以為我老吹😎！由於現時做『🇪🇸西班牙🇪🇸』主題，除咗有Ham、西班牙涷湯、另外都仲有西班牙蛋餅、西班牙肉丸、紅酒會轉面脥肉、西班牙海鮮飯等等。是日主要肉食，是日有斧頭扒，肉眼扒、羊脾、西班牙乳豬，鵝肝多士。肉眼扒燒得太熟，唔啱我呢個嗜血嘅人。如果唔鍾意食西式，呢度有金銀蛋粥（師傅話每日煲嘅粥都唔同嘅）

老豆生日飯諗住一早2個月前book定，滿心期待。一開始就食咗熱盤先打定個底，湯是夠熱的。但其他熟食有些微凍，所以之後一路都食凍盤，煙三文魚比刺身三文魚好食，生蠔係長期提供。可惜炸物同爐端燒就好似配給咁。寫住有吉列蝦但食左成2個鐘都無見過。問下廚師先生佢啲態度好差，都唔敢再問佢野。擺個食物牌出嚟，個食物籃係滿但對唔到啲名，件件有炸粉包住有時真係估唔到係咩，見其他客望望下都忍唔住問，廚師先生就逐個串。如果安排得好啲個客就唔駛成日問啦。其實好想當面投訴，但老豆生日就廢事喇！不過有啲員工都好好禮貌嘅。

已食過5、6次，晚餐同午餐都食過，日日都full booking，仲要早一個月前book好誇張。雖然種類唔多，但樣樣都幾好味，再多都食唔晒啦對我黎講足夠。每次去都會有幾樣野唔同上一次，都好，起碼都唔會次次全部一樣，我最中意呢度既甜品，細細件好靚款式多，八成甜品都好味，有即炸天婦羅，唔多粉又係細細件好味，熟食款唔多，但味到可以，唯一缺點就係生蠔太細隻，有肉d會更有口感，沙律菜係酒店自家種，雪糕係H杯裝，如果有埋雪條或脆筒就好

Alva House 既自助餐久仰大名，次次想book但係都冇位，今次終於食到啦，因為book左個staycation package係包埋個brunch😂去到已經全場滿哂人，食物主要分左幾區🥸🌟凍海鮮區-有凍蝦、龍蝦鉗、青口同蜆，整體黎講都幾新鮮，特別係蝦同龍蝦鉗，蝦肉彈牙唔霉，蝦頭仲有啲膏，而龍蝦鉗都好大隻，味道鮮甜🤤生蠔係比較爽口個隻黎，唔係好creamy，所以食多幾隻都唔會漏，有海水味但唔會過份鹹，不錯不錯🤣但刺身個啲就麻麻地，魚類都係偏瘦，唔肥美，色澤都幾暗啞😟🌟 冷盤前菜區-有唔同既芝士、沙律、煙三文魚同火腿，應有既種類都有😎仲試左個黑松露帶子多士，但味道就普通🌟 麵包區-麵包既種類都好多，有多士、丹麥酥、牛角包等等🌟 炸物串燒及Egg Station區-提供日式炸物，例如天婦羅、可樂餅、炸餃子，仲有串燒供應，有燒蔬菜、雞腎、雞軟骨😉因為係brunch既關係，所以有Egg Station，試左個奄列，但蛋煎得有點過火，唔夠嫩滑😧🌟 熟食區-有西式扒（肉眼扒、羊架）、印度咖喱、即製意粉、燒味、中西式湯、雞粥，最特別有乳鴿，隔一段時間就會出，所以想食就要留意住😳🌟甜品區-好多款

Alva House一向出名難book位要食佢嘅話就要早一個月訂位今次剛巧碰着啱啱 book正打8號風嘅日子我哋揀咗第2段自助午餐buffet嘅時間當日都好擔心係咪冇得食 好彩餐廳仍然如常營業店員亦表示可以優先俾我哋delay booking至三個月內不過難得我哋一家人興起想食 最後都決定去！酒店亦都有泊車優惠 食滿$2000或以上可以免費泊三個鐘泊車優惠完全係cover到2小時45分鐘用餐時間 好方便各位揸車過嚟自助餐嘅食物選擇非常之多有甜品、沙律、麵包、海鮮、生蠔壽司、即燒串燒、熱食同飲品重點推介💡海鮮有青口、蜆肉、凍蝦、長腳蟹、龍蝦咁多樣海鮮，蜆肉比較有驚喜，因為估唔到佢醃咗味而龍蝦鉗就非常之厚肉不過就同長腳蟹一樣略嫌浸鹽水浸到偏鹹同埋殼比較完整 可能要自己再花多啲功夫拆殼💡刺身壽司呢度竟然提供一般少有嘅吞拿魚刺身食落肉質唔會好鬆散 質素唔錯💡法國生蠔雖然唔係肉質飽滿但係有蠔味每人每次可以拎兩隻 師傅密密拆好快手就算驚見人龍 等兩三分鐘就有得食啦酒店亦會每人送一杯香檳或者汽水拎返杯香檳嚟打卡就唔錯不過入口呢…比較似有汽白酒…味道偏苦澀唔係太易入口…如果揀汽水 我當日就指定只可以飲