Amber’s Table (已搬遷) 新店位置

今次叫佐一個父親節餐及散叫 入座時每檯仲送佐一杯紅酒添父親節套餐$388🔹頭盤 - 蟹肉香芒他他頭盤都幾大碟，好多蟹肉仲好甜，入面就仲有小小菜，蕃茄，同埋大量芒果係入面添🔹湯 - 牛肝菌忌廉湯呢個湯好好味，好重菇味，而湯又唔會太稀，每一口都有濃濃菌味添🔹主菜 - 燒美國肉眼配黑松露薯蓉及蘆筍黎到主菜，叫左7成既肉眼，不會太生，小小紅，排就不算太大塊，但好易咬開，仲好入味。隔離仲有一個蒜頭，店員話蒜頭係焗過再用酒浸過，相當入味。旁邊既薯蓉又係重點，呢個薯蓉食落口仲有一粒粒既薯仔係入面，仲有好香黑松露味添，蘆筍唔會有好大草青味 🔹甜品 - 日式抹茶撻抹茶撻有小小似蛋糕，食落唔太甜，但抹茶味都唔係太濃，側邊既伴碟好靚，有士多啤梨，藍莓，開心果包餐飲(檸茶/咖啡）另外散叫 🔹巴馬火腿火箭菜薄餅$168薄餅上面食落有幾種芝士，芝士味好濃，火箭菜埔滿晒，但巴馬火腿就好似好淡無乜味，小小咸味都唔太覺有，但薄餅好夠熱好夠脆今次兩個人去食，叫一個套餐再叫散叫其他share,已經好飽，另外職員態度好好，會主動問要唔要影相，坐底仲會開枝水比你地飲添，會問下我地岩唔岩食

是次與朋友敘舊的二人晚餐，點了三份食物分別是煎雞胸伴凱薩沙律、軟殼蟹伴黑松露忌廉意粉及那個招牌漢堡包，本人對餐廳的食物評價如下。煎雞胸伴凱薩沙律:沙律菜新鮮爽口、與沙律醬比例剛好，不會因為汁醬過多而蓋過生菜的味道，可能是自己不太喜歡太多沙律醬吧，感覺清新好吃。軟殼蟹伴黑松露忌廉意粉:意粉上枱時以為好細碟，原來個碟好深的，份量也足夠。味道不錯的，可能是忌廉汁的關係，同朋友吃沙律後再吃完這碟意粉，感覺已經飽飽地了。招牌漢堡包:最後到招牌漢堡包來到時，本人跟朋友都覺得個漢堡包都幾大個喎。內裡餡料有煎蛋、牛油果、蕃茄、生菜、煙肉、芝士及漢堡扒。材料相當豐富，伴碟還有薯條及小份的意大利黑醋沙律。那個意大利黑醋沙律很好食，黑醋微酸帶甜，我自己十分喜歡。可能食咗之前那兩個食物已經感覺頗飽了，所以那個漢堡包食得好慢，漢堡包擺到凍曬都仲未食完，所以沒有感覺得到好食與否。下次去要淨係食個漢堡包先得。

星期日Lunch 12：00，入去時有一枱客，叫了黑松露軟殼蟹意粉$138和黑毛牙豬鞍$138，等了二十分鐘，有點肚餓，竟然忘了給麵包給我們，麵包和意粉一齊上，心情已打了折扣。 先講講意粉，沒有黑松露的香味，只食到好cream, 軟殼蟹普通，再來是黑毛豬鞍，切落去已知中伏，係實到要好用力先切到，食落好靭，未食過咁差既黑毛豬鞍，真心講句，佢價錢唔算平，但食物質素唔到位！咖啡是illy, 正常水平。我想信沒有下次！

这一晚要学日文。还未够钟便先吃晚饭。来到这一家吃。因为不多人，可以坐久一些复习上一课的内容。点个晚餐吧。选了煎鲈鱼。前菜先来沙律，加了橄榄油。好味开胃。南瓜汤也非常好。黄黄的颜色，有浓浓的奶味。很久没有喝过这么好的汤了。鲈鱼皮脆无腥味。及格有余，但不及南瓜汤那么印象深刻。最后再加点了焦糖布甸，正常水准。冻饮必然选咖啡，因为有illy品牌。餐厅环境舒适，冷气够冻。好容易便坐了一个半小时。价钱不算便宜，但服务及食物质素支持这个价位合理。下次还会再来的。

自從上一手間西餐摺左之後路過幾次都冇入黎,因為佢冇任何menu擺喺門口,咩價位都唔知,點會盲中中咁入直到有次大人行過見到終於有個menu睇下先決定入黎試一試一行入去唔夠兩步就係撲鼻而來嘅厚重油煙味被安排坐喺開放式廚房對出打斜擺嗰d枱,心知不妙,至於點解就留返最後先講香草麵包,暖暖地,淨食又得,加油醋亦得想叫個小食,又唔想熱氣,試下個mini burger夠的式,豪氣d可以兩啖食哂一個,本身入面夾左紅薑,唔喜歡食薑嘅朋友要留意我就幾鐘意呢個組合,咁樣食就唔會覺得油膩,份量點到即止舊肉juicy到一咬就爆哂汁,幾驚彈落自己件衫度呀海鮮闊麵,我以為係一塊塊做成千層嗰種,見到英文係lasagna丫嘛,點知係變成一pat野味道其實都冇乜野,個汁唔錯,蝦同帶子都好大,只係d麵會疊埋哂,總之就一餅野鱈魚唔係好大件,都係兩三啖嘅份量,煎得夠香menu上面寫住伴番茄清湯,hm......可能我見識少,因為喺一間法式私房菜餐廳食到個番茄清湯真係清湯黎嘅所以呢度都係當佢汁咁點就算,好濃,真係當湯飲應該受唔住最後講返點解坐呢張枱係不妙?因為唔止路過出入嘅客人會撞到我張櫈,連店員甚至疑似老闆嗰兩公婆都係不斷地撞

適逢我兩個畢弟生日，咁佢兩個又係識食之人，任佢哋發板揀咗呢間做慶祝嘅生日飯😁佢哋話有個食神朋友介紹，所以我都好期待首先講下環境，呢間餐廳都坐得幾舒服燈光偏暗感覺係幾浪漫嘅，不過可惜周圍都係三五知己聚餐，所以好鬼嘈🤣🤣真係三個女人一個噓我地頭盤叫左帶子鵝肝沙律，鵝肝嘅味道配合帶子嘅口感簡直係一流主菜軟殼蟹意粉，牛扒同埋德國豬手軟殼蟹意粉中規中矩牛扒我哋叫咗五成熟，佢喺有血水與冇血水之間，肉質夠林，牛味又重👍🏻👍🏻👍🏻又夠大件，點唔點汁都咁好味德國豬手飛膏與瘦肉均勻，絕對冇叫錯另外因為兩個畢弟生日，所以我一早就打電話嚟落order話要寫名係啲甜品上，佢哋非常好服務，又醒目又幫我地影相，服務態度一流，唔知以為去咗酒店添😁另外真係要讚一讚佢個流心朱古力非常好味，脆面加流心朱古力👍🏻👍🏻👍🏻

今日放假約咗幾個舊朋友去咗黃埔花園食lunch，黃埔有咗地鐵之後真係好方便，朋友介紹去咗呢間新開嘅西餐廳！佢位置唔近船嗰邊近理工大學宿舍！我地叫左lunch 同tea set , 因為佢地lunch 由12-5 pm 而tea set 由2:30-5:30pmSet lunch 叫左扒西冷配南瓜薯蓉及黑松露汁$92香煎三文魚扒$92加$10 多個湯tim (不過唔記得映相）Tea set 叫左fish and chips ,同carbonara $58 Lunch 同tea set 都包illy coffee 抵食夾大件！下次可以試試dinner

上次黎過念念不忘😋今日自己一人再來試午餐.一個字掂今天是日餐湯南瓜湯.好甜😋重南瓜味我叫左個扒西冷配南瓜蓉及黑松露汁. 西冷極之重牛肉味配南瓜蓉同黑松露汁恰到好處凍檸茶包埋,又不用加錢.....價錢超抵,連餐湯只係$102 .....試問邊度搵呢....?如果唔知,我真的以為去左洒店.見到佢地最近推tea set ...$58咋🤩🤩🤩下次一定試下佢地d 野先.如卡邦尼長通粉,日式抹茶撻....再配上illy 咖啡..正

眼見餐廳多人,心思思想試下.點知超驚喜😋😋侍應見我大肚,另外沖杯暖水比我. 好少有間餐廳咁細心👍🏻未食已經加重分👍🏻我們點左Parma ham pizza 🍕 好正,外脆內軟,又多料.我好少食到咁正,一問他們,原來homemade 😋😋之前叫左T bone ....對我e個牛魔王黎講,正!!!!好重牛味.當然不少得Amber’s Burger ,個份量大到呢⋯⋯堅多料!!!侍應話塊扒係用澳洲和牛手打,勁juicy ,好味.我friend 個杯荔枝玫瑰梳打,賣相一流,下次我一定會試🌹見到幾乎枱枱燒豬手,我地梗係唔執輸,叫!!!!!!簡直停不到口.龍蝦寬面一流.佢地介紹e 款pasta homemade,真的食落彈牙我地叫左心太軟,cream brûlée, green tea tart .不錯👍🏻👍🏻👍🏻大家好滿足食飽飽行街街😋下次一定再黎!!

I am going to be very specific. Please go on to YouTube and learn how to make pizza dough. Remove them from your menu ASAP. Your pizza crust is absolutely horrible. That crust felt like it was a piece of toast. I had that Parma ham and rockets pizza. It was just disgusting.

今日男朋友話想食西餐，途經amber's table睇左menu覺得Okay就去左食（冇影到menu）叫左二個餐二杯飲品埋單$570-首先要講各個服務員都好有禮貌，唯一我坐個個位係轉彎位，佢地行過都會郁到我張櫈。舖唔算大但坐係到都唔覺太迫！前菜係有啲蕃茄既包，但我唔鐘意食酸野所以咬左二啖比埋男朋友.. 佢話鐘意個口感同埋酸得黎好開胃。大約等左15分鐘左右就上菜，落單個陣黑色衫的男人好貼心咁問我地兩個餐係想一齊想定分開上。首先係上咗個肉眼扒（$208）不過不失，唔算太厚身，牛味亦唔太重，好咁就有啲un，正常味道，唔係話好好食！可以揀兩個配菜，我哋揀咗忌廉菠菜同薯條。忌廉菠菜男朋友食話唔錯，薯條係幼身脆得黎又唔油。到咗牛扒之後，黑衫哥哥話豬手等多幾分鐘就可以，豬手有得揀佢幫你切自己切，因為豬手都係比較難去切所以我揀咗佢切埋先上菜。反而豬手有驚喜，有六七舊個皮脆卜卜又唔難咬（我食過啲個皮好脆但又好un sosad）肉算淋身，唔乾又唔油，酸菜正常，薯蓉好creamy！飲品有凍朱古力鮮奶，唔太甜但朱古力味可以重啲，熱玫瑰花鮮奶好香，雖然係用糖漿整但唔係甜到漏，比例岩岩好！總括黎講可以去試下，推介

如今興起了一股手作意粉的潮流，陸陸續續開起業來，不過今次說的這間除了手作意粉外，班底還流著酒店血統的，食物水準絕對有保證。同樣地，餐廳老闆都是酒店採購出身，固此可以用經濟實惠的價錢購入高質的食材，提供有水準又高質的食材給客人。 雖然餐廳的位置有點點偏僻，但由於黃埔已有地鐵，因此地點遠近已不再是問題，更何況這兒已是靜中帶旺的好地段。還未到七時，餐廳已差不多坐滿了客人，證明人氣高企。 初頭誤會了這兒會有多款手工啤酒供應，不過卻沒有影響到小弟，皆因小弟已差不多與酒斷絕來往，卻點上一杯驕艷的【荔枝玫瑰梳打】，入口清新，甜度適中，正好與食物相配襯。 不要以為餐廳走輕鬆路線就沒有麵包供應，她們的麵包也有板有眼，熱烘烘的，不錯。 第一道點上【Amber’s Salad】，既然是以店名命名，當然用料一點也不馬虎，除了沙律菜夠新鮮外，還加入了牛油果、藜麥及燒雞，簡簡單單，清新又有口感。 接著來了兩道手製意粉，分別是【Homemade Lasagnette with Seafood】及【Homemade Fettuccine Lobster with Zucchini】，兩者的賣相分別不算大，但卻

德國燒豬手配酸椰菜😋😋😋😋😋做得相當不錯。豬手早已燜得軟腍，經上烤焗後，外層的豬手早已變得金黃香脆，十分鬆化，一點也不硬身，配合可中和油膩的酸椰菜及軟滑的薯茸，大家也吃得很滿足。Homemade Fettuccine Lobster 😋😋😋😋龍蝦勁新鮮好食！在自家製的情況下，更可吃到那份Al Dente的美妙質感！必食！Amber’s burger 賣相同味道非常好！真係！真係一間好有誠意嘅小店👍🏻👍🏻👍🏻👍🏻

看到明報的報導，提及餐廳是由米芝蓮㕑師掌理，又說自製意帶利粉，故慕名而至。豈料貨不對版。我們叫了一客craser salad.芝士不夠，味道偏淡。而且麵包粒過氣，偏軟，不夠脆口。後來需叫待應再給予芝士調味。這是自家製意帶利粉，名為海鮮寬條麵。自製寬條麵麵質沒有咬口及彈性。不似是出自米芝蓮巧手的功架。最後叫了肉眼扒。落salt太多。完全覆蓋了牛肉的味道。而且牛肉欠缺肉汁的香味。菠菜就都得太爛了。最好，我們也沒有興趣再叫任何甜品。走時，我先生跟待應說了一聲:'牛扒太鹹了'。只是臨出門口時，說了一聲。那待應說:“各人口味偏好不同”😥真係speeechlessss.食後感:simplylife都好食過佢。講到同酒店比，這間連幼稚園水準都不如。不要試了。

it was a Friday dinner. made the reservation via open rice at 1745. there already two table in upon arrive. environment is nice and the menu is well designed. the only problem is the because of the open kitchen. the restaurant get very oily when they get busy because of the poor ventilation system.the lychee and rose soda is nice. not too sweet but the flavor just right. the amber salad contain spinach and grill chicken. ordered the dressing on side. and the grilled chicken is super over cooked