Attic Handmade Pasta (已結業)

前幾日同朋友想食西餐，就去咗尖沙咀呢間望落裝修幾靚嘅餐廳。煙三文魚軟芝士撻煙三文魚加芝士嘅配搭幾好，幾特別。番茄包、法包番茄包好鬆軟，入面好多番茄乾，食落有香濃嘅番茄味。法包好有咬口。流心蟹黃蟹肉自家制意大利雲吞Ilomemade Raviolone Stuffed with Crab Meat and Grab, Roc雲吞嘅餡有日本蛋黃、蟹肉，軟芝士。汁用左ricotta cheese同埋牛油煮嘅。一切開嘅時候可以見到蛋黃醬流晒出嚟，好香嘅蟹肉味，食落去好有層次感。慢煮龍躉，大蜆，花膠，魚白湯 Slow-cooked Giant Grouper. Clams, Concentrated Fish Soup with Fish Mau魚係用左腩嘅部位。魚嘅精華同埋魚骨熬左湯，湯入面仲有蟲草花同埋卜卜蜆。非常濃郁，係落足料落足心機嘅一道菜式。Hazelnut Latte拉花幾靚，咖啡味都幾濃。

位於尖沙咀的ATTIC 絕對是我Fine Dining 口袋清單裡的頭幾位！這裡的燈光偏暗，點起每張桌子上的蠟燭後，非常有情調，很適合週年紀念日、生日等來碞未高質美食，而且餐廳還飄著清香的茉莉花味，好舒服好relax！在頭盤上桌前，侍應先奉上了餐包和法國牛油，牛油上灑上少量海鹽，能帶出牛油獨有的微咸香味。前菜是流心蟹黃意大利雲吞，切開後流出金黃的蟹黃！！裡面更有瑤柱絲呢(*´▽`)ﾉ 濃郁的蟹黃配上雲吞，非常好吃！完全打開了我的味蕾，吃完超餓！接著是日餐湯便上場了。原來是大蒜薯仔湯，非常濃郁，身為薯仔狂迷，覺得好滿足。值得一讚的是，連盛湯的碗邊也被溫熱過，以保存湯的溫度，暖暖的好貼心( ֊ ̫ ֊ )主菜是蕃茄海鮮手打意粉，醬汁用了鮮蕃茄醬，材料則有蝦、蜆、聖子，聖子超甜超鮮美！麵條質口感超好，超好吃！另一款主菜我們點了慢煮龍躉、大蜆、花膠。經侍應介紹，原來這款菜式用了松草花加魚汁精華熬製，難怪湯汁會如些鮮美，龍躉和花膠口感軟嫩，大蜆也十分新鮮！飲品方面，由於我們二人都不太好酒類，所以點的是沒有酒精的Mojito和Sangria。Mojito比較清新，帶有淡淡的薄荷清香，覺得用來配

慶祝拍拖紀念日，因為我好鍾意食意粉，而且對意粉口感好有要求，今日男朋友帶咗我去一間出名手工意粉嘅餐廳！就係喺尖沙咀嘅Attic。位於尖沙咀嘅呢一間fine dining身處嘅商場感覺好新同埋餐廳舖面都好靚，入到去店員都好有禮貌咁樣serve我地，又同我哋講解餐牌上有咩推薦，非常親切嘅服務態度。落單之後，就有餐包食，呢度嘅餐包唔知係咪自己烘焙嘅呢！口感好鬆脆，感覺同其他餐廳嘅餐包好唔同，仲有佢嘅牛油係加咗啲海鹽，食落特別惹味，好好味。前菜首先有個三文魚撻同埋日式醬油漬糖心蛋黃多士，煙三文魚好香，下面再加咗d酸酸地甜甜地嘅醬，兩樣嘢撞埋一齊好好味！個多士嚟到好驚喜，糖心蛋真係一粒粒排喺度，賣相好靚，上面嘅魚子醬都感覺好高級，聞到好香嘅味。食落更加係非常之驚人，口感好立體，上下兩塊多士都好鬆脆，但係又完全唔會有好熱氣𠝹到口嘅感覺，夾上糖心蛋嘅口感，真係好好味，口感味道都有少少似甜品，又勁香，成個菜嘅調味都係好精彩，真係超好味，唔識形容，淨係知道喺第二度係食唔到呢隻味！之後係一個蟹黃意大利雲吞，呢個菜式嘅份量比較少，只有一個意大利雲吞，不過一粒嘅size都幾大～意大利雲吞嘅pasta部份口感好

尖沙咀有好多唔同嘅餐廳，出色的都有不少，《Attic handmade pasta》一定是其中之一👍入到餐廳，感覺好有氣派，高樓底，大玻璃，古典吊燈，歐陸的餐枱，恍如置身在歐洲🍷🏰先來一客，手工麵包，外皮硬硬地，食落口充滿麥香🌾 流心蟹黃意大利雲吞～製作好有心思，兩者加埋估唔到原來可以咁夾☺️牡丹蝦薄片刺身～張蝦壓平加上小小香葉，又是另一種食法🥰當然一定要試吓，這裏主打的手工意粉 ：蝦子香蒜辣椒意粉～意粉較一般的煙靭，蒜香濃，帶少少辣味和蝦子，食落口好滿足😇蕃茄海鮮手打意粉~有聖子，大蝦，蜆，材料豐富加埋新鮮蕃茄醬汁，好好食😋還有蜜糖啤酒，第一次飲，有種潤喉嘅感覺☺️

之前有朋友講過佢嘅手工意粉好好食，睇完網上嘅評價之後，都有猶豫過，但咁岩今日行開尖沙咀，就即管入去試一次，結果居然令我有好大既反差咁。餐包：今次分別有番茄包同提子合桃包，兩款手製包嘅口感都十分紮實煙韌，前者好有驚喜，內裏佈滿番茄乾粒同埋香料，混合而成嘅感覺好有田園風味；提子包黑糖底帶甜味，有為數不少嘅提子乾，越嚼越香口。飲品方面都係以經典款着手：先來一杯Mojito，常駐cocktail款式，飲落無外間咁清淡，除Rum、檸檬、同薄荷味相互配合外，當中庶糖甜絲絲嘅口感都幾出，令一貫新鮮中帶點獨特。另外叫咗一杯Strawberry Daiquiri，同樣係Rum底，賣相十分igable，特別適合女士。飲落因為配搭上新鮮士多啤梨，口味寧捨鮮甜清新，仲有啲果籽口感，再加上少許糖漿，酒精味道相對較淡，一啖又一啖好快就飲完～另外，因為佢係沙冰底，飲嗰陣能夠確保由頭到尾嘅口味都相同。前菜：一口份量嘅日本芝士釀撻配煙三文魚，撻皮酥脆鬆化，但又唔會跌到周圍都係碎，三文魚同芝士嘅味道就好似與生俱來咁配合。流心蟹黃義大利雲吞：賣相好精緻，內裏包裹住鹹蛋黃、蟹肉、蟹黃、帕馬森芝士，另外再用上雞湯，牛油，仲有啲

今日收工去咗公司對面新嘅大廈一樓試吓呢間意大利手工意粉，餐廳好有心思佈置因為就嚟到聖誕，我哋坐低之後，服務員非常好，為我哋介紹餐牌，佢推介左我哋食個二人餐，首先每人會送一份煙三文魚忌廉芝士千層酥皮盒，好鬆脆好好食，跟住就有手工麵包，一個係蕃茄包，一個係合桃提子包，好煙韌好好食，之後有蘑菇湯，係蘑菇打成茸非常濃郁，之後就係前菜第一個昆布漬牡丹蝦薄片刺身，半血橙醋汁，識落係新鮮嘅，好似橙味嘅生蝦刺身咁。第二個前菜係日式醬油漬糖心蛋黃多士，伴黑松露意大利軟芝士和魚子醬，平時我係唔食蛋黃，但係呢個蛋黃係浸左醬油漬二十四小時，所以偏實心一點，同埋因為用日本雞蛋冇蛋黃臭味。之後就係意粉，我哋揀咗慢煮雞胸雞白湯意粉，意粉偏硬身一點，因為係手工製作的，比坊間一些意粉要偏硬一點，但係雞胸好嫩滑，唔似係雞胸嘅好好食。之後仲有一個慢煮龍躉伴大蜆花膠魚白湯，冇諗過原來魚白湯咁好味，好香魚味，龍躉厚肉唔會鞋。之後甜品我哋揀咗一個伯爵茶意式奶凍伴焦糖脆脆，我同老公都非常鍾意食呢個，伯爵茶味非常夠，奶凍好滑，焦糖脆脆超級好味呀。另一個係檸檬撻，佢介紹我哋要配合蛋白一齊食會冇咁酸，但係我覺得酸酸地好開胃尤其是係食完飯

呢條街好多餐廳我都食過，但係有幾間喺我個list裏面都未試過，attic pasta係其中一間。食過8 1/2之後好似食好多間意粉都唔覺得特別好，然後通常叫朋友推介，都會攞呢間餐廳來做一個標準。當然我意思唔係今晚食呢間餐廳好過一間三星嘅意粉，但我覺得呢度嘅意粉都唔錯。雖然價錢唔算好平，但係食落都幾有誠意。最重要係我覺得服務幾好，而且環境好舒服。八點嚟到餐廳基本上全滿咁滯，平日都有呢個人數，差極都有個譜。本身朋友推介我嚟食有一個雞扒同埋海膽意粉，但係今晚冇海膽，最後叫咗呢個慢煮雞意粉。的確意粉好正，雞湯濃縮得好好味，你最多就係話佢太細碟，完全冇投訴佢嘅味道。另外叫咗一個意大利雲吞，流心蟹肉，味道都算係幾激昂。叫咗個餐湯，是日精選係薯仔湯，不過不失。另外叫咗個慢煮龍躉花膠，個湯汁真心好好飲，龍躉非常之大嚿，而且加上好多蟲草花、蘿蔔，係中西合璧嘅fusion菜。朋友介紹一定要食提拉米蘇，可惜轉左Menu只有一個伯爵茶奶凍，都好香滑，唔錯。每人都係$600有找 ，價錢可以接受啦，而且最重要呢度嘅員工禮貌好好，尤其是有位男經理，非常專業，值得嘉許。下次要試埋其他唔同種類嘅意粉先得！

最近係 Openrice 見到有個浪漫格調手工意粉二人晚餐，就Book黎睇下係咪真係咁浪漫，琴晚終於去左食間餐廳格調係幾好既，又方便係正尖沙咀，上到去侍應都好有禮貌咁安排位置比我坐，仲好貼心咁斟左杯暖水比我，係暖水呀，點解要強調係暖水呢，因為佢特登黎同我講係暖水黎，係咁凍既天氣，佢一句說話令我感到好 Warm人齊上菜，首先係頭盤 昆布漬牡丹蝦薄片刺身 (血橙、鹹檸檬橙醋汁) | Kombu-marinated Spot Shrimp Carpaccio (Blood Orange & Orange Vinaigrette with Salted Lemon) 同 日式醬油漬溏心蛋黃多士 (黑松露意大利軟芝士、魚子醬) | Japanese-styled Marinated Egg Yolk Toast (Truffle Mascarpone & Caviar Kristal)，佢個牡丹蝦薄片刺身係幾特別既，就好似食緊刺身蝦但係多左一份血橙既味道，完全 feel 到整果個既心機主菜我地要左 雞白湯手打意粉(慢煮雞胸) | Handmade Linguine in Concentrated

自問好少留言去評論一間餐廳，但有啲嘢真係不吐不快，再加埋唔想有人再上當，所以點都要up 兩句。簡單講句，啲食物真心唔好食，個舊鵝肝賣相又黑又苦，同埋底果舊蘋果又係燶嘅，有個鴨肝tart 一陣怪味，最抵死個main course 慢煮鷄胸係兩塊無去皮求其係滾水淥過嘅鷄肉仲要紅色嘅，比起自己午餐食過嘅白切鷄都仲有難食超多，其他菜都唔想再多提，超難食。真係我人生中食過最最無誠意嘅西餐，完全無價價比可言，難忘的經驗！抱歉 真係無心情影相取證。自己諗😔

主要為左handmade pasta而黎。。。可惜呀~個環境情調係浪漫，好適合情侶黎食candle light dinner，張枱夠大，但係一班女仔去就會覺得太大，好難傾計，大聲講野又影響個環境，加上背景冇音樂，or 果晚人聲大過音樂。。。所以唔敢嘈，本身book左要坐最入卡位，可惜佢地唔記得左，miss左第一個要求食物，送嘅包包，每晚有4種，隨機比，每人一個，冇得追加蕃茄包，梳打粉太勁，食到苦味法包，硬身嘅包，自己唔太好硬包，不過朋友仔enjoy莓包，最中意佢，甜甜地，外脆內軟，正！送嘅一口三文魚酥，食落有種cream cheese味，好食，可惜得一啖，同埋menu冇黑松露湯，聞落個味好濃，但係多料得黎食落唔濃，有d影響口感溏心蛋芝士多士，味道好match，只係底果層淋左，明明冇汁。。。點解呢？唔記得左叫咩名，只記得有鵝肝同菇類整成蓉，個味道偏菇味，黑椒味都重檸檬茶，正常主角，蕃茄汁海鮮意粉，真係好失望，殼類海鮮有沙，蝦算正常，手工意大利粉多數QQ彈牙，滑就好睇用咩麵粉，但佢2樣都冇，仲幾粗糙，入口似買嘅意粉唔過冷河就咁食果種慢煮牛，個牛肉有筋，高級餐廳。。。fine dine。。。

裝修採取祖紅色為主，以金色作點綴，有啲似fine dining，連餐具都係暗金色，口罩袋又厚又燙金。服務非常好，細心主動，上湯嘅時候我講咗句”哎喲食晒啲麵包冇得配湯”，侍應主動提出俾多塊麵包，上菜嘅時候問係唔係share食，再俾多兩個碟，而且收碟收餐具都問清楚。*餐前麵包每枱每款麵包都唔同，都烘熱烘脆咗，可以配牛油食。左邊係藍莓麵包，甜甜地，右邊係法包，鬆軟但氣孔太少。意式雜菜湯 (跟餐+$78)雜菜湯永遠冇得輸，蕃茄湯底微酸，大量紅蘿蔔粒西芹粒，煮腍晒而且清甜，仲有幾粒帶坑紋通心粉。三文魚薄片刺身配檸檬刁草汁 (跟餐+$78)份量比想像中少，有五小片。三文魚唔似壽司刺身嘅軟滑，質感比較似煙三文魚，比較實肉，而且冇筋。檸檬刁草汁係三文魚最佳拍檔，質地順滑creamy，刁草(dill)味道比檸檬強，但唔會蓋過三文魚嘅味道。卡邦尼手工意粉 $158正宗卡邦尼材料簡單，Guanciale(風乾豬頰肉)+蛋黃+Pecorino Romano(羊奶芝士)。呢個卡邦尼做到一半，用咗風乾豬肉、蛋黃、硬芝士做汁，一啲忌廉都冇落，蛋黃香濃，令意粉呈金黃色，芝士味道似牛奶多過羊奶味，都不欠奶香鹹香風味。手

睇到哩間Attic Handmade Pasta 已經上左openrice熱門榜單好多次，當然要來試試啦。午市套餐都有十多款套餐可以揀，意粉一定要試試啦，仲揀多一個美國安格斯牛腹肉套餐。午市套餐包括麵包，前菜，湯同主食，仲包埋飲品。前菜揀左芝士車厘茄沙律同慢煮豬腩肉搭配石榴汁。芝士車厘茄沙律普通，沙律菜好fresh，冇咩特別。慢煮豬腩肉搭配石榴汁好好食，原本以為豬腩肉好油，但是煮得好酸甜，搭配啲醬汁好惹味，應該兩個前菜都揀哩個豬腩肉。法國水晶藍蝦香蒜辣椒意粉，蝦喺大大隻，意粉落左少少辣椒，食落唔算辣，加埋啲蒜片，食到停唔落口。美國安格斯牛腹肉有搭配香烤蔬菜同薯蓉，因為唔鐘意食太生的牛肉，都叫左熟少少。牛肉食落好重牛味，表面燒得好香口，內裡仲好juice，唔錯。180HKD有更啲質數，可以再encore！

同好友慶生揀既餐廳Menu a la carte 唔算多選擇不過佢有啲5 course set 但最後都係決定左散叫 叫左法式牛肉他他 鹽漬蛋黃 魚子醬海膽醬手打意粉 海膽 海葡萄 烏魚子蝦虸香蒜辣椒意粉金蠔risotto手打意粉 真心冇得輸 2個意粉🍝都好好食牛肉他他就普普通通 唔知點解會有筋位不過意大利飯都唔錯 啲金蠔味好出但都係鍾意食意粉嗰種有嚼頭既感覺我覺得pasta 真係好好 可以encore 再去

今日去咗尖沙咀金馬倫道同朋友聚舊朋友推介呢間餐廳環境服務都一流質素就睇下食物係點樣啦蟹肉酥 豐富嘅蟹肉配上鬆脆口感嘅酥皮 一口size 令人食指大動日式醬油漬溏心蛋黃多士 我本人唔多鍾意食蛋黃 但係呢個蛋黃嘅味道鹹鹹甜甜甘甘地 連我都愛上蛋黃呀 多士烘得唔係好脆 但係都同蛋黃幾襯餐湯 用上香濃蕃茄熬製而成 加上酸忌廉 成個湯好好口感蝦子香蒜辣椒意粉 蝦子嘅鹹香味配上香濃嘅香蒜辣椒粉 配搭一流 而且意大利粉係自家製嘅 口感好彈牙 值得一讚松露雜菌意大利飯 香濃嘅黑松露加上口感彈牙嘅雜菌 煙韌嘅意大利飯再加上creamy嘅醬汁 成個菜色都非常之豐富 而且味道拍得住五星級酒店嘅水準法國無骨春雞配羊肚菌汁薯蓉 春雞燒得外脆內軟 肉汁好豐富 加上羊肚菌嘅清新味道同飽肚creamy嘅薯蓉 呢個主菜令人眼前一亮伯爵茶奶凍 呢個甜品唔係太甜 因為茶嘅甘味中和咗奶凍本身嘅甜膩 唔錯

從來沒有食過這麼差的意粉，打旗號說是人手做意粉，價錢貴，食了好似沒有食，好似食空氣一樣。服務又差，真是末試過咁嬲，太差了，無言以對。末食過的朋友千祈不要去食，食了一肚氣。