Balalaika (已結業)

再一次來到Balalaika,今次一樣LKF tower,如果在老蘭黎講,呢間俄國菜館相比周邊洋鬼子餐廳,相對比較便宜.老蘭眾西餐,大多一流價錢,二流質素.俄國菜選擇唔算多,今次再次光顧,例牌點番上次食過果幾味,前文提及,俄羅斯氣候寒冷,大多菜式,十居其九熱量高.如果無一串熱辣辣牛肉串燒,又真係同自己過唔去.同之前一樣,沒有舒拉寶娃,霍爾金娜這類冰美人,但其他俄國娘娘,依然熱情地拍手唱歌."Clap your hand say yeah!"今次依然同個Vodka bar無緣,算吧,伏特加對我黎講,唔係咩野生命之水,就算你比支Smirnoff,同Absolut我飲,我係唔會飲得出有甚分別.最重要係,一定要雪到成碎冰,結成奶白色,一口氣"拍"入口,果種快感程度,絕對非三言兩語去交待.ps:美國上年indie界出左隊Clap your hands say yeah.這類在美國開明宗義走indie pop的樂隊,近年少有,感覺如Pancake男聲版,令人身心舒暢.聽得Usher,Beyonce呢類庸俗R&B的人,好應該要清清下喉嚨.pps:今次無影相,後補番上次無post的作品.

12月5日今日係老公生日,我騎時臨急book左呢間餐廳, 我之前同朋友同同事都去過,個個食完都話唔錯,我都覺得每樣野食都好好味~~今日點了飲品Tinkoff Russian Beer - 俄羅斯啤酒,特價30元, 我無飲唔知咩味,但應該ok,我老公都無乜話唔好Emerald Green - 因我好口干, 叫了一杯好合夏天的飲品,好冰,幾好飲湯Veg Borstch (羅宋湯)-同出d差唔多, 甘梗係好過罐頭啦,不過值得一讚係d service,我地2個一叫一個湯, 佢會將個湯分開2個, 好細心~~麵包佢地d麵好好食, 每次必點,次次都有special,我今次點了ham and cheese同cinnamon apple, 麵包都係咸好食d, 所以apple果款我麻麻地頭盤Portabella Mushroom - 特大蘑菇加d蝦仁, 個菇真係好香味,不錯之選主菜Angus Ribeye Sha(串燒) - 呢個係必吃的, 上次我吃了個雞, 一d都唔"鞋",今次試牛,十分嫩,不過嫌佢太快凍,但2個人食一個,夠晒甜品Russian Pudding - 都好幾,不過我最like上面果d薄荷葉

上兩星期去了蘭桂芳的Bakakaika吃飯，那裡燈光暗暗的，座位不算寬也不算窄，不過如果坐外面的露台位view會好一點，坐裡面的話則可以看到live band的演出，不過如果想靜靜地談天的話那裡就不太適合了。點了牛尾羅宋湯、格魯吉亞式串燒牛柳和磨菇牛尾扁麵，飲品則要了Sapphire Blue和Emerald Green。牛尾羅宋湯不很濃，十分鮮味，而且落足料，配上酸忌廉，味道就更鮮了。格魯吉亞式串燒牛柳會即場用火燒給你，有得睇有得食，要了medium的，完全沒有血水，韌度剛剛好，很鬆化，肉汁豐盈，選配了香辣醬、雜莓醬和蘋果西洋菜醬，個人最喜歡雜莓醬，帶一點酸甜的，很醒胃。磨菇牛尾扁麵的麵煮得很入味，牛尾味道很新鮮，好吃！兩杯飲品的味道也很清，不會太甜，也不錯。服務態度一流！除了一個好像高級一點的女人被比了下去之外。整體來說是十分好吃而且十分開心的一餐\！

幾年曾光顧過諾士佛臺的Balalaika,感覺唔錯,同時亦有出過下食評,相隔多年,再度光顧,不過去左老蘭間分店.俄國氣候寒冷,所以以肉類為主,貪其高熱量來保存體溫.雪到冰凍的伏特加,正是俄國人生命之源.由於年前已品嘗過老店,今次唔想晒咁多口水講,先黎個俄國豬肉餃,同菜肉雲吞無甚分別,只係多左搽酸忌廉.朋友點的俄國沙律,我只係負責食果幾粒魚子.砂窩忌廉牛蜊,個忌廉汁仲正過個舌頭,太齦鳥...格魯吉亞式串燒牛柳,點解會係格魯吉亞?又唔係愛沙尼亞,白俄羅斯,拉脫維亞,基本上,以上份屬前蘇聯加盟共和國,大家同樣身處歐州,又同樣1991年蘇聯解題後一起獨立起來,再同樣,大家在足球場上,只屬魚腩球隊.同老店一樣,上串燒果陣,侍應拍晒手,仲唱埋歌.要七成有七成,肉質夠juicy.香港三數間正宗俄羅斯/烏克蘭餐廳,總有由俄國空運的歌女,在餐廳獻唱,實行與眾同樂.當然,女就唔好望係霍爾金娜,古妮高娃呢d級數.男果個,亦唔係波波夫或沙芬.咁,點都好過莫斯托禾.餐廳環境實在熱鬧非常,岩晒一家大細,老友相聚.如果係拖友要談心的,請移玉步上Soho.

香港的俄羅斯菜館不多﹐我雖然去過俄羅斯﹐但問我什麼是俄羅斯菜﹐我也分不清楚。我只記得那些好特別的木制娃娃、廉價的冒牌軍表、和一本本的郵票簿﹔俄羅斯娃娃一層疊一層﹐一個套一個的﹐那時候買了好幾套回來﹐放在家裡的飾櫃裡﹐很喜歡呢。朋友相約到這裡吃飯﹐走到街盡頭的一棟商業大廈﹐再要行幾層樓梯。裡面幾大﹐一邊是卡位﹐另一邊是露台位。餐廳所用的餐具非常統一﹐全部都是藍色的格仔pattern ﹐跟我送給朋友﹐在德國買的原子筆十分相似。我點了南瓜蟹肉忌廉湯﹐朋友就大路地選了羅送湯﹐頭盤我就要黑森林煙火腿伴牛油生菜沙律﹐好笑的是我看著餐牌﹐成日以為是牛油「果」生菜沙律﹐朋友說不是牛油果﹐是牛油生菜沙律~~~~主菜我選羊仔柳卷伴燴薯﹐朋友就要龍俐柳。湯和主菜都不過不失﹐只是飯後那杯咖啡真係苦到難以入口。其實我平時是不喝咖啡的﹐只是貪玩跟朋友一齊起喝而已——當然這次食飯的重點不是食物﹐而是餐後的蛋糕﹐當女侍應將蛋糕端上來的時候﹐上面的蠟燭仲閃閃發光的。除了要說聲非常非常感謝外﹐我真想不到還可以說什麼了﹕衷心多謝陽光先生﹗

在食的方面，我和我的老公都可算是"奄尖"的一份子。我們試過不少有特色的食物，Balalaika 裡的，實在叫我們非常欣賞。欣賞的地方很多，不能盡錄。叫了好一些食物，但必須一提的是：前菜- 很能做到挑起胃口的效果，有口感的西施柚肉加酸酸的西柚肉再加上一些有食力的蝦肉, 真是令人回味無窮呀！主菜- 其中一道是串燒牛柳，出場賣相氣氛很好，而且味道實在不錯。雖是medium，但沒有血水流出且沒有腥味，更有入口即溶的感覺tim。我們已介紹了Balalaika給好一些朋友，我們更會在不久的將來再到這裡品嚐其他串燒及菜色。p.s. 價錢看來有點貴，但實在是值得的。

I came here for lunch a couple of times. Set menu was very reasonably priced, and the food was delicious. Warning for the health conscious - the food was mostly rich with gravy or fried. So not for those who are on a diet.

朋友請食生日飯, 夜收工都等埋我, 無奶油唔! 到中環成9點幾, 佢提議呢間.檯好逼, 同隔離檯好close; 呢度又係casual, 其實一大班人吃就幾好, 仲有俄羅斯音樂....開支意大利03年白酒, 又幾好喎! 叫幾樣食, 頭盤係咩唔記得, 記得只有個羅宋湯, chicken Kiew同veal cheeks. 個湯我地揀跟oxtail, 味道好濃郁, 啖啖肉好滋味; chicken Kiew係炸物, 雞肉都幾滑, 不過我唔係好鍾意; 個牛仔面豬燈就幾正, 一舊舊同豆一齊炆, 好腍而且味道好夾; 本身有麵包皮焗, 個麵包皮切開可以點汁食, 但我覺得用飯撈汁仲正!呢度侍仔見你唔係鬼就同你用中文對話, 但我朋友其實英文好, 不過咁都係好, 話晒係中國人地方呀麻, 無咁扮!

一行５人，冒著黃雨去蘭桂坊，重訪balalaika，打算吃完晚飯就去冰窖喝酒。７：３０到達，副經理robert說有張６人檯預約了９：００，問我們行不行，我們答應了。一坐下，他給我們一大疊紙巾抹乾衣服身體等，幫我們處理好濕淥淥的雨傘，又給我們一人派發一張餐\廳卡片，建議下次預訂桌子。（５顆＊為滿分）水　Acqua Panna （～＄９０）芝士菠菜蝦　（＄７５）＊＊＊＊＊非常好吃，芝士味道剛剛好，不會過膩；蝦也夠多。豬肉餛飩　（～＄５５）＊＊沒有什麼特別，很淡口，酸忌廉也仿如無物，唯有點芝士菠菜蝦的芝士來提升味道。蘑菇，豬肉，吞拿魚，蘋果，椰菜，薯蓉腸仔包　（～＄７０）＊＊＊＊全部都做得很香，不過很飽。蟹肉天使麵　（＄２８０）＊＊＊＊＊是日ｓｐｅｃｉａｌ，不得了，好吃到不得了！有蟹肉，西柚和蔬菜伴碟，加送忌廉湯。芝士一樣的好吃，還有少許\蟹籽和魚籽，十分惹味。（不過忌廉湯就一般而已。）豬排串燒　（～＄１６０）＊＊＊豬排說是日本來的。汁料很香，不過豬排太肥，膩了點。啤酒鴨　（～＄１６０）＊＊＊本來不錯，不過加了黑椒之後就變得太鹹，一定要用那些車厘子汁和原粒車厘子伴送。鴨本身也有香味，肉質挺嫩

這晚沒有什麼人，坐得蠻舒服。（五顆*為最高分） 熱頭盤： 雜菜焗海鮮（$75）－－　蕃茄，青豆，多款海鮮　海鮮也頗鮮美，處理得不錯，不會感覺是冷藏的海鮮；蕃茄酸酸的，很開胃。**** 蘑菇包，豬肉包（$15）－－　菇類，豬肉包包上面有些穀麥和瓜子，很香。*** 湯： 牛尾羅宋湯（$55）－－　蕃茄，胡蘿蔔，牛尾不像平時常喝的港式羅宋湯，味道不很濃烈；配上酸忌廉，更能夠帶出牛尾的香味。**** 主菜： 傳統俄式麵包砂鍋（配炒飯）之黃薑香草焗雞（$125）－－　顧名思義，不作材料說明了鍋面的麵包很硬，可是很香的麥子味道，我最喜歡了；炒飯乾身，顆粒分明，十分適合以香濃的汁料（汁料的主材還是蕃茄呢！感覺整個晚上都在吃蕃茄，哈哈。）來伴送；可惜裡面的雞皮有點烤焦了，媽媽和我都認為太鹹，雞肉也過熟，顯得太老了。*** 甜品： 俄羅斯布甸（原價$45，因為後來為他們提供了意見，他們主動送我們了。）－－　多種草苺，手指餅布甸的奶味得宜，連我媽媽都接受（她最怕牛奶芝士牛油之類的奶製品）；配合旁邊的草莓汁，感覺絕不油膩，所以吃飽了主菜以後還吃得下這個甜品；草莓和手指餅為本來單調的奶味布甸提供了不同

間野禮拜六晚都好多吉'台',而個冰窖就塞滿人,得個睇字.試左cocktail and mocktail only,買左杯又貴又細ge甜果汁~個live band冇乜人理佢,可能大家都唔識欣賞俄國音樂,但係佢地會每'台'走黎同你jam歌,畀d樂器你打拍字,仲唱埋中英對照生日歌,都ok ge. 不過咁q勁多'台'都生日,就冇乜feel lu~

吃完晚飯同朋友呢頭飲, 有人想去個冰窖度見識見識, 所以趁熱鬧.餐廳唔細, 但唔full, 相比之下, 冰窖好似密度高; 入冰窖飲vodka指定動作, 兩位男士竟然試Honey Vodka, 而好nice侍仔就介紹我飲Apple flavor, 好香蘋果味, 都幾好飲; 男士就話佢地杯Honey好鬼甜, 睇揀錯喇!冰窖幾細, 話有零下十二度, 我都無披佢地件fur就入去, 唔多覺好凍, 相比之下, 我公司冷氣仲凍. 不過個冰窖我就唔覺得好特別囉!值得一讚係侍仔好nice好helpful呀!

昨天下午約左幾個舊同事去呢間餐廳食個午餐, 一坐底望一望個餐牌, 2 courses 都只係$68, 3 courses 就$88, full courses 就$108, 係中環有番咁上下裝修的餐廳都唔止呢個價錢, 感覺上已經覺得幾抵. 我就揀左個沙律(唔記得叫咩名), 冇咩特別. 我d 朋友就揀左俄色羅宋湯同俄色菠菜湯, 大家d comment 都麻麻地. 主菜我就揀左個天使麵配蕃茄海鮮, 雖然個天使麵比較淡, 但d 海鮮用牛油煎香, 幾好味. 我有d 朋友就揀左個煎鴨腿, 我試左少少, 我個人就覺得一般, 不過伴碟的烤薯仔就真係好好食. 另一個朋友揀左肉眼扖, 不過不失啦. 當日甜品有朱古力芝士餅或青蘋果sorbet, 前者味道唔係太甜, 幾好食; 青蘋果sorbet 味道幾清新. 雖然有些食物只是一般, 不過以中環區食個3 courses, 都算抵食.

星期一，約左好耐無見的一個好朋友午聚談談近況，見都有一輪下晝無來呢度食午餐，而又好似開左幾間新舖，就兩個人來試試。為何間間唔去，要來二樓呢度？查實係樓下負責招徠位侍應姐姐樣子幾標緻，我地兩個離遠已鎖定目標，二話不說就坐了進來，連幾錢都無睇，所以你話包裝幾咁重要呢。呢度好坐，地方新淨又幾有特色，唔食野，叫杯野坐低傾計也是好地方。我們坐在近街的位置，居高臨下望住蘭桂坊，唔食飯入夜來飲野都應該好正。呢度午餐可以齋選主菜，或主菜加頭盤或湯，或主菜加頭盤加甜品，亦即是全餐。價錢由78蚊至108蚊，吃得多俾得多，都算公道。我們都要了全餐，頭盤要了羊肉薯仔沙律餃子及炸豬手，主菜要了燴羊肉及豬柳。先來法包，雖然普通貨色，但熱熱算幾好。炸豬手熱辣辣，是即炸的。因為連皮炸，吃起來很是肥美，怕肥的一定視之如蛇吞象，但豬手皮是非常豐腴味美的。豬手肉鹹鹹地，肉質都唔錯。伴以忌廉菠菜汁，好滑好夠味，除了伴豬手外，雖然齋吃略鹹，但用法包點菠菜汁來吃就剛剛好；羊肉薯仔沙律餃子賣相都幾好，朋友話味道都不錯；主菜的燴羊肉跟飯，賣相幾中式的柱侯牛白腩，外表看來麻麻。吃落反而不錯，味道幾濃郁，臊味不重，相信少吃羊肉的朋友也可

雖然我無係到飲野,但係入去覺得佢好大下~ 係蘭桂既場哩講,真係好大! 仲有一排露台位,睇晒成條街,正!!! 有個SECURITY係門口,怕人偷野... 偷咩? 就係佢D 皮草喇!一入門口就係一個書櫃房,俾人入去劈VODKA. 入面係咪真係凍到要著皮草我就唔知喇,因為實在多人都入唔到... 但見好多人都係著普遍長袖衫入去... 當然有人著FUR 啦! 但最多人做既就係著起D 裝備,映相! Waiter幾好禮貌,雖然我地一行十幾人去混左一輪吉,但都無俾面色我地睇! 抵讚!下次試過野飲/ 食再匯報啦!