Bamboo Thai (如心廣場一期)

营业中

休息中

計下計下，疫情關係已經有兩年幾無番過泰國呢個家鄉，所以經常性心念念泰國美食。作為荃灣地膽，如心廣場內既泰國餐廳Bamboo Thai一直都係替我解鄉愁既餐廳名單之內。.Bamboo Thai 以佢地招牌巨型火山排骨最為有看頭，餐廳都未開既時候我已經被個佢張大Poster入面澎湃既火山骨吸引住。而喜歡餐廳既格局都係經常性回訪既原因之一，餐廳以極高卡位為主，地方闊落私隱度高。.大蝦米紙卷 💲72⭐️3.7/5前菜選擇左呢個輕盈款式既大蝦米紙卷。大蝦配上蔬菜，加埋甜酸醬汁享用非常醒胃。.火山排骨 (小) 💲138⭐️3.8/5無懸念必點既招牌菜，兩人叫個小號版本都覺得好大份。雖然話係大骨，但係肉其實都好多。排骨一定要落手撕咬先至夠風味，當然餐廳有貼心準備到手套同濕紙巾俾大家用。排骨肉質一點都唔鞋口，配埋佢滿滿甜酸微辣醬汁係全個菜既精華所在。.招牌蟹肉臘腸炒飯 💲138⭐️3.9/5餐牌上面既炒粉麵飯大部份都試過，除左傳統既泰式金邊粉外，就特別推薦呢款蟹肉臘腸炒飯。呢款炒飯係餐廳招牌之一，蟹肉量多臘腸配炒飯香口，簡單地推！.芒果糯米飯 💲68⭐️4/5甜品日常必點芒果糯米飯，因為正宗又高質，有係家鄉食

餐廳裝修古樸自然，寬敞舒適，環境令人很舒服，仿佛置身於泰國。呢度嘅火山排骨好出名，終於約咗食肉獸朋友一齊去試吓！ 青木瓜沙律 $78 泰國Classic地道式，味道酸酸辣辣，很開胃。有三隻新鮮飽滿嘅大蝦，也有些花生配料。招牌菜之一火山排骨（小）$138，雖然叫左細份，但都有由3-4條巨大豬肋骨堆疊而成，差唔多有手掌咁長，加上蒜蓉、香草及青檸汁等秘製嘅醬汁，排骨肉質軟腍，骨肉分離，肉味濃郁！泰式臘腸蟹肉炒飯 $138 炒飯色水靚，口感唔錯！蟹肉絲口感食落一絲絲，唔會係霉霉爛爛，蘆筍、蔥花、蝦粒等經翻炒後，香味濃郁，米粒油韌，炒飯炒得好乾身，而配料與飯既比例合理，唔錯呢！香蕉雪糕 $58 & 椰子雪葩 $58 絕對係大驚喜，椰子雪葩 椰香四溢，同泰國市集食到嘅味道好似，非常完美的配搭！香蕉雪糕解膩一流，可以清清味蕾。不過有真係超冰凍同埋有少少太硬，溶咁Ｄ先食到。九層塔青檸梳打 $40 & 泰式莫吉托 $48，口感清新同埋冰涼，唔會似大多出面溝到好水同淡！淡淡九層塔香，酸甜消滯，真係可以飲上癮。 整體黎講食物份量足，味道好，招呼仲非常好，總括嚟講都值得一試。

這間位於荃灣如心廣場的Bamboo Thai，平日晚市都要等位，餐廳主打泰國菜。黃金蝦餅蝦餅炸至金黃香脆，中間蝦膠彈牙，加上特製醬汁，十分惹味。紅咖喱醬燒牛肋骨牛肋骨已起拆骨，牛肋骨炆至入口鬆化，咖喱有淡淡椰汁香味，另外還有大量泰式香料味道，惹味之餘又不辣。招牌蟹肉臘腸炒飯炒飯粒粒分明且爽口，臘腸油香全都落入飯內，反而蓋過了蟹肉鮮甜。芒果糯米飯糯米飯煙韌軟糯，表面椰汁香，香甜芒果肉，另外還有自製的椰子雪糕，非常清甜。九層塔青檸梳打檸打水有淡淡九層塔香，酸甜消滯。香茅薑茶香茅味清新亦不會太甜，凍凍地飲返杯薑茶暖胃。

最近openrice又有優惠～ 可以買Bamboo Thai 的九折現金券，蠻抵食的💰所以就來了吃泰國菜🇹🇭 餐廳有卡位所以可以坐得舒適，而且私隱度不錯👍🏼🔸大蝦米紙卷輕盈清新的前菜小食，大蝦爽甜，點上酸甜醬汁更加惹味，很開胃🔹火山排骨這是餐廳的招牌菜式～ 點了一份細的二人分享，堆起真的像一座小山，上面舖滿了蔥蒜，氣勢十足🔥 火山排骨真的要戴手套來用手吃呢，排骨的肉非常軟淋，拆肉的工作就交給男友了🤣🤣 拆岀來的份量也蠻多的，醬汁是精華，一定要點汁吃😋🔸越式生牛肉湯河吃完惹味的火山排骨再來一碗越式生牛肉湯河，湯頭清而有蘊，肉味香濃而且河粉很滑溜，沒想到這裡越式湯河的水準也不錯🔹芒果糯米飯🥭甜品必點芒果糯米飯，芒果又甜又多汁，糯米飯加上清新的椰子雪葩 🥥 椰香四溢，非常完美的配搭！🔸飲品點了一杯泰式莫吉托和柑橘咸檸梳打，充滿泰國風情，Mojito 的薄荷味很清新🌱

好耐冇食泰國嘢啦，又想搵間坐得舒服少少嘅泰國餐廳，喺如心廣場發現有一間環境都幾好，而且座位闊落，幾適合同朋友仔一邊傾偈一邊享受食物。今次淨係影咗呢兩頁嘅餐牌，因為係呢兩頁到我已經搵到我好想食嘅嘢🤣🤣前菜方面叫咗清新柚子蝦沙律 $78，聽個名就知好清新啦🤣🤣蝦有3隻，好彈牙。柚子略為有點碎，還可以接受。味道酸酸甜甜好開胃。👍🏻👍🏻👍🏻泰式肉碎生菜包 $88，份量都幾多，肉碎好夠味，生菜約有8-10片。將肉碎放喺生菜上面，包住一齊食真係好好味😋泰式生蝦刺身 $148，生蝦有八隻，很彈牙，秘製醬汁酸酸辣辣。

好味指數😋😋😋回頭指數 ⭐️⭐️開心指數🤗🤗呢間店，成日路過都見到大排長龍，網上食評D人都寫得幾好，就嚟試下！雖然係午餐時間，但呢度係冇午餐menu 嘅，所以午餐同晚餐嘅價錢係一樣嘅～🍴火山排骨（細$138）呢個係每個食過嘅人都推介，當然要試下啦！我哋叫咗細份嘅，嚟到見到都幾大份，有成6舊！排骨煮到骨肉分離，肉質唔錯，好淋又唔嚡口，當中嘅軟骨同根都可以食埋！個湯汁有大量嘅蔥，酸酸鹹鹹帶少少辣味，都幾惹味！真係幾值得食嘅，不過就唔係好夠熱，只係暖暖哋！🍴馬沙文咖哩豬肋骨（$168）呢個都幾大盤，有5大舊豬肋骨，個咖哩汁好正，因為有椰奶同椰糖煮嘅，成個汁好香，所以都叫咗個油酥餅同白飯撈汁食，一流！豬肋骨亦都係煮到骨肉分離，一咬就輕易食到D肉，好味！不過都係唔夠熱～🍴精選拼盤（$188）春卷有兩大條，味道好惹味，係成個拼盤最好味嘅！炸魷魚，個炸皮好厚，同埋似擺耐咗有少少硬身，唔掂！沙嗲雞串燒，雞肉有少少嚡口，似整咗響度放咗好耐嘅感覺，已經暖到D肉乾晒咁，唔掂！炸魚餅，冇炸感，肉質好鬆散，一般！大蝦米紙卷，正常發揮！成個拼盤嘅敗筆位係全部嘢唔似即整，似整好咗放響熱燈下暖住嘅狀態，到你叫嘅時候夾出嚟

一直都未食因為成日都好多人排 今日食午餐 冇人排入去試下， 叫咗三樣嘢， 生菜包，豬頸肉 同蒜蓉包， 生菜包, 蒜蓉包ok唔差, 豬頸肉好好食小朋友都好鍾意, 最可惜係生菜包其中一塊生菜有頭髮。。。 價錢同其他泰國餐廳差唔多不過坐得舒服，感覺上乾淨整潔!

火山排骨無令我失望！真係好好食！個汁帶微酸好開胃，排骨份量好足，我地兩個人點一份細既已經夠食。生牛粉正常，牛肉質素係好既，無渣，湯底濃厚。泰式檸茶味度好濃，應該加左檸汁，泰茶味香濃。

泰菜酸辣醒胃，最適合潮濕悶熱的炎夏。Bamboo Thai在今年年初殺入荃灣開店，主打新派泰菜，裝修時尚簡約，坐位都算闊落，所以開業不足一年便得到不少食客青睞，午市和晚市經常要大排長龍。1. 火山排骨（小份）推薦：⭐️⭐️⭐️⭐️火山排骨是Bamboo Thai的招牌菜式。一上菜就十分吸睛。份量方面，雖然是小份，但都有5至6舊大骨，而且每舊骨都連住大量肉塊；味道方面，排骨仍有肉味，醬汁是以酸味為主導，但食落去辣味漸漸搶出，十分過癮；口感方面，排骨肉質仍然緊實，但不會過老，骨連肉位置相當滑嫩。2. 椰子雞湯推薦：⭐️⭐️⭐️✨味道方面與冬蔭功湯有些相似，配料均是以香茅、檸檬葉和青檸為主，有冬蔭功湯的酸，但沒有冬蔭功湯的辛辣刺激；取而代之是椰漿的香氣和溫和，入口十分順滑，相當特別。雞件都是大大件無骨，大約有5至6塊，甚具性價比。3. 泰式生蝦刺身推薦：⭐️⭐️⭐️✨去泰國菜館必食的生蝦刺身，主要是食其清爽彈牙的口感， Bamboo Thai都有做到；醬汁方面則是酸和辣為主，十分開胃。值得一提是Bamboo Thai菜單已寫明一盤生蝦刺身有8隻，明買明賣，蝦身的大小亦有誠意，不會欺場。4. 泰式大蝦炒金邊粉推薦

價格反映唔到係食物度，食物水準只係一般，份量又少，選擇又少，係九龍城地道嘅泰國菜館仲好食。坐又唔係特別舒服， 個冷氣風口吹到個人正一正，同侍應講完都冇改善。個人認為可一不可再，咁嘅價錢可以有更好選擇。

想試好耐，今日終於食到，好感動嗌左個細嘅火山排骨、肉碎生菜包、青咖哩雞、牛肉撈檬(唔記得曬啲價錢sorry，但絕對性價比高!) 2個人食真係飽到上心口…………火山排骨係唔辣，要夾埋啲青色辣椒粒食先辣，而啲汁係遍向甜同酸，好開胃，真係必食，但係份量真心多，岩曬大食人士。*佢地有膠手套同濕紙巾提供個生菜包係我食過咁多間入面最好食!份量好多，一次可以包多啲肉碎咁食夾埋啲九層塔同檸檬葉一齊食真係正到爆青咖哩雞有啲辣同都幾甜，啲汁幾creamy同有香嘅椰奶味，餸飯一流，啲雞肉就不過不失，我地今次簡左牛油薄餅就唔太夾。牛肉撈檬，啲撈檬係室溫，唔係凍嘅啲，牛肉好香好正；呢碟餸重點應該係啲酸酸甜甜嘅汁，佢有一碗仔，但我覺得唔太夠，食果陣係偏淡如果濃味啲就正!!服務方面，職員態度親切有禮。整體黎講係我會再食嘅一間泰菜連我朋友都話正

今日好熱想搵間舒服又好食既鋪頭食野，去左如心廣場呢間食，見佢座位舒服，冷氣夠大，乾淨。午餐餐牌都多野食包野飲，加錢就有小食。泰式大蝦金邊粉：味道岩岩好，酸酸辣辣，蝦好大隻又爽，有豆腐條，份量多，好似去左泰國咁，有green tree 既感覺。越式豬肉撈檬：豬肉好入味，食到用泰式醬去煮，愈趙愈好味，多肉汁，麵配埋佢地整既汁撈來食好fresh😛大蝦米卷：呢碟加35蚊，麻麻地，唔夠味道，蝦好少。😔沙嗲雞肉串：加35蚊有三串，好食就好食，覺得唔夠熱，細串左少少🤏🏻🙃呢度飲泰式奶茶☕️得凍飲，最後叫左杯普通奶茶，佢係用奶沖，唔係用叫啖奶沖，唔夠香。因為兩個人關係食唔到好多野，下次想試咖哩蟹或者豬肉骨山。呢間野坐得好舒服，環境乾淨又寧靜，可以放鬆食野，會再去。👍🏻😍

最近發現Bamboo Thai推出左個聯乘Impossible Meat嘅齋menu，對於我呢啲成日要食齋但又鍾意出街食嘅素友來講，簡直係恩物呀😍泰式Impossible植物肉碎生菜包$88🥬個人覺得像真度相當高，連本身唔係食齋嘅朋友都停唔到口😋冬蔭公$68🌶份量比我想像中多，夠分幾碗👍🏻啲料好足，開胃得來帶少少辣🤏🏻青檸醉辣汁蒸魚$198🐠魚嘅肉質嫩滑，索曬啲汁非常惹味，唧埋青檸，簡直令人食指大動🍋

夏天最鐘意食泰國菜 可能因為酸酸甜甜咁好開胃 呢間泰國菜係旺角荃灣屯門都有分店 今次去左荃灣分店 原來店面都幾細下 但啲位都算坐得舒服⁣⁣▫️火山排骨🔥(小)💰118⁣↬呢個係廚師推介既招牌菜 雖然叫小份 但份量都好多 有5,6舊大排骨 岩哂鐘意吮骨既人 排骨煮到好淋身 好容易就可以拆開黎食 而且都有好多肉 個底仲有啲酸酸甜甜既汁 好開胃 一啲都唔辣 店員仲會提供手套同濕紙巾 食都食得舒服又乾淨⁣⁣▫️泰式大蝦炒金邊粉🦐💰112⁣↬ 金邊粉相比起排骨就失色左小小 因為得個碟大 份量較小 有3隻蝦仁 但味道唔錯 唔會好油 如果唔食得辣既就唔會撈咁多辣椒粉 因為撈匀哂都有啲辣架 個人幾鐘意個調味 做到係泰國食既味道⁣⁣▫️椰香青咖喱雞🥘💰98⁣↬屋企人唔係好食得辣所以叫左青咖喱 入面雞件既份量都幾多 肉質嫩滑 青咖喱帶椰香又唔辣 入面仲有啲豆角同泰國茄子⁣⁣▫️油酥餅🫓💰28⁣↬為左配個咖喱 就叫左個油酥餅 略嫌油左啲 同埋個餅底唔夠酥脆 不過成塊浸落啲青咖喱到好正⁣⁣▫️蒜香炒泰國椰菜苗🥗💰68⁣↬個人較鐘意食椰菜苗多過通菜 口感多啲 呢個炒到好夾口 蒜味岩岩好 小小油就一定架喇⁣⁣▫️香芒糯米飯🥭

如心廣場有好多美食，見到呢間長期人氣爆燈嘅泰式店不用排隊，立刻入去試吓🥰🥰💫火山排骨（小）$118見到周圍嘅客人都點了，肯定係必點菜式。分量超巨大，差點以為送錯了大份給我們。排骨有三件，肉質淋而且且好離骨，當作手撕排骨吃，配上鹹酸的芫荽汁，味道非常配合。💫泰式生蝦刺身$148生蝦用冰底座鎖，保持新鮮，配合蒜蓉和辣椒🌶️，水準甚佳。💫冬蔭公$68椰汁味不濃，非常好❤️❤️有大蝦菇等配料✅加一服務費‼️最好預先留座5⭐️評分好食指數：⭐️⭐️⭐️⭐️餐廳環境：⭐️⭐️⭐️