Bistro Lobby (已結業)

Weekend訓到晏一晏先落街搵食！走左去鰂魚涌太古坊果邊，經過呢間小店，見到門口張餐牌整得好有心思好特別，所以停低左望下，本來都係埋去望下個餐牌，點知老闆娘見到我地企喺門口望，就走左出黎介紹，推介左幾款午餐，見老闆娘咁有誠意，午餐嘅價錢又唔貴就走入去試下。餐廳好細，唔夠十張枱，但係環境亦算不錯，唔會太迫，感覺骨子，整體亦乾淨整潔。我叫左秘製馬來肉骨茶配燒豬仔脾同白飯，老公就揀左招牌龍蝦濃湯配原隻海蝦、免治雞肉同野菜泡飯。order 午餐可以以半價加點飲品，我揀左水蜜桃茶，老闆娘好細心主動問我需唔需要少冰或者走冰，有時候就係呢d細微嘅位令客人記住呢間餐廳呢！肉骨茶係馬來西亞式，藥材味濃，但隱隱約約亦食到少少新加坡式肉骨茶嘅胡椒味，聽老闆娘(其實佢並冇話過自己係，只係我同老公都當佢係！哈哈！）講佢地係綜合左馬來西亞同新加坡嘅口味，不過唔理佢咩味，最緊要係好好味就得啦！飲完肉骨茶真係成個人暖哂，好舒服！豬仔脾醃得唔錯，咬落亦唔會太硬，肉好容易離骨，確實唔錯！點知老公嘅泡飯原來比我嘅肉骨茶更加出色，大大隻海蝦爽口彈牙，絕不欺場！最正係個龍蝦湯底！真心甜加鮮味，絕唔會過咸，老闆娘話係每一日用波

「夢」與「愛情」從來都是密不可分的，愛情為追夢旅程締造原動力，點點滴滴交織成夢想的天梯。 踏入海堤街的太古坊小蘇豪，蘊藏著由夫妻檔經營的溫馨小店，由老公下廚，老婆試味，完美展現愛與夢想的交替，多年來努力不懈實現心願，滿足味蕾之餘，頓時心裏泛起一絲暖意。 Bistro Lobby小店大廚絕對名不虛傳，大廚Kelvin為星級大廚Harlan G的弟子，曾任著名五星級酒店大廚，小店食物質素具五星級酒店水準，熱情有禮的老闆娘貼心照料著每桌來賓，難怪電視台美食節目爭相推介Bistro Lobby，兩口子暖心追夢情懷真教人羡慕！ 海堤街旺中帶靜，兩旁佈滿特色小店，難得市區中享受片刻寧靜，Bistro Lobby裝潢簡潔雅緻中帶個性品味，門面平凡不花巧，甫進門便感受到回家的感覺，屬香港難得的慢活優閒私房餐廳，讓人身心放鬆。 砂煲焗海鮮飯 ($78) 大廚Kelvin不斷鑽研新菜式，小店必吃菜式當然包括砂煲焗海鮮飯，發揮創意利用煲仔飯crossover西班牙海鮮飯，中西合璧刺激味蕾。砂煲焗海鮮飯用棕色砂煲盛載著，老闆娘細心提示砂煲燙熱要小心，賣相精緻亮麗，砂煲可保留焗海鮮飯餘温，熱氣令米飯更吸收海

      星期五當然要同同事出去食番餐好少少既，就揀左呢間好家庭feel既餐廳~由於星期五既關係，真係好多人，基本上一到lunch time成條街都係人，我地等左差唔多10分鐘就有位~其實見到餐牌樣樣都好想食，但個烏冬我記得好似係鐵膽黎，次次都有既，所以今次就試下其他~日式黑芝麻咖哩豚肉雜菜飯，開頭食以為只係少少辣，點知愈食愈辣，好彩都頂得順肉好嫩，加上有好多菜，感覺好健康~呢個就係經常係menu見到既叉燒豬骨濃湯讃岐烏冬，有一大堆菜係面，另外都有好多粟米，烏冬都好煙un~朋友就叫左原隻鹽焗胡椒紙包雞腿飯~一打開即刻聞到好香~而已雞腿都好大隻整體黎講，食物質素不錯，係逼左少少，但老闆娘都好nice，哈哈

已經食過差唔多10次，因為好好食。🍲😋以往在星期日lunch time，有時都要等位，因為成班人去⋯⋯今日（星期五）可能☔️關係，竟然唔洗等，😁推介：虎蝦湯飯 🍲👍🏻👍🏻👍🏻極上海鮮烏冬都好好。用心做嘅 fusion dishes. 🍜 很欣賞。老闆娘服務態度好、有效率、細心！👍🏻👍🏻👍🏻另外，不能錯過 bailey's pudding 🍮It is so GOOD!!!I'll be back!!! (again)

最近開左open rice 嘅account 學人寫下食評剛剛經過樓下呢間小店令我記起好多年前嘅經歷好想喺呢度分享....當時我剛搬進鰂魚涌發現呢間小店，夜晚同屋企人食過幾次，食物唔錯起碼唔會hea 煮,服務態度幾好，覺得可以長期幫襯。之後有次星期六下午見到佢地有午餐,諗住夜晚食過幾次都ok,就試下午餐啦應該唔差得去邊。首先唔講食物質素,我同媽咪坐低點餐嘅時候冇留意原來指定左餐茶，唔記得係桃茶定乜，我就講左句：熱奶茶吖唔該（自己諗住最普通野), 點知嗰個老闆娘即時黑面勁倔答我：冇得揀呀!! 指定左架喇!! (語氣似係有野比你飲仲揀!) 重點係好黑面，我個心離一離點解態度同夜晚180度唔同?!唔通因為午餐平D你就當我乞衣?我點餐時態度仲好好冇野得罪佢喎，我睇漏眼你都唔洗咁嘅態度..當時亦只係得兩枱客好清閒，食物質素就麻麻喇。我仲記得嗰日好大雨，佢開左度門見到出面有人企喺度避雨，突然佢又大好人咁笑曬口對住佢地,但我地喺入面幫襯緊你嘅反而要受氣？呢個女人好奇怪我覺得。我都有諗可能我諗多左啫,點知到埋單時佢找番$比我地時一樣,一手掉低D錢多謝冇句keep 住黑面，我心諗你覺得咁蝕就唔好做下午啦

其實本人非常之欣賞老闆娘的服務，爽快有效率，神出鬼沒， 10秒之前在你面前， 10秒後她已經在後門為你拉枱。其實翻看其他食評，大家都食泡飯，又或者其他扒類配飯的菜色，可能我沒有做好功課，隨便點了這個名字看來非常吸引的烏冬，實在是一件錯事。本人不得不佩服店方，勇氣可嘉，明明是求求其其、隨隨便便的一碗烏冬，居然為其編造的名字，長達10多個字，看來很吸引，豈料，老闆娘端來的時候，才知道完全上當了😔。黑蒜麻油手扎叉燒豬骨濃湯讚岐烏冬湯底毫無黑蒜味，又或是麻油味，連出前一丁的黑蒜麻油味公仔麵，都可能比它更富黑蒜味😢，完全沒有黑蒜或者油花在面頭。這個所謂的豬骨濃湯，與本人在家中用出前一丁豬骨濃湯的味精包所煮的豬骨濃湯，味道沒有什麼分別，也可以算是貨真價實的。寫明是讚岐烏冬，但是烏冬完全沒有咬口，也不半透奶白，而且質地不算滑溜，也沒有讚岐烏冬那一種幼切、滑身，又或者彈牙的感覺。說到叉燒，那就更加令人失望，非常之瘦，比起求其在樓下街市買的中式叉燒還要瘦，雖然寫明是手札的叉燒，但是如果沒有肥瘦分明的感覺，那麼手不手札又有什麼分別？瘦得來非常之乾，不是為了下午的工作需要充飢，我根本不會吃下去。大家都是香港

舖內外有很多雜誌報導～ 座位鬆動，環境整潔～不過座位不多，如中午時段來要小心冇位了～慢煮牛仔柳飯～份量好多，肉質鮮嫩，的確係慢煮肉質肉骨茶 拼 燒豬仔脾～推介 main dish，豬仔脾皮脆肉嫩，一咬離骨！油炸鬼粒香脆冇油，不會軟軟油油的，碗肉骨茶超濃香，而且藥力一流，因女朋友虛底，食完行一陣街已覺得個人散散哋及疲倦，食咁多間最正尼間～另外星期一至五 12:30 前 & 13:30 後食可減 $10～

今日同事去食飯行經見到有間舖頭門面幾肆正，之後唸住等位，之後佢話如果去其他舖就即刻有位。個餐牌既菜名幾特別，就咁睇就想像到個野食既樣。於是叫左個蒸肉餅飯同日式黑芝麻咖喱豚肉玉子蛋野菜飯試下。肉餅飯黎了，肉餅下有塊蘿蔔感覺有點似關東煮食落有點淋，肉餅食落都ok有咬口，個海膽金沙醬食落有點香。野菜飯都來了，日式咖喱汁同玉子蛋都食落甜甜地，豚肉都有嚼口，黑芝麻都搞碎了但香味俾咖喱汁蓋過了。

其實2012年我已經開始食呢間溫馨小鋪，因為女友當時住附近，有好多次我會自己一個人去鰂魚涌公園影下相散下步，再來食個開心lunch 尋晚食素的女友如常收夜，我打電話問幾點close點知老闆娘話9pm last order，但可以預先order等我8:45pm來先熱熱上菜。佢仲好細心介紹兩款素食spaghetti同risotto，有咩材料點調法。8:45pm我先來到時老闆娘，給了兩杯熱水（細心）還為未來到的女友的杯蓋上外賣杯的蓋子！（超細心）最後9pm女友駕到，上菜！雖然走了原本的煙三文魚，但味道毫不打折！飯粒是用珍珠米，比一般risotto更適合香港人口味！老闆娘細心地送上黑椒，女友大喜～外貌平凡，但香草味道Good!

趁放假當然要周圍覓食, 還要在鰂魚涌這區揾一些只開星期一至五或只有星期一至五才供應的午餐一試, 難得機會。今次遇上這間小店子, 非這區打工仔返工時段是不會開巷子的分舖位置, 只開主店, 可以減省不少成本。環境主店地方細小, 只有兩三張枱, 用上拉盪式的落地玻璃門, 可減省很多空間, 內裏以米黃色為主, 設計簡約, 很有家的感覺。而位於巷子的分舖位置則闊落很多, 設計與主店完全不同, 以深啡色為主, 木枱木椅, 日式的設計。因剛碰巧午膳時段, 不想與人迫位, 故選擇了外賣, 我只是在等候時趁機會觀察小店的環境。服務站在門口的員工真的很懂得拉生產, 見我看完素店後走過來, 她馬上問是否想吃素, 可幫我將菜式改為素菜。雖然人流開始多, 但她仍鍥而不捨, 以快速的口吻將每個餐逐一介紹, 不單介紹用料, 連製法都提及, 這麼落力真的不能不光顧。食物菜單是手寫手畫, 設計頗吸引! 午餐共有六款, 包括兩款意菜、一款瑞士菜、一款中菜及兩款日本菜價錢各有不同, 一向喜歡吃咖喱的我, 看到這款黑芝麻咖喱已被吸引着, 故揀選了它。1) 日式黑芝麻咖喱豚肉, 雪場蟹棒, 野菜飯配飲品 (原價$45, 12:

天氣影響心情，今午下著連綿細雨，彷彿永不休止般，實在令人納悶煩厭。不過老早相約見面，只好按原定計劃出發。早了抵達這個陌生的地方，發現幾條短短小街內竟滿佈食肆，好奇的我就像找到稀世寶藏，不停地四處遊覽四處張望，轉眼便渡過了行程豐富的半句鐘。原來這一帶以特色小店居多，不難找到來自世界各地的食物，然而未知是否主力招呼上班族，或是周末日子只做晚市生意，部份食肆大門深鎖或者剛剛開舖，客量亦不算十分暢旺，若想享受片刻的寧靜，到這區嘆個午餐倒是不錯的選擇。留連期間已鎖定今趟光顧的目標，Bistro Lobby門面平凡毫不顯眼，稍不察覺便很容易走漏眼睛。小店有兩邊入口其一通往內巷，大門是貼著餐牌和傳媒訪問的落地玻璃，店內裝潢簡簡單單並不花巧，木椅木桌放得頗為擠逼，理解到在租金貴得發瘋的年代，善用每寸土地是自然不過的事情。熱情有禮的老闆娘動作迅速，甫坐下已把餐牌交到我們手中，當大家還在三心兩意選擇食物時，她已準備好為我們落單了。天陰陰的日子沒啥神氣，小妹就點了一客蟹柳雜菜沙律($38)，希望能帶來醒腦提神之效。老闆娘把此菜送上時，我心裏不禁開懷地笑了。仿如一坐小山的沙律色彩絢爛，紅黃綠橙的蔬菜堆砌有序，

大囡生日一家四口來了這小店吃了頓溫馨又滿足的晚餐。周一晚上七點一枱客也沒有，正好給我們靜靜地享受我們的飯餐。以為小店，人手不足，沒料上菜非常快又熱辣辣，款款main course都只是$60多元，全日免加一，食材又份量十足，真材實料，真的驚喜！我們點了下食物，一家人食啱啱好：砂煲焗海鮮飯：啲咖汁稍嫌甜了點，但啲海鮮份量十足，有青口，帶子，墨魚仔，蝦，蟹拑，隻隻大件，咁既價錢，好驚喜煙鴨胸粟米黑松露軟芝士飯：這個味道最鮮最味，白汁芝士煙煙un un, 與黑松露味道佷配煙三文魚野菌忌簾汁意粉：啲囡囡最中意呢個，啲白汁做得好，芝士又係煙煙un un薯蓉焗田螺：以前食開平果啲都係細細料，呢度啲田螺大大隻，味道鮮甜，啲薯蓉又滑焦糖燉蛋：奶味好濃，好好味希望這小店可以維持到，會再去！

今晚找找新意思，和相公到他公司附近的鰂魚涌找特色小店晚餐！在openrice找到此店，找了一陣子才到達。小店位子不多，一眼睇晒。人也不多，可能時間尚早，才七時多。服務我們的我估是老闆娘，很有禮貌的！食物選擇不多，價錢亦比普通西餐廳略低。是晚點餐：龍蝦湯。忘了拍照，是上好的龍蝦湯，一入口就知是自家制的，再看看牆上的訪問，證實了是老闆每天鮮制的，以點主菜加$25的價錢的確是物超所值！！白酒欖油蒜片辣茄茸炒藍青口很長的名子！辣蕃茄蓉汁很開胃，藍青口可能不夠新鮮，沒有藍青口應有的海鮮味。軟芝士千島醬焗廣島蠔個醬汁幾好味，蠔都幾大隻，值得一試！主菜：保雲蘇香草焗羊架配薯角分量都唔細，共有5條骨，大約7成熟左右，味道對辦，唯獨是面頭的保雲蘇略嫌不夠多。薯角也炸得香脆，還有一堆炒椰菜，美味。埋單不用加一，只須$315！

雖然知道鰂魚涌有好多小店，但質素確實都幾參差。之前嚟過食lunch，覺得超唔得！係勁難食（雖然都爆，可能係我唔啱口味），只此一次。但經過金剛小儀推介後，今次再嚟食晚飯，確實又有驚喜喎！三個人叫了三個飯面同兩個小食。廣島蠔、鮮蝦伴辣茄汁意大利粉：辣辣哋都約惹味~~砂鍋焗海鮮飯：勁多芝士，海鮮只係有蝦、魷魚、蟹柳，但茄汁底撈埋個飯幾好味！個汁係鮮茄加茄膏煮成的，好濃！ 煙三文魚野菌忌廉汁扁意粉：普通啦~~~小食：煙肉香草田螺焗薯蓉：係新鮮焗的，田螺已經起殼，要在薯蓉堆中尋找，味就普通啦！唔算話好特別！軟芝士千島醬焗廣島蠔：Highly recommend!!! 超好食！蠔又香，又肥又飽滿！最難得的係蠔已經鏟起，墊咗生菜先拎去焗！最勁係唔乾得嚟，又唔會出水！完全係心機之作！（唔駛好似出面咁，好驚鏟咗隻蠔過對面，失禮死人！）

之前好中意係公司叫外賣 話說係大昌行返工 返工放工都會經過依間鋪 但位太少就決定叫外賣 廠二點前落單仲有折幾抵 計返每個餐三十五蚊倒 menu仲會每個星期轉吾會悶 嗌左個煙鴨胸意粉 好正呀 同事叫其他都吾錯