Brilliant Cooking (已結業)

係葵芳新開餐廳，其實都近mtr. 只係係葵涌落天橋，運動場對面。 新開張環境都幾闊落好坐，定價唔貴，同朋友晏晝黎叫左2個lunch set椰菜花忌廉湯加$10就可配是日餐湯同飲品。呢個湯飲得出足料，有好香嘅椰菜花味，creamy得黎都食到椰菜花蓉，飲得出唔係粉漿開嘅湯~另一個再加$10 upgrade 左做牛肝菌忌廉湯，個湯牛肝菌香味頗濃郁，口感略稠，幾有質素。係上面仲以cream 劃上唔同pattern, 幾有誠意餐包口感軟熟，不過我個包就覺得乾左DD, 加埋湯一齊食都ok炭燒美國肯瓊香料“巨大厚切”豬肉眼扒配燒菠蘿，雜菜沙律&燒汁上到黎真係超巨大，仲大塊過我塊面。 厚切帶grilled 印，口感十分軟腍可以輕易用刀切開，不過略乾左d. 配埋上面燒過香甜多汁菠蘿一齊食都唔錯。薯條拌有紫菜粉，亦可選飯或意粉。不過薯條就唔係好夠脆 挪威三文魚&玻璃蝦配奶酪芝士忌廉汁意大利飯 $85我地有特別request意大利飯要煮得硬身啲，出黎真係煮到啱啱好，有外軟內彈牙嘅口感👍材料非常多，有6隻肉質鮮甜嘅玻璃蝦刺身同煙三文魚片，再散上滿滿嘅芝士碎，加埋個好creamy嘅汁，每啖都好滿足。 藍蝶花檸檬

呢間Brilliant Cooking 係葵芳新開嘅cafe 鋪頭嘅裝修好特別同新淨 位置都非常方便 係葵芳廣場隔離 經天橋落去兩分鐘內就已經到 如果想搵個地方坐係到慢慢嘆 呢到絕對值得一試我地叫咗兩個main course 首先係阿拉斯加蟹肉，日本象拔蚌&蟹籽配鮮蟹膏忌廉汁意大利飯（$148）同時都加左$20轉套餐同$10升級做意大利牛肝菌忌廉湯個忌廉湯熟辣辣 菇味濃 湯偏洁身 非常好飲 非常推薦加10蚊升級 絕對物超所值！ 而套餐嘅包有淡淡嘅提子香 表面好香脆 配埋個湯好夾👍🏻蟹肉意大利飯賣相十分吸引！而且入口亦都有淡淡蟹香 亦好足料 食落啖啖蟹籽好滿足🤤意大利飯軟硬適中 幾好味～岩燒美國香草包糠極黑豬鞍架配雜菜沙律&燒汁 配紫菜粉薯條$158呢個好好食！同樣賣相都係超吸引，黑豬鞍架好大份！佢嘅火候岩岩好，切開好靚，而肉嘅背面亦有一格格網紋 賣相真係冇得輸！ 本身佢配左茄汁同一隻鹹鹹地嘅汁，配肉都好夾😻而豬肉咬開亦有肉汁，肉質嫩滑，唔會好乾，而面頭亦配有香草包糠，一齊食口感好豐富～配嘅薯條都係即炸 又熱又脆 非常好食！套餐仲有包杯餐飲 我地就叫左港人最愛嘅檸檬茶估唔到佢個茶底又幾有

炭燒美國香草包糠極黑豬鞍架配雜菜沙律&燒汁 $158 套餐+$20套餐跟$20就有餐包同餐湯 首先餐包有烘過 外脆內軟 點埋啲湯食仲正😋 餐湯係粟米湯🌽 飲落超濃郁仲有靚靚拉花🤣 主角黑豬鞍架超厚身 勁大塊 食落肉質幾爽口但絕對夠淋 加埋紫菜粉薯條🍟 整體勁滿足🥰評分: 9/10🌟炭燒美國肯瓊香料”巨大厚切”豬肉眼扒配燒菠蘿，雜菜沙律&燒汁 $145 套餐+$20另一個主菜都係豬🐖 今次係豬肉眼 叫得肉眼緊要夠淋身 而且好香炭燒味 點埋個燒汁層次就更豐富😆 不過肉眼既胡椒黑椒調味偏多 食落有啲辣 同埋塊扒實在太大 大到壓到部分薯條淋咗冇咁好食🥺 整體黎講呢個價錢絕對係抵食之選🤩評分: 8.5/10🌟西柚檸檬梳打 跟餐+ $21賣相都幾精緻既梳打🍹 飲落幾香西柚同檸檬味 加埋梳打成個感覺好清新 而且唔會太甜 啱哂食完肉飲😚評分: 9/10🌟Hot Matcha Latte 跟餐+ $18呢個絕對係全晚既highlight✨ 三眼仔既拉花好可愛 而且茶味好香濃 奶同茶既比例剛好 入口順滑 整體黎講都算唔錯🤤評分: 9/10🌟———————————————————————Brilliant

同朋友去完葵廣掃街🤣大食嘅朋友話食完前菜想食正餐上OpenRice見到有間新餐廳就決定試吓餐廳係葵廣對面非常方便入面座位闊落 有雙邊玻璃透到陽光入去非常舒適☺️🌟挪威煙三文魚&玻璃蝦配奶酪芝士忌廉汁意大利飯（$85）Risotto 質地creamy 入口香濃柔滑意大利飯保持到少少起骨嘅口感煙三文魚味道完美融入risotto之中玻璃蝦每隻都晶瑩通透 鮮甜爽口🌟炭燒美國肯瓊香料”巨大厚切”豬肉眼扒配燒菠蘿,雜菜沙律&燒汁（$88）豬肉眼扒肉嫩多汁👍🏻非常推薦一切開已經見到有肉汁流出嚟🤤表面烤得香口 就咁食會有Rosemary同淡淡燒肉焦香想再多啲味道層次嘅可以點埋燒汁配埋香甜燒菠蘿份外開胃-2個main我地都轉左套餐，包括餐湯、餐包同飲品因為見餐牌有2種湯，所以2種都叫左嚟試😎🌟餐包有2款，一款芝麻味，一款原味芝麻味餐包芝麻味香，咬落有粒粒芝麻口感原味餐包帶少少包嘅甜味2款都咁好食😋-🌟是日餐湯🎃南瓜湯（+$10）南瓜湯入口香甜順滑　餐湯嚟講算高質-🌟意大利牛肝菌忌廉湯（+$20）非常推薦鍾意食菌類嘅朋友加錢叫呢個湯🥰湯有濃濃嘅牛肝菌味但唔會搶過蘑菇等嘅味道 balance得好好而且非常細滑

長假期最後一日諗住食番好少少，行完葵廣一出天橋見到有個商場仔，入面都有3-4間選擇。食得太多日本野決定轉下口味食下西餐可能新星期日晚上到去唔洗等位就入到去，dinner menu最平百零蚊有意粉食，不過我地幾個食肉獸就緊係齊齊叫牛扒，牛扒主要有兩款，決定豪一豪食個三百幾嘅rib eye先本身加$20連餐有包有湯有意粉有野飲，我地仲加多$10 upgrade做牛肝菌忌廉湯，一上到黎個湯整到成個拉花已經吸引飲落都creamy，不過如果唔洗加錢就仲正主食黎之前食仲左幾個小食，好搞笑有泰式生菜包食，肉同菜都正正常常，不過waiter都幾細心教我地連埋塊香草夾埋一齊食，又真係幾fresh雞翼、黑松露薯條就基本水準無咩特別唔特別影。主菜黎喇 ，menu寫明有12安士，一上塊扒都真係幾大，加埋意粉同沙律，如果唔係太大食嘅話其實可以叫少一兩個小食。塊扒叫左5成熟，一切開中心係粉紅，咬落亦有肉味feel到唔係平貨…起碼對得住個價錢最後叫左杯特飲，主要都係for影相打卡左邊藍色果杯係我嘅”藍蝶花檸檬”飲落酸酸地幾消滯不過飲完都唔知藍蝶花係咩黎今餐埋單人均都唔平，不過叫做為長假期整番個好好嘅總結

嚟葵芳搵食，除咗去葵廣同新都會之外，其實仲有其他商場葵芳匯係比較新嘅商場，但都有啲好嘢食同大胃之母嚟個二人套餐，打前頭一定係湯同包先啦從未見過西湯可以有咁靚嘅拉花，靚到唔捨得飲，但由於太香，都係忍唔住飲，超濃郁牛肝菌味另外麵包係黑糖味，好好咬口夠晒綿前菜係燒法國鵪鶉髀配香脆彼得包&鵪鶉蛋，呢種做沙律可謂非常特別，大胃當然係食肉先，鵪鶉髀原來係咁香嫩㗎！同埋鵪鶉蛋亦可以做到流心嘅效果，流到去蔬菜同彼得包度，別有一番風味跟住就食risotto，係阿拉斯加蟹肉、日本象拔蚌&蟹籽配鮮蟹膏忌廉汁意大利飯，要撈勻咗先食，成個組合混埋一齊，香氣無限升級，放入口香到合唔埋口，成個飯好creamy，仲有啲象拔蚌提升口感最後就係main course，大胃嗌咗喜馬拉雅山岩鹽燒法國野生原條活鰈魚配水瓜榴白酒忌廉汁，原條烤嘅鰈魚真係未食過，就咁食都好嫩滑但配埋醬汁真係完全KO味蕾，點解可以有咁好食嘅醬㗎？結果魚肉同醬汁都一點不剩跟餐特飲半價，大胃飲咗個西榴檸檬梳打送飯，飲料含有大量果肉，所以檸檬同西柚味超出呀

#葵芳匯新食力🍽約朋友去葵廣掃街 佢知我鍾意試新嘢 話帶我去葵芳匯一間 開張得兩個禮拜嘅港式西餐廳 喺新都會商場對面 位置算方便 週末週日都有午市套餐-🍥日式燒肉汁豬扒金菇炒烏冬 $82🥣跟餐湯飲品 +$10是日餐湯每日轉款 麵包🥖烘熱先上枱 入口軟熟 烏冬吸收燒汁 煙韌有嚼勁 每條汁香鮮甜 食吓食吓 反而覺得味道有啲重😅 豬扒去骨再切成條狀 啖啖肉 食得方便-🥩炭燒美國頂級牛肩板腱肉配雜菜沙律 $148🥣跟餐湯飲品 +$10冇諗過喺葵芳小店 可以食到呢個品質嘅牛肩扒😍 烤燒至五成熟 牛扒切開冇血水滲出 肉質鬆軟牛味濃 自家調製牛肉汁 更能突顯牛肉鮮味 話咁快就食晒八安士 意粉係完完全全嘅al dente口感👍-☕️Flat white +$19以半價升級特飲 非常划算 拉花尚可 奶泡算係綿滑 不過咖啡味道淡咗啲-📍Brilliant Cooking葵涌興芳路208號葵芳匯2樓201室

話說呢排聽朋友講呢邊好似開咗間新嘅西餐廳，睇相片都好似好正咁,仲要性價比都幾高~所以今日黎開呢邊行街就上嚟食個lunch。一上到餐廳，驟眼睇佢嘅裝修都有啲工業風味~ 可能佢喺工業大廈入面開既關係，所以都幾融入環境，座位都舒適，餐廳環境嘅彩光亦都非常之好，好適合打卡影相。由於早幾日我都做左好多運動，而且我哋黎之前又沒點食野，算係話十分肚餓，所以今日就食個set lunch~一見到個沙律都覺得好豐富呀，性價比真係幾高呀~而且啲沙律菜都好新鮮，重點係佢賣相非常之好~主菜擺設都好出精緻，睇得出櫥師既心機，唔錯~

往往 好吃既食店 總隱世於市 香港高昂嘅租金 總逼它們 往樓上鋪發展我想這便是當中表表者吧！早在一兩年前 小編已和女友 在元朗國品嘗 這餐廳五星級食物水準的滋味 還因此常常由偏遠的大埔 遠征來此光顧 後黎從食物品質方面察覺不妥 無意中之間得知經營者已易手 感到萬分失望再尋尋覓覓之下 竟發現他們在葵芳處東山再起 實屬難得 感覺樓上鋪 經營困難 絕對要回頭客多多既支持呢今日一到 除左感覺食物水準依然之外 還食得出廚師與經營者的一份人情味 ！！小編與女友同比五星級 推薦 ！！

講到葵芳除咗去葵廣掃街之外其實都有唔少嘢食㗎，最近小編就同朋友去開葵芳行街，意外發現喺新都會附近開咗一間CP值都幾高嘅西餐廳，環境以藍色作主調，座位非常闊落，食物亦有驚喜😊小編今次同朋友嚟係食午餐，所有主菜可以加$10轉套餐配是日餐湯、餐包及飲品，是日餐湯係甘筍忌廉湯，甘筍味香甜，另外小編都有加$10升級意大利牛肝菌忌廉湯，牛肝菌味道濃郁入口順滑，值得一試😮🥩炭燒美國肯瓊香料「巨大厚切」豬肉眼扒配燒菠蘿、雜菜沙律、燒汁 $88一上枱嘅時候真係嘩一聲，豬肉眼扒大大塊食落去有肉汁，配上燒汁一齊食非常惹味，另外燒菠蘿有助中和油膩感，配埋雜菜沙律非常滿足🥗全日早餐$88賣相非常吸引，材料豐富，包括有：雜菜沙律，香滑炒蛋，哈密瓜，煙肉，薯餅，焗豆，牛角包及英式豬肉腸，小編特別喜愛炒滑蛋，重蛋香味，另外哈密瓜非常清甜，平時鍾意食全日早餐嘅朋友仔可以試吓另外每款主菜可以加$25配上小食小編今次就加咗兩款：蒜香炸雞翼（三隻）外皮香脆，蒜香味非常香口，雞肉唔會話太乾身日式章魚燒（四粒）有驚喜！配上木魚一齊食真係有喺日本食嘅感覺

葵芳新都會最近雖然開了好多食店，但行前少少嘅葵芳匯有間幾有驚喜嘅cafe brilliant cooking!餐廳環境用深木色配寶藍色有種低調奢華感～Lunch 由$82-$118左右 都有一夜干呢d比較少見到嘅款式!+$10轉套餐是日餐湯·餐包·餐飲+$25追加小食餐包 分別芝麻/羅勒蕃茄口味 都幾有心思 是日餐湯：甘荀湯有拉花，加分！ 飲落都細緻順滑追加 #一口芝士 放題果款，正常發揮！蒜香炸雞翼熱辣辣粉唔厚，好juicy!凍檸茶（套餐） 幾大杯！全日早餐 $88（雜菜沙律、哈密瓜、牛角包、煙肉、三國薯餅、炒蛋、茄汁豆、英式豬肉腸） 份量超夠多超豐富，牛角包夾煙肉滑蛋食口感更豐富。炭燒美國肯瓊香料巨大厚切豬肉眼扒配燒菠蘿 雜菜沙律&燒汁配海苔粉薯條 $88豬扒超巨大，大過我塊面！香草、七味粉調過味，用慢煮方式鎖住大部分肉汁，爽彈juicy好滿足！

地點okay方便，出咗葵芳地鐵站行5分鐘之內就到~~~ 環境唔錯裝潢簡單而又舒服，我同朋友兩個人去食，啲枱都唔會話好窄，啲櫈都幾好坐，餐具餐碟都幾靚😆我哋叫咗個二人套餐，前菜係法式鵪鶉比佢彼得包鵪鶉蛋，擺盤幾靚！牛肝菌忌廉湯幾 creamy! 餐包暖暖地，外脆內軟☺️ 個蟹肉象拔蚌蟹子意大利飯都幾唔錯，飯粒軟硬度啱啱好🥰 主菜我哋叫咗鹽燒活鰈魚，配薯菜啲薯條炸得啱啱好，兩個人share呢個套餐算幾豐富～～～ 可惜係冇甜品😝

新西餐廳登陸葵芳，情調餐廳又多一個選擇。餐廳位於葵涌廣場過橋的葵芳匯，電梯登上二樓出門右手邊佔地半層的Billiant Cooking，新店開張暫時未有太多人知，晚市只有數位客人，柔和微暗的燈光加上播放著英美歌手Song list，放工一個人享受著情調寧靜空間尤其舒服🥰Main Course主菜+$20轉套餐，包括是日餐湯、餐包及餐飲是日餐湯：南瓜湯，建議升級有驚喜(另+$10升級為意大利牛肝菌忌廉湯）餐包口感軟熟，較多士容易吸湯，牛肝菌忌廉湯非常有誠意，湯面忌廉花紋成為第一個打卡品🥳主菜：炭燒美國肯瓊香料“巨大厚切”豬肉眼扒配燒菠蘿，雜菜沙律&燒汁物如其名，巨大厚切充滿鐵板坑紋的肉眼扒上碟，調味飄香，肉香吸引。旁邊的燒菠蘿及沙律令主菜有更多豐富感，飯、意粉、紫菜粉薯條三個選擇之中，紫菜粉薯條就是扒餐的絕配👏餐飲配上熱檸茶，整餐飽足感非常充足，以$172的價錢享受中高級的西式晚餐，是葵芳街坊及放工值得來Chill一下的好地方🎉

💡 新開環境舒適西餐去葵芳搵野食，唔想次次都係葵芳廣場同新都會搵野食，今次見到係葵芳匯開左幾間新開餐廳，於是就去試下。🍽 甘筍湯配黑糖餐包甘筍湯好清甜，上面睇得出廚師好比心機整左個忌廉網。黑糖餐包甜甜地，好鬆軟。🍽泰式肉碎生菜包 泰式肉碎加埋辣椒一齊炒，食落微辣惹味，配搭恰到好處。將肉碎放喺新鮮脆口生菜上面，再捲好擺入口，食落口感味道一流，份量十足！肉碎有好多，所以食唔曬嘅肉碎仲可以攞黎送飯添，夠曬滿足！🍽喜馬拉雅山岩鹽燒法國野生原條碟魚配水瓜柳白酒忌廉汁見到個名就覺得好特別，未食過碟魚，所以今次就試下係咩味道。雖然碟魚係燒過，但係又唔會覺得濃，仲保持到魚肉嫩滑。再配埋白酒忌廉汁一齊食，味道更豐富。不過可能燒過，所以就油膩左少少，如果無咁油就好。另外，有新鮮沙律作伴碟。ps/餐廳原來新開無幾耐，環境舒適，味道亦不錯，另外，而家openrice訂座有9折優惠，值得支持！

今日同朋友黎呢間新開業的餐廳食晚餐， 餐廳位於葵芳匯2樓， 由葵芳港鐵站行去都係3, 4分鐘， 啱哂我呢d懶人。餐廳環境格調幾高檔，啱哂三五知己食飯吹水。 是日餐單:泰式香茅雞扒配大蝦紅石榴青瓜沙律配芝麻醬巨大肉眼扒配意粉泰式香茅雞扒配大蝦， 雞扒好入味， 雞肉嫩滑， 重有肉汁。巨大肉眼扒配意粉， 望見咁巨型的肉眼扒， 心諗點食得哂呀， 同埋咁大塊扒， 一定煮得好老。 點知我就想得太多了， 肉眼扒嫩滑有牛味， 炭燒香味留喺塊肉眼扒裡面。 最重要係塊菠蘿， 食幾啖牛肉後， 食啖菠蘿，可以沖淡食太多肉的膩， 廚師夠細心。