Burger Joys (士丹利街) (已結業)

最近成日都聽到Burger Joys，作為Burger控既我表示無理由唔去試下。去到鋪頭唔大，不過大家都係食完就走，加上我今次好夜先去到，所以都即刻有位，仲可以坐正大窗口位，份外有Feel。Cheese Burger 黎到當然要一試最推介個個，麵包厚但夠鬆軟，食得出有唔同的餡料，牛肉漢堡相比其他店舖就較為薄身少少同少乾，但配合醬汁都算Juicy。整體水準算正常發揮，但無令人一食好想再食既感覺。Fish Burger估唔到呢個超好食，如果你當佢係普通魚柳包，咁就錯，成個感覺好似食緊Fish & Chips d feel，超驚喜。魚柳超大塊同滑，炸得剛剛好，個包拎上黎時仲好熱，加埋麵包同其他材料，我無可能一啖就食得成個包。。。食完呢個後即刻唔想食其他包！薯條係幼身薯條，另外加左芝士醬淋係面，幾好食同時都真係好肥。。不過黎得食就唔好計咁多。(其實我鍾意粗薯條多d)水牛芝士雞翼芝士醬會另上比你，有D臭芝士既感覺，配合雞翼食唔錯。Cookies and Cream Milkshake正常，多Cream

呢間BURGER  JOYS 店舖位於   HK Central Stanley Street B2 G/F !這間店舖專賣漢堡包十分之出名，去嘅漢堡包非常之有份量，我已經係第二次再去食😋!.特色雙層芝士牛肉漢堡呢個雙層芝士牛肉漢堡賣相超吸引😲，去嘅牛肉係100%用美國安格斯牛肉製造，去嘅雙層牛肉咬落口感啖啖肉，好有滿足感😙，食到入口感覺肉質好Juicy😋味汁好膿，去嘅牛肉咬落去都好腍身，完全都唔覺得韌，加埋D濃郁芝士令到更加香滑😙更好味，漢堡包裹面嘅配菜都好新鮮，有生菜，蕃茄，紫洋蔥，酸瓜，食入口去嘅配菜都好鮮甜🤔😋，整個漢堡包真係好正又有水準👍!

主打美式牛肉漢堡🍔, 即叫即製, 牛肉漢堡用上USDA美國優質黑安格斯牛肉製成, 以紅酒和牛油烹製, 牛肉味濃, 肉汁相當豐富! 《芝士牛肉漢堡套餐》跟餐會配汽水及薯條🍟, 我則加$11 轉甜蕃薯條🍠。份量十足的漢堡扒與芝士融合, 配上紅洋蔥🧅、番茄及生菜。甜蕃薯條即叫即炸, 保留了蕃薯原本的風味及甜味, 又香又酥脆! 《炸魚柳漢堡包》麵包搽上牛油🧈, 烘至外脆內鬆軟。炸魚柳即叫即炸, 外層很香脆, 超厚切, 魚肉軟嫩, 裏面還有他他醬汁, 一點兒也不乾身。一咬下去, 醬汁已經湧出來, 很juicy!

其實食完真覺得普普通通，都唔知點解啲人話到香港最好食咁。仲要有咁多人俾好食評，真係一頭霧水。我去好多間本地細間小店嘅漢堡包都可以好食過佢，而且平一半。我期待嘅漢堡包係會用傳統嘅漢堡包嘅麵包，焊到有少少脆口同乾身。之後，肉要有肉汁。啲汁係咬落去會流去麵包度。芝士應該要有芝士味，唔係得個樣。可惜，依度一樣都做唔到。麵包似牛油餐包，柔軟有牛油香但唔係漢堡包所期待嘅感覺。肉無肉汁，食落好次無食到咁。裡面嘅菜無嗰種咬落去脆口有中和返牛肉嘅油嘅感覺。我食完覺得自己食咗過隔咗油嘅牛肉餅用牛油餐包夾住。食完個burger joys，一啲都唔似食咗burger ，亦都唔係好joyful。啲炸薯條亦都太鹹，酒水有太貴。唯一我覺得做得好嘅係佢嘅水牛汁炸雞翼。如果想食雞翼都可能諗過返嚟。但係...但係喺依個疫情時期，仲要係港島區爆緊疫情，竟然廚房同招待客人嘅都可以唔帶好口罩。淨係帶到遮住個口，唔遮個鼻。睇到之後我作為食客都覺得好唔安心同無胃口。我真係唔會再返嚟幫親。

前排冇得做GYM, 成個人瘦哂!! 而家要做番夠本再食番多D野上下磅先得!! 講到上磅, BURGER就唔少得啦! 係中環做完GYM, 行過去丹利街, 離遠都認得佢個紅色SHARP醒招牌。餐廳有半開放式既廚房, 可以見到外籍店員係入面忙到一頭煙~ 另外又有電視MON比客睇波, 岩哂中意邊食邊飲邊睇波既人呀。CHEESE BURGER $109我自己偏向食番CLASSIC既BURGER, 因為簡單原原始通常都係最好味 !新鮮即整夠, 麵包外皮烘過所以入口微微帶脆, 味道甜甜香香咁, 加上爽脆既生菜, 蕃茄, 香濃既CHEESE, 夾住既漢堡肉厚身兼勁JUICY, 牛味重, 一啖咬落去真係好過癮滿足!食BURGER又點可以冇薯條, 加$41轉餐, 幼身既薯條脆口薯味又香, 唔洗點醬都好好味。再加左杯奶昔, 叫左VANLIILA, 勁CREAMY同有奶香, 面頭仲加左CREAM, 正!CLASSIC BUFFALO WINGS $59/6PC去親BURGER店或者美式風味濃厚既餐廳, 一定會想試下佢既BUFFALO WINGS, 個陣獨有既香辣味加上濃味既BLUE CHEESE醬, 絕配~

上次係灣仔食過BURGER JOYS之後就愛上左佢BURGER同MILKSHAKE, 今日HAPPY FRIDAY就去左中環店食番個靚BUR~~~~ 中環店坐落感覺比灣仔店寬敞D, 但依然都係濃厚既美國風!FISH BURGER $89 (COMBO + $41)10次食BURGER10次都會叫牛, 今次破例叫一次魚柳!! 因為見到隔離枱叫左, 見到個樣比佢吸引左, 好難怪我既, 因為佢魚柳大大塊又厚身, 即炸起外表勁鬆脆, 然後入面魚肉又香又滑又熱辣辣!!  另外點解我會咁中意佢既BURGER, 其中一個原因係因為佢既包, 厚厚的, 有陣牛油香而且質感好鬆軟, 暫時只係哩度食到。MELTED CHEESE FRIES +$11熱溶芝士味道咸香, 配本身就香脆既薯條一流。MILK SHAKE +31 依度既MILKSHAKE又係我回頭既原因之一, 無論質感同味道都非常濃厚, 因為平時都會買BAILYS整既甜品, 雪糕等等既產品, 今次就加左$31 UPGRADE加入左BAILEYS入去, 多左香甜既酒味, 超正~~總之就好好味, 好快會再幫襯~~

疫情好似終於受到控制，政府開始放寬堂食回到幾個月前的四人限聚。有得出街食飯好似變得好開心既事，其實簡簡單單係好幸福。中環自從酒吧未能復甦的確少了後多人流，特別係蘭桂芳的一帶確實少了生意，不過另一條內街以食物為主，特別有大排檔相當多人。但大排檔呢個時間都係不太好，見到對面有漢堡包出名例不如吃個BUEGER JOYS仲開心。記得BUEGER JOYS一開業係灣仔，當時好多鬼佬，人又多又多啤酒種類。反而中環帶有少少輕鬆感，又有高枱可以與友談天說地。芝士牛肉漢堡 $109能夠成為招牌的芝士牛肉漢堡 ，的確非同凡響。芝士牛肉漢堡利用盒裝的設計，變得相當方便又有LOGO的字眼。漢堡 相當飽滿，而且加入香煎過的手打牛肉超級JUICY，芝士、蕃茄配上生菜的確無法抗拒。魚柳漢堡 $89不比芝士牛肉漢堡遜色的魚柳漢堡，香脆又大件的魚柳，魚柳啖啖肉又嫩滑配上他他醬的確沒有半點抗拒的理由，推介好食。芝士薯條+啤酒 $52餐廳會有套餐有芝士薯條加啤酒的選擇，啤酒以日本麒麟啤為主並加埋熱溶的薯條又香脆又美味，值得一試。

漢堡包🍔食極都唔厭， 仲要試吓個個人都話好食嘅。 今次我就去咗中環 試佢招牌Cheese Burger 同Fish Burger。餐廳喺士丹利街，有大窗口🤩，可以一邊食一邊望出去，打卡一流😛Cheese Burger ($109) 呢個係Hot Pick 🤩 Burger嘅麵包比較厚，而且烤過，鬆軟有口感。餡料有洋蔥，芝士，蕃茄，牛肉漢堡，生菜🥬，酸瓜， 基本但每樣都好足料新鮮，牛肉漢堡烤得唔乾身，肉汁豐富，仲有半溶嘅芝士及醬汁，整體好香好juicy 💦Fish Burger ($89）呢個好有驚喜， 首先係外型好吸引，魚柳大過麵包🤣，突哂出嚟，好似伸😝咁。 麵包都係鬆軟，配上炸得香脆嘅魚柳，一軟一脆，魚肉又滑又甜，加上醬汁芝士生菜🥬，好少食到咁高質👍🏻嘅魚柳漢堡。Sweet Potato fries （套餐+$41 ，甜薯+$11）炸至金黃色，香甜酥脆，一食就停唔到口😋Cookies and Cream milkshake (+$31)好多軟滑嘅Cream, 配醉曲奇， 唔太甜，配漢堡薯條再啱👻

近期午飯常外賣自取位於中環的一間型格漢堡包店, 一來地理方便, 二來午市非常抵食, 漢堡包+薯條+飲品幾十元起, 仲免加一。夜晚黎過一次, 比午餐時段熱鬧好多, 小店內環境配合埋夜晚橙光, 好好的hangout 飲啤、吹水feel。好多明星幫襯呢呢個lunch special set 最鬼抵, 幾十蚊有漢堡包+汽水+side dish。單叫漢堡包數十至百零, combo 加$41 有埋薯條及啤酒, 我今日叫左個特色雙層芝士牛肉漢堡+combo 外賣 ($139+41）, 全部外賣即叫即做, order 付款後要等一陣間。找亮點......當然唔係餐廳供應嘅免費四大醬汁亮點......系我杯麒麟生啤也 (1/2 pint), 飲左好多先記得影相, 份量唔止咁少架,  lunch時間都可以飲半杯冰凍涼快既生啤, 超爽, 1/2 杯分量剛剛好, 過完口癮揸車都冇有怕外賣到打開盒子, 剛剛煎好的牛肉漢煲肉香四溢, 影完相忍唔住咬左啖。特色雙層芝士牛肉漢堡 ($139)厚度十足burger joys 用安格斯牛肉漢堡扒, 即叫即煎的漢堡扒, 肉汁豐富, 配上洋蔥、酸瓜片、蕃茄片、生菜及雙層芝士,

問親朋友邊間burger🍔好食，大家都介紹Burger Joys，所以今日專登同男朋友去食，睇下係咪真係咁正！餐廳果然受歡迎，假日下午時間，一家大細、拍拖嘅人都黎齊搵食。😋咁多burger好難揀🙈所以叫咗多人揀嘅Hot Pick - Cheese burger🐮實無錯！Burger即叫即整，熱辣辣，麵包鬆軟有牛油香，有別於平時食嘅漢堡。👍🏻漢堡扒牛肉味濃，食落juicy，連埋半溶芝士，好yummy。😆另外重叫咗Fish burger🐟，好有驚喜！估唔到魚柳又厚又大塊，炸得香脆，肉質又實，配埋醬汁好好食！🥰🥰🥰可以稱得上我食過最好食嘅魚柳burger！Classic Buffalo Wings🐥香脆嘅雞翼配上火辣嘅醬汁，酸酸辣辣好惹味，令人食唔停。

👧🏻Wodafoodie in Central🎊2019年被票選為香港第一、全球50間最佳漢堡包店之一🎉🍔Burger愛好者表示呢間你一定要試下🤘🏻🥰✨🐟🍔魚柳漢堡 $89 由細到大都食開連鎖店既魚柳包呢間既魚柳係我食過咁多次都會想再瘋狂encore 😍🐟魚柳比平時食開既大塊好多！ 外皮炸得好酥脆 新鮮即叫即炸 入口仲熱辣辣 外脆內軟 魚肉炸完都仲好滑 好厚身 好有口感😍🍔麵包勁鬆軟 好有牛油香 內層仲微微烘過！😍配埋芝士 生菜 紫洋蔥 沙律醬 好好食呀～～🥰唔係誇張 我食過呢間之後返唔到轉頭😆😆✨🍟扭扭薯條 + drinks $41 (Combo)呢間既薯條有八種選擇咁多 但我食過咁多種之後我最最最最推介都係呢個扭扭薯條🍟扭扭唔係到到都有 每條薯條都沾滿味粉 調味做得好好 炸得好脆 入口唔會好油膩 好好食！☺️☺️ 如果佢呢到有埋粗薯條就好啦🤣🤣📍 Burger Joys (士丹利街) (中環)中環士丹利街82號地舖

中環一條橫街藏著這以安格斯牛肉為材料造漢堡包主打的西式小店，外貌討好開放式座位與街道連成一起，食客可邊吃邊觀街景，内裏安排簡潔，開放式厨房，先點菜再找座位。因未過午餐時間優惠多付$31升格飲品試了香草奶昔, 伴味道濃沃的漢堡是上佳结合。另花$21便可品嘗特色黑松露薯條又是另一種口味。主打芝士牛肉漢堡肉汁豐富漢堡扒甚有質感芝士更入口溶化，雞肉漢堡包醬汁醒胃肉質爽滑又是另一種感覺。別忘了蒜香雞翼肉滑皮脆加酸辣汁一绝

Burger Joys係我一而再😍再而三幫襯嘅漢堡店，食過呢度，先至知道咩叫真正嘅🍔我哋每次黎，都必點呢兩款✨牛肉漢堡～經典嘅美式漢堡，新鮮嘅生菜、蕃茄，配製醃青瓜，中間嘅牛肉，睇落有1.5cm厚，口感十足，仲有咇汁添❤️✨魚柳漢堡～第一次食呢個魚柳嘅時候，真係令我驚艷，原來真正嘅魚柳包係咁😂，店家選用鱈魚柳扒，厚度達2cm，炸到外脆內軟，非常好食😋好欣賞呢度嘅細心位！連麵包都一樣高質，麵包質地棉密，充滿彈性牛油香！記得+41蚊要埋套餐，配汽水/啤酒+薯條，薯條仲係即叫即炸添👍

最開心嘅時刻就係收工嘅時刻.星期六中午，又可以輕輕鬆鬆的食食食，呢間嘅漢堡包🍔除咗好食😋⋯⋯仲係即叫即製，而且咁耐都係無加過價，認真抵食，最重要係員工的用心做，令漢堡包吃得更加窩心好吃的滋味：—————————-🟫Chicken burger：盛放着漢堡包🍔的盒子設計，方便客人吃，又不會令醬汁或食物跌出来，面頭鋪滿的醬汁特別惹味，中間夾着越吃越多的新鮮蔬菜配料、紫洋蔥🧅、番茄🍅、生菜🥬⋯⋯等等，惹味的醬汁，新鮮的蔬菜、香脆即炸的雞，令人吃一次就回味😋————————-🟧Fish burger：非一般的魚🐟柳，即叫即炸新鮮熱辣辣又香脆的炸魚柳、脆嫩滑溜、又是夾着新鮮又滿満的蔬菜🥬、洋蔥🧅、番茄🍅⋯⋯等等。醬汁的惹味⋯⋯就是吃出另一翻滋味😋———————-🟩2 beer➕2 French Fries仲可以配埋套餐有啤酒、有即炸脆卜卜的薯🍠條，加上黃芥辣同埋茄汁，食薯🍠條都食得好滋味⋯⋯———————-午餐食得開心又簡單午餐已經開始飲...啤酒🍻飲....飲因為開心🥳⋯⋯可以好簡單————————

今日嚟到中環搵食啦新是一間外表非常搶眼嘅漢堡包店 地點方面係就係行人扶手電梯旁邊 住咗去個單層牛肉芝士漢堡加煙肉 佢另外有好多不同嘅漢堡選擇嘅有炸魚啦奶昔啦炸洋蔥圈啦炸薯條啦咁樣 真係一次過食唔曬咁多嘢呀 漢堡即叫即做 好新鮮呀煙肉又脆 加上有好多才感覺唔行唔係好肥膩 我重點嗰個凱撒沙律 感覺健康啲 份量亦都好多好抵食 另外試咗個蒜香雞翼 加埋啲酸辣甜酸醬 真係好惹味 店鋪 唔算好大 但係位置都好多好足夠 都算係一間有質素嘅漢堡包店店員親切有禮有service唔需要等好耐就有嘢食 星期六你食lunch真係好滿足呀