Burgerman (埃華街) (已結業)

📍 Burgerman (大角咀)上個星期六去開大角咀 原來大角咀都好多嘢食😍無意中發現到呢一間快餐小店😚咁啱想食漢堡包就入咗去試吓😆自己一個人叫咗一個餐🤭份量都好夠 自己一個人食唔晒🤣-漁夫之堡 $63小編我平時都幾鍾意食魚 所以就揀咗有炸魚嘅漢堡包🍔我另外再加多左$33配返薯條同埋嘢飲🧃佢哋嘅漢堡包係即叫即整嘅 所以等咗一陣就有熱辣辣嘅漢堡包同埋番薯條食🥰漢堡包包體食落去嗰邊好脆 咬落鬆軟🤩中間夾住塊炸魚、蕃茄、生菜等等食落去鹹鹹酸酸 外脆內軟🤤番薯條食落去都好甜💛 同埋都幾大條 外脆內軟🤤總結：餐廳食物質素唔錯🥰幾好味🤤店嘅地方唔大 餐廳環境都整潔企理👍🏻-附上餐廳嘅餐牌👇🏻

Would you like a burger?呢間小店都幾旺場！其實我好鐘意食burger😝😝鹿兒島豚肉漢堡 （$98）係豚肉配車打芝士☺️同埋煙肉🙌🏾佢係好厚的肉餅咁 超juicy d 汁流唒出黎！ 最喜愛佢d cheese 🤪🤪 仲有個皮好脆☺️☺️燒菠蘿雞腿漢堡 （$68）店員話平時係配蜜糖芥辣醬架 不過未番貨就冇緣試啦🤭就加左車打芝士 係大大塊炸雞排黎架！ 另外+$33 有炸番薯條同汽水🥤我鐘意個蕃薯🍠條😚😚 甜甜的又低卡路里d 🙌🏾🙌🏾Burgerman (大角咀)大角咀埃華街95-97號地下

哩間值得推介今晚即興約了組女食飯，見到門口已經好吸引，講講下發現大家都將哩間放咗入「想食」名單中🤣紅磚牆好有歷史玩味，高凳高台成個感覺好時尚，坐得都舒服！欣賞台上設有手套，讚！樣樣野都好好食！❤️highly recommend去試！❤️.和牛漢堡 $82 😋😋😋😋😋哇，咬落去爆汁，雖然帶晒手套，啲肉汁都流晒出黎～入口即溶，第一次食漢堡係配炸洋蔥絲，再加provolone cheese，哩隻芝士我食到！成個包好好味！.燒菠蘿雞腿漢堡 $68 😋😋😋😋😋個雞炸得好好，又大件，醬多，配車打芝士，夾埋整體好豐富，睇圖三，係咪好震撼！.跟餐 $20我哋兩個都跟餐，配油皮薯條和薯格兩份食，另加$5配烏龍茶、椰青水，兩樣新鮮炸，薯格更勝一籌，炸得好香脆帶點辣，店員推介佢地的自家製辣醬（圖五），好食呀！係咁點醬！.

約左朋友來到大角嘴happy hour, 唔想食正餐又想有個地方chill, 我就揀左食burger。呢度有間出名的burger shop 叫burgerman , 平時鍾意食開burger的，也是burgerman 的常客。來到當然點個burger餐啦，點一個丹麥🇩🇰藍芝士漢堡🍔，係我最鍾意的藍芝士，味道夠曬濃郁，有人會覺得臭臭地，但正正夠臭先係正宗藍芝士精髓，加薯格同汽水，都係$100到，另外再點了一份吉列黃金炸蝦🍤，啱曬邊傾計邊食，夠曬chill。朋友話怕肥，又做開運動，所以點了個燒雞青蘋果沙拉🥗，健康得來又好味，燒雞新鮮出爐也是香噴噴的，沙拉份量也多，有菜有肉，夠曬balance。呢度環境也像外國的漢堡店，傾下計感受下外國氣氛最好不過，下午茶時分人也少，啱曬傾計tea一tea。

👧🏻Wodafoodie in Tai Kok Tsui次次黎食Burgerman 都揀水牛城雞肉今次試新野 估唔到有驚喜 好味！😍✨鵝肝和牛漢堡 $140令人難以抗拒既鵝肝煎得表面香脆，好厚身，入口即溶，滿口油香🤤🤤和牛好多汁肉質軟腍，配埋無花果黑醋汁，酸酸甜甜咁又真係中和到鵝肝既油膩感☺️唔係間間都有鵝肝食，呢到唔算貴又好食😋！👍🏻✨漁夫之堡 $63 套餐+$20 (有皮薯條，汽水)炸魚柳最怕食到乾爭爭既魚，佢炸得香脆之餘入面魚肉仲好滑☺️好鍾意佢個他他醬配埋炸魚柳好match 好好食😍套餐薯條好多呀！好邪惡🤣🤣✨煙燻燒烤雞中翼 $486隻雞翼先$48，有3種醬汁可以揀，我呢個BBQ汁酸酸地好滋味！😆📍 Burgerman (大角咀)大角咀埃華街95-97號地下

朋友約我食好西。今次黎到呢間大角咀嘅burger店。一睇menu就比佢最貴最誇張嘅漢堡吸引： 👅Crispy Foie Gras Wagyu Burger鵝肝和牛漢堡 ($140) 👍🏻👍🏻👍🏻鵝肝係我嘅guilty pleasure.每一次食都覺得係我最後一次食😅鵝肝配和牛真係好juicy。呢個鵝肝都算係高質鵝肝，無咩腥味，而且肥美。用黑醋汁巧妙咁中和左鵝肝嘅油膩感。配上底下嘅蔬菜蕃茄，成件事好fresh。我地加左$20 配沙律加汽水，所以成個餐好豐富 👅Crispy USA Sweet Potato Fries 脆炸特製蕃薯條 ($38) 👍🏻👍🏻經過朋友嘅精密計算之後,佢覺得加$33換$38嘅蕃薯條 唔比 加$20換$32嘅炸薯條 抵，於是我地就要左加$20嘅餐and單點$38蕃薯條🤣蕃薯條真係有蕃薯味，口感同硬身薯條一樣，都幾特別。

放工一個人悶悶地，又肚饑，即到附近搵食醫肚，呢間漢堡快餐店係我至愛，真係想同大家介紹下！店內環境寬敞，有獨立用餐位置，無論一個人進餐、或者四人一枱都可以。店內裝修有美國色彩，加埋音樂背景，在疫情下無得去旅行，都可以讓自己置身於美國洛杉機的漢堡店中！此外，店長在餐廳每張格上都預備手套俾食客享用，在疫情下唔怕食物同手上的細菌有近距離的接觸，值得一讚！食物方面，無論牛、豚、雞、魚、海鮮均有得你選擇，加埋專為素食者而設的大菇漢堡，總有一款合你口味！人氣推介有：和牛漢堡加菠蘿， 和牛選用日本產120日草飼， 肉汁豐富，入口即溶，加配菠蘿的鮮甜味道，簡直絕配中既絕配。加$20更有埋薯條/薯格/田園沙律同罐裝汽水。

我超鍾意食burger 嘅，對burger 好有要求！呢間個feel 似外國口味，見佢評語幾好咪試吓，有d 期望！唔係唔好食咁簡單，係難食！cheese burger 完全冇汁，乾食！個包冇烘嘅，唔熱，唔脆，林之之！薯條唔知有冇計時，未炸好，白雪雪的！食頭幾啖我已feel 到好伏，似港式茶餐廳果d 假burger，有d 嬲，個廚師一定未食過好食嘅burger,所以先煮d 咁嘅野出來！冇下次！食到好無癮，相都冇影！又唔係平！我寧願食老麥！

口痕想食burger，咁啱朋友係附近返工，佢就帶我黎呢到食，一睇餐牌已經有幾款想試🤤成個餐牌最最最最吸引，最最最最邪惡當然係鵝肝和牛，諗都唔諗就揀左佢😌鵝肝和牛漢堡 $140 +$20combo set配沙律鵝肝好肥美，完全唔會話又乾又鞋口，而係接近入口即溶，最重要係無咩腥味👍🏻和牛漢堡都唔差，都係juicy好食，只係同鵝肝相比之下就顯得佢略有失色👅沙律菜夠新鮮，而且佢嘅沙律醬係胡麻醬再加黑醋，mix埋一齊好Fresh，一啖又一啖咁就清曬👅蕃薯條 $38略有普通，同薯條一樣，但因為比較幼口感差少少，都係鍾意粗薯條多啲😛 但如果鍾意食蕃薯🍠朋友可以試一試無妨🤭Btw呢到好貼心，平時食burger難免會整到成身醬，呢度有提供手套喔🥰

its cheap for set lunch, but definitely not a good burger.1) chesse is cold, not even melt, chef just place it on top.2) meat is thick but small in area, makeing the burger too thick3) sauce is not enough4) no pickles5) beef have no flavour at all6) beef is overcooked and not juicyit just a cheap burger, slightly better than McDonald.#food #hkfood #delicious #yummy #igfood #foodig #hkfoodpoet #ot_toinfinity #閃電五連鞭 #burger #burgerman

最近漢堡方面驚喜有一間位置在大角嘴的「Bugerman 」😍 吃出高質又美味，特別喜歡其中鵝肝和牛漢堡 ，使我陶醉其中的奢華漢堡享受，鵝肝入口啖啖新鮮又獨有鵝肝的油脂香味！加入和牛配搭得天衣無縫！我們都覺得味道層次感更更豐富了。另外招牌芝士漢堡一樣滋味，和牛漢堡都選用靚質牛肉，午餐時間小店都坐滿人了，建議可外賣🥡領支持用心製作的小店啊！Burgerman 地址大角咀埃華街95-97號地下(奧運站B出口)

呢間係大角咀都幾出名,所以專情黎到試一試，環境相當細，堂食位只有幾張枱，今次黎到試左和牛漢堡同招牌芝士漢堡。和牛漢堡配搭左即炸洋蔥圈，一咬落去非常juicy,好快就女左成個包。另外芝士漢堡既漢堡都非常足料,大大塊既漢堡排，芝士仲有蕃茄，一口都可以全部食哂，而且有蕃茄令成個飽更加juicy 得黎又唔會膩。跟餐可以有薯格/薯條同汽水。個人比較中意食薯格多D。總結呢間舖頭既食物質素都好高而且價錢都唔貴，好推薦大家黎試

講到burger冇可能唔提burgerman依間紅咗好多年每款漢堡都好似好正咁真係選擇困難症和牛漢堡 套餐$94.4 (foodpanada外賣自取價)由於今日心血來潮好想食漢堡平時好少食burger對burger要求唔高只要塊肉夠juicy 醬料夠多就得🤣依個burger 就符合到我心目中要求塊和牛夠哂厚肉多汁最欣賞係漢堡夾有少量既香菜(香菜唔係芫茜 唔洗驚😂 但唔知係咩菜 總之同成個漢堡好夾)簡直就係畫龍點睛將味道提升到另一個level另外漢堡入面仲夾咗炸洋蔥絲但洋蔥都唔係重點主要都係塊牛好多汁好重牛香味當中塊芝士已經同塊漢堡融為一體(圖中塊芝士消失咗😅)可能因為外賣自取既關係放得耐咗🙈但冇影響burger味道而漢堡包既麵包胚唔知係我再焗熱既關係定本身個包已經係咁麵包係外脆內軟但個人偏好食更鬆軟既漢堡胚Btw 整體都好好食跟餐可揀薯條/沙律配飲品我揀咗沙律份量都ok夠都幾好食幾新鮮因為加咗沙律醬感覺只要加咗沙律醬就好難會難吃🤣

朋友最近搬到這裏住，新居入伙來幫忙他整理房子，不知不覺餓了，便到附近覓食。原來這裏有很多小店食肆😮眼花撩亂，隨意地進了這間吃。這間店舖鋪上美國街頭風格的紅磚牆，還播著柔和的音樂☺️坐著讓人感覺很放鬆啊～而且還有紙巾和膠手套提供，不怕弄髒雙手，十分衛生呢～🔶 丹麥藍芝士漢堡漢堡的size超級大！😱而且外表很酷啊～長長的煙肉穿過漢堡，像戴了頂官帽，造型感十足🤪牛肉十分juicy☺️肉汁超多！牛肉的嫩滑程度也超棒😍牛堡內層的顏色帶點微微的粉紅色，生熟程度剛剛好啊✌🏾 第一次品嚐藍芝士，鹹鹹的，卻把牛肉的味道突顯出來😃配菜也超多～有蕃茄、生菜，還有酸酸甜甜的紅洋蔥～～一點都不膩🔶 有皮薯條薯條是新鮮炸的，很香脆啊🥰像是氣炸的～沒有多餘油份🙌🏾薯條配上可樂，簡直一流！🤩⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️丹麥藍芝士漢堡套餐$93📍📍📍📍📍📍📍📍📍📍📍📍📍📍Burgerman (大角咀)大角咀埃華街95-97號地下

家姐過嚟接我收工之後一齊去食中午餐經過大角咀見到呢間burgerman見太耐冇食漢堡包一於就走入去試吓。佢呢度啲午餐有set lunch一個漢堡包配一杯飲品同埋一個田園沙律可以另加$5轉配薯條或者薯格，今次我哋就叫咗間墨西哥菠蘿牛肉漢堡同埋特級黑松露和牛漢堡兩個漢堡包我哋都要左套餐，另外要讚一讚餐廳非常貼心枱面上放左膠手套方便大家拎起個漢堡包嚟食唔怕整污糟隻手。墨西哥菠蘿牛肉漢堡漢堡包全部都係即叫即整所以都等咗一陣先有得食，中間有d 芝士生菜同埋蕃茄仲有啲辣椒仔，牛肉咬落唔會好乾配上墨西哥辣椒仔咬落有少少辣好過癮配埋多汁嘅菠蘿非常之夾。特級黑松露和牛漢堡呢個漢堡入邊包括有秘製黑松露醬，和牛，煎蛋再加上有日式烘燒芝麻醬同埋意大利寶伐朗芝士，口感食落超級豐富！呢個漢堡用咗和牛食落真係同另外嗰個牛肉漢堡爭好遠，呢個係明顯比較多肉汁，再配埋個黑松露醬真係食到停唔到口！如果鍾意食漢堡包嘅朋友仔真係可以黎試吓，呢間啲漢堡包真係幾有質素！