Burgerman (埃華街) (已結業)

Burger Time🍔大角咀其實好多隱藏嘅美食，要數到最多嘢食嘅一條街，一定係埃華街，今日有啲時間，就過黎呢邊搵食😋🍔和牛漢堡 ($82) 轉套餐(+$20)和牛漢堡好大份，漢堡扒搓得好厚，所以牛肉汁充份keep住喺漢堡扒裡面，而且食得出唔係hea搓嘅肉扒，因為肉質彈牙唔鬆散🥩估唔到嘅係佢會配上日式麻醬、豆苗，令到一個美式Burger 變到好日式，加埋Provolone Cheese 令味覺層次豐富左😋加$20配埋一個小食同汽水🥤我揀咗薯條🍟係有誠意嘅粗薯條丫🥰值得加嘅🥰店裏面嘅裝修依bar枱為主，好有美國風

三日唔埋兩日就想食漢堡今次呢一間其實都幾出名喺OpenRice都bookmark咗好耐趁今次去奧海城行街就喺附近決定自己來試一試和牛漢堡 $82加洋蔥圈 $33 / 烏龍茶 $5首先個包烘過之後好脆然後呢度啲和牛漢堡肉用咗草飼120日嘅牛整真係做到入口即溶而且牛肉香味好濃，比平時冇咁油膩仲配咗炸洋蔥絲啲洋蔥絲炸得非常香同埋比較特別嘅係呢度嘅漢堡醬真係每一款醬汁都同唔同漢堡配過好有心思而我食呢一款係配左日式焙燒芝麻醬同個和牛幾夾，日本風味即刻出晒嚟其實佢哋其他漢堡都好有特色同埋好夠份量下次你都要再試多次炸洋蔥圈都好新鮮，即叫即炸同埋呢度飲品有烏龍茶覺得自己食得邪惡得滯咁個無糖茶都可以減低罪惡感

-🔸至尊漢堡 $95-間唔中都會勾起想食burger嘅癮，屋企附近有依間高質又好味嘅漢堡包，鋪仔細細幾骨緻，一個人食都唔會覺得尷尬，不過我就鍾意外賣返屋企慢慢食～Trucker Burger係Burgerman嘅best seller之一，集合晒所有最正嘅配料於一身！有雙層極度juicy嘅牛肉漢堡、煎蛋、煙肉、炒洋蔥、蘑菇絲，仲有唔少得嘅邪惡芝士啊！成個burger超級無敵厚，嘴細嘅女仔一啖絕對咬唔晒啊haha！

好耐之前食過深水埗個間Burgerman一次，今日想食埋晚飯先離開大角咀，就不如試試呢間分店啦。漢堡包有十幾款，都好多選擇，價錢豐儉由人。加$20可選配有皮薯條或薯格或田園沙律及罐裝汽水。又可加錢加配料。先去收銀落單，然後服務員會送野食俾你。鹿兒島豚肉漢堡 $98今次試試從未試過既漢堡，就係呢個鹿兒島豚肉漢堡。餐牌寫明配料有鹿兒島豚肉，車打芝士同煙肉。個漢堡用一支大竹簽固定好，有膠手套提供自己攞黎用。上層塊包烘得超脆，撤滿鹹香黑白芝麻粒。下面係一片新鮮番茄，之後係堅香脆又唔過鹹嘅煙肉，然後就係半溶車打芝士，再到主角豚肉漢堡扒，一片新鮮番茄，一塊生菜同下底塊包。主角豚肉漢堡扒豬味都幾濃。我非常欣賞連配角既上下兩塊包都認真製作，整得超級香脆可口。香脆嘅煙肉亦都非常出色。成個漢堡雖然無醬汁，不過我覺得一d都唔乾。但係食完之後，個人都係鍾意牛肉漢堡多d，貪牛肉肥d香d。果然係有心既漢堡包店，價錢是否合理則見仁見智。呢間分店既座位多好多。不過坐滿嗮都會好逼。

ⓑⓤⓡⓖⓔⓡ ⓜⓐⓝ港島人一直沒有機會去大角咀這次發現原來蠻多有趣的小店呢！☞ 和牛漢堡簡單來說係個好食既牛肉漢堡 🍔因為係和牛所以期待高咗 🤣不算很濃肉味 不過挺香也不乾~☞ 燒菠蘿雞腿漢堡呢個真係幾有驚喜！燒菠蘿很多汁雞腿炸得非常香脆 裡面依然嫩而且多汁得來 又不會把麵包濃軟價錢也經濟實惠 😆𝐂𝐏 值高喔𝐑𝐚𝐭𝐢𝐧𝐠𝐬:𝐅𝐨𝐨𝐝: 𝟕.𝟖/𝟏𝟎𝐄𝐧𝐯𝐢𝐫𝐨𝐧𝐦𝐞𝐧𝐭: 𝟕/𝟏𝟎𝐒𝐞𝐫𝐯𝐢𝐜𝐞: 𝟕.𝟓/𝟏𝟎𝐏𝐫𝐢𝐜𝐞: 💰📌 𝐁𝐮𝐫𝐠𝐞𝐫𝐦𝐚𝐧, 𝐓𝐚𝐢 𝐊𝐨𝐤 𝐓𝐬𝐮𝐢

🍽🍽🍽🍽🍽🍽🍽🍽🍽🍽🍽🍽至尊漢堡$95和牛漢堡$82跟餐配蕃薯條同汽水$33🍽🍽🍽🍽🍽🍽🍽🍽🍽🍽🍽🍽✔️幾鐘意呢間Burgerman裝修，紅白做主色，美式味重，醒目幾型格，坐位以悠閒bar 枱椅為主，牆身排滿店鋪signature burger 海報做裝飾，簡單但帶出店鋪特點✔️ 至尊漢堡好！豐！盛！數過有10層，包括芝士×2、兩層漢堡扒×2、仲有煙肉、煎蛋、炒洋蔥絲、蘑菇絲、烘焗過嘅漢堡包底同漢堡包面。一咬落去啖啖肉juicy多汁，食肉獸一定鐘意。不過女士個口比較細，食呢個最好分開幾層幾層咁食😂😂如果唔係就會好似我咁，一路食一路跌晒出嚟🙈✔ 相反，和牛漢堡呢個size 就比較輕盈，女士食就啱啱好。餐牌話塊漢堡扒用咗草飼牛肉製作，我自己入口時就覺得比至尊漢堡裡面塊漢堡扒肉味會濃郁啲，質感軟嫩啲。✔ 跟餐配咗蕃薯條同汽水，蕃薯條即叫即炸架，入口比薯條會多一種天然甜香☺️而份量其實都幾多，食完個漢堡再食佢，真係有機會食唔晒架🙈 汽水方面係原味可樂，如果有coke plus 揀我一定超開心🙈🙈

平時不吃牛肉的我一遇見Burger🍔便開始頭痕..因為能選擇的範圍真的太少😭而且雞肉漢堡吃得多也有點厭倦👉🏻👈🏻內裡沒有肉.又好像有點兒美中不足的感覺😣今次難得遇上一間真的以真材實料的豚肉所製造的漢堡扒便不由自主地被吸引著內進光顧..▪️ 鹿兒島豚肉漢堡套餐$98+$20漢堡是以鹿兒島的豚肉配車打芝士為主打🍔內裡更夾雜着許多新鮮的配菜.次序是［大蕃茄🍅車打芝士🧀煙肉🥓鹿兒島豚肉🐷大蕃茄🍅生菜🥬］先是蕃茄清新的味道再配上濃郁煎過的豬肉香..而豬肉相當厚實.並且吃下是一粒粒的真材實料.配上芝士更散發出鹹香的味道😍最後再一次被蕃茄帶來新鮮感..這就是我吃這個漢堡的味道層次😁不過唯一的缺陷是豬肉因爲太厚應該是怕生而煮得有老..▪️燒雞青蘋果🍏沙拉🥗 $68平常燒雞沙拉就看得多.搭配青蘋果🍏都真的是第一次看到...不過又真的很夾.健康又好吃😋沙拉菜份量都算多.還配上青瓜粒🫒粟米粒🌽令口感大大提升..沙律配上蜜糖芥末醬汁.酸酸甜甜又開胃👍🏻 青蘋果🍏還保持着原有的顏色.不會黃不會乾.是清新又鮮甜的味道😜🥗沙拉有菜有肉的剛好適合減肥/做gym 的我們吃🤤不過雞肉雞則有點老口感比較乾和硬

搵緊隱蔽特色小鋪呢間漢堡係家人介意不枉我專登過去食剩係鵝肝和牛漢堡都抵你專程去大大舊鵝肝我都嚇親價錢超值有賺啊仲要外脆內軟超級鮮美😍😍和牛漢堡大大塊又厚身仲要勁多肉汁未試過咁正！蕃薯條擺耐一樣好味道用既蕃薯都係超甜而且根本係打卡餐廳影相點影都可以好好睇隱蔽美食店非佢莫屬鐘意食漢堡既你唔可能錯過既一間！朋友都大讚無介紹錯其他漢堡睇落都一樣咁吸引而且迎合唔同類型朋友你食素？呢到都有走肉漢堡非常之貼心架

呢間黃店burger都bookmark咗好耐，見好多人都話好高質，今次終於去咗試😍💛！我哋去嘅係大角咀分店，喺奧運站/巴士站落車後行一陣先到，就係喺勁多餐廳嘅美食街入面～小店地方唔大，都算有幾多款burger可以揀，食物質素真係唔錯🤤，全部嘢都係即整熱辣辣上枱，推薦！.▪️至尊漢堡 $95▪️勁過巨無霸嘅漢堡😱😂，真係要分開兩層食先得🤣，最面個層先食煙肉、蛋、芝士同牛，簡直係食肉獸嘅最愛😂！蛋好出色，唔會乾爭爭，啲蛋汁流落芝士同牛到，超級邪惡😍！而底個層感覺又唔同，芝士同牛嘅面有菇同炒洋蔥，再夾埋生菜同蕃茄又係另一種食法咁，好fresh🤤 成個食完真係超飽超滿足，大食嘅你要試吓！▪️和牛漢堡 $82▪️選用咗草飼120日嘅和牛，當然會比至尊漢堡嗰塊牛高級啲，食落都會juicy啲、更香牛味😍，再加上炸洋蔥絲、翡翠苗、芝士同芝麻醬，呢個配搭都幾新鮮！▪️吉列黃金炸蝦 $38/5隻▪️炸蝦都幾大隻，炸得超脆😋 仲要凍咗少少食都依然好好食！▪️蕃薯條 跟餐▪️漢堡+$33可以轉套餐，有蕃薯條同汽水。蕃薯條份量都幾多，我哋兩個人share食先啱啱好食晒！幼幼哋嘅蕃薯條新鮮炸好，熱辣辣正呀！

燒雞青蘋果🍏沙拉🥗 燒雞沙拉就見多，搭配青蘋果🍏真係第一次見，不過又幾夾，健康得黎又好味，沙拉菜份量都多，仲有青瓜粟米🌽配埋蜜糖芥末醬😌 哩個🥗沙拉有菜又有肉，啱曬我做完gym食🤤不過啲雞肉雞有啲老口感比較乾同硬

BURGER相信係好多人嘅最愛，總會係不經意嘅時間突然有條癮好想食。又一係個只想出去飲杯咖啡嘅日子我遇到哩間BURGER😆 。🍟 招牌芝士漢堡配肉醬薯條 $98芝士漢堡哩個經典組合幾時都係我嘅最愛。漢堡包有微微焗過變得脆身，有更想麥味。😍 漢堡又夠厚身多汁，牛味香濃。配上新鮮蔬菜，解膩得來又增加口感。而肉醬薯條更唔洗多講，薯條粗身大條夠曬脆，淡淡嘅薯香味更引起人嘅食慾，配上微酸嘅肉醬更添風味。😋😋🍍燒菠雞腿漢堡配薯格 $88麵包一如嘅住嘅脆身。但燒菠蘿真係值得一讚，燒菠蘿只用鐵板輕輕燙過，將菠蘿味帶出同時保持濕潤口感。雞腿外皮香脆而肉質更加鮮嫩多汁，一啖咬落去真係會食到隻手斬濕曬架。🤪 薯格相對黎講比較普通，但仍是正常水準，即叫即炸絕不馬虎。#大角咀美食 #伏遊大角咀 📍Burgerman (大角咀)大角咀埃華街95-97號地下

食完早午餐…換件衫落clubhouse做完運動消耗哂電力！又見餓想快快脆醫肚咁食乜好呢？就食🍔🍟🥤啦！！. 和牛漢堡 Waygu Burger店之推薦！草飼120日嘅香煎和牛！入囗即溶！配埋日式培燒芝麻醬＋意大利寶伐朗芝士！果然食得出有質素🌟另加配咗洋蔥圈…件件卜卜脆加倍滋味！！. 招牌芝士漢堡 Classic Cheese Burger自家手打牛肉好有咬口！加埋半溶味濃嘅車打芝士！簡簡單單經典滋味👍👍仲加咗好有口感嘅有皮薯條！食落比普通薯條更有咬口！！

餐廳裝修黑黑啲，燈光曖昧，高腳蹬座位，好適合情侶約會。😏食物適合各類人士選擇，有牛，雞，海鮮，素食漢堡；還有小食同飲品。我今日外賣叫左推薦款漢堡，至尊漢堡。單睇圖片都好有食慾。有雙層牛肉，加埋各類蔬菜配料疊得好高身，一級嘅視覺享受。😲漢堡包皮，烤成金黃色，外脆內軟，撒些芝麻點綴，美觀又好食。重點牛肉好厚身，肉汁豐富，牛肉味濃郁。配料又多款，臘肉，雞蛋，芝士疊加，鹹度適中；番茄生菜沙律醬，增加濕潤感又解膩。價錢適中，值得一試。

今日去左一間位於大角咀埃華街既漢堡包店，叫做Burgerman，點左兩個漢堡包🍔，分別係98蚊既鹿兒島豚肉漢堡同埋68蚊既燒菠蘿雞腿漢堡，我仲加左33蚊，叫左炸蕃薯條🍟同埋一罐可樂添！鹿兒島豚肉漢堡入面件豚肉好多肉汁，配搭車打芝士同埋煙肉，口感一流！值得注意既係塊麵包皮唔淋！另外燒菠蘿雞腿漢堡都係好食之選，果塊炸雞非常之脆口，不過今次冇得配搭蜜糖芥末醬，轉左車打芝士，但都依然唔錯！至於炸蕃薯條好脆，因本身蕃帶甜味，唔洗沾茄醬都可以！

好似都有好一段時間無踏入大角咀啦！！！呢日出開黎上堂之後就諗住行個圈先返去行行下竟然撞到舊同事，我地就隨意入左黎坐低，打算食d野咁聚下舊由於我同佢都食左luncg，所以都唔係好食得落burger，反而想食d小食同香口野所以我地嗌左一份“炸薯格”HKd$32同“脆炸特製蕃薯條”HKd$38兩款炸物都係即叫即炸架！！！！！薯格表層已有輕輕既調味，每塊都大大片，好完整食落香脆惹味炸蕃薯條係呈幼身條狀外層有一層薄薄既粉漿包著，所以食落份外香脆，仲有蕃薯天然既香甜味道添不論係綠茶定椰青水都好清新解膩