BYOB Coffee Roaster

营业中

休息中

今日放假，忙咗一段時間係時候要休息輕鬆一下屯門呢邊呢間係我滿意嘅咖啡店之一點咗一杯凍榛子鮮奶咖啡價錢$40，咖啡味香濃得唻有淡淡嘅榛子味，入口順滑而且個樣好靚呀見到明顯嘅咖啡同鮮奶層次另外我仲叫咗個雞胸凱撒沙律好多芝士碎片喺面同麵包粒仲有青瓜同車厘茄碟邊點綴。賣相唔錯雞胸亦夠多不過個人喜好食沙律多沙律醬。所以對於我唻講稍嫌唔夠。食落去沙律菜夠爽脆，証明食材都幾新鮮。再講下間舖，坐落都幾舒服。感覺悠閒清靜。係我想輕鬆一下嘅時候會選擇嘅店舖之一

23.07.2021 今晚出發去睇話劇前，到BYOB Coffee Roaster食個早晚餐，好耐之前已經食過呢度，最愛佢地嘅沙律，好多生果同菜，啱晒我！😋店舖裝飾簡約風格，好喜歡門外的一個玻璃窗櫥，好漂亮呀。其實未疫情前，座椅之間已經很寛闊，本身樓底好高，所以坐起上來很舒適。餐牌選擇主要分意粉、沙律同各類咖啡/茶，小食主要星期六/日才供應。為咗要咖啡拉花，所以平時唔飲咖啡嘅我，都要咗杯鮮奶咖啡淺嚐。牛油果華道夫沙律：首先食自己最愛嘅沙律，果然仍然保持一貫水準，賣相十分吸引，牛油果好新鮮，配上沙律菜、蘋果之類，呢個值滿分。番茄忌廉蟹肉寬條麵：蟹子份量好多，食起上嚟咀裡卜卜聲；蟹肉混合在麵裡，味道口感不錯，值得推介。鮮奶咖啡：拉花好靚，不太苦。咁啱老闆坐喺我隔離枱食午餐（但我食晚餐🤣），於是可以閒聊咗一陣。佢好nice，好好傾，同我講呢期用澳洲牛油果，有時會用墨西哥，話雖然呢兩度貴啲，但質素會高啲。又介紹我去幫襯佢地喺建生（exactly應該珀御）嘅新舖，有新口味可以試試；仲主動問有無乜野值得改善嘅地方。正如佢話，喺Open Rice有人批評個職員態度唔好；但我所見就正好相反，由落單哥哥

由屯門站行去Cafe 的話大概10-15分鐘，地方未算係好就腳。天氣又熱又曬，職員會提供扇比客人，都係一個比較貼心既服務！😘店家只收cash,payme 同八達通。上菜速度都幾快，大概15分鐘左右。餐具、水以及調味料都係自助既，有需要嘅就需要自己出去拎👍🏻可以減少浪費👍🏻👍🏻對於豬手，我就比較卻步，因為份量都比較大但係好難切，可以講話係無從入手，最後都係是但切😹😹但係佢有包括薯條作為配菜，但係薯條就好硬，用叉都好難拮得入🤔😅薯條就可以有改善嘅空間🤔

呢間cafe地方出其地大 好有#呢間cafe地方出其地大 好有#工業風 亦好受歡迎👏🏻主打意粉同咖啡🍝☕️因為唔餓 所以淨係飲咗咖啡 咖啡拉花出色 味道nutty 🥜本來想點佢招牌冰咖啡 店員細心提醒係一個#expresso shot 嘅份量 所以最後揀返 #Dirty 同 Caramel Latte 😙💰熱焦糖鮮奶咖啡 $35污糟咖啡 $38👉🏻BYOB Coffee Roaster 屯門青桃徑5號文翔大廈地下2A號舖.

每次經過看到這間Cafe都感覺好舒服成日都好想入去，但每次看到人龍後也會響下退堂鼓。然後便去了附近都出名好味的咖哩牛腩河，但有一次女女嚷著一定要吃意粉，於是在吵鬧中屈服陪佢等，但誰不知一食便返不了轉頭。女女點了海鮮墨汁意粉，我和老公點了大蝦闊條麵。先來的海鮮墨汁意粉賣相十分吸引，有肥美青口，魷魚圈及煎蝦，材料十足。再來大蝦闊條麵，大蝦不多，開頭以為伏伏地，誰不知一食意粉，個醬汁超級好味，食得出是用蝦頭的膏製作而成，再加上隻蝦煎得好好味，連平時揀飲擇食的小女（6歲）也不停encore。

屯門區好有名氣既cafe, 可惜地點有啲偏離屯門市中心，所以都要特登過去。呢間總店都幾大，我哋2個人星期六12點幾去到好彩唔駛等。大約12:30出面已經開始排隊，不過好貼心，每人派把扇比你。入到去睇完餐牌要自己出去落單，餐具🍴自己拎，但待應會送餐比你。呢度座位闊落，走工業風。黑松露意粉🍝意粉條條掛汁彈牙，菇🍄好爽，好香黑松露味！明太子煎帶子意粉如圖所示，勁爆多料，好多明太子，個汁好味，帶子個面煎得香脆但入面仲係岩岩好。加埋木魚絲一齊食，好有層次同多添一份和風味道。呢度既咖啡☕️拉花好靚，都幾好飲。Bailey coffee (Bailey 味好出😋）最後食埋個焙茶cheesecake 做結尾，Perfect!(佢質地都幾實淨，焙茶味出，唔太甜）* 呢度可以用PayMe比錢，好方便！ 待應都好nice!

有朋自遠方來作為屯門地膽帶佢地去食我很喜歡、性價比高的紅橋小店平時午餐去我心水係大蝦闊條麵仲有牛油果他他都好靚好好味今日下午茶時段去咖啡依然不會令我失望每次個拉花都令到我好開心係用心拉的拉花估唔到「皇室婚禮」茶都好有驚喜茶具好靚不在話下，真係好香同焙茶同柚子芝士蛋糕好夾最滿足係朋友都好鍾意坐咗喺最入面嘅一張枱一個靜靜的角落好適合傾偈試埋手沖咖啡仲同店主傾咗一陣咖啡經最後佢仲叫我哋年青人加油其實都幾感動

星期六在紅橋 11:30左右辦完事，區內評價頗高的 BYOB 11:45 開始營業，時間啱啱好，無需等位，入內更可自行選座位 （當然不會2人選4人座 😉）兩個相連的舖位，座位之間有一定距離，工業風裝修，燈光不太強，開放式廚房就在入門口前方，不覺油煙味，坐得舒適。顧客要到櫃臺落單，餐具及水自助式，食物由店員送上，沒加一。菜單選擇算多，雖不是芫茜控，也不抗拒，憑個人感覺欣然來一客藍青口芫茜意粉。落單後返回座位等候，打開 openrice app 看一看食評對 BYOB 有什麼推薦 （哈哈，自已有點笨，應該看過才落單嘛）。第一篇食評就正正關於這道芫茜意粉，看內文是正面評價，幸好沒選錯。意粉來了，賣相佳，8隻帶殻藍青口圍在碟邊，意粉放中央，每條意粉均勻的掛上打碎的翠綠芫茜，上面再豪氣的來一把芫茜。芫茜味不會過重，意粉煮得剛好。可惜藍青口完全沒調味，美中不足，建議用蒜、鹽煮過，效果會更好。這裡的飲料以咖啡為主，點意粉時沒有一併點鮮奶抹茶，就是免得吃罷意粉，咖啡卻降溫。水吧內年青小伙子，很專注用心為每杯咖啡拉花，相片中的他正在制作我的飲品。😍😍😍美好的一頓午餐，為今個週末添上美好的記憶。

已經嚟過呢間餐廳三次真係好想試晒佢啲意粉～食過每一款都覺得好好食我最鍾意係✨蝦油闊麵😍有淡淡嘅蝦油香味 應該有落少少cream去煮香得來又唔漏～加埋有咬口闊條麵～正呀！✨墨汁海鮮✨意粉都有驚喜！之前試過食有腥味嘅墨汁意粉搞到有啲陰影呢個就唔會嘅～ 不過我覺得有少少咸佢係墨汁加cream去炒佢係我食過最creamy 嘅墨汁意😋😋😋而且海鮮都幾足料㗎✨明太子忌廉意粉又係超級無敵正🤩🤩🤩明太子係多到裹滿每一條意粉又係超級Creamy～食落去真係超級滿足仲有2粒帶子😋鍾意食明太子嘅真係唔好錯過以上嘅意粉真係好creamy 所以真係可能會有少少漏到✨黑松露意粉✨有好多黑松露醬去煮我覺得都係好香嘅～不過比起頭先3款意粉就好似係比較冇咁多cream 去炒 冇咁漏嘅一款總括依然我覺得係好好食嘅一間Cafe都有手磨咖啡☕️鍾意飲啡嘅都可以去嘆返杯不過假期真係好多人去食 所以到時心理準備係排半個鐘至九個字隊🥺

和朋友慕名而來，試試這裏的pasta。 12:00 左右到，仍有不少吉位，但因繁忙時間只能撘枱，也被告知因為星期六/日，用餐時間只有1小時。 本來諗住山長水遠過來，可以慢慢嘆下，怎料和1小時日式任食火鍋時間一樣，要趕住食，不能好好慢活一下。我們12:11點餐，最後意粉上枱的時間是12:32。一小時用餐，其中準備食物時間佔了超過1/3。 黑松露雜菌意粉： 味道賣相都不錯。$70大蝦寬條麵 ： 寛條麵口感硬，蝦肉不夠爽。$80食物： 8/10環境： 7/10 服務： 3/10 除了用餐時間外，安排坐位的服務態度亦非常趕客。明白繁忙時間人多所以有時間限制，但1小時實在不人性化。而且該位店員待客的態度亦有相當大的進步空間。

九龍人表示好少入新界，去完LingU後，地頭朋友推介呢間餐廳～餐廳都算大，但星期日夜晚都等左差不多一個鐘先入到座。不過食物嘅質素真心唔錯嘅！北海道帆立貝明太子意粉 $98德國黑麥啤慢煮鹹豬手$138大蝦闊條麵 $78個人覺得明太子意粉幾驚喜，明太子嘅味道好濃，而且完全唔辣，好味～而鹹豬手好大隻，五個人share食都好夠，不過都有一啲外皮超級硬，完全咬唔到，而且食唔到嘅位都幾大舊，有啲可惜。京都宇治小山園鮮奶抹茶 $38好足料嘅抹茶粉😂我前後加左足足一杯水，個味都唔係差好遠，可以稱得上抵飲😂

今次又黎到紅橋食野， 呢間BYOB最近開左近分店，係良景果邊， 就黎試下佢啦！因為而家提早左11:45開門，所以12點黎到已經有少少人係入面啦，但都好靜既！熱cappuccino 叫左杯熱咖啡，上到黎，哇！咁靚既！冇錯！佢係一隻飛馬呀！個拉花做得好細緻，每個細節位都做得維肖維妙！真係好有心機，而且啲咖啡味都好出，唔會好似上次凍飲咁超多奶， 飲得出啲豆係高質既！蟹子蟹肉寬條面呢個就一如常往咁多蟹子啦！上到黎真係幾震撼嫁！蟹肉依然好多！間唔中會有少少碎蟹殻，小朋友食就要小心啲啦！

炎炎夏天嘅星期日去咗呢間Cafe嘆番餐，今日氣溫37度🥵Cafe冷氣好夠，地方又闊落☺️🥓卡邦尼意粉creamy得黎唔會太膩🦐大蝦寬條麵大蝦處理得好好，煎得夠香口，寬條麪掛滿蝦油同香蓉🌟House Blend On Rock係佢地嘅signature, 味道甘香💫凍榛子鮮奶咖啡咖啡味依家突出，唔會太甜不過呢間Cafe好多人幫襯，特別星期六日經常有客人排隊等位，所以繁忙時間限用餐時間60分鐘，不過都好值得黎嘆番個休閒午餐relax下👍😆

假期2點幾去排哂隊，住港島嘅我搭咁長車程入到屯門，排隊濕濕碎啦✌🏻Cafe裝修簡約位置闊落，每枱都隔咗一段距離坐得舒服。落單就要自己去收銀俾錢再由店員送上食物，所以唔收加一㗎‼️1.蕃茄忌廉蟹肉寬條麵 $88依款見差唔多枱枱都有叫😂啲蟹子多到好似唔洗錢咁😂撈均每條寬條麵都痴到哂啲蟹子超正。蕃茄醬酸甜開胃，一啲都唔hea俾大大舊蕃茄。至於蟹肉嘅份量真係唔輸蝕得過蟹子😂2.北海道帆立貝明太子意粉 $98帆立貝係北海道刺身級，肉厚軟嫩😍明太子忌廉汁濃郁creamy, 同大量嘅鰹魚片超夾⭐️🌟推薦指數：8/10▫️▫️▫️▫️▫️▫️▫️▫️▫️▫️▫️▫️▫️📍BYOB Coffee Roaster (屯門)屯門青桃徑5號文翔大廈地下2A號舖

今日探一下呢間氣餐廳. 水牛城雞翼, 味道係OK既. 但我個人覺得雞翼面醬太多. $48/4隻算係咁牛油果 Waldorf Salad, 份量太少. 牛油果算足分量. 但沙律菜好少. 核桃得幾粒碎. 蘋果片超薄. 德國豬手, 好似係皇牌. 要等40分中. 櫈都未坐暖，就先去落單。呢度係快餐咁，先去收銀落單，再埋位等食。上枱時賣相一般, 豬手皮係薄薄微脆那種，皮下脂肪係軟軟的口感。豬手大隻肉夠多，但好重豬SO味 (我本人唔係好like 果種味)。芥末酱偏辣，無咩特別. Coffee Latte，expresso 底算OK濃味. 我一路食外面一直都有人排隊. 其實餐牌選擇唔多. 食味又不至於"嘩"....點解人氣咁勁 HAHA.  不過, 呢個價錢, 呢個質素算是OK吧.