BYOB Coffee Roaster

营业中

休息中

🐻耐左無出post…因為有好多生日飯局，未得閒整理好 🤪 今次同屋企人食，當然揀一間近少少既試啦 🥰 屯門紅橋多左好多餐廳小店唷，尼間聽聞都成日排隊，雖然無得book，但餐廳空間夠大，晚餐早少少來都可以唔洗等，自助形式，職員有禮 ✨😆⁡🐻食後感‼️⁡✨「德國黑麥啤慢煮咸豬手」$168尼隻豬手來到真的要試試，即叫即焗，等待時間較長，但當🐻見到咁大隻又多肉既🐷手送上時，不禁嘩左一聲 😆 外皮有少少位置有薄脆皮口感，內裡夠juicy夠曬味，仲有微微啤酒香 ✨推‼️⁡✨「蕃茄忌廉蟹肉寬條麵」$90賣相一流，小山丘蟹籽鋪滿面，仲有蟹肉同蕃茄汁拌埋一齊食，係幾正✨ 不過🐻覺得味道偏淡，如果再濃郁d就更好 😬⁡✨「水牛城雞翼」$50尼款只在星期六日或假日提供，共5隻 🥰 比平時食既水牛城雞翼辣味無咁重，但都係一樣非常開胃 🙂⁡✨「京都宇治小山園鮮奶抹茶（熱）」$37其實佢地咖啡都幾出名，不過🐻唔太好，所以試佢既抹茶Latte 🍵 茶味濃郁，飲琴尾都仲係咁濃，不過就偏甜左少少 😬

👅 House Blend On Rock 最鍾意飲唔同嘅咖啡，因為我覺得咖啡好神奇，每次飲每一啖 都有唔同感覺，有啲一入口無乜味，但個after taste，就好濃烈。今次呢個，就一入口就好大衝擊，好大嘅酸味同苦味，等多一多再飲一啖又變返平和啲，無咁搶喉，正😛．👅 北海道帶子明太子意粉帶子好鮮甜，煎得外表好香又有少少脆，入面保留到生生地，入口個感覺勁正😛明太子汁做得好夠味，又夠creamy，掛到係意粉度之餘又唔會太杰，呢個時候飲一啖咖啡，又可以繼續食😜．👅 藍青口芫荽意粉青口正常，不過香港難食到新鮮青口，期待可以食到間好好食嘅青口嘅餐廳😚呢個意粉最岩芫荽怪（我）食，濃濃嘅芫荽油撈埋菇片同意粉，啖啖都食緊芫茜嘅感覺只有鍾意食茜嘅人先識欣賞😂

今天來到元天屯，想找尋高質咖啡店，在周六啡一啡。 經朋友得知，屯門有不少咖啡店/cafe類別，但需要在市中心步行/乘車才可到達，於是我選擇這間人氣byob試一試。 來到餐廳時，門外總有10數人在排隊，餐廳會 ，為炎熱下等待的人準備撥扇 (連餐牌)，算貼心。 等了20分鐘終於入座，點了2個意粉和1杯咖啡。=北海道帆立貝明太子意粉=豐富明太子口感，不會太鹹，混入忌廉後不會乾身，食落creamy 而不油膩，帆立貝的數量合理，比想像中大粒，經過微煎變得香口，口感厚身。=番茄忌廉蟹肉寬條麵=上菜時，賣相不錯，以為只是外表好而普通蕃茄醬。結果食落口感豐富，應該加入了新鮮蕃茄混合而煮，而且蟹肉的比例算多，可以每一口都食到蟹肉絲，另外有一些日式蟹籽，配合不錯。 飲品方面，原來咖啡很厲害，牆上掛了咖啡師得獎證書/獎狀，也有自家烘焙的咖啡店可售賣。 今次點了最簡單的凍美式咖啡 (因為門外等待有點熱) 口感涼快，屬FRUITY 風味又不算酸，果然不錯。 餐廳設自助水機在收銀旁邊。

🍖德國黑麥啤慢煮鹹豬手💵168🍀🍀🍀🍀🍀🍀🍀🍀🍀🍀依個價錢食到咁大隻豬手🍖係非常抵食，外皮同埋豬手肉都好有啤酒味🍺勁巨有骨膠原，但好難切開，店員無幫我地切一切，通常出面既餐廳都會幫忙切開幾下🥲味道夠但係豬手外皮仲好多毛🥲🍝大蝦寬條麵💵80🍀🍀🍀🍀🍀🍀🍀🍀🍀🍀用左忌廉汁亦加左啲蒜去炒，除咗有蒜香味，亦有好重既奶味，個汁煮得較杰身同時因為重奶既關係，所以食幾啖都好飽，而蝦🦐都吸收晒蒜味，好香～🍝北海道帆立貝明太子意粉💵100🍀🍀🍀🍀🍀🍀🍀🍀🍀🍀通常明太子味道會偏鹹，但依碟既明太子忌廉汁意粉🍝味道比較淡，應該話係過淡，不過帶子好大隻，最有味道得帶子咋～🍟焗黑松露芝士薯角💵50🍀🍀🍀🍀🍀🍀🍀🍀🍀🍀芝士唔夠多，黑松露味亦唔夠，唔能夠鋪滿面頭，而且薯角好乾，需要自己出去攞茄汁，收服務費但係好多野都要自己出去攞🤨🍹有機接骨木花💵20🍀🍀🍀🍀🍀🍀🍀🍀🍀🍀因為無大吉嶺玫瑰🌹茶，所以我揀左枝接骨木花氣泡水🍹絕對唔係餐廳整，係買返黎既～☀️整體而言，除咗大蝦闊條麵同豬手外，其他野食都麻麻地，地點都難搵，如果有車會比較容易好多，服務更加唔使講😐

慶祝哥哥生日, 黎左屋企附近既餐廳, 非常多人, 係門口排左差唔多30分鐘先入到, 排隊時已經同店員講左會叫豬手, 一定要講!!因為佢製作需時40分鐘, 唔講定就有排等德國黑啤慢煮咸豬手, 原隻上, 煮得好淋好入味, 另外叫左墨魚汁海鮮意粉同北海道凡立貝明太子意粉, 兩款都非常有水準, 啤酒配豬手真係無得輸!!

紅橋咁多好野食，但呢間餐廳都算好顯眼，大大個店面一定唔會miss！😆次次黎都係中午，唔知夜晚好唔好feel呢？😍😋藍青口芫荽意粉 $90各位西友見到呢道菜應該就好興奮啦！而家啲餐咁多西既餐廳唔多，呢間都算幾高質！超多芫荽醬，仲要中間有一大堆芫荽！唔怕唔夠食啦！😆藍青口圍住個意粉，份量都唔少呀！😛😋Cappuccino 黎到coffee shop冇理由唔試下咖啡既！呢度既咖啡都幾香，同埋拉花都唔錯嫁！而且有咖啡豆可以買走，有興趣都可以黎睇下😍

山長水遠去到屯門食呢間cafeMenu選擇唔多，本身冇抱好大期望點知野食黎到出奇地好食要搵一間餐廳同咖啡都有水準一啲都唔容易，但呢間餐廳可以話兩樣都超水準，值得一試！餐廳位置都算方便，距離輕鐵站5分鐘左右路程☕ 焦糖鮮奶咖啡 Caramel Latte ($37)咖啡一放上枱既時候已經眼前一亮，海馬拉花好特別，而且好有心思！聞落去亦都有好濃郁既焦糖香味飲落去同想像中都一樣，焦糖同咖啡配合得非常好，唔會太甜！🍝 北海道帆立貝明太子意粉 Hokkaido Scallop Ming Taizi Spaghetti ($100)賣相相當唔錯，帆立貝煎得恰到好處，外皮焦香，內裏非常juicy明太子意粉一向係我既最愛，意粉撈混左啲醬之後食到明太子粒粒分明，非常爽脆十分推介！🍝 黑松露雜菌意粉 Spaghetti with mixed Wild Mushrooms in Black Truffle Cream Sauce ($70)雜菌意粉可以話係餐廳非常普遍，黑松露配埋雜菌一定冇得輸而且餐廳一啲都唔吝嗇，黑松露味非常香濃

🍤 大蝦寬條麵 $80整體好creamy🥳朋友大讚個蝦煎得好香 爽口彈牙仲有蒜蓉味😋🍝 墨魚汁海鮮意粉 $90海鮮材料有蝦·青口·魷魚·魚柳😋🧡蝦依舊好食 魚柳咬落個肉質都幾實淨 其餘都唔錯 無乜腥味雪藏味😬忌廉汁味比較重 墨魚汁反而唔多覺有 而意粉份量對女仔黎講可能會偏多 未必食得晒～♨️ 京都宇治小山圓鮮奶抹茶 $37一樣高水準 夠濃味 甜而不膩 食完意粉再飲埋呢杯抹茶做結尾好好好好滿足💖

之前同friend食過一次感覺唔錯，今日就同屋企人食多次睇下是否保持水準。星期日六點半左右要等一兩枱，好快有位。**招牌咸豬手要時間整，最好入座就即刻叫定。**之後再叫墨汁意粉+黑松露意粉，汁好夠濃， 落足餸，粉又多，好足料。👍🏾豬手到，好大件！ 多過果間德國連鎖餐廳3成左右，燒得好香同脆，又無豬臭味。唯一缺點係量多，人少會唔夠肚食其他野。😂last茄汁闊條面就ok正正常常，唔係好闊果種面。中午佢係cafe黎，所以飲品都好豐富，可以話無咩死角，最大缺點係食物種類少啲，不過四個人都最少夠你食兩次😂要自助叫餐，攞餐具，免加一。介意就唔好入去。

因為都係日本返香港無耐！好耐無去屯門食飯了~因為同中學同學聚下舊就搵左間屯門既Cafe試下~又方便傾計d果日1830左右就入左餐廳，因為未到食飯時間所以即刻都有得入座，餐廳好大好寬敞！d位隔得開感覺闊d舒適d~但果陣餐廳入面都已經有一半位置坐滿人！就知道無去錯地方☺️果日揀左個大蝦意粉同埋榛子咖啡蝦好入味不錯！又大粒意粉d汁好creamy！啖啖都好juicy✨榛子咖啡都正常發揮！加埋真係一流！如果下次去開附近都會再去❤️

自從屯市開左壽司郎同Donki，真係迫爆，所以我行返去紅橋覓食，除左有好味拉麵店，仲有呢間Cafe，而且長期有人龍，今日預早少少黎，所以仲有位。主要都係意粉同小食，仲有德國豬手。飲品有齊各款咖啡或茶類，選擇都很多。先安排入座，自行去櫃檯點餐及付款，之後由店員送上食物。免加一抵讚。水牛城雞翼 $50炸得香口唔油膩，個醬先係靈魂所在，酸度同辣度都好突出，開胃又惹味，食唔停口。蟹肉牛油果他他沙律 $100賣相好靚，亦因為好睇又顏色豐富，所以點來食，順便打卡影相。味道都很好，拌勻來食，入口有軟綿潤滑牛油果，仲有大量蟹肉且唔腥，加埋蛋沙律真係好滋味，仲有蕃茄仔增加濕潤感，而面層大量蟹籽，增加脆口感又提鮮，好好食。北海道帆立貝明太子意粉 $100帆立貝微微煎熟，口感細嫩微彈，珍寶尺寸啖啖肉。意粉也煮得剛熟，保持咬口，加上微辣明太子醬汁，creamy又濃郁，咸中帶辣好正。京都宇治小山圓鮮奶抹茶 $37拉花好吸晴，令人心情開朗，抹茶味濃郁，茶濃微甘，加鮮奶中和濃茶味，甜度亦剛好。Dirty Coffee $40入口有暖熱濃縮咖啡同冰凍牛奶，凍熱之間，甘甜交雜，口感味道都獨特。咖啡酸度更高，味道濃郁，

又到OT日 放工19:00 去到好彩唔洗等位 每度菜都上得好快 即叫即做 放上台到仲出緊煙叫左個大蝦意粉 有四隻蝦 面頭撒上香料再香煎 食落超野味 肉質爽口彈牙意粉份量多 軟硬度適中 好creamy 條條都佈滿醬汁 唔會乾爭爭 會不斷想食落去😍帆立貝意粉 有三粒大帆立貝 唔會煮到過老 調味啱啱好 明太子比得好足 成個意粉粉紅色 每一啖都好重明太子味呢度仲有好多野飲 不過夜晚就唔飲咖啡啦 飲杯果汁fresh下西柚汁凍冰冰 酸酸甜甜解膩一流 下次再試叫多d朋友試下呢度最出名嘅豬手先😆😆

屯門牛又出動，去番自己地方食下cafe，唔洗山上水遠啦🤣去左虹橋嗰邊既BYOB Coffee Roaster，cafe開門就去食，所以一定有位，聽聞本身呢間都係要成日等位🤣依加BYOB Coffee Roaster 係屯門盈豐個頭都開左分店。-大蝦闊條麵 $78 （8/10）果然好有誠意，d蝦真係好大隻，肉質好爽口，仲好入味，蝦煎到金黃色，再配上忌廉汁嘅闊條麵掛到汁，闊條麵唔會太韌，岩岩好，整體成個意粉都做得好好。-墨魚汁海鮮意粉 $88 （7.5/10）繼續都有爽口蝦，不過就大蝦闊條麵啲蝦好食啲🤣 蝦Size就細啲，仲有青口，魚同魷魚，全部海鮮都唔錯，唔會食到雪藏味，意粉質感都岩岩好，不過我覺得個墨魚汁就唔夠重味啦，如果重啲就更加好，食到墨魚鮮味就正啦😍-水牛城雞翼 $48 (7/10)雞翼size都幾大姐，外脆內軟，個汁好惹味，所以整體成隻雞翼都好入味，唔錯唔錯👍🏻-整體來講成個用餐感覺都好快，可能因為好快就上到菜，cafe空間都好大，其實都好早就會坐爆人，建議大家黎都早d霸位，野食整體唔錯，但今次冇特別試咖啡，見好多人都大讚，有機會經過就買杯外賣啦🤣順帶一提餐具同水係自助式。

聽講紅橋有間有質素既cafe 食豬手同意粉都好出名今日就同朋友專登過黎食。呢邊不嬲多小店 但無諗到呢間都幾大 幾有風格 但坐位就有少少細 但總括黎講都係舒適。聽聞個豬手份量好大 所以我地兩日叫左一味就唔敢試其他野住。。等左廿分鐘到香噴噴熱辣辣既豬手終於都出現 😍份量的確好大 3-4人share都得但個皮無我想像中脆 但就燒得幾香朋友話佢d意粉都唔錯 下次有機會再試

想喺屯門搵好食意粉，見到呢一間舖頭好多人好評❤️即刻過去試吓午餐時段都幾多人排隊，我哋行咗幾個圈大概再返去就可以直接入坐🥳叫咗個牛油果三文魚他他沙律，德國鹹豬手，墨魚汁帶子意粉，嚟到嘅時候個份量同埋賣相都OK喎，以為佢唔夠大碟點知好夠飽🥳🥳而且個鹹豬手煮得啱啱好，開頭都擔心佢會唔會好乾，點知好好食，仲好大舊❤️真係大件夾抵食😎墨魚汁帶子意粉都好好味，我個人好鍾意牛油果三文魚他他沙律食完又想再食嘅感覺好清新而且好開胃😌加上佢杯咖啡都好有水準，所以已經覺得下次會再返嚟食啦😌😌希望你哋一直keep住個水準啦💪🏻😎