BYOB Coffee Roaster

营业中

休息中

周末我都幾常來屯門，貪佢靜靜地，遠離煩囂，又有一兩間心水咖啡館，最重要係街市非常多價值相對相宜的新界菜，每次都買4-5日的份量。😙🍝青醬雞柳意粉 $80呢間黎過幾次，墨魚汁、蟹肉意粉等都試勻。之前試嘅全部都唔錯，反而今次嘅青醬雞柳意粉就相對失色少少，唔算突出，所以感覺意粉冇乜味，可以咸返少少。🥟炸雞皮餃子 $50幾脆口多汁又唔算油膩，配埋沙律醬幾惹味，唔錯。☕️🥤Cappuccino $34 ,Iced cappuccino $37呢度咖啡一向穩定，合理水準。整體而言，如果第一次嚟，建議試返墨汁、蟹糕等傳統受歡迎嘅意粉，呢幾款我都經常食。🤗

虹橋出名多嘢食，今日我地就黎到呢間最當眼位置既BYOB Coffee Roaster食晚餐！入到去坐低，決定左食啲咩，就要出去Counter叫野食，跟手俾埋錢，講返自己坐邊，然後就可以返埋位等食啦。我地叫左：🍖德國黑麥啤慢煮咸豬手：食落真係有幾香既啤酒味，平時啲人飲啤酒食咸豬手，今次佢直接將兩者融合，味道好夾！🍝加拿大海膽意粉：意粉幾彈牙，海膽都幾大舊，唔錯。🥗蟹肉牛油果他他沙律🦀🥑🙋🏻‍♂️🙋🏻‍♂️🥙：成個蛋糕咁好多層，賣相好靚呀😍味道都相當唔錯。🍗水牛城雞翼：個汁酸酸甜甜辣辣地，幾醒胃。🍟黑松露焗薯角：未食已經聞到好香黑松露味，芝士同脆薯角味道濃厚幾好味。🍹新鮮牛油果火龍果鮮打奶昔：一路飲一路食到好多牛油果粒粒同火龍果籽，新鮮健康又好味！整體食物味道同賣相都好好，臨走時店員仲提我地攞遮，好有心🫶🏻

在朋友介紹下,順道到屯門午膳,之前亦經朋友訂購呢度嘅咖啡豆,真係唔錯;午餐叫咗黑松露雜菌意粉和蟹膏蟹肉意粉與朋友分享,醬汁好滑,好 creamy,兩樣都好好味,不過掛住食,唔記得影意粉相,呢度啲咖啡都好有水準,坐位空間有舒適距離,整體氣氛使人好 relex。

今日去開屯門搵朋友，知道呢區有好多餐廳，所以就搵咗呢間Café試下啦 🍽️，位置都算闊落，餐廳行簡約工業風設計，都幾有特色。-🌟 蟹膏蟹肉意粉🍝｜$98｜$128｜8.5/10 👍🏻有好重好香濃既忌廉味，蟹籽、蟹肉同意粉個汁好配合，整體覺得幾好味，推薦！-🌟 蟹肉牛油果他他沙律🦀｜$100｜7.5/10 有五層材料組成，用料超級豐富有蟹籽、蛋沙律、牛油果、蟹肉同埋蕃茄咬落去味道好豐富有層次，不過比較溜左小小. ，如果可以配D沙律菜🥗應該會更清新更配合。-Overall 食物水準幾好味，但係如果可以加錢轉套餐或者加錢有飲品性價比會再高D。另外餐廳位置比較偏遠小小，唔算太近地鐵站。

小編今日來到屯門一間cafe「BYOB Coffee Roaster」，與友人在屯門踩完單車後，走到這間以簡約工業風裝修為主題的餐廳，門口有懷舊單車及咖啡機作擺設，牆上掛上單車🚴，整體環境地方空間感大✨ 先在櫃檯點菜而店員會為你送餐，重點是餐廳不收加一服務費，街坊價錢親民🙌🏻「北海道帆立貝明太子意大利粉」✨ 明太子醬汁加忌廉芝士組合一絕，呈粉紅色明太子醬汁掛汁能力高，醬汁的濃稠度恰到好處，增加更濃厚的質感，同時保留明太子豐富的鮮味，加上蟹籽令整道菜的口感更加豐富🙌🏻 微焦的帆立貝的鮮甜與明太子香完美結合，每一口都吃明太子醬汁散發出濃郁的海鮮香氣🧡「德國黑啤慢煮豬手」每日限量製作，即叫即製需時45分鐘，邊吃邊等不久就上枱🐷 豬手表面呈現出誘人的焦糖色，散發出香氣撲鼻，融合了黑啤的香醇味道，肉質鮮嫩多汁，口感豐富，與底層的酸椰菜搭配得得宜，建膩又增添食物層次感✨「蟹膏蟹肉意粉」帶濃郁的蟹味，每一口都能感受到蟹肉的鮮甜與蟹膏的濃郁口感，一絲絲蟹肉味道鮮甜，與蟹膏醬汁完美結合🦀 🍽 ：北海道帆立貝明太子意大利粉；德國黑啤慢煮豬手；蟹膏蟹肉意粉👅好味指數：8.25/10；8.0/10；7.75/

依間走工業風 嘅cafe 係屯門虹橋，行到店內就有一陣香濃的咖啡味了，菜式選擇唔多但味道同份量都唔錯。牛油果華道夫沙律 碟上牛油果花配上蘋果、新鮮沙律菜之類的，又靚又好味明太子帶子意粉 帶子煎到微焦，配creamy 明太子醬汁，好味。

跟朋友一起入屯門穩野食。星期六好旺，排隊等佐差唔多20分鐘，好鬼大風🥶 餐牌都係意粉為主。點咗個週末限定「加拿大海膽意粉」，129唔係太貴，不過分量就好少。 一行4人，兩個係叫帆立貝意粉，兩個叫海膽意粉。我嗰碟最先上，分量唔大。等到後期其他意粉上台，發現每碟嘅分量都比我大一倍🥲覺得廚房執碼個靚仔分粉唔太平均囖😤吉列蠔出品ok，不過蠔比較細隻。味道ok嘅，不過唔算太出眾，試過一次就算數了。冇下次。

📍位置：近景峰輕鐵站，在青桃徑盡頭。🏠環境：黑色的門面，室內面積大，工業風的裝潢，右邊是點餐櫃，左邊的餐枱疏落分佈，另有一個小角落，牆身掛有單車作裝飾，整體寧靜休閒。🤵🏻服務：自行到櫃枱下單，不收取加一。🍽️午市：沒套餐，主要提供意粉🍝或沙律🥗。🦀蟹膏🦀蟹肉意粉🍝 $98上次朋友食過期分店的🦀蟹膏意粉🍝，印象很深刻。今次在總店吃多次，保持水準👍。蟹膏和蟹肉絲份量足😍，條條意粉均沾上，炒得入味帶點黏感，入口鮮味十足🤤，份量也多，所以吃得飽也會有點膩😆。☕️House Blend On Rock $34這時一杯濃縮咖啡☕️就很配搭，剛好解膩☺️，味道濃郁，有點甘澀😌。

Byob出名多年 ，已經幫襯過幾次。隔左一段時間冇黎，今次朋友聚會，水準依然keep到蟹肉意粉🍝蟹味十足，鮮味夠濃。帶子意粉🍝鮮味雖然不及蟹肉意粉，但勝在帶子鮮味，唔會過熟。青醬雞肉意粉🍝青醬味道足夠，可惜雞肉有啲嚡口。蕃茄鴨胸沙律🥗柚子醬同鴨胸好夾，一片片蕃茄夾住鴨胸賣相好靚💕仲有脆脆 好好味仲有拉花綠茶鮮奶🌟見盡心思🐰

紅橋呢邊真的有好多小店💛其中呢間真係唸唔到食咩去食真係好好嘅選擇🙌🏻每碟意粉都好足料而且小店勝在夠大🫶🏻🔸蟹膏蟹肉意粉 $98呢個意粉真係好驚喜😳蟹味真係好濃,醬汁已經融入咗蟹膏🦀而蟹肉係蟹鉗係啖啖肉的再加上蟹籽真係好豐富😆🔸大蝦寬條麵 $85之前都有食過呢個今次再食好似冇咁滯😉寬條麵主要由蝦油同忌廉調味,但今次蝦油冇咁多就相對乾身少少🤏🏻而大蝦係煎炸的外皮會微脆🍤🔸墨汁海鮮意粉 $95墨魚汁都好濃厚但不是creamy個款所以唔會覺得好滯😙海鮮有魚,魷魚,青口同蝦🦐🔸北海道帆立貝明太子意粉 $100意粉真係有好多明太子係佈滿了整個意粉🥰但今次食忌廉就不太夠就覺得唔太夠味了😝而帆立貝煎得好香係半熟~🔸 黑松露焗薯角 $50週末先有提供但真係大推❣️係有超多黑松露真係啖啖都充滿香氣🖤而芝士都毫不手軟,薯角炸得好脆每一舊都好大塊🥔🔸水牛城雞翼 $50雞翼共有5隻都係大大隻的,醬汁係酸酸甜甜的🙌🏻個人就不太喜歡啦~🔸熱朱古力 $34原來朱古力係冇拉花的🥹朱古力味都算濃唔會好甜~🔸Hot Mocha $37🔸Hot Latte $37🔸Dirty Coffee $40🤤好味度 : 8/10🔙回頭率

第三次到來，每次食都覺得好有驚喜。好中意呢到環境好chill, 沒有限時不用好趕。餐廳係自助形式，去櫃枱落order 俾錢之後自己攞水同叉。open kitchen 見到廚師即時整作食物好有滿足感。食物最推薦蟹肉牛油果他他沙律🥗，用料好豐富又好食。另外帆立貝明太子意粉亦算是必試，真係好欣賞佢煎到帆立貝好香表面少脆肉質彈牙這裏餐牌好簡單，小食並沒有太多選擇，而且好像供應量不多，試過有次黎不是太晚但都賣晒，所以如果有得叫，都建議叫廣島蠔試下，真係機會難逢，同埋好好食最中意一樣野係佢地無加一！真係超抵！

星期日3:45pm左右過到黎，原來餐廳有落場時間。同另外一組客係門口企左10分鐘，都見到成堆員工食緊飯就放棄，唔等轉場。期間有員工經過都無講幾時開返。 事前check過餐廳既營業時間12-9pm,建議餐廳係google同openrice update 返落場時間。如果大家要去都最好打去餐廳check下有無開先。真心由市區入黎成粒鐘，轉車再轉車又唔近鐵路，最後結果食唔到真係會少少失望架……唯有下次再試下啦。

嚟到屯門，點都要試吓唔同嘅餐廳今次就揀咗屯門好出名嘅西餐廳叫咗一個明太子帶子意粉好好味，成個意粉好creamy又唔會好漏好快就食完一碟另外叫咗一杯Dirty 個樣好靚，明顯分到兩層咖啡偏向nutty, 會較為苦但都好飲如果有得揀埋咖啡豆會更開心

我同朋友嗌咗2個意粉同2杯飲品明太子意粉真係好多明太子 帶子都大粒爽口 味道偏甜我哋鍾意大蝦寬條麵多啲 大蝦有炸過 好脆口 可以食埋殼 飲品方面 抹茶牛奶幾好飲 好似Starbucks 個款 茶味唔濃 鍾意飲偏甜抹茶牛奶嘅人應該會覺得好好飲熱朱古力奶就正常😂Cafe 環境舒服 適合同朋友傾偈

#北海道帆立貝明太子意粉 🍝個醬用忌廉做底，加上明太子醬，香香辣辣，唔會過鹹，而且夠晒杰身，令每條麵都可以沾滿醬汁。成碟嘢相當creamy，意粉口感就尚可 。配料方面有兩粒刺身級帶子，相當厚肉，兩面有香煎過/燒過，做到半生熟效果。但個人認為香煎前可以印乾少少，因為都有出水嘅情況；煎嗰陣又可以落多少少鹽，除咗可以吊吓味，仲可以令帶子表面乾身啲，更加易做到表面焦糖色。另外店家仲加咗少少木魚絲、蕃荽、蘑菇等，可以增加口感，但味道上冇太大幫助。#蟹膏蟹肉意粉 🍝同樣用忌廉做底，醬汁creamy，意粉掛汁，加上蟹膏同蟹肉，每啖都充滿鮮味。但係怕腥嘅朋友又唔使擔心，忌廉令蟹味mild咗，所以唔會太濃，味道適中。配料方面有拆咗嘅蟹肉絲、蟹籽、兩隻蟹鉗仔同蘑菇等等，除咗可以增加鮮味，口感上大大提升。整體嚟講雖然冇明太子意粉咁驚艶，但以呢個價錢，都係好食足料嘅意粉，值得一試。#水牛城雞翼 🐓雞翼只限假日提供。醬汁一入口有種好衝擊既感覺，非常濃稠，少少辣味，可惜酸過頭。雞翼都偏大隻，肉質結實，不過外皮唔夠脆，加上醬汁後更易變腍。