Chef's Stage Kitchen

营业中

休息中

聽住將軍澳嘅朋友講天晉匯附近有間好出色嘅西餐廳，今晚特登過嚟試吓個薯仔煙肉餐湯真材實料，湯底混合咗好多磨碎嘅薯仔蓉，好飽肚；之後上場嘅係配上咗開胃嘅意大利黑醋嘅雜菜沙律，健康清新；其後就到牛肉他他出場，牛肉他他好大份，少少辣，配埋脆脆嘅麵包薄片，幾出色；至於主菜就係鮮蝦帶子墨汁意大利粉，鮮蝦同帶子分別有三大粒，食得出係新鮮嘅貨色，至於意大利麵非常掛汁，超級入味，而且意粉好煙靭，高質；第二個主菜係龍蝦肉眼配粗薯條，肉眼嘅份量非常慷慨，外面香脆，入面仲充滿着濃濃嘅牛肉汁分至薯條好有口感，炸得唔會過分油膩；最後叫咗兩杯嘢飲，分別係抹茶特飲同特別調製嘅mocktail，解渴又好味呢間餐廳面積都幾大，而且環境舒適，侍應服務專業，食物出色，性價比甚高， 十分推薦#chefstagekitchen

今日朋友帶左大食妹食好野，去左Chef Stage 食午餐，$118一個漢堡都唔算平，好彩唔駛加一Lunch 時間都唔算好多人，一入去就有位Lunch Set 會包餐湯，沙律菜同一小個牛角包餐湯系南瓜湯幾濃郁，沙律菜同牛角包普普通通雞胸漢堡配薯條$118平時食開雞肉漢堡通常都都用雞扒，雞胸相當健康又唔會鞋口中間夾住菠蘿同蕃茄，令個包更juicy 同fresh 漢堡包算鬆化，不過唔系好夠熱，暖D會好點薯條多肉份量都大大地

好耐冇食呢間，一直覺得牛好食。但今次真係好差！！午餐$188加餐湯$28個湯都冇之前好飲一黎到碟牛，已心知不妙！勁薄都算，叫7x切咗三四塊係勁熟！男朋友有問我要唔要叫人換不過我覺得熟都食到，廢事麻煩人！但後面係好生，完全有啲係切唔開唔知係咪淨係得我嗰碟係咁🥲又冇理由個時叫人換！但食到好唔開心，午餐黎講唔平應該同職員講既，個湯都唔ok🥲🥲配菜ok~意粉都ok係少量過之前最後埋單400幾！呢個價錢午餐真係唔ok!不過可能我唔好彩🥲🥲我見其他人碟野好似好d

.‼️❤️ 記得CLICK我PROFILE關注我呀 ❤️‼️.🧑‍🍳 物超所值嘅優質西餐廳 @ 🌟 Chef's Stage Kitchen 🌟.💁‍♀️ 圖片展示美食為：是日沙律是日餐湯新鮮活藍青口伴意大利軟包 HKD 198炭燒美國天然極黑厚切豬鞍扒 HKD 288黑松露牛肝菌蘑菇燴意大利飯 HKD 178焦糖燉蛋 HKD 58冰磚焦糖味鴛鴦 + HKD 38去去眼鏡走 + HKD 38.👽 將軍澳真係超多好嘢食，最近朋友仔介紹一齊去咗呢間西餐廳，用餐環境好有古典FEEL。.🦪 成個餐牌第一下吸引到我嘅就係呢一個「新鮮活藍青口伴意大利軟包」，因為重點就係「活」藍青口。上檯一大兜，個藍青口真係新鮮到冇嘢好講，店員話係由澳洲新鮮空運到港，絕對唔用雪藏貨！配上刁草忌廉汁同埋意大利軟包，令藍青口本身嘅鮮甜加上忌廉汁嘅濃郁，更加豐富！.🍖 另外就係「炭燒美國天然極黑厚切豬鞍扒」，比想像中厚身，估唔到咁厚都可以做到肉質鮮嫩多汁！經過炭燒處理保留咗豬本身嘅原味道。配上雞脾菇同蕃茄，再淋上燒汁，仲有薯條作為配菜，好滿足！.🍄 當然唔可以唔叫邪惡澱粉，「黑松露牛肝菌蘑菇燴意大利飯」無後悔！飯粒好飽滿，配上黑松

1. 法式生牛肉他他伴鵪鶉蛋及法式多士 $168❤❤❤生鵪鶉蛋較特別，牛肉他他亦符合預期，少少甜的味道。2. 鮮藍蟹肉及露筍燴意大利飯配鮮蝦頭膏 $188❤❤❤這道意大利飯味道較濃，每一口都充滿海洋的鮮味，如喜歡龍蝦湯的你會喜歡這道菜。 3. 意大利芝士餅 $78 ❤❤❤❤口感鬆軟，芝士味道濃郁，甜度適中，是不錯的甜點。❤愈多愈推薦(最多5❤)龍豬情侶評價：龍豬情侶用餐當天是慶祝生日，於訂座時亦有Remark，店家很貼心插上蠟燭及送上生日祝福。價格稍貴，如以將軍澳西餐來說，可有更好的選擇。推薦指數：7/10好味指數：7/10環境指數：7/10服務指數：7/10餐廳︰Chef's Stage Kitchen地址︰將軍澳唐俊街12號天晉匯地下G03號舖

星期五難得收早就黎呢間餐廳食飯，之後仲可以去海傍散下步。環境個人覺得好高貴又唔會好嘈，侍應好有禮貌而且食物質素都好好!鵝肝多士多士同鵝肝一定係最夾既組合，佢地既鵝肝煎得好香但又唔會好油膩，配合埋薄多士一齊食完全唔覺得油，加埋少少沙律菜一齊食真係幾開胃!西冷牛扒似乎都係大家會點的菜式，西冷五成熟岩岩好而且真係有炭烤味道，粉嫩既肉質食落仲好juicy，表皮脆卜卜牛味亦都好突出，整體真係好出色，拍得住扒房既出品!白酒海鑽蜆扁意粉另外呢個都真係幾好食。海鑽蜆相對大隻而且完全冇沙，調味岩岩好唔會太咸而且意粉口感真係al dente，啖啖肉再加埋扁意粉一齊食口感豐富又唔會食完好滯!士多啤梨香蕉朱古力& Hoegaarden飲品方面呢杯朱古力真係飲得出香蕉、士多啤梨同埋朱古力味道而且係新鮮即榨，因為我地咁岩坐吧台後面所以睇住佢整，唔係落糖水已經滿心期待，佢既味道亦都真係平衡得幾好!

之前喺觀塘幫襯過𝐂𝐡𝐞𝐟’𝐬 𝐒𝐭𝐚𝐠𝐞 𝐊𝐢𝐭𝐜𝐡𝐞𝐧嘅姊妹店，上個禮拜就去開將軍澳見到佢哋本店，就幫襯吓啦～兩個人唔想諗咁多就揀咗dinner set😛𝐃𝐢𝐧𝐧𝐞𝐫 𝐒𝐞𝐭 𝐟𝐨𝐫 𝟐 ($698)➿ 餐湯: 南瓜湯厚身又creamy😆➿ 炸蟹肉球伴虎蝦肉沙律 (+$18)蟹肉球好正啊🦀 入面真係有絲絲蟹肉☺️ 虎蝦大隻又彈牙，dressing酸酸地帶果香，好開胃啊！➿ 炭燒穀飼澳洲肉眼扒拼香草牛油焗波士頓龍蝦尾 配燒汁; 忌廉千層薯肉眼扒濃肉味，又juicy🥩 龍蝦尾肉質彈牙🦞 配菜忌廉千層薯好creamy順滑！➿ 墨魚汁鮮帶子海蝦扁意粉 墨魚汁🦑 帶點蒜香🧄 掛汁，好味！帶子同海蝦質素都唔錯～➿ 𝑺𝒖𝒏 𝑭𝒍𝒐𝒘𝒆𝒓 (+$38)好鍾意呢杯嘢飲嘅水果配搭☺️ 有番石榴、橙🍊同埋熱情果，酸酸甜甜，清新又解膩～➿ 𝑪𝒉𝒐𝒄𝒐𝒍𝒂𝒕𝒆 𝑩𝒂𝒏𝒂𝒏𝒂 𝑺𝒕𝒓𝒂𝒘𝒃𝒆𝒓𝒓𝒚 (+$38)呢杯嘢飲嘅配搭相信係唔少人嘅comfort drinks😆 朱古力味🍫唔會搞到其他味道冇埞企👍🏼🌟鍾意餐廳注重細節位，例如：埋單係用一個小煎pan，再加一隻雞蛋嘅磁石係攝住張單，好有創意啊！

同事極力推介Chef’s Stage，話平日lunch set極抵，一個價錢包餐湯、沙律、主菜、餐飲，仲要唔使加一，搵左個下晝同媽咪試下。環境好舒服，陽光灑入黎好chill~坐得又舒服！平日都有好多居民gathering，又唔限時👍🏼餐湯係椰菜花忌廉湯，好creamy足料，點面包好夾，沙律夠fresh！Main點左<豬𩣑$158> 同<雞肉pasta $118>炭燒豬𩣑配紫薯，唔止食慾，食落都好match，豬𩣑好juicy唔鞋，配菜出色！雞肉松露忌廉汁fettuccine，sauce惹味，雞肉可以多啲😛Order咗啲特別嘅嘢飲，媽咪試試Sangria，炎炎夏日飲夠refreshing！我就鴛鴦，有咖啡冰磚，幾特別同賣相好好😆抵食可以encore🥰

今日放工去左將軍澳嘅Chef Stage kitchen食嘢,呢間嘢嘅裝修令人好舒服，好chill返工咁辛苦，唔想再用腦諗食咩啦，所以直接買咗個兩人餐意外嘅係佢哋嘅餐包都有兩種，一種係比較脆身嘅麵包棒，另一種就係有煙un嘅麵包前菜我哋嗌咗炸蟹肉球伴虎蝦沙律，蟹肉球啱啱炸起上枱，所以聞到好香嘅炸味！沙律果汁酸酸甜甜，作為前菜佢好成功打開咗我嘅胃口😂主菜方便我哋叫咗炭燒穀飼澳洲肉眼扒拼香草牛油焗波士頓龍蝦尾配忌廉薯蓉個肉眼扒超好食，厚肉，而且煎得好好封鎖住啲肉汁，咬落啖啖都好Juicy龍蝦尾爽口彈牙，鮮味都好重另外個主菜我哋嗌咗墨魚汁海蝦帶子意粉，本來對墨魚汁意粉都冇特別期望，估唔到呢間餐廳嘅墨魚汁意粉真係會食到墨魚嘅甜味，而且帶子亦都好大粒😌 所有材料都好新鮮嘢飲方面，我哋嗌咗啤酒同埋士多啤梨香蕉朱古力smoothie, smoothie好大杯 都味道都幾啱我入，唔算太甜👍🏻

喺呢頭搵食見到間座位寬敞嘅西餐廳又有酒飲，就同朋友試下～我地被安排到坐梳化卡位 好舒服 可以同朋友嚟happy hour chill下叫完嘢食首先有餐前麵包食～頭盤之一雞尾凍蝦 有8隻啲蝦新鮮彈牙 又好夠凍Cocktail sauce甜甜地 少少辣加埋少少檸檬汁 好快就清哂8隻蝦另一個頭盤叫咗炸蟹肉球伴虎蝦肉沙律炸蟹肉球外脆內軟，成個球由一絲絲嘅蟹肉組成，十分足料，啱晒鍾意食蟹又唔鐘意拆殼嘅我🤣另外配嘅虎蝦好有鮮味同彈牙，配埋微酸嘅牛油果沙律醬，夠晒開胃！個鮮藍蟹肉及露荀燴意大利飯配鮮蝦頭膏好香 啲飯粒唔會太硬或淋個汁又唔會太膩 味道啱啱好啲蟹肉同露荀都有幾多 成碟都好鮮味平時食牛同豬多 見呢度有燒春雞就轉下口味啦！好有驚喜！隻春雞燒得超香 又好多肉 唔係得啲骨同少少肉咁有好多伴碟蔬菜個蘑菇汁係點綴 好香濃 同雞肉好夾雞肉有肉汁且嫩滑 就算係胸位都滑唔會鞋炎炎夏日當然唔少得凍嘅cocktail啦

平時好少黎將軍澳～今日因為朋友住附近意外發現了呢間西餐廳～前菜有餐包、餐湯同紅菜頭沙律紅菜頭好味又健康沙律用橄欖油同沙律醋 酸酸味味好開胃我地Order左 一份扒 一份意粉Share「頂級1955肉眼牛扒」牛肉既油脂分佈好平均 愛吃牛扒既朋友表示非常滿意除左有薯條、重有菜同菇份量好大～墨魚汁鮮帶子海蝦扁意粉墨魚汁非常非常creamy很有水準佢地既鴛鴦非常得意～咖啡冰磚慢慢溶入奶茶而形成鴛鴦好飲因為朋友生日見到佢地有一個精選甜品拼盤侍應捧過嚟嗰陣時 帶住乾冰煙霧～ 重提供埋生日牌效果超正、朋友既驚喜又開心大家都瘋狂影相拍片👍成個甜品唔止睇得3款蛋糕味道都非常好～整間餐廳服務、食物味道都很不錯朋友都表示這餐生日飯非常開心滿意

今日去了將軍澳，泊車附件找到呢間餐廳，室外室內都設有座位。落雨關係坐室內。下午茶時間，人客不多，室內燈光昏暗不過倒是坐得舒服。忌廉芝士牛油果配火箭菜伴炸番薯條：青翠的火箭菜與滑嫩的牛油果相得益彰，配上香脆可口的炸薯條，口感層次豐富。卡邦尼車厘茄意粉：意粉伴隨醬汁濃郁芳香，車厘茄的酸甜果香點亮了整道菜品，令人胃口大開。飲品方面，因為下午茶時間，我們還是喜歡飲些熱茶。茉莉花茶和伯爵茶各自精彩，茉莉花茶清香，伯爵茶沉穩，能舒緩消化，同時解渴暖胃。最後的甜品Tiramisu則是這家餐廳的招牌。濃郁的奶香和咖啡香,蛋奶佐以可可粉的層疊，甜味帶來愉悅感

最近喺將軍澳附近食一間幾有特色嘅西餐廳，有室外座位亦都有室內座位，如果帶寵物可以坐室外座位，室內裝修都好有格調，食物質素都唔錯，員工服務態度都好好。開胃菜前，送上餐包脆餅，同堆龍蝦湯同埋南瓜湯。龍蝦湯非常香濃，而且南瓜湯有淡淡的南瓜甜味，各有特色。開胃菜係一個特色沙律配蟹餅，蟹餅好Creamy，外皮好脆，另外仲有啲蝦，配上濃郁嘅蛋黃醬同埋沙律醬，仲有啲開胃嘅蕃茄仔，係一個幾特別，而且又相當開胃嘅前菜。蜆肉意粉呢度嘅蜆肉意粉同出邊有啲唔同，呢度嘅調味唔會太重，酸酸辣辣咁，都幾惹味，蜆肉都好多隻，而且非常鮮甜，意粉煮得啱啱好，整體感覺幾特別。龍蝦配牛扒呢個超級推介，牛扒好Juicy而且牛味好濃郁，龍蝦焗好，然後仲切好咗出嚟方便食用，另外side dish配上好Creamy嘅薯蓉 ，另外仲有各式各樣嘅蔬菜，例如秋葵同埋青豆。佢仲叫咗兩杯夏日特飲都好有特色。Forest 係由薄荷，芒果，仲有菠蘿整成嘅沙冰特飲，超級fresh ，而且菠蘿味都好香。另一杯特飲叫做 pandan pineapple, 佢有班蘭葉嘅香味，亦都有菠蘿嘅甜香，兩者加埋又幾好飲，係一杯比較Light嘅飲品。

自從冇喺元朗返工之後都好耐冇食過🥹今次過嚟將軍澳就食吓佢嘅分店回味吓😌🍖炭燒美國豬鞍扒 ($178)嚟得Chef’s Stage😆炭燒扒係必叫❗️因為真係真係食到好香嘅炭火燒🤤但更令我驚艷嘅係點解豬鞍扒都可以咁軟熟咁juicy👍🏻配菜都有炭燒過，勁有心機🥰另外忌廉千層薯都好creamy好好食😋不過如果食哂成個就覺得有啲偏鹹🫣🫣🥩炭燒美國頂級1855西冷扒 ($298)呢個係特別餐，所以會包餐湯、牛角包同飲品🍸而其他餐就會包餐飲☺️ 西冷扒火喉拿捏得好好，同樣充滿炭火香，但又保持到五成熟😌肉味又濃，高質👍🏻

住喺將軍澳天晋的朋友極力推介，話雖然呢排香港的飲食業唔多掂，但佢樓下呢間”chef's stage kitchen “就日日很多人，咁一於呢日就來試吓喇。怕煩，嗌咗個DINNER SET FOR 2最最簡單，叫咗餐湯係雞肉周打湯，意想不到的好飲，沙律就係生果沙律，有柚子，橙，有青瓜，有車厘茄，當然唔少得沙律菜，全部都非常之新鮮，所以加少少意大利醋已好好味。海鮮控的我時時刻刻掛住海鮮，因此頭盤就有“香煎珍寶带子及煙三文魚酥皮餡餅”， 珍寶級的带子鮮甜柔軟， 鹹嘅餡餅有特色，相得益彰；主菜有扒有龍蝦，這就是“牛西冷炭燒穀飼澳洲肉眼扒拼香草牛油焗波士頓龍蝦尾” 配燒汁&薯菜，牛扒五成熟，可見到粉紅色的質地，而龍蝦食慣中式煮法，今次嘅西式焗煮做得好好，龍蝦啱熟好嫩滑；貫徹始終的另一主菜依然海鮮，佢就係“墨魚汁鮮帶子海蝦扁意粉”，新鮮煎得微焦的帶子海蝦勁有海洋的味道，兩杯飲品係Guava 和Cranberry juice，一酸一甜随你鍾意。