Co-Dining Space (已結業)

話說同朋友慶祝生日，佢選擇咗呢間食佢既生日飯，其實我覺得每一個菜式價錢尚為偏貴，無論是前菜或主菜，食物都幾好，明太子蟹肉意大利粉都唔錯，田螺都ok但份量少，但唯是黑毛豬就有一串有啲燶，影響咗個碟菜式既外表，黑毛豬配蕃薯條，蕃薯條都幾好，但沙拉菜偏少，多返少少會比較好，整體上我覺得只係價錢定價太高。服務就一般，無人自動會fill水，要叫先fill，如果店員主動fill會比較好，因為當時唔算多人。不過我都係去一次無下次了。

一行六人，諗住去尖沙咀搵個地方慢慢坐下食飯，有人提議嚟呢度試吓，其實OpenRice同eatigo都有得訂座，eatigo 仲要六點半入座有半價優惠，但最後我哋揀咗OpenRice，因為冇註明限時，再打電話confirm咗Booking。我哋六點半去到，食到大概八點三嘅時候，職員同我地講佢八點半有其他Booking，想我地離座。我哋詢問點解唔一早講明有限時，佢話因為OpenRice冇得俾佢同我地溝通，呢個究竟係一個乜嘢爛理由？仲話見我哋多人已經俾我哋食多左半個鐘，佢哋係限時1.5小時。咁我哋問會唔會俾返少少折扣我哋，佢話唔可以。其實我覺得餐廳係我哋打電話去confirm Booking嘅時候，或者我哋入座之前可以提返客人佢哋有限時，咁嘅服務就算俾你食龍肉都唔會食得開心。到最後埋單，職員話信用卡只收american express, 都無所謂，我哋有呢張咭，但係搞咗好耐，佢最後都出唔到張信用卡單俾我簽名，但係就話扣咗數，唔係需要我簽名先過到數㗎？？佢最後俾咗張食嘢order單我哋，叫我地遲啲有問題可以搵返佢地。其實有啲擔心囉。講返啲嘢食黑毛豬串燒拼炸蕃薯條呢個係全晚最好食嘅菜式，啲豬味幾

約咗朋友同阿仔一齊共進晚餐，今次揀選左係尖沙咀嘅樓上西餐廳，位於廣東道嘅co dinning space 環境不俗，係屬於光缐充足嗰種西餐廳，唔係candlelight dinner. 前菜係白酒煮青口及哈蜜瓜配巴拿馬火腿 主菜叫了一份燒烤醬汁豬仔骨，醬汁香甜美味，而用來伴菜嘅薯條都一樣出色！另一份叫咗燒春雞配薯蓉，燒春雞醃得夠味，個皮笑得好香脆，雞胸部份略嫌太熟，有少少乾身。黑松露醬雜菌意粉醬汁好香凍榛子咖啡

今日去了尖沙咀的樓上舖 ，那兒地方不算很大 ，但很有格調。 我們四個人 叫了兩個前菜 ，三個主菜 。食物分量十足， 味道亦不錯。 前菜有巴馬火腿配哈密瓜， 白酒忌廉青口。 兩個前菜都給人一種很清新的感覺， 特別是哈密瓜 非常甜美， 配上味道濃郁的巴馬火腿 ，可謂絕配 。主菜方面 ，有醬燒bbq豬肋骨 和燒春雞， 豬肋骨肉質嫩滑 ，加上bbq汁， 非常惹味 。燒春雞份量十足， 但略嫌肉質未夠嫩滑 。最後來個黑松露雜菌意大利粉，味道不錯， 喜歡吃雜菌的朋友值得一試。還想多加稱讚的是店員服務殷勤，極有禮貌。

地方細細但感覺唔局促，菜式選擇不少，最緊要價錢合理，比同區地舖起碼平二三成。啱晒約朋友嚟飲嘢食飯！推薦菜式：小吃併盤$228（大）有四五款小食，每款有四件，其實就係一次過點咗四，五客小吃！雞翼同炸蕃薯條最好味！帶子意大利飯 $148 刺身級帶子都幾大隻吓，飯粒軟硬適中😋

同朋友約系尖沙咀食嘢順便行街，我哋就搵咗呢間系廣東道嘅西餐廳，因為見佢哋價錢又唔系好貴，食物睇落有好靚，令人好有食慾。咁我哋就由流尚坊度坐電梯上11樓。上咗黎之後就由人招呼我哋坐低啦，最後我哋就叫咗個招牌黑松露菌麵包蟹蓋意大利飯，西班牙香辣蒜油蝦，同三文魚沙律嘅。食完之後我就覺得呢個招牌黑松露菌麵包蟹蓋意大利飯真不愧系佢哋嘅招牌菜。黑松露好香，配埋個意大利飯好夾，而且個飯嘅造型都好好睇就用個麵包蟹殼裝住。

今日系 同朋友係海港城 行完街就想睇下附近有咩好嘢食。咁就見到呢間 Co-Dinning Space 睇落唔錯，做開 d西餐同埋價錢又唔系好貴。個門口望落就好小清新嘅，用d木頭做墻底，白色嘅字，睇住好舒服！入面嘅裝修都好簡單，小清新，全部都系白色同木頭色。我就好鐘意佢哋嘅西班牙黑毛豬串燒配甜番薯條，d肉好多，分量好足夠，外面焦焦哋，入面肉好鮮嫩。配埋d生菜，就好健康，唔會太油膩。而且佢哋嘅甜番薯條都好好食！！

終於到咗我嘅生日月份啦！咁即係要展開一連串的增肥飯局了！今晚好同事約了我及家人一起去尖沙咀廣東道一間樓上西餐廳享用美食。Co dinning space 在海港城對面的流尚坊樓上，地點幾方便。餐廳佈置清雅，坐得幾舒適！是日放工即刻去開餐，六點已到達餐廳等家人一齊 ，先叫咗飲品傾吓計先。叫咗一杯特濃朱古力奶昔同凍榛子咖啡。人齊了，先吃前菜，點了一份Parma ham哈蜜瓜，又咸又甜的組合相當夾！再來一份白酒煮青口，青口鮮嫩美味！主菜叫了一份醬汁豬筋骨及燒春雞，一份配薯條，一份配薯蓉！d薯條份量十足，而且香脆可口，又唔會乾身！好好味！燒春雞都幾大隻，醃得幾香，帶少少微辣，配埋沙律菜同薯蓉，完全唔覺得肥膩！大約七時，餐廳已差唔多滿座，可能係寫字樓啲人放工過嚟食飯，不過餐廳播着音樂，其他食客都唔會太大聲傾計，仍然坐得好舒適。　

之前黎食過，好鐘意佢哋價錢合理，環境舒適，食物有好食。所以今次我就同朋友兩個人特等揀咗呢度，敘下舊。我就推薦咗個招牌黑松露麵包蟹意大利飯比我個朋友，咁自己就叫咗個新款，日式芥末煙三文魚意大利飯，ok嘅，味道唔錯，d煙三文魚好多好好食，料好足夠，個意大利飯同個日式芥末都好夾，入口口味十分之多層次，首先我就feel到芥末嘅刺鼻然后慢慢就有d香，再回味就系意大利飯嘅香甜同芥末嘅香味。我個朋友粉都話唔錯！！

喺尖沙咀行街 行到攰 又拎住一袋二袋所以喺附近搵嘢食 嚟到呢間位於廣東道嘅樓上cafe 晚餐時間 餐廳裏面都坐滿左客人好彩啱啱有台客走 我哋先至可以有位坐*招牌黑松露菌麵包蟹蓋意大利飯原隻麵包蟹蓋 裝着熱辣辣又燙口嘅意大利飯上面鋪左香味樸鼻既黑松露菌同焗到半溶既芝士 意大利飯并無因為黑松露冋芝士而變到重口味 味道剛剛好飯粒有口感得黎又唔會太硬*醬燒BBQ汁豬肋骨-四件雖然只係四件骨 但都幾大份 夠晒睇頭個樣又靚 係影相打卡既好機會肋骨沾滿左厚厚嘅BBQ燒汁 夠曬濃味薯條香脆 食唔停口 仲有沙律菜伴碟 可以解一解滯*沖繩限定黑糖奶昔*港式奶茶奶昔唔會太大杯同太甜奶味夠仲有細細粒黑糖 都幾特別

（中大伏！）明太子蟹肉意粉... 期望越大失望越大，係勁失望。勁咸，得個咸字.. 人地外面平均一間cafe 都做得好食好多。D蟹肉其實係無蟹味的... 意粉水滑滑的.. 三樣野加埋，不知所謂。前菜薯蓉escargot.. 薯蓉好明顯用粉冲的，無cream 或牛油味，escargot 又係無味。朋友叫的pasta 都係唔好食唔明點解呢間co-dining place 係open rice 甘高分..

同朋友喺尖沙咀行完街，偶而搵到Co-Dining Space呢間樓上餐廳，就決定試下！由於時間尚早，唔算有好多人，walk in唔洗等好耐就有位啦～餐廳店面唔算好大，但都算闊落，唔會好逼，裝潢亦都幾簡潔，睇得出有比心機裝飾，環境算唔錯啦，幾舒服呢度晚餐無論前菜、主菜定甜品，選擇都算多，特別係野飲方面，就有更多選擇。法式薯蓉焗田螺（$88）前菜我地揀左法式薯蓉焗田螺，賣相不錯，底部嘅薯蓉好香滑，中間夾有唔少田螺，非常足料，而且已經去曬殼，食嗰陣好方便！最上面鋪滿芝士，令到成個小食都好香，唔錯！招牌黑松露菌麵包蟹蓋意大利飯（$198）主菜揀左個招牌嘅意大利飯，呢個面頭一樣鋪滿芝士，而且仲有唔少黑松露，上枱嗰陣已經聞到勁香嘅黑松露味除左蟹肉，蟹蓋入面仲有雞脾菇、青椒等等嘅材料，整體嚟講個飯都幾好味，不過份量再多小小就更好啦羅勒醬帶子意大利粉（$148）個人幾中意呢個意粉，啲帶子煎到好香，但係又唔會過熟，依然好鮮嫩～意大利粉唔會煮到好淋，夠彈牙。不過雞脾菇有好多，相比之下帶子嘅份量就少好多啦。荔枝薄荷特飲（$42）呢杯荔枝薄荷特飲好清涼，薄荷味好重，但係荔枝味相比之下就冇咁出啦！但係因為我好鍾

唔係朋友介紹都唔知，原來廣東道有一座大廈有好多好嘢食。今次朋友仔搵咗呢一間 Co Dinning Space，上到去感受有小清新，裝修好靚而且環境好舒服。由於我地去到嘅時候，時間仲好早，未到一般晚飯時間，所以未係好多人，好舒服。我地叫咗三個小食同一個飯，出奇地好食！頭盤係巴馬火腿拼哈密瓜，啲哈密瓜好甜好多汁配埋巴馬火腿一齊食剛剛好！第二個小食係美國香辣脆雞翼，外脆內軟，而且唔會太辣，我朋友係唔食得辣嘅人都話好好食！第三樣西班牙黑毛豬配番薯條，薯條炸得好脆，黑毛豬嘅燒得岩岩好，啲肉柔嫩又多汁。呢個真心西利，就咁睇賣相已經心心眼！！！最鍾意佢用甜甜的番薯條，不是普通食開的薯條！主食我哋就叫咗煙三文魚意大利飯，啲飯嘅軟硬度剛剛好唔會太濕又唔會硬掘掘，而且啲竟然有Wasabi嘅味道，好驚喜。三個女仔食呢個份量岩岩好！唔會太飽、又唔會唔夠！今次朋友仔揀得非常好。值得一讚！

老友既birthday就是正正係最好去食好西既理由啦! 今天特意帶她去位於尖沙咀廣東道既Co-Dining Space傾下計咁,店員介紹了心太軟配藍眼淚雪糕給我們既，是呢一間餐廳先至有既,真係好特別,好好食,係其他餐廳係絕對食唔到呀! 我地就仲自己點左一個好大個既小食拼盤，樣樣野都都好好食,感覺好正! 第一次係Co-Dining Space既呢一間餐廳度食飯，好好坐呀,好舒服呀，我同我老友都好滿意生日係呢一間餐廳個度過!

難得和朋友準時收工，而大家都想吃一頓豐盛晚餐就openrice找間正嘅，看Co-dining Space既呢一間餐廳好評如潮，於是我地大家一大班人就進去試試看，岩岩泥到，尚未有太多人，呢度既環境格調都適合情侶和三五好友聚會!!!!!!一大班人泥食,當然要返個白酒忌廉青口,好濃郁,好好味,好好食,好香白酒味,海鮮黎講都真係算係幾高質呢,大大碟,好抵食呀,我仲叫左好多好多碟食物,唔係好貴,好正!!!!!!