Coffee Art

营业中

休息中

食物一般，尚算合格，可惜服務態度好差，職員遞餐過嚟時，我想再叫野飲，佢即時回答「等我放低D野先得唔得？」語氣極硬，放低沙律時力度過大！我冇同佢哋過唔去喔，亦都冇比麻煩佢哋，點解會咁唔耐煩？本人已光顧第二次了，感覺一樣！保證唔會幫襯第三次！

抱住支持的心態去光顧，換來含淚投票支持的感覺，一份178元的西班牙紅蝦（5隻）配龍蝦汁薯仔粉，原來只是本地白灼蝦濫竽充數而已，而且 蝦的 size 細得可憐之餘，肉質亦好霉，粉的份量亦不足，不過，僅以撈龍蝦汁食而言，粉多亦無謂，個人絕對討厭「廿蚊張」，但有一句說話，諷刺也好詆毀也好，佢講得有道理，要人幫襯，食品都要好食（就本人而言，唔難食、合理）先至得，碟粉未到前本想食完再試蛋糕及咖啡，不過，算了，無謂了...

佢係新都城感覺相對無咁多人，所以等咗一陣就等到窗口位😆窗口位真係好舒服，又無乜人會經呢條路，如果有時間建議等👍🏼·Egg Benedict配煙三文魚牛油果法包荷蘭汁。好好味，法包唔會好硬，夾埋嚟食正😋Mini All Day香草雜菇。雖然係tea set，不過都好大份👍🏼Mocha。個拉花好靚呀😍😍Flat White。好香濃，好岩我，不過如果大杯少少就好喇😝·我下次都要叫mocha先，拉花好靚😍

姊妹團今日行完寶琳站附近的小夏威夷徑，浩浩蕩蕩走去新都城一期搵食。呢間咖啡店去過觀塘那間，記憶中非常好。既然開了分店，點都要幫襯一下。蜆肉意大利麵（微辣）蜆肉不少，辣度比想像中辣，我本人可接受。惹味。整體調味過於鹹，於是乎向店方反應，立即幫我們重做，今時今日呢種服務態度真係好好。柚子汁沙律柚子汁清新開胃。沙律菜擺放太耐，表面己起生銹顏色。蘋果芝士蛋糕中規中矩，芝士味不太濃，蘋果粒多。Mocha採用比利時70%朱古力，味道濃厚，略兼溫度不夠。

唔好食 今日食左個Tea Set 比起平時食既cafe 差好遠 其實都唔知自己食左啲咩蛋係炒得唔錯但係無咩蛋香咖啡又唔係好熱如果用咁既價錢有好多好食過佢既cafe 唔值得去食

一間經常見到要排隊既餐廳，開左咁耐，終於落去食。蟹肉蟹籽蟹柳意粉，一擺底就聞到好腥，意粉好乾，無意粉香味，咬落唔彈牙，粉得黎少少硬忌廉雜菌意粉，淡炆牛尾意粉，意粉無味，咬落唔彈牙，粉得黎有少少硬，係無用油鹽去煮意粉？意粉質素差吧！鵪鶉脾，無肉味，有點苦青口已經係咁多樣野好食d到咖啡喇，咖啡應該最出名吧，Sea Salt Caramel Latte，完全無咖啡香，caramel味少，不如用岩鹽啦，唔係求其一包中國海鹽就岩用架，只係得個咸字又融合唔到落去

隱藏係住宅區既小咖啡店🏙竟然好有大驚喜🎊咖啡同甜點都好有心機💞好適合黎Chill一個下午⛅️⭐️ 桂花豆腐芝士蛋糕 🌼口味好貼近日系感覺🇯🇵 蛋糕好輕盈🍰芝士味唔係太重🧀 淡淡地 桂花香隱隱約約滲出黎💛有點Homemade感覺🏠但質素更上一層樓⭐️ 法式蛋白檸檬撻 🍋面頭既蛋白好Fluffy 好輕盈🥚 而檸檬Curd 好清新 自然既酸🌿 賣相既精緻💕同調味既平衡做到高級甜品店既感覺🍮⭐️ 海鹽朱古力 🍫用左比利時70%朱古力調配🇧🇪 好濃厚 用適量既海鹽吊出個平衡就岩岩好🌊 好欣賞佢唔會預先落糖 👍🏻 因為本身比較鍾意試到朱古力既苦味🖤⭐️ 拿鐵咖啡 ☕️雖然豆味唔算好濃同Complex 但係同牛奶既比例岩岩好🥛 送左一個HK字樣既拉花🇭🇰 靚得黎好感動🥺🥺

今日晏晝 3 點幾入到去將軍澳想行吓, 順便搵食, 上嚟 search 到喱間 Coffee Art, 就一於去試吓啦! 雖然店家位於商場地下門口隔離, 但人流唔多, 所以好好彩地唔使等, 量完體溫消毒完對手, 店員就安排入坐了。   由於我同 P san 上晝食咗好豐富嘅早餐, 晏晝只想食個 tea 算了, 所以點咗兩份 Mini All Day Breakfast, 佢有四款主菜可揀, 我同 P san 分別揀咗配英式豬肉腸同煙三文魚。 等咗唔夠 10 分鐘, 食物上枱了。 Mini All Day Breakfast 除咗會配主菜外, 仲會配兩片法包、 沙律菜同炒滑蛋。 先講吓主菜英式豬肉腸, 喱個唔太突出, 不過有淡淡嘅西式香草味、少少豬肉味同黑椒味, 同一般嘅英式豬肉腸差不多; 而煙三文魚方面, 有煙薰味而且唔會太咸, 但未算太出色。 之後就講吓配菜方面, 滑蛋真係好滑, 所以我估店家應該有落奶去炒, 而且有好香蛋味; 嗰兩片法包, 塗咗橄欖油同少少西式香草, 有住淡淡嘅香氣, 而法包外脆內軟, 都幾有口感; 最後亦都係我最欣賞嘅沙律菜, 店家將菜切到每一片都細細片, 好易放

呢間cafe都已經開左一段時間，但一直都未試過，咁晚餐時段見個價錢都唔太貴，值得一試！好可惜晚餐嘅餐飲係唔包咖啡，得茶飲，所以冇得試佢d咖啡。 ➡️ 冬陰公豬頸肉意粉 ($98) ⭐️⭐️⭐️💫 好特別嘅意粉，真係好似食緊冬陰公咁。意粉軟熟度啱啱好，只係細碗左少少。 ➡️ 黑松露雜菌忌廉汁意大利粉 ($85) ⭐️⭐️⭐️💫 黑松露味好香，不過啲汁就比較稀，好彩蘑菇都幾多幾有咬口。 ➡️ 南瓜忌廉湯 ⭐️⭐️⭐️ 普普通通，冇乜特別。作為開胃菜幾好。 .............................. Coffee Art 地址📍: 將軍澳貿業路8號新都城中心1期地下G95號舖 總評分: 6.25/10 .............................. 味道😋: ⭐️⭐️⭐️💫 環境👀: ⭐️⭐️⭐️ 服務👨🏻‍🍳: ⭐️⭐️⭐️ 抵食💰: ⭐️⭐️⭐️

行完山，食個tea ☕, 疫境下係一件非常治癒嘅事，要等幾張檯，不過都算快，限聚令下我地4個坐咗張大檯，檯唔密，樓底高，幾闊落🤗，tea set 價錢都幾親民HKD48配一杯茶，我要咗雜菇set , 有沙律菜，炒蛋，法包同雜菇，賣相都幾好，份量都唔少，不過菇有啲油，而其他食材其實都無乜調味，所以就唔太吸引，反而甜品有驚喜。我地跟餐加咗4款cake 🍰, 每款加HKD30, 4款都高分，包括有柚子芝士，錫蘭紅茶芝士，檸檬芝士，桂花豆腐芝士，由於芝士味濃🧀，質感又唔會好實，所以感覺稱心，我個人特別豆腐芝士，因為豆味好香。

啡·嚐 @ Coffee Art今次嚟到寶琳一間幾多人打卡嘅咖啡店，客人唔算太多，而且佢地方都比較大，有好多座位，所以好快已經安排入座😀今日比較肚餓，叫咗個all day breakfast，感覺都一般，就唔特別講啦，而佢地嘅flat white比較厚身，我比較鍾意呢種飽足感😋最後試埋佢哋嘅手沖，都係感覺中等😅其實我覺得想飲手沖去總店搵老細沖比較穩陣😆總括黎講，無論食物咖啡同埋環境，呢間咖啡店都係比較中庸之道，而且因為位置比較偏遠，我諗再去嘅機會應該比較細啦😅😅食物：⭐️⭐️⭐️咖啡：⭐️⭐️⭐️⭐️服務：⭐️⭐️⭐️環境：⭐️⭐️⭐️番叮：⭐️⭐️⭐️#aus_cafe

趁著星期五百無聊賴，就到樓下的Coffee Art吃頓午餐。因應疫情影響，用餐時間縮短至只有一小時，但因環境關係仍無阻慢活的感覺。柚子汁雜菜沙律沙律菜十分新鮮爽甜，配上柚子醬份外清新。香草牛油法包外脆內軟，牛油份量剛剛好，不會佔用太多胃部空間。主菜：煙三文魚蟹籽忌廉汁意粉意粉彈牙而且入味，忌廉汁相對creamy。唯煙三文魚略帶少少鹹味，但蟹籽的口感可以彌補於此過錯主菜：溫泉蛋煙肉白菌忌廉汁意粉配料什多，主角溫泉蛋白裡透蛋黃，一打穿溫泉蛋，與意粉混為一體creamy的忌廉汁配上杰撻撻的蛋汁，令成碟意粉好juicy。左：葡萄牙製橙汁，右：熱茉莉綠茶$68 套餐有仔沙律/湯、主菜、飲品，再面對Coffee Art的舒適環境享用美食，絕對是心曠神怡

🍅 蕃茄海鮮意大利飯 連頭盤 飲品 HK$98海鮮材料好足， 原隻虎蝦、帶子、藍青口。蕃茄味唔算特別重。飯粒豐富，食起黎比較飽。.🍝 黑松露雜菌忌廉意大利粉 連頭盤 飲品 HK$78朋友點嘅意粉，黑松露味道正常，唔算特別濃郁，勝在唔會好鹹。忌廉比較結身，係幾Creamy嘅。.🍟 炸粗薯條配黑松露醬 HK$30薯條係幾粗身，幾脆身。原本見黑松露醬好似好多幾開心。 😪 可惜幾乎無黑松露味道，而且好鹹，少失望。.🍸 蒜香白酒煮花殼蜆 HK$40餐牌寫話大約18隻，我冇數清楚有幾多隻，但係感覺真係好多，食極都食唔完咁。😋 佢用上脆蒜、同洋蔥、白酒，所以食起嚟嘅時候特別有味道。呢款小食幾抵試。.🍫 海鹽朱古力 (H) (套餐轉配加HK$28)熱飲成個孫悟空咁，好搞笑。因為上網睇個個都話要試，所以忍唔住TryTry佢。比利時70%朱古力，朱古力味道都算幾重，但又稱不上好濃郁或者好滑嘅感覺。勝在加上海鹽味道，減少溜感，味道無咁單一。😂 又冇網上啲人講到咁誇張地好飲嘅，不過去開可以試下。.🧊 海鹽朱古力 (C) (套餐轉配加HK$33)--📌 晚餐時段📌 另收加一服務費

Instagram : foodrecipe.life呢排冇咩事大家都最好留喺屋企前幾日都係因為有嘢做我先至要出去😮去開寶琳就決定試下呢間cafe一去到就見到餐廳裝修畀人一種好舒服簡約嘅感覺, 如果唔係因為疫情真係想喺度坐咗成日😪頭盤:香草牛油法包🥖法包食落去蒜蓉牛油味都幾香, 但係麵包 係室溫🌡所以感覺扣咗好多分😞如果稍為翻熱少少應該會超級好食😛味道 :6/10性價比:7/10餐湯+20)黑松露忌廉雜菌湯🍄本身我好鍾意飲湯，我覺得湯最重要嘅係要夠熱先至好味。 個湯嚟到嘅時候已經係暖,一啲都唔熱。 不過飲得出個湯真材實料好重黑松露同 雜菌味， 而且飲得出係用攪拌機打爛啲雜菌，口感非常厚實。 不過調味方便就比較淡，個人嚟講覺得幾好，因為更加食得出雜菌同黑松露嘅香味👍 將發包點落去雜菌湯度食更加好味！味道 :8/10性價比:6/10主菜:煙三文魚蟹籽忌廉汁意大利粉🍝一嚟到擺盤已經好靚好吸引人想一啖食咗佢😂 而且蟹子同煙三文魚嘅份量都畀得好多, 意粉嘅質地都做到Al Dente💯 呢隻忌廉汁嘅味道偏甜,所以食落去冇平時嗰啲咁膩,比較開胃。 整體嚟講意粉都幾好味唔會因為太膩食唔曬， 味道都好夾

將軍澳區實在偏少黃店啦，難得係寶琳新都城商場搵到間環境幾舒適寧靜好岩同朋友坐低傾下計嘅黃店cafe💛觀塘亦有分店不過tko分店環境坐得舒服點。.Lunch menu 1130-1800 配柚子汁雜菜沙律/香草牛油法包、熱伯爵紅茶或茉莉綠茶。Dinner menu 1800-2100 配南瓜忌廉湯/柚子汁雜菜沙律、熱伯爵紅茶或茉莉綠茶。 餐飲轉咖啡或朱古力飲品另加～$25👓香煎龍利柳南瓜汁意大利飯 $75龍利柳好大塊又厚肉，好嫩滑，用牛油煎所以香口。飯吾算好creamy所以吾漏，但由於南瓜汁吾算好稠南瓜味唔太重所以整體個飯味道偏清淡。評分：7.5/10👓溫泉蛋煙肉白菌忌廉汁意大利粉 $58溫泉蛋夠流心幾正，有煙肉同蘑菇，意粉帶煙韌質感幾好，忌廉汁剛好，未去到卡邦尼果種好濃郁帶漏嗰種地步。評分：7/10👓蘭姆葡萄芝士蛋糕 +$28即係冧酒提子芝士蛋糕💁🏻‍♀️冧酒味唔算好明顯，覺得可以重味啲，提子料亦唔算好多，不過芝士味唔算好強烈所以唔會好漏，而蛋糕質感偏慕士feel似食緊豆腐蛋糕。評分：6/10