Colour Brown

营业中

休息中

深水埗手作材料嘅集中地，同時慢慢變成新文青店嘅地方💫 好多人都嚟呢度行下打下卡 ☕️呢間復古綠為主、加室內旋轉樓梯嘅Cafe都吸引咗好多人💚💁🏻‍♀️嘢食揀咗個正路 全日早餐 $108🍳 炒蛋岩岩夠滑、同埋包有紅豆同提子乾，甜甜地唔錯👌🏻 黑蒜野菌扁意粉 $88 炒得係夠香，意粉軟硬適中，因為冇乜配菜，性價比普通🤔 飲品叫咗 熱蒸氣凍咖啡 $42，豆香唔錯帶少少嘅酸，面頭加上左一層好厚嘅泡營造啤酒嘅效果🍺 但另外一杯 事多奶茶 $30，飲落個人就覺得冇乜茶香奶滑，茶餐廳好啲🤭 杯都唔靚，所以冇影相😂 睇唔透點解要三十雞👀 Overall性價比普通，但cafe有三層，有時更會有啲細細地嘅藝術展覽，都幾特別，為打卡去吓都無妨👀 但要等位我就唔會再去😅

大前日(13-11-2020 Fri)晏晝同老公食完素lunch,就出嚟深水埗搵文青街行同食tea,我哋係咁行,老公嘅男友人NT send咗港生活介紹呢喥嘅café,睇見呢間有條打咭嘅旋轉樓梯,就話要嚟呢間,我哋搵到喇.我哋去到時有人等位,見到出面鐵閘後有個位,老公就話唔介意坐呢喥.我哋攞完飛出去等,冇耐,店員出嚟問我哋係咪唔介意坐嘢個位?我哋答係,咁佢就俾我哋坐,同話明唔可以轉位.我哋睇完menu同有咩蛋糕後,決定要4. $52.00嘅咖啡幻想蛋糕冇乜咖啡味,中間深色嘢層應該係朱古力味蛋糕,但,朱古力味呢?又去咗邊?其實我哋o緊咩嘢蛋糕?味道:1分3. $45.00嘅藍莓芝士蛋糕老公話呢個好食,我覺得好膩,上層味道ok嘅,但口感似忌廉.味道:1.5分2. $45.00嘅南非橘橙香草茶唔飲咖啡嘅我,好奇之下要呢個,味道有啲怪,老公就形容似飲香熏. 由於我哋真係唔識,所以呢個唔計味道分.1. $48.00嘅咖啡紅豆冰咖啡係甘,我唔啱,我就食紅豆,紅豆幾大粒同好夠腍同甜.味道:3分服務:俾完錢其實都等得幾耐,啲嘢食至齊.環境:坐喺出面預咗唔好,但疫情上,可唔可以都加兩塊透明膠板遮風同沙塵?

深水埗呢間綠色工業風cafe大家應該唔陌生，相信每個行過嘅人都會俾佢門面裝橫吸引住🤣入面有條旋轉樓梯岩哂打卡😆而且店內樓底高，空間感唔錯👍🏻..不過食物方面以輕食為主，蛋糕、牛角包、沙律、意粉、出前一丁(?)😹等等menu既種類種類唔算好多，最後叫咗個煙三文魚牛角包 $42 同一杯cappuccino $38☕️ 食物同咖啡質素都非常普通🥺牛角包賣相嚇親我🙈d配料非常唔整齊🙈味道都冇誠意，啲菜感覺唔新鮮，個包唔酥脆🥺☕️ 整體食落勁乾🤦🏻‍♀️呢間cafe只可黎一次打卡就算😞

今日黎扮下文青，深水埗有近期有不少特色小店，呢間野近期係深水埗好出名，所以都黎感受下到步時已俾佢既大門個個大鐵閘吸引住，好有懷舊感格，入到去有個前廳左右二邊都可以坐少量既人，而行入去左邊係咖啡吧枱，右邊係單邊坐位，坐位都唔算多，裡面裝修既風格都以懷舊加水泥牆，而最出名既旋轉樓梯係可以行上幾級既影下相既，但就無得上去，而吧枱都因疫情關係唔可以坐今日雖然係平日都坐坐下都好多人，無位既就會派飛，等到咁上下先可以入坐可以選擇既意粉今日得2樣，都係扁意粉（卡邦尼同黑蒜野菌）再加多個藍莓bagel同朱古力咖啡、柚子蜜，呢到係無餐跟既，所以飲品都係另過叫，食物同飲品選擇不多，但咖啡既種類就好多，所以喜愛咖啡既人可以黎試下食物就真係好一般既，真心食環境同感受一下休閑既感覺！

今日同朋友嚟開深水埗，見到附近有間人氣咖啡店，決定入去試試，我哋入去之前係冇人等位的，我哋兜個圈返嚟15分鐘之後，前面已經有六七個人等緊位，攞咗飛之後，職員問我哋介唔介意坐出面半開放式嘅設計，我見開陽啲，又唔使等，即時入得啦！我叫咗一杯普通嘅Ice latte, 朋友真係好有taste，叫咗一杯熱蒸汽凍咖啡，等咗一陣，咖啡到了！先講我嘅ice latte, 除咗有好有滿足感嘅奶香之外，佢嘅咖啡豆亦都好香，細問之下，原來有自家炒嘅咖啡豆，咖啡款式有10幾款，包括常見嘅巴西、非洲豆，亦有較罕見嘅東帝汶豆。咖啡豆風格變化豐富，有酒香、花香及紅酒奶油等。至於朋友嘅熱蒸汽凍咖啡，外型好似黑啤，飲落口感綿綿，佢哋將奶泡打得好薄，質感同平時嘅凍咖啡好唔同。我哋一路飲住咖啡，一路享受住由外街吹入嚟嘅自然風，一個輕鬆嘅下午啊！

實不相暪，本來我係想去習作，但奈何即興去所以已經full了，咁啱路經佢，被佢嘅高樓底懷舊風吸引到，所以就決定一試佢佢有户外位置，可以帶小動物嚟，pet friendly一讚 不過當日天氣有啲熱，所以都係揀咗室內其實餐點唔算太多，都係平常cafe有嘅嘢，今次點左一個素all day breakfast同一個亞麻籽bagel配蘑菇醬，再加一件芝麻切餅，同埋一杯凍latte、熱薑蜂蜜咖啡☕️論賣點，全部都幾靚仔，特別係咖啡！反而蛋糕失色啲，首先試咗個all day breakfast先，炒蛋炒菇都好味，最鍾意係佢個沙律🥗，有士多啤梨好fresh而bagel包身應該無翻熱所以係常溫，有啲失望，但佢個醬好好味！蘑菇味好濃，加返分啦反而切餅就普通啲，食得出芝麻味，但應該落多咗魚膠粉，口感帶膠感咖啡方面，凍latte奶香滑加帶苦嘅咖啡，即刻無少冰，飲到尾都唔係水！而朋友嘅薑蜂蜜咖啡都好味，如果無咁甜就再好啲

又黎深水埗文青一下，其實週圍都有好多cafe好多選擇，不過見呢間之前人氣旺盛，緊係要試一試啦，weekend當然都要排一陣隊啦。我諗大部份嘅客人都係比佢嘅裝修吸引，我都唔例外，叫咗嘢食之後就入到餐廳裏面影吓相參觀下，佢特色嘅旋轉樓梯打卡一流！今次叫左薑汁蜂蜜咖啡，咖啡味唔算濃但薑汁味重都算滑，味道幾特別，然後試咗佢嘅Carrot cake，都算濕軟有彈性，味道ok, 大大件都幾滿足。呢區實在太多特色咖啡店，緊有一間啱心水，得閒過嚟chill下Hea下都唔錯。

今日同朋友等左成個鐘先食到既呢間cafe飲品反而我覺得一般但食物真係不得之了 好好食 意粉同蛋糕真係想再食多幾次！環境其實唔錯 不過最唔好就係坐得好唔舒服 我地三個人 被安排排排座 完全傾唔到計 美中不足

深水埗近年Cafe甚多，確是文青打咭好去處。但係咪間間都講到咁Perfect？就要試過先知！第一間帶大家來到排隊店Colour Brown x PHVLO HATCH 裝修有特色，打咭都真係一流！今次叫左其中一杯Colour Brown Signature - 蜂蜜薑汁泡沫咖啡 （$46）用料是有心思的，因為用左本地自家製蜜糖及鮮磨薑汁。平心而論是不錯的。可惜對我來說甜了一點，所以我只能說不太合我口味吧！下次有機會再試，還是點Ice Drip吧！食物方面，今次點了煙肉炒蛋蜜糖腸出前一丁（$56）煙肉炒蛋同蜜糖腸都好好味。。。可惜出前一丁就。。。太硬了！廚師有心機去煮好煙肉炒蛋同蜜糖腸，連食物的賣相都處理得好好，不明白為什麼出前一丁會有如此下場！不過，我都會比多次機會佢！因為都想試試她的Ice Drip及其他食物！

考試前本身打算黎呢度食LUNCH, 悠悠閒閒咁溫下書, 點知職員話今日廚房唔開, 只提供飲品及蛋糕.所以最後我地係去左第二間食完野後, 再過黎呢度打躉~~估唔到深水埗呢個地方,  越來越多CAFE, 而呢間都好有懷舊特色, 門面樓底好高, 而且佢似用返舊有的樓宇結構, 再後期裝修.我見唔少人在店舖裡裡外外都不停影相打卡. 入面既地方都唔細, 枱與枱之間都有空位,.旋轉樓梯上面, 估計是不定期舉辦唔同活動/ 展覽之用.今次叫左一杯榛子mocha~味道濃郁,  口感豐富. 過了午餐時間, 呢度的確係一個好好hea既地方~

只可以講,入去係為咗同條綠色樓梯打卡,唔好對食物飲品有太大期望.星期日嘅下午時段,要坐冷氣位置的話,要等45至1小時.如果選擇冇冷氣位置,可能15至30分鐘就可以入去坐.但係由於天氣真係比較熱,真係唔想坐冇冷氣地方,我哋就真係等咗差唔多一個鐘先入到去.環境係特別嘅,相信嚟到呢度大家都係為咗影相.PS.當日店舖內兩個洗手間都壞咗,職員話最近喺附近公廁😞真係冇諗過想去個洗手間都冇...食物方面不過不失,不過原來係要自己去拎餐的.榴槤蛋糕比較甜,而咖啡就正常發揮. 可惜我哋兩個人只係有一張好細嘅枱,亦不能移動張枱放到我哋兩個人中間,位置不夠用.總括嚟講，喺深水埗舊區，呢間cafe性價比不高,食物飲品只屬正常發揮,入嚟係為打卡,但始終不值得.

中秋+ 國慶之3天連假， 跟姊妹們抽空一天出來短聚，選了一間深水埗的Cafe , 平時坐車經過每逢假期都要排隊，又比佢嘅旋轉樓梯吸引所以想去，以為點都唔會好伏啦，點知........😆我哋一行3 個人，但只係比一張枱仔我哋，見到其他客人二人都可以有兩張枱仔，我哋三個人喎放兩份餐點已經有點勉強，借問聲第三份要放邊呢？我哋有問店員可唔可以加張枱，佢哋竟然話唔可以，只係比張高椅我哋🤣 乜料？其實如果你間cafe 係有serve 正常餐食，點解張枱可以細到咁？ 食物方面就普通，唔係特別好食，連杯Flat white 都係麻麻地，個青醬魷魚意粉份量ok ，但味道普通。另外有位店員的服務態度真係差，語氣好似唔願做咁，最令我地感覺唔舒服就係佢嘅態度，呢間cafe 真心Not recommended 😌

深水埗近期最出名就係cafe真係超多人慕名而來, 打咭，食野, 飲啡。 其實真係冇得點衰。 間間都要排得勁耐。 今次e間, 一直都好想試, 但每一次門口都太多人, 跟本埋唔到去。 今日, 剛好係黃雨同黑雨之間可以試下排唔排到, 竟然都要排半個鐘。 哈, 終於入到去。 環境係好靚既, 每個位幾乎都可以做背景影靚相。 由於我同朋友都有少少餓，所以都點左d輕食做tea. 我地叫左: 磨菇雜菜沙律 $62, cuppuccino $38, All day breakfast $108, 南非花茶 $45黎到食物竟然超細份, 完全似食剩餸, 唔算係好食。 太敷衍。飲品黎到, 一杯冇拉花既cuppuccino, 可能係特色, 味勁淡, 唔覺飲緊啡。 南非花茶, 好重假燈花味, 其他咩味都冇。 咁既質素既cafe真係好難遇到。 竟然仲會長期長龍。 我同朋友都同意, 除左影相, 根本這間店可以不去。 難得佢可以整得咁難食, 我寧願食茶記。絕對不值也不會回頭既cafe.最緊要, 最出名既旋轉樓梯，佢冇得上既，都只係得個樣引人入去影相。

總算來到熱門的打卡熱點打個卡🤍，由於星期日去到，排到等位實在難免。因為等位人數眾多，店員都會主動詢問介唔介意坐冇冷氣的位置，如果唔想等咁耐，建議可以選擇冇冷氣嘅位置，不過枱面比較細，如果想食多啲野張枱就唔太夠大放食物。同朋友叫左一個All Day breakfast 🍳 仲有一個牛角包，味道一般（3/5）價錢不太超值，飲品方面，主打咖啡☕️不過比想像中冇咁吸引。如果只係想過嚟為打卡，鋪面真係值得打卡的。但如果想食好西的話，可到open rice 先參考一下大家嘅食評先🤍

上兩星期落大雨，中午諗住去食個lunch順手打卡。 去到原來都好多人，等了約40分鐘先有位。 門口帶位的小姐說話並不友善，但總算跟得足，可能太忙影響態度。 餐廳食物在深水埗黎講並不便宜，如果為咗去打卡，幫襯一次就可以了。