CURATOR Art & Café (已結業)

之前試過依度最出名嘅打印咖啡，今次同朋友食下其他野～元氣精華🥪炒蛋非常滑溜，再加咗番茄、洋蔥粒、香草等，味道口感有所提升，面頭有芝士香腸同埋煙肉碎，係幾好食👍 香蒜橄欖油意粉🍝意粉嘅配料同醬汁都好充足，每一束麵條都夾住蘑菇粒，每一條意粉都沾上松露醬，食落覺得健康之餘又好滋味，另外有一塊好好食嘅芝士脆片，再多啲就好喇! 酥脆雞鎚配水牛芝士醬🍗有3隻雞鎚，賣相OK 雪橙冰紅茶🫖鍾意茶味濃啲嘅可以浸泡耐少少，然後倒入裝咗冰粒同橙片嘅壺中，回甘嘅紅茶中帶有天然果香，唔會太甜😋 Chocolate☕️好有layer嘅拉花，朱古力相對甜啲

今晚早咗放工約埋老公去K11Musea，因商場有泊車優惠，好似平日凡消費都有兩小時起～去咗海旁行個圈，香港嘅風景真係好靚嘅⭐️晚餐我哋揀咗一間好別緻又佈置都好靚嘅Art Cafe～係屋企人見到網上有好得意嘅打印飲品，所以帶我嚟試😙（窩心）餐牌內各款食物都好精緻，將食物融入藝術之中。我地首先揀咗招牌墨西哥式煎蛋早餐，材料新鮮，足料嘅，食物擺設配搭非常吸引～炸魷魚冬甩配黑松露蛋黃醬汁，香脆可口，再配上黑松露醬汁，炸粉岩岩好，唔會過厚。烤蝦牛油果沙律~配了有少少辣味既沙律汁，幾醒胃。最後來到重點：藝術打印朱古力！佢靚之餘，仲係好好飲嘅凍朱古力😋每枱食客都非常忙碌，因為要相機食先😆每樣食材都係藝術品一樣好食，又可以欣賞，係好有細心精美嘅餐廳💕5星為滿分*😋美味：⭐️⭐️⭐️⭐️💰價錢：⭐️⭐️⭐️⭐️🛋環境：⭐️⭐️⭐️⭐️⭐️🤵‍♀️服務：⭐️⭐️⭐️⭐️⭐️🚶‍♀️回頭：⭐️⭐️⭐️⭐️🏠餐廳：CURATOR Art & Café (尖沙咀)📍地址：尖沙咀梳士巴利道18號Victoria Dockside K11 Musea B1樓B113C號舖

打卡cafek11 musea有間結合藝術和飲食的咖啡店，特意帶友人前來留下腳毛，牆上和擺設有不少草間彌生、村上隆的作品，燈光還會不定時變色。人均：$149.招牌芝士牛肉漢堡配薯條Lunch set有沙律，麵包粒香脆，跟餐加$38升級轉飲藝術打印咖啡（可以選擇咖啡或朱古力底）打打卡，特別找了一張多顏色的照片。漢堡十分juicy，一路食一路滴，牛肉算大塊，有厚度！配上酸甜蕃茄，味道適中。藝術打印朱古力，科技真的好厲害，可以飲得到的照片，飲的同時想起澳洲的天氣！.酥脆雞鎚配水牛芝士醬新鮮熱辣，芝士是拉絲的，配上酥脆雞鎚，連雞肉裡面都有芝士味！.奶酪醬烤糯米雞翼好食呢，是道考功夫的菜式！外層烤至金黃，內裡釀上糯米，吸收了雞肉汁，醬汁帶點微辣，口感煙韌，軟綿綿。.Green tea latte拉花很美，抹茶香濃，面上泡泡拉得均勻有口感！.@curatorcafe

State of Mind🎈Curator Art & Cafe/Happiness Depends On Ourselves./將美術展覽同食物融合於一身食嘢休息的同時 望吓身邊嘅畫作 吸收下靈氣😌橄欖油炒墨魚汁意粉配帶子 Squid Ink Spaghetti with Scallop ($188)大大粒嘅帶子 放喺黑色意粉上零捨突出帶子煎得香 幾腍身意粉伴隨着橄欖油 識落嘴唔會乾身🍝不過以為會食到少少汁嘅味道 但原來墨魚汁本來就係冇味嘅😂奶酪醬烤糯米釀雞翼 Stuffed Wing with Glutinous Rice & Cheese Mornay ($78)見到呢個令我諗起台灣嘅糯米釀雞翼🍗熱辣辣咬落去食到煙韌嘅糯米配搭奶酪味道好creamy 充滿奶香🥰丸久小山園 抹茶拿鐵 Green Tea Latte By Marukyu-Koyamaen ($49)用左日本嘅丸久小山園抹茶 帶微甘牛奶味濃 私心覺得抹茶味可以再出啲先可以滿足鍾意抹茶嘅朋友仔🍵意式提拉米蘇 Tiramisu ($68)好細滑軟熟 忌廉芝士配搭沾濕左咖啡嘅手指餅層次分明 就咁望落賣相已經十分好吸引❤️咖啡味

     中午行過K11 Musea, 見到這間長期full booking的藝術咖啡店竟然有位，當然立即入去啦。平日午市竟然提供lunch set，百幾港紙都包埋沙律，主菜同飲品，抵食！主菜叫咗香煎慢煮三文魚扒，咖啡仲加咗錢叫埋好有特色的藝術打印咖啡。沙律菜好新鮮，品種都好豐富，有火箭菜，番茄，雞蛋，蘿蔔等，全部都好好食。     香煎慢煮三文魚扒份量又真是好細，雖然煎得好好，魚肉好嫩，但是始終食2口已經食完，有少少失望。     藝術打印咖啡可以自己揀圖案，叫得到藝術，當然要揀梵高的星月夜啦。咖啡真是好靚，侍應送上來都溫馨提醒要快點打卡，驚太遲圖案不見咗。     最後仲加錢叫埋是日，今日提供的是藍莓芝士蛋糕，蛋糕芝士味好濃，不會過甜，真是好味。百幾港紙來講，這餐又真是唔錯！

K11 Musea 呢間餐廳好特別，同場有得買村上隆、草間彌⽣同奈良美智嘅藝術周邊。斯人若彩虹🌈遇見方知有個名好浪漫，其實即係榛子醬多士🤣烤得香脆，醬份量岩岩好，配Latte好正～大蝦意粉🍝竟然有成6大隻蝦🍤，蝦肉好爽，不過調味就淡左啲，好彩意粉味道幾濃郁，酸酸甜甜食完無負擔。炸魷魚冬甩配黑松露蛋黃醬口感鬆軟到唔似魷魚，應該係切碎左，呢樣幾好，有香味又唔會咬唔開。蛋黃醬配炸物一啲都唔油膩，好香口。

今期介紹CAFE主題大家睇黎幾岩用,有唔少留言都讚好今次再分享另一間係K11既CAFE!呢度最特別係可自訂咖啡拉花 印個樣上去都得!主打西餐風格菜式 沙律意粉等等咖啡由專人調配可一試套餐包沙律同主食和一杯咖啡煙吞拿魚油醋沙律 新鮮爽脆沙律菜用醋調味酸香清爽 吞拿魚煙燻過好濃香肉味濃郁主食係野菌意粉,素食黎既 用簡單高湯煮 入口唔濃味,配合野菌口感豐富,意粉好彈牙咖啡選返精選無印圖案,飲落香濃帶果仁味 味香濃郁好飲CURATOR Art & Café評分7/10消費$300

呢間餐廳向來都唔容易book，今次終於成功book到，即刻叫埋幾位朋友一齊去試吓😋！一入到呢間餐廳，周圍好多可愛有趣嘅擺設，成個感覺令人好歡悦☺️，而一打開餐牌，就俾呢個set dinner 吸引咗，成個set 大概三百幾蚊，頭盤有蕃茄沙律配堅果 ，主菜係香煎三文魚扒配鑽石米型粉，甜品就係藍梅芝士蛋糕，三款味道尚算唔錯，擺盤都有心思😍！之後亦叫左個咗莎樂美腸薄餅（$78），個薄餅皮脆身之餘，咬落去亦有濃郁嘅芝士味👍🏼！呢個大蝦意粉 ($178)，麵質軟硬適中，香濃嘅蕃茄味食落都幾開胃😋！成間餐廳嘅佈置好岩啲女仔嚟打卡，可惜今次未能試到餐廳著名嘅打印咖啡，希望下次有機會再嚟試吓☺️！

次次經過K11 musea呢間cafe都見到好多人排隊 最signature一定係個杯可以自己揀相print既咖啡☕️ 今次book咗檯weekend dinner黎試 (佢啲booking都好full架)🧄𝑳𝒊𝒏𝒈𝒖𝒊𝒏𝒆 𝑨𝒈𝒍𝒊𝒐 𝑬 𝑶𝒍𝒊𝒐 ($158) [😋5.5/10]香蒜橄欖油意粉𝘧𝘳𝘦𝘴𝘩 𝘢𝘯𝘥 𝘧𝘰𝘳𝘦𝘴𝘵 𝘮𝘶𝘴𝘩𝘳𝘰𝘰𝘮𝘴, 𝘵𝘳𝘶𝘧𝘧𝘭𝘦 𝘴𝘢𝘶𝘤𝘦, 𝘱𝘢𝘳𝘮𝘪𝘨𝘪𝘢𝘯𝘰 𝘤𝘳𝘪𝘴𝘱🦐𝑷𝒓𝒂𝒘𝒏 𝑳𝒊𝒏𝒈𝒖𝒊𝒏𝒆 𝒊𝒏 𝑻𝒐𝒎𝒂𝒕𝒐 𝒔𝒂𝒖𝒄𝒆 ($178) 大蝦意粉𝘣𝘶𝘵𝘵𝘦𝘳 𝘴𝘦𝘢𝘳𝘦𝘥 𝘱𝘳𝘢𝘸𝘯𝘴, 𝘧𝘳𝘦𝘴𝘩 𝘣𝘢𝘴𝘪𝘭🍣𝑷𝒂𝒏 𝑺𝒆𝒂𝒓𝒆𝒅 𝑺𝒂𝒍𝒎𝒐𝒏 𝑭𝒊𝒍𝒍𝒆𝒕 ($198) [😋6.9/10]香煎慢煮三文魚扒𝘴𝘢𝘶𝘵𝘦𝘦𝘥 𝘷𝘦𝘨𝘦𝘵𝘢𝘣𝘭𝘦𝘴, 𝘪𝘬𝘶𝘳𝘢, 𝘨𝘢𝘳𝘭𝘪𝘤 𝘱𝘶𝘳𝘦𝘦🍕𝑪𝒖𝒓𝒂𝒕𝒐𝒓 𝑺𝒕𝒚𝒍𝒆 𝑷𝒊𝒛𝒛𝒂 ($78) [😋3/10]招牌莎樂美腸薄餅☕️𝑨𝒓𝒕𝒔𝒚 𝑷𝒓𝒊𝒏𝒕 𝑪𝒐𝒇𝒇𝒆𝒆 ($88) [😋8/10]藝術打印咖啡食物質素黎講 唯一比較出色係三文魚 煎得香口得黎又嫩😙 不過份量好少 至於意粉 兩個都

🌸尖沙咀美食🌸Curator Art & Cafe☕️尖沙咀一帶充斥著各式各樣的林林種種的餐廳美食，剛剛的週末，我相約了良朋知己到位於尖沙咀K11 Musea一間唯美如藝術館般的西餐廳-「Curator Art & Cafe」享用晚餐❗Chill 住享受悠閑的週末假期❗️餐廳鋪面寬敞舒適而且五臟俱全❗餐廳裝修優雅精美，餐廳有各式各樣的潮流精品如村上隆、KAWS及前衞藝術家草間彌生的作品擺設，當中更設有部份精品出售。餐廳亦有復古風的椅子及特式磚牆❗絕對是文青悠閒打卡必食之選❗️而且服務員的工作態度也十分友善，他們都非常之清楚瞭解餐廳提供的食物❗能夠向客人詳盡地介紹餐點❗餐廳的座位寬闊，客人徬彿置身於新派藝術館內享受美饌❗我們一行2人共點了以下餐點：1️⃣🌟大蝦意粉 $178大蝦意粉有六隻鮮味彈牙的去殼大蝦，配搭餐廳秘製的清新開胃蕃茄香草醬汁，意粉彈牙爽口，而且還配有食用花沙津，賣相精緻，味道滋味清新❗️美味指數：⭕⭕⭕⭕⭕️賣相指數：⭕⭕⭕⭕⭕️抵食指數：⭕⭕⭕⭕️❌2️⃣🌟元氣精華 $98元氣精華是配有多款滋味食材的法式多士，有惹味的芝士香腸、美味煙肉、鮮味小黃瓜及香滑炒蛋作配料，而經烤焗的法包多士香脆美味

好想試呢間打印餐廳好耐，朋友同我講訂到位，正啊，終於可以試～食物睇落好精緻啊=麵包上的美味 - 元氣精華 $98賣相好靚的多士，烘至香脆，上面放上熱辣辣嘅炒滑蛋，芝士香腸、酸瓜、煙肉同埋蕃茄仔。份量好足，抵食～奶酪醬烤糯米釀雞翼 $78好香濃嘅芝士醬配上焗香左嘅釀雞翼，雞肉好juicy，咬落入面係好香嘅糯米，特色又好飽肚～大蝦意粉 $178店鋪推薦的意粉，當然要試試。大蝦有好香濃嘅牛油味，食落蝦肉好實～扁意粉上配上香草蕃茄醬、parmesan cheese同埋九層塔，令成個意粉除左有香濃嘅蕃茄味外仲有啖啖嘅九層塔味，相當出色～飲品方面就叫左杯朱古力 $49下次要試埋打印咖啡先～

由於Mirror ge熱潮真係勢不可擋！呢間Cafe出名可以印自己選擇嘅圖片係杯咖啡或者朱古力上邊！好多fans印咗mirror成員個樣係杯嘢飲上面，令到呢間Cafe人氣急升!令到我都想走過嚟試吓啲食物質素!首先就揀咗小食先酥脆雞鎚配水牛芝士醬！呢個真係超級好食，有夠惹味，雞翼又唔會太乾！芝士味又勁香濃！略嫌份量太少得三隻！而主菜方面仲叫咗大蝦意粉，有大大隻蝦伴碟！好食又足料渦！價錢都係$178!價錢都合理嘅！因為都真係好食！調味又剛好！唔錯！最後叫埋招牌墨西哥式煎蛋早餐$98，幾特別有啲墨西哥脆片，加埋啲蛋汁撈黎食！味道都幾唔錯呀！最後呢度嘅裝修好靚！IG-able打卡一流！

平時行k11 musea經過依間cafe, 都比入面artwork 同 村上隆花花吸引到！ 不過成日都好多人排, 冇機會試～ 今次閒日夜晚黎比較好☕️ 最適合打卡既一定係佢地既藝術打印咖啡！見到隔離枱印左Mirror既姜濤 Anson Lo 😍 見太夜 所以淨係叫左個拉花朱古力($49)都好靚！-✅ Linguine Aglio E Olio ($158)超香口既意粉！蒜油加菇菇係絕配😍 塊脆片係Parmigiano cheese-✅ Curator Style Pizza ($78)✅ Breakfast Essential ($98)碳水大餐🥲 不過香口嘛！兩個上面都有腸 唔錯

知道就嚟開學妹子約我開學前同姨甥仔一齊食餐好姨甥仔本身係一個超級姜濤粉絲妹子諗住去呢間餐廳點個打印朱古力俾佢姨甥仔鬼死咁興奮但係問題嚟啦原來訂位已經去到九月尾😱我哋唯有Walk in，但係Walk in據聞等位要等好耐當日我係諗住去食午餐，兩點八開始等點知到我入座嘅時候已經係4:10🥴肚餓到一個點，本身諗住食下午茶發覺應該唔夠飽所以都係散嗌，雖然個打印朱古力係比較貴不特止，仲要我哋等咗個半鐘，不過佢啲嘢食係每一個都係好味除咗個豆腐紅豆蛋糕普普通通之外如果唔使排咁耐真係非常冇得頂同埋除咗杯打印嘅飲品，其實其他嘢飲係好抵飲咁大杯🤭仲有冇諗過原來個打印嘅飲品係剩係得凍飲張姜B相都係姨甥仔自己揀🤣有冇咁鍾意呀😂🤣😂🤣不過唔係講笑偷偷地飲咗一啖佢個杯朱古力都真係幾好飲，好濃郁朱古力味

12:00前到達, 之後已經好多人等位，餐點賣相精緻漂亮 , 味道無得輸, 最吸引係可以有到印咖啡/朱古力及奈良美智佈置, 食物方面 - 三文魚外皮煎到好香口，咬落脆卜卜的充滿魚油香  , 意粉又好好味, 非常期待下次再試其他餐點