Donkey & Sheep (已結業)

搵到呢間新開嘅西餐，睇見啲燒春雞同咖啡相好靚咁，評語都唔錯，專程去試。2道菜酥炸滷水春雞+沙律/湯/咖啡只係$88。如果要沙律/湯是但一樣，加嘢飲$18就有3道菜。好似今日咁唔肚餓，就咁主菜+cappuccino。春雞一上就聞到好香嘅滷水味，好似茶餐廳嘅炸雞脾咁。質感符合預期係嚡口，但個燒汁唔漏又提到味道，不過個人認為滷水醃料可以重手啲。薯條係原條粗切炸，外表略脆，裡面澱粉重香薯味。伴碟嘅沙律菜略為乾身又冇醬汁就普通。明明叫泡沫咖啡但就冇乜泡，感覺似飲鮮奶咖啡，但香滑又有咖啡味，當然唔預期啲豆新鮮炒有個性。成餐價錢唔使$100又冇加一，食物質素唔錯，坐窗邊有居高臨下風景，餐廳環境寧靜，服務員有禮，好收貨。

同朋友出銅鑼灣行街，行到6點幾開始累又有D肚餓, 諗住o係 Time Square附近搵野食，見到有人派傳單話有間餐廳新開業，所以試下。上到去, 環境都幾舒服，簡約風格，點左兩個set dinner, 前菜點左甘荀湯同沙律, 主菜就要左虎頭大蝦比目魚柳 同 酥炸鹵水春雞配燒烤汁。跟住等左一陣就有得食，先來個甘荀湯，都OK主菜-虎頭蝦配比目魚魚的外面煮得岩岩好，入面都幾滑，著條夠熱酥炸鹵水春雞配燒烤汁望落去個份量好大，咬落去個皮脆，雞肉都算入味，夠"淋"，個人幾鐘意個燒烤汁，食過其他地方既燒烤汁D味都會好濃，反而呢個汁唔會好"漏"。食完叫左兩杯野飲一杯係意式酒香朱古力咖啡，另一杯係柑橘朱古力意式酒香朱古力咖啡個拉花好靚，聞落好香咖啡味，個人幾鐘意呢杯咖啡，下次來都一定再叫。柑橘朱古力好特別，因為飲落去D泡好滑，之後有一陣好香既朱古力味，吞落之後就會出現柑橘味。不過我自己都係鐘意意式酒香朱古力咖啡。之後店員同我地講因為係新開張，所以送個甜品俾我地，甜品-opera份量細細地，一人一件都夠晒。之後唔覺唔覺坐左好耐，不過店員都冇催我地，臨走既時候都仲送張優惠劵俾我地。整體來講，環境, 食物,

今日同老大出左去CWB, 行街時見到派傳單話係今日開張, 有九折優惠, 又見落咁大雨就即刻上去避下雨順便補充下體力,雖然上去時間已經4點半但仍然有SET LUNCH.我其實已經食飽飽, 但老大話要食野咁就叫左個A餐燒春雞好好味, 炸到MM好, 雖然半隻但都好大, 絕無欺場!!!!雖然我唔肚餓但都分左老大少少食(忍唔到口偷食)最值得讚GE係連配菜都好好味, 西蘭花唔會淋哂, 出面有D餐廳煮到淋哂, 無左西蘭花的口感,但呢度可以顧及到呢點, 值得一讚!!餐飲叫左杯特式咖啡玫瑰咖啡聽講咖啡係瑞士入口, 我平時去飲開的咖啡都係比較傳統, 今次試左呢個玫瑰咖啡, 意外地十分夾,咖啡味道純/濃, 但仍然飲到每啖玫瑰香味, 成餐都好舒服好Relax!!!