Donkey & Sheep (已結業)

放假個餐當然要訓醒先算啦!但一起身就發現已經係兩點嗱，要嗱嗱聲出街食餐好嘅先!約咗友人食tea，友人帶我去佢嘅地頭銅鑼灣食好嘢!今次就係呢間特色cafe，好適合gathering環境確實不錯的!由於我地嚟到都已經三點半，可以選擇午餐or下午茶，三心兩意嘅我當然一個午餐一個下午茶share啦跟餐有湯同沙律揀，二話不說要沙律!沙律菜好新鮮，食落都仲係脆卜卜好爽囗加埋啲黑醋真係開晒胃呀!午餐嘅煙三文魚忌廉汁扁意粉上枱喇!擺盤已經好有feel，食落真係要俾手指公喇!忌廉汁唔膩囗，份量啱啱好掛住啲意粉好正意粉又有彈性，一啲都無煮過籠!配埋鮮甜嘅煙三文魚，俾咗個好好嘅開頭呢一餐呀另一個主角，煙三文魚配田園沙律薯條!感覺上好light，食落就無噤有罪惡感喇!不得不讚，薯條上枱仲好熱辣辣，食落香脆又好味呢個就係意大利包嘅入面喇!一啲都無偷工減料嫁!一啖食落真係好fresh,意大利包事先烘得脆脆的，一啖食落有唔同層次，正而且仲好有心機噤塗咗啲source先拎去烘，真有heart呢杯就係我嘅焦糖海鹽咖啡喇!唔太甜，飲到海鹽嘅特別清新感，卻又欠缺了焦糖甜，下次試下另一款啦!呢一餐不知不覺食咗個半鐘，但侍應嘅

陽光普照嘅中午出左黎銅鑼灣行街，順便黎食埋個午餐先。同朋友黎左十三樓嘅西餐廳，望住成個銅鑼灣景，雖然好多高樓大廈，但個景都唔錯喎。坐低一陣，店員遞上軟糖一罐，雖然無食到，但望下都幾靚吖。是日餐湯，無試，朋友話幾香滑。是日沙律，沙律菜新鮮爽脆，但黑醋汁略微過酸了點。朋友點嘅鮑魚海膽意大利飯，西日cross over幾新穎喎，試左啲意大利飯，軟綿又重菇味，幾正喎。另一個點左雞扒配薯菜，厚燒雞扒肉嫩多汁，個皮煎得香脆。仲點左牛扒配意粉，牛味濃郁唔錯喎。自己點左魚柳配薯菜，蕃茄醬汁酸酸甜甜同魚柳幾夾，魚肉嫩滑，仲有兩大塊食得好滿足。再加左個冬蔭功薯仔，芝士加煙肉焗薯仔，再加左個冬蔭功汁，好特別又好味。紫露凝香嘅薰衣草花茶，好香薰衣草味。紅粉緋緋嘅玫瑰花茶，玫瑰花味濃郁。自己點嘅蘋水相逢，即係蘋果茶，甜甜香香好正。玫瑰咖啡，啡味濃得黎帶少少玫瑰花味。五個人share食飽飽，正。

今日跟男友和朋友三人行約了在銅鑼灣，想找個舒適的環境坐坐聊天，醒起前陣子試過這間新開張的樓上店覺得不錯，便上來碰碰運氣看看有沒有位。去到時七時多已坐滿7、8成，好在是平日沒有book 台也不需等位。晚餐餐牌有約5、6個餐可選，另外主餐牌也可加錢變成有湯／沙律及餐飲的set，選擇頗多！沙律菜新鮮，醬汁是黑醋，兩者份量恰當。餐湯是南瓜忌廉湯，味道濃郁，也是足料新鮮喔！ 娜娜愛肉肉，侍應向我介紹了是晚廚師推介豬鞍扒。來到時是豬扒是厚切的已令娜娜雙眼發亮，吃落肉質鮮嫩又juicy，有些瓜菜墊底，十分不錯！侍應又向我們推介了是晚頗受歡迎的香辣烤波士頓龍蝦配血腥瑪利扁意粉，本身光看menu 我們對這個沒什麼興趣，但還是叫了一個試試。來到時賣相己十分加分，再一嚐味道更是令人驚喜地好吃！除了龍蝦肉好吃，連意粉也是完全吸收那個sauce的味道，讚！另一好吃之選！多得男友寧舍麻煩在大menu上揀了這個名字特別的熔岩哥頓布($148)，我們加$45 轉成餐。這個簡單來說是雞肉包著芝士和火腿的卷物，但炸過後超好吃！底層再有一層薯蓉，也是十分好味推介上次吃過這個小食酥炸魷魚圈，覺得除了香口，用料也頗好，吃落較

好開心齊人過節，今日和兄弟幫行街食飯睇戲，肚子餓了，第一時間醫肚。來到雜誌介紹過的donkey and sheep，餐廳面積大大，大概只能容得下五六枱人，好彩沒訂座一進去就有位置！假日依然有套餐，我覺得價錢和食物都合理，介紹一下給大家。午餐有一前菜，一主菜，和餐飲。前菜可選擇沙律或餐湯，兩者皆不過不失之作。主菜的肉眼扒配意粉，汁是黑松露，但上桌沒太大黑松露的香氣。不過一看就覺得好大份，意粉煮得不錯的感覺。五成熟果然是五成熟，煮得恰到火候，牛味不俗，靚料根本無需醬汁！雞扒配薯菜。薯菜是美國小薯仔，兩個，好飽。雞扒本身都好大份，大男孩都說飽到爆。魚柳莎莎配薯菜，魚柳煎香錯不了，莎莎汁清新解膩，不錯的配撘。海膽鮑魚忌廉意大利飯，配搭好特別。我試了意大利飯，好好味，煮得外軟內硬剛剛好，非常有水準！和兄弟幫無無聊聊說說笑笑，剛好到下午茶時間，點一份下午茶冬蔭功芝士焗薯。兄弟幫大讚好味，我個人覺得冬蔭功汁是有點可有可無，因為根本發揮不了作用，反而芝士焗薯本身已經好好味嘛。朋友們點了花茶，分別是薰衣草，蘋果和玫瑰，賞心閱目，味道我沒試所以不知道，但傳出陣陣花草味就是了。我的玫瑰拿鐵就好好飲了，稍為甜

上次訂唔到枱 今次醒啦 食星期五晚梗係預早一星期訂啦等男朋友 遲左少少 上到黎 已經坐滿 地方雖小 但環境優雅 2邊都係大玻璃窗 仲有落地鏡 感覺唔太擠迫 係應聲左啲 我叫左個龍蝦意粉set dinner  男友叫左個雞卷 係餐牌入面嘅推介 升級左做餐一個跟菜湯 一個跟沙律紅湯好足料 亦好有心思 切到一粒粒 唔辣沙律雖然fresh 但黑醋似乎多左少少 可能我地唔鍾意太酸龍蝦肉好彈 雖然話辣 都係食到底先有少少辣味 最有驚喜係 意粉入面仲有龍蝦肉 😋 而一向唔喜歡食炸野嘅男友 對於自己個主菜都好滿意 雞卷入面包住咸度適中嘅煙肉 應該仲有少少芝士 仲有托底嘅薯蓉 份量啱啱好最後我地仲升級要左個 lavender 花茶 & rose chocolate 作一個完美嘅句號 😌除左環境衛生企理 侍應生態度都好好 仲成日幫我地fill 水 個女仔感覺有點cool 但笑起黎又好charm最緊要呢度冇限時 可以慢慢坐下次黎我要試個鮑魚帶子意大利飯呢😆😆

今天約了好朋友到銅鑼灣吃午餐和逛街, 銅鑼灣餐廳眾多, 為了縮小範圍易於決定, 我們先選定了鄰近Times Square的耀華街找餐廳, 最終來到這間位於百樂中心十三樓的{Donkey & Sheep}西餐廳。 餐廳面積不大, 但欣賞店家能把小空間設計和裝潢得夠別緻。 白色天花, 淺木地板, 牆上舖了草綠色具草地般視覺和質感的牆紙;  小小空間內聰明地採用了可移動的桌椅, 以便組合成二人、四人、甚至更多人數用的座位, 這也方便於租場派對時能隨時搬動桌椅以配合活動;餐廳的另一邊是玻璃窗, 設有梳化坐位, 靠著窗可望到窗外大廈景致。 午後來到這裡, 靜靜的坐在窗邊望著外邊喝口咖啡, 或是與好朋友邊吃飯邊聊天, 整個感覺休閒又自在。  除此以外, 餐廳採用了射燈作照明,  同時設置了一個玻璃併白木牆櫃, 於櫃內放上酒瓶等擺設, 在晚上, 微暗燈光下看著光線與各種玻璃擺設的折射, 聽著柔和音樂, 想必份外醉人有情調吧。  看了餐牌, 除了All Day Breakfast外, 還有七款午餐供選擇, 價錢由五十八元至九十八元不等, 包括了沙律或餐湯, 主菜和餐飲

等左唔知幾耐，我終於有得去旅行啦!呢日本就同友人約左傾行程，約左係比較中心點既銅鑼灣。搵到呢間樓上舖Donkey & Sheep，上到去都差唔多8/9點^^"醫左肚先啦!餐湯先上，其實個人唔多鐘意飲雜菜湯，沙律或餐湯，我呢個揀飲揀食既小朋友又唔食菜>.<冇選擇之下都照飲，味道濃郁，鐘意菜湯就應該會鐘意呢隻味既，但我就麻麻地啦，如果可以有埋忌廉湯揀會開心D囉^^"餐飲叫左玫瑰朱古力，賣相OK啦，有D拉花望下，但冇乜玫瑰味，朱古力又沈哂底，一般般啦!小食拼盤，雞翼好正，蜜糖味兼香口，其他就普普通通，整體衰在炸粉太多。法式蒜香牛油焗田螺，田螺幾好，冇怪味又唔會水汪汪，係細隻左少少者，不過精髓係個薯蓉到，綿軟順滑，質感一流!Encore左個雞翼，原來有三隻味，蜜糖依舊好好味，另外係德國風味酸酸辣辣既Tabasco雞翼，我食幾多次都唔會識欣賞，中間個款我就冇試到。終於到主菜啦，意大利飯有海膽同帶子((心心眼雖然撈埋左食唔到海膽味，但都叫冇腥味。當日廚師精選，正到爆，大大塊扒我最愛XD食肉獸無誤。外層香脆，內層綿軟，肉質香口，冇得輸!太韌太乾? No way啦!少少鹹味，唔落燒汁都

家人生日，上OpenRice見到這間Donkey＆Sheep，幾得意，都幾好評，就諗住試下新嘢。初初聽到Donkey& Sheep 呢個名以為係cafe快餐之類，但其實格局都浪漫，係十三樓都有少少風景睇。餐廳設計主要為綠色，望落去又幾舒服，感覺好organic。是日有set dinner，價錢又100－180不等包湯同飲品。我們同行五人，兩個叫咗牛扒，兩個叫咗燒雞扒，仲有一個鴨胸。唔夠兩三分鐘就上咗個湯掛住食唔記得影個湯 ，不過係普普通通嘅雜菜湯。兩塊牛扒都要五成熟。講真牛扒似乎薄咗啲，越薄生熟程度就越難控制，不過牛扒食落都滿意。鴨胸係是日廚師精選，都有少少期望。入面呈粉紅色，外面少少脆，食落多汁又嫩，真係有驚喜！ 最後有燒雞扒。雞排嫩滑入味，都幾滿意。最後額外加咗個蛋糕+$20，size真係好細，五個人完全唔夠分。每人大約$170，係銅鑼灣真係好抵食，環境度坐得舒服，食物都算好食，下次經過試埋佢個Lunch。

銅鑼灣有不少樓上鋪，只要係價錢合理又好味既都會大排長龍，早幾日去左百樂搵食，因為好多層都有餐廳，見呢間個logo幾得意又平就入黎試下。餐牌都幾多選擇，而已重有每日唔同既廚師推介，dinner set可以加錢要埋酒同甜品。 花茶改左ｄ好有意思既名，女仔覺得幾得意都會想試下～因為聽說紅湯係健康ｄ，所以我大多都會飲紅湯，好多蔬菜粒，濃濃既蕃茄味，絕對唔係只得咸既清湯。雞翼係我每次都會點的，這裡拼盤有晒３款味道，第一款係辣既，中間係水牛城，右邊既係玫瑰蜜糖味，而我最喜歡就係玫瑰蜜糖味，甜絲絲既蜜糖加上脆卜卜既雞翼，香口好味。我好喜歡食田螺，牛油加上薯蓉真係絕配，薯蓉係細滑的，吃不到薯仔粒，吸晒所有田螺汁既味，味道非常好。我點了當日既廚師推介牛肩肉，因為個人不喜歡吃生，所以點了七成熟，份量非常足，加上旁邊兩個原隻小薯仔真係飽到加零一，薯仔外皮烤成金黃色好吸引，牛肩肉肉質夠嫩夠多汁，重牛味而且不會有血水。 加了＄２８可以有甜品，我選了藍莓芝士餅，芝味濃偏軟身，如果有脆脆餅底就更加好了，作為結尾算不過不失吧。最後望住夜境嘆返杯海鹽焦糖咖啡都幾正，喝不出有海鹽味，不過也正常阿，如果咸的不是很怪嗎？甜度

銅鑼灣實在有太多好食肆，星期一下午正在思考往哪裡吃Brunch好，想一想好像還沒有來過這裡，好吧，就一於來試試。一向不太喜歡樓上cafe的小妹，總覺得一般都是主打青少年的市場，感覺不太良好。可是朋友推薦的Donkey & Sheep裝修簡潔鮮明，大大的玻璃窗讓室內充滿光線，聽說這裡之前一般都是做午餐和晚餐為主，是最近才推出下午茶，加上今天見到有一家人坐在用餐，熱鬧無比。其中一幅牆身換上一個酒架，整齊的放著不同的紅白酒，還有一些酒杯，賣相很不錯！環境裝修精緻，以簡約舒適為主，坐位也很闊落，氣氛比較casual。至於食物方面，也是有很高的水準。煙三文魚意大利包 配田園沙律及炸法式薯條－麵包比較煙煙軔軔配上smoked salmon帶有煙熏味以及油潤口感，喜歡salmon的朋友應該會很喜歡。薯條有著濃厚的薯仔味，炸得也相當很不錯。致瑰黑糖厚多士磚塊－快快手拍完照後，忍不住馬上要吃上一口，賣相不錯之餘多士更是外脆內軟，塗上些許忌廉，甜甜的好滋味啊。玫瑰味雖然未夠香濃可是多士非常可口。海鹽焦糖咖啡－呷上一口，好芳香呢。甜中帶苦襯托咖啡而那焦糖的氣味更讓咖啡帶出香甜心動的味道，口感都是一派的溫潤滑

對了上次在百樂中心吃過一所頗深得我心的西餐廳，今次竟讓小妹在同地方發掘了所新餐廳。裝潢以綠油油的仿製草地作牆身，更以針織布作桌布，顏色也是沿用大自然的紅綠兩色。甫進內已經有陣陣草原風味的感覺，在石屎森林的一點綠。店家當然沒有忽略在商業大廈的優勢，坐在窗邊的小妹可以把風景一覽無遺。下午時份的小妹總是胃口大開的，將軍也開始餓了。我倆點了一個午餐分著吃，另外加了兩個小吃，午餐包了飲品跟沙律或餐湯。雞翼三重奏$68 三種口味包括：(BBQ風味，蜜糖，水牛城)。三種雞翼也是經油炸，外皮酥脆香口，油光也不少。小妹先嘗BBQ風味 ，醬汁偏鹹略略透出BBQ燒烤醬味，醬汁只有在表面能嘗出，雞翼的本身沒有經過太多醃製。蜜糖口味 ，入口蜜糖味已蓋過雞翼的味道，帶點脆脆的口感，蜂蜜的味道有點糊口，味道可以調淡一些些。水牛城口味 ，微微的嗆辣味道，後勁卻是白醋的酸。辣味帶點Tabasco的味道，不是辣椒的嗆辣。冬蔭公芝士煙肉焗薯$45 伴碟有香茅及辣椒，跟三個拳頭般大小的薯仔。焗薯未夠軟熟，薯仔爽口脆身，若果可焗長些時間會更佳，小妹愛吃蓉蓉爛爛的焗薯。冬蔭公的味道較淡，微酸微辣的冬蔭公味，冬

  話説壽星女邀請我地去佢生日會，本來我都係諗住簡簡單單食餐，估唔到我地一出𨋢就見到有壽星女的大照片！而且有「是日包場」紙而且有曬氣球裝飾，原來今晚佢包左場！仲以為去左明星握手會LOL因為我地早到所以可以食住小食先！前菜:田園沙津（有黑醋或沙津醬自配)華道夫沙津小食:法式牛油雞中翼(我最愛丫！勁香牛油味！我最後有打包左幾只反屋企)炸魚薯條 主菜:燒原條西冷(5成熟，我覺得剛好,唔會太熟又唔會過厚)辣肉腸pizza (呢個我冇試過 )巴拿馬火腿pizza (薄pizza，唔係厚底，食多兩件都唔會漏!!)黑松露海膽帶子意粉 (好香松露味!!海膽比人搶曬！)有曬影相位~包場最好係我們地可以點嘈都得！事關我地班女人真係好嘈！包埸有埋名....好多氣球，朋友囝囝玩到樂而忘反!!總括來講，食物質素都幾好！如果唔夠飽仲可以加order Set Dinner內的食物，所以唔會唔夠飽或唔夠食的情況！

是夜與幾位女性友人於銅鑼灣閒逛買衣服，拿著一大袋戰利品來到了DONKEY & SHEEP 晚餐。踏進餐廳甚是驚喜，因為店名又驢又羊的關係，本以為是CAFE一類的餐廳，又叫我如何料到環境比想像中要浪漫得多。再看看四周，這裡工作的是全男班啊~~~首先一位暖男送上了餐牌及糖果，再為我們推介是晚精選。本來飯前小妹是不吃甜的，可是，朋友都紛紛吃了，心想來一顆也不會影響食慾吧，便隨意的吃了一顆 頭盤吃了招牌沙律(Donkey & Sheep Caesar Salad)，羊肉配西柚凱撒沙律，另加玫瑰花瓣，調味的是玫瑰花香的糖漿。淡淡的玫瑰花香很是特別，我想它們不希望羊肉會搶過沙律的味道，因此沒有調過味，可惜淡淡的羶味卻破壞了沙律的寧靜。再來另一頭盤 - 白酒煮蜆，不過不失。怎麼說呢，餐廳用的蜆也很大隻又有肉感，可是蒜和洋蔥的味道也飽滿了，我想餐廳應該用了不少的牛油，因為牛油味濃但卻不見了白酒的清香。來到了一道稀有菜色，冬蔭公芝士煙肉焗薯  小妹十分喜歡啊~~~冬蔭公汁香濃，加入了芝士有RICH且滑的口感，配上本無調味的薯仔，出奇地討人喜歡，吃了一口又一口。但可惜的是冬蔭公汁太少了，加多一點會令都

一班好友共聚，吃什麼還是其次，最重要是找到一個能盡情聊天的好地方，天南地北，無所不談。銅鑼灣耀華街百樂中心內食肆雲集，最近又新開了這間Donkey & Sheep。看見頗有好評，便致電查詢：一問之下，原來並沒有限時交檯又或者人齊方可入內等等的要求，於是早早地訂定位，並期待當天到來。身處車水馬龍、大廈林立的銅鑼灣，路痴如小弟，實在不太熟悉百樂中心這幢建築。自時代廣場A出口上來地面，即使開了手機地圖，仍足足花了20分鐘才找到耀華街的正確位置。原來離開時代廣場後，必須要向禮頓中心方向走，找到一條開滿酒吧的街道，才是耀華街所在。整間餐廳的座位雖然只有20-30位左右，但氣氛很好，感覺浪漫。唯一美中不足的地方是冷氣稍嫌不夠。當晚全場滿座，即使身處室內仍感覺翳焗，希望將來可以有所改善。提供糖果給客人邊吃邊等算是一種貼心的小服務。對於這類相對高格調的餐廳來說，下單後，總不能指望像茶記那樣5分鐘便由侍仔神速捧來一碟「打仗」般的碟頭飯。既是要等，邊吃糖果，邊和朋友聊天，在飢腸轆轆的時候便不用那麼難受。這是當晚跟餐的是日餐湯。南瓜味可以，是中上之作。如果當天不想喝湯，也可以選擇例牌沙律。又，除了指定晚餐之

又拉著同事試新餐廳，今天到了Donkey & Sheep : )上圖是Set Lunch的餐湯「意大利雜菜湯」，內有豐富蔬菜，喝後非常醒神﹗我們四人都點了「蜜桃燒汁香烤豬扒」(HK$88)，我選了「跟飯」。豬扒厚厚的大大件，烤得非常香口，但肉質一點也不會太韌太乾，我們都吃得津津有味﹗ 但想不到我那個飯不是一般的白飯，而是像意大利米那種，頗硬。同事見我吃不下，又怕我不夠飽，好心的替我問問服務員可否換意粉(我自己不好意思開口啊)……沒料到服務員問也沒有多問一句便立刻答應，而意粉更不是一般跟餐的無味意粉，而是這樣用蒜蓉和牛油香草等熱辣辣炒過的，感動得不得了﹗大大加分呢﹗同事選了跟薯條，肥肥的薯條超美味 : )Set Lunch加HK$18即可享用特式餐飲，Cappuccino泡沫極豐盈，更灑滿朱古力粉，超級香濃﹗讚讚讚﹗而水蜜桃紅茶是一壺的奉上，酸酸甜甜很refreshing﹗這是我的「玫瑰朱古力」，想不到一間並非專門咖啡店的樓上小餐廳，會有如此精彩的出品，看拉花多漂亮，喝下去濃濃朱古力香與淡淡玫瑰芬芳完美混和，令我多麼陶醉﹗這小餐廳無論食物、餐飲和服務都值得一讚呢﹗