Dough Bros Pizza & Doughnuts (皇后大道東)

营业中

休息中

今次終於去食呢間喺全港有唔少分鋪嘅人氣店 Dough Bros！佢哋主打Pizza同Doughnut，當中Pizza款式創意十足，未入口已經令人好期待！The Pepperoni Supreme
用上傳統嘅番茄醬打底，再配以水牛芝士、辣肉腸、意大利香腸同牛至草，味道濃郁又有層次。香腸煎得微焦，帶出油香，水牛芝士有拉絲效果，蕃茄底則帶少少酸香，剛好平衡咸香肉類，整體非常惹味The Truffle
呢款係純素口味，以黑松露醬作底，鋪上mozzarella芝士、雜菌、火箭菜、巴馬臣芝士，最後加上橄欖油點綴。香氣四溢，松露味濃郁不膩，配上菇類既咬口與火箭菜嘅清新感，口感層次豐富

一向都好鐘意食pizza，食開Pizza Hut同PHD，想試下唔同嘅嘢，於是上網search，搵到依間好多人讚嘅手工pizza，果不其然，真係好正。喺屋企好肚餓，search完就叫咗外賣。叫咗個辣肉腸pizza，個pizza好足料，好多辣肉腸，而且芝士味又濃郁，好好味。個邊好特別，唔算脆口，但係好有嚼勁，可能因為係手工pizza。仲叫咗香脆雞翼，配埋啲dip醬，都尚算好食。令人最驚喜嘅係doughnuts！叫咗半打，六種口味，分別係焦糖、Oreo、可可醬、吉士醬、士多啤梨醬同白朱古力醬。送到過嚟仲熱辣辣，估唔到咁好味。揀咗cinnamon sugar，真係好夾。一次過食咁多唔同口味，真係好過癮。都幾滿意，會再次order。

叫Pizza佢一定係三甲之內叫咗三款唔同嘅披薩。先講嗰個肉腸披薩，上面嘅肉腸切到一片片，size均勻，烤到微微焦香，咬落去肉汁豐富，搭配嘅芝士都拉絲拉到好似蜘蛛網咁，不過可能芝士放得有啲多，食多幾塊有啲膩。同其他餐廳嘅肉腸披薩比，呢度嘅肉腸味道算係比較濃郁嘅，但就冇乜特別嘅香料去提味，唔夠層次。再睇嗰個雞肉芝士披薩，雞肉嫩滑，芝士嘅奶香同雞肉嘅鮮味融合得幾好，上面嘅紫洋葱增添咗少少嘅爽脆口感同清甜，但係芝士嘅量相對肉腸披薩少咗啲，感覺冇咁豐富。同街邊嗰啲平價披薩店嘅雞肉披薩相比，呢度嘅雞肉質量明顯高好多，口感唔會柴。最後個火腿芝麻菜披薩，火腿鹹香適中，芝麻菜新鮮爽脆，帶住少少嘅苦味，中和咗火腿嘅鹹味，幾開胃。不過芝麻菜有時會有啲老，咬落去有啲韌。同之前食過嘅意大利餐廳嘅火腿披薩比，呢度嘅火腿質感稍遜一籌，但價錢就親民好多。總體嚟講，呢間餐廳嘅披薩都有自己嘅特色，雖然有啲小瑕疵，但係味道都算唔錯，價錢方面都算合理，值得一試。

Dough Bro used to give free pizza and doughnuts to members. I have redeemed free pizza for the past 2 years. Their pizza quality is quite good. In Dec 2024, I have got a email from Dough Bros offering me a free pizza in my birthday month in Dec until 31st. I went to order the free pizza at Wan Chai shop on 29th Dec but staff said he can’t see the offer with my phone number.  Dough Bro office should advice members if the offer period is changed and should have better management of their offer. 

之前一直以為呢間店主打嘅係冬甩，睇咗宣傳先知原來Pizza都一樣出名。因為生日會員會送免費嘅Pizza，特登去灣仔店兌換。並唔係好似嗰啲博主所講一樣可以任揀或者雙拼，只可以喺六款比較基礎嘅款式上揀。最後本肉食愛好者揀咗一款肉類比較多嘅carbonara。Pizza餅底係我鍾意嘅薄款，料好多，但食落有幾分鹹，總體還算OK。炸雞味道一般，有啲乾。尤其係我哋等咗好耐，做完咗之後都一直冇上，焗出咗好多水氣口感欠佳。

成日經過Doughbros都冇試過佢哋啲Pizza，今次終於有機會同朋友一齊試試佢！Doughbros主打手工披薩同donut，就算佢開咗咁多間分店，都係好食得出佢係手工整嘅！The BBQ Chicken PizzaThe BBQ Chicken Pizza 係一個充滿層次感嘅披薩，披薩底用咗香甜嘅BBQ醬作為基底，配搭上嫩滑嘅雞肉同豐富嘅芝士，芝士溶化後拉絲嘅效果令人食指大動。紅洋蔥帶出咗少少辛辣嘅味道，而香菜則為整個披薩增添咗一點清新嘅香氣，令味道更加平衡。薄薄嘅批底食落唔油，仲有少少清新嘅感覺！最特別嘅係，呢個披薩仲會附上一個白色嘅奶油醬汁 (exactly係咩醬我唔知，但真係好夾個pizza，好好味！)，用嚟點披薩食。呢個醬汁帶有淡淡嘅奶香，配搭燒烤雞肉同芝士，令每一口披薩都更加濃郁豐富。呢款BBQ Chicken Pizza份量適中，口感豐富，無論係獨食定係同朋友分享，都非常適合。🍕🐔Nutella Donut with Cinnamon Sugar呢個甜甜圈表面灑滿咗肉桂糖，帶出咗淡淡嘅辛香同甜味，而內裡則填滿咗滑溜嘅Nutella榛子醬，係填滿！超級多醬！咬落去嘅時候，

中午諗到頭爆唔知食咩好，又成日落雨，見呢間好似好好食咁，想試吓佢同「炸雞博士」邊間好食d。叫咗個細盤辣肉腸獨享餐、「肉嘅蒜蓉包」、薯球、同埋開心果冬甩。pizza我就認為淡咗少少，但都ok好食嘅。湯種呢樣野我真係麻麻地，我覺得湯種好淋好軟。蒜蓉包佢地用pizza形，每塊嘅尖角都有蒜蓉同埋牛油(熱溶式) ，係幾好食嘅，但油太多啦😵‍💫😵‍💫😵‍💫開心果冬甩係ok嘅，不過開心果白朱古力變咗開心果「汁」，一咬就瀉哂出黎，搞不掂。薯球份量好足，價錢算合理，可能本身好鍾意食炸薯，覺得呢個最好食👍🏻

星期日Lunch揀咗外賣送餐，叫咗三個大pizza，諗住weekend開開心心同屋企人share。加咗$10要佢個黑松露醬，好興奮咁沾醬食。點知第一啖食塊黑松露pizza，wtf?有一塊碎石喺度！！！😱😱😱😱屋企都有上咗年紀嘅人有份食的，如果佢哋一啖咬落去咪死得？牙都崩，唔覺意吞咗落去仲大鑊。Really was a terrible experience😅😞第一啖食到咁嘅野已經無胃口再食落去。。。

小編今日lunch完之後好想食甜品，就盲search附近有賣開心果甜品既餐廳，結果比我搵到呢間賣donut既，好耐冇食donut啦，一於try try佢！先講我幾傻仔、o係openrice落order外賣自取比 起其他平台係最平最抵最優惠嘅咁當然啦就要用呢個OpenRice落咗order先啦，但係就唔小心落咗灣仔鋪嘅order結果得我發現嘅時候呢其實已經食物處理中㗎啦咁我呢就好擔心即刻打俾灣仔嗰間舖頭職員之後好好喎佢呢肯幫我叫奧海城二期嗰個分店呢？幫我整呢個order咁我就唔使嘥錢囉、呢個已經係強烈加分㗎啦！講返個味道先、開心果白朱古力呢顧名思義因為有白朱古力嘅成份喺入邊所以甜就一定㗎啦、但係我覺得個白朱古力個味道係搶咗開心果味道嘅咁所以呢個我係有少少失望😞至於個榛子呢嘩呢個就不得了，超好食係好濃嘅榛子醬味同埋佢唔算好甜咁當然啦大家如果真係好怕好甜最好就係冬甩上面唔好加糖囉，因為通常佢就會問你個冬甩你想加白砂糖定還是係肉桂糖小編本身係好喜歡肉桂嘅，本身諗住落呢個肉桂糖落去但係因為今次買呢兩個冬甩係開心果同埋榛子都係好甜所以我就冇落肉桂糖啦，下次呢我就會試吓原味落玉桂糖應該都唔錯嘅！整體

Had lunch with colleagues and bought take away from this resto. .For appetizer, we had Pesto Arancini Balls. Stuffed with mozzarella and pesto, the fried rice balls were cheesy. For pizza, we ordered the Parma and the Carbonara. The Parma included parma ham, shaved parmesan, mozzarella, assorted mushrooms and tomato. The ham was savoury, and the sourness of the tomato complemented the saltiness of the ham subtly. The Carbonara had a carbonara base with pancetta, golden egg yolk, shaved parmesan,

夏威夷pizza :普通批，用料紮實，有菠蘿🍍+火腿+香腸+芝士拉絲，批邊唔夠脆，2個人食都夠，一個人食就卡路里太多Dounts:- 外表好多糖霜，Nutella 味，ok ,有爆漿感，正常dounts -同樣糖霜在外，lemon pie 味 ， 比較酸，唔岩我口味

I recently had the pleasure of trying a Pepperoni Supreme Pizza and a Nutella Doughnut at Dough Bros. The pizza had a fantastic flavour, and the crust was delightfully crispy. As for the doughnut, I heated it before eating it. The sauce melted perfectly and flowed out of the doughnut, making for a delicious treat!I highly recommend trying the Nutella Doughnut, and I am excited to go back and sample some of the other signature foods on the menu!

阿仔成日行過都話想試下啲間今晚唔想煮飯，所以就去試下佢有套餐叫，因為我想試佢啲甜品所以我決定叫餐餐套包括：任揀pizza 2個、3個炸冬甩、2罐飲品 （我揀左檸檬梳打）The Meat Lover’s有肉、有火腿、有菇、蕃茄汁底The Carbonara好多芝士、蛋黃醬、卡邦尼汁底手工pizza ， 即叫即整味到濃郁，餡料底皮厚薄適中，批邊皮鬆軟，口感一流！Pizza 佢仲會額外送左2個汁醬，可以用來點邊皮食，酸酸地既醬汁，好有食慾！最後仲有3個炸冬甩Order 左 ： 朱古力味、檸檬味、吉士味冬甩外皮炸到外脆內軟，仲有沙糖面，食落口好有小時候的味道！

平時好少食外賣 見呢間野好似幾出名 開到成行成市就試下佢d pizza同doughnut先。Pizza叫左兩款，一個係一半一半夏威夷薄餅X至尊意大利辣肉腸薄餅，另一款係無肉不歡薄餅，兩款都好食，但係size比想像中細。餅底係最鍾意嘅厚底pizza，係carbs favourite!💚Doughnut方面，叫咗7款黎試下，包括肉桂糖、榛子可可醬、Oreo、regular sugar chocolate、吉士醬、香蕉拖肥、士多啤梨芝士蛋糕。基本上都偏甜，士多啤梨味好假，最好食係肉桂糖同榛子可可醬，其他都可以skip喇。

一向都好鍾意食dough bros嘅pizza，最近發現佢哋退咗個全新嘅all day breakfast pizza，顧名思義就係將全部all day breakfast嘅食材擺上去😂 番茄、煙肉、薯寶、香腸、煙肉粒粒、BBQ醬～整體口感十分豐富，多重味道夾埋一齊，神奇地match，好鬼正😋 朝頭早同屋企人食真係好過癮。另外仲有個朱古力棉花糖炸包，都係新推出嘅。又甜又邪惡，出邊熱辣辣入邊爆漿，大癲🥹 有料到，性價比高。