DR. COW 牛扒專家

营业中

休息中

朋友附近返工所以帶我去食呢間隱世牛肉店，話之前午餐食過覺得有驚喜想再去，果然真係性價比頗高既小店，我哋點左紐西蘭和牛牛柳三成熟，牛味非常濃郁，三成熟係老闆推介肉質嫩滑啲，啖啖肉好容易切到，另有海鹽黑椒比你沾，想講個配菜炸薯條都好好食，即叫即炸粗薯條唔洗茄汁都好正，前菜有手工蘑菇湯，沙律，有我好中意食既中華沙律，朋友點左韓式牛肋條飯配溫泉蛋三成熟，同樣高質，甜醬汁撈飯好好食，珍珠米有咬口，小食秘製豬頸肉都好惹味，飲品大力推介招牌雲呢拿雪糕配烏龍奶茶同埋芒果奶昔，大大杯而且冰同野飲比例恰好，食曬成餐飯都唔會因為冰融左而溝淡啲味道變冰水，食左咁多好食既野埋單都只係506，屋邨餐廳有驚喜！💞

今日去左大圍圍方朝聖實在太太太多人上電梯都要排隊行左個轉好多餐廳都要排隊但又餓餓地上openrice見到d人話呢間隱世扒房打去問又有位吾洗等所以決定試扒大圍坐車過去吾洗10mins就到環境好悠閒又舒服叫左2個套餐同埋1個小食前菜：．沙律－有吾同ge沙律菜．中華沙律－同壽司店食差吾多餐湯：．大啡蘑忌廉湯－大啡蘑味道好出．原件黑安格斯肉眼定食配溫泉蛋－黑安格斯肉眼牛肉味好出－溫泉蛋蛋黃橙黃色滑捋捋．酸奶油拼原隻帶子白蝦扁意粉－帶子鮮甜－白蝦彈甜2個主菜份量好足夠2個大男人都夠食小食：．煙肉帶子卷－煙肉炸到脆卜卜－帶子好多汁飲品：．榛子朱古力－朱古力味好濃－飲落有沙冰感覺，呢個時間飲一流．焦糖咖啡－吾係太甜－焦糖吾會搶左咖啡個味道呢間係小店，所有野食都係即叫即整需時但正正因應甘所有野都辣熱熱

朋友介紹話有穩世扒房🥩個feel同味道都好正叫我經過一定要食下呢間係大圍嘅扒房落左車行入小小就到內在環境幾舒適，亦都有雪櫃可以即刻買靚牛扒🥩仲有成頁原同部位牛扒介紹，十分專業餐牌食物款式琳瑯滿目食物同飲品都好多選擇呢間店係兩夫妻主理一人負責一部分，十分溫馨我就揀左呢個手切牛小排+溫泉蛋套餐蘑菇湯係新鮮手作，有粒粒蘑菇嘅口感另外仲叫左個士多啤梨奶昔即叫即做唔係太甜，十分健康個牛小排好正，生熟程度控制得好好另有仲有一兜牛排汁分開上，唔會浸住塊排想要汁就自己加，十分細心仲跟個溫泉蛋，撈飯一流鐘意鋸扒🥩嘅人士，呢間可以多多encore仲可以買埋牛扒回家，認真正

今天來到了位於村內的Dr cow牛扒專家餐廳，這裡以牛肉料理聞名。首先品嚐了他們的黑糖烏龍奶茶，這杯奶茶有著濃濃的烏龍茶香，加上黑糖的甜味，非常搭配。飲用後口感柔滑，非常清爽。接下來品嚐到了芒果乳酪沙冰，這是他們的受歡迎飲品，沙冰上鋪滿了新鮮的芒果和乳酪，看起來非常誘人。第一口入口即化，芒果的酸甜口感和乳酪的濃郁口感非常平衡，讓人驚艷。在主菜方面，我點了牛頸脊濃湯烏冬配溫泉蛋，這碗湯非常濃郁，湯底煮得十分入味，牛肉的軟嫩與烏冬的彈牙非常配合。溫泉蛋的蛋黃濃稠，與湯汁一起混合在一起，味道更加豐富。此外，我還額外加點了$22的雞肉丸子串，串燒上的雞肉丸子非常嫩滑，吃起來口感紮實，更增加了整體餐點的豐富度。最後，我選擇了原件黑安格斯西冷定食配溫泉蛋，這道菜的黑安格斯牛扒煎得剛剛好，外層焦香內部嫩滑，非常美味。配上溫泉蛋的濃郁蛋黃，整個餐點更加豐富。湯當日係龍蝦湯🦞生蠔🦪十分大隻，入口鮮甜總的來說，Dr cow牛扒專家的餐點質量很高，無論是飲品還是主菜，都非常值得品嚐。他們的服務也非常周到，讓人感到舒適。推薦喜愛牛肉料理的朋友來這裡一試。

我最近到大圍的Dr. Cow牛扒專家用餐，村內的一間餐廳。飲品方面試了他們的凍烏龍奶茶，烏龍味道香濃，奶味十分滑順，並且能夠品嚐到烘焙的香氣，不錯。接下來我試了他們的士多啤梨奶昔，士多啤梨味道很濃郁，奶味也十分滑順，非常好喝。正餐，我點了他們的生蠔，生蠔的鐵味較重，是來自北海道之厚岸的生複諗，creamy口感，肉身肥厚，鮮甜的味道讓人感到滋味。接下來是一份泡菜黑毛豬豚肉片漢堡配美國薯條，五花腩配泡菜微辣，麵包鬆軟，豚肉口感彈牙，薯條香脆，麻醬沙律亦讓人有清新感覺。最後是麻辣拌烏冬配溫泉蛋辣牛肉，這道菜的麻辣味道十足，有少許痺感覺，但是溫泉蛋的流質狀態非常好，牛肉份量很足，吃完的確滿足。

🍽隱世鋸扒小店🍽餐廳由夫妻檔經營，位於一排村屋的地下是名副其實的地方屋邨小店大家可以選擇由大圍／顯徑站行十分鐘左右過來♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎😋食評😋🔶手切牛小排蓋飯配溫泉蛋 $98牛小排軟淋，帶牛味油香&溫泉蛋&飯素送飯一流，女仔可以叫少飯🔶原件黑安格斯肉眼牛扒飯配溫泉蛋 $148咁大塊扒，有蛋有飯抵食！🔶酸忌廉瘋薯 $48好食！😍類似德式煎薯仔將薯仔切成大小薄厚一致的薄片沾上芝士粉等調味料再煮咬開脆薄既外層食到裡面軟綿軟綿既薯仔加上sour cream平衡油感好食過平時既薯條！🔶別薯一格 $58鮮茄煙肉加薯條一定好食如果分開上就更好🔶雙檸沙冰 $42意大利青檸果肉&新鮮檸檬製成好清爽，不用怕太酸推薦！！😍🔶紅豆沙沙冰 $42係紅豆沙的味道就算飲到最後，都不會覺得溝咗水真材實料♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎🔹總結🔹🔹食物餐廳選擇種類算多除了主打牛扒外還有牛小排飯、意粉、烏冬等主食輕食有漢堡／彼得包／沙律小食選擇都多算係令人驚喜的小店❤️🔹價錢一個有肉有溫泉蛋的飯只要$70另外有級數高D既牛扒幾百蚊走唔甩豐儉由人🔹環境去小店最怕又舊又污糟依度

今日經過顯徑，冇諗過入到黎咁遠都會有間咁好食既西餐小店。講真行到入去好多村屋，真係幾似去左日本，台灣搵野食咁，連佢門口啲手繪畫，佈置都好似。入去坐底，老闆介紹左有咩時令野食，叫左個佢今期特有既手打蘑菇湯，好香蘑味，唔太咸唔味精。小食要左個台灣花枝丸。 老闆話係直接台灣入貨既。 炸得好好味，皮唔會好硬，入面都好Q彈，而且入面真係足料有花枝係入面，口感一流。 最緊要係擺左一陣都唔會縮細。之後叫左份牛扒配沙律菜。 沙律菜勁多又新鮮，真係好抵。 牛扒雖然冇得簡幾成熟，但佢煮得剛剛好，牛扒亦好有味道，都唔會太薄，小店有呢個水準真係好唔錯。最後再點左杯凍既薄荷朱古力。 好靚，唔會好水，仲好過出面cafe既出品。 冇死甜，冰溶後又唔會好稀。 對於食到呢間細心打做既地道小店，真係好開心，有機會要多啲黎食支持下

今日入大圍搵friend 食飯，佢就話想試下食呢間位於下徑口村嘅隱世小店。我地喺火車站附近搭左架小巴行多5分鐘左右就到左餐廳。鋪頭入面雖然唔大，但勝在乾淨，裝潢簡單。我地飲左個自家製手作餐湯，個店員話D湯每期唔同，佢地會睇當造食材先決定整咩湯。個湯好濃，十分之香。我地分別點左杯芒果奶昔同埋烏龍茶底嘅鴛鴦，前者啱曬食完佢個三麻雞腎之後解少少辣，後者個茶底夠曬特別。之後叫左個美國極黑和牛碎彼得包配薯條，同埋食左個牛肉蒜辣芫茜炒扁意粉，兩個嘅牛都煮得恰到好處，睇得出店係對牛有d執著！我地仲試左佢個頂級’燒牛肉’沙律，佢個牛肉會不定時轉款，而我地果日食嘅時候係封門柳，真係要讚下個牛好重牛味，d肉質好嫩。

👧🏻同朋友去左大圍覓食~呢排上徑口村真係多左好多美食😋-Dr Cow D店員全部都好有禮貌同有人情味❤老闆會好細心咁會按照食材既特質 安排好上菜既次序😍 👍🏻🥣 是日餐湯: 手打南瓜洋蔥忌廉湯 $38推薦✨ 見有街坊專登黎飲就知個湯咩料啦😏❤手打真係誠意滿分 食到好多原粒既洋蔥同南瓜融🤤好味!🍴澳洲和牛三重芝士漢堡 配秘製胡麻醬沙律+薯條 $108澳洲和牛牛味幾重 多肉汁 加埋三重芝士 好夾😋另外配埋個粗炸薯條 Perfect Match❤️🍴泡菜芝士飯配溫泉蛋(豚肉) $78泡菜味唔會好重 味道剛剛好 再加埋芝士同溫泉蛋 口感層次好豐富🤤豚肉量都多 加加埋埋 份量偏多🤣好適合胃口比較大的人👍🏻🥤雙檸烏龍茶 $30好特別既烏龍茶 除左有普通檸檬 仲有青檸👍🏻🥤抺茶紅豆奶 $21抺茶加紅豆係不敗既組合😏 成杯野飲比較重抺茶味 唔會太甜📍Dr. Cow @大圍下徑口村31號A地下

今日去朋友屋企整餅前先醫肚，原來朋友家附近有間隱世小店，就在沙田大圍下徑口村( 隆享邨隔離)😙韓式牛肋條飯配溫泉蛋，個溫泉蛋巧正，今次我選擇打爛跟飯一齊撈来食，真係巧巧味😋牛肉粉份量都不少，個醬汁另上，甜甜帶少少橙味，不錯👍牛頸脊濃湯烏冬配溫泉蛋，烏冬似洞庭烏冬嗰隻，口感煙韌;湯底濃郁，帶甜味和牛頸脊肉份量都幾多$60幾抵！套餐加$22可配一款小食，木魚紫菜豆腐，香脆可口🤗 呢度嘅奶茶係用烏龍茶底，好香茶味，甜度適中！

朋友今晚帶左我去咗Dr Cow牛扒專家，喺大圍下徑口嘅一間西餐廳。環境真係好舒適，啱晒約埋朋友傾下計吹水既地方💁🏻‍♀️💁🏻‍♀️📍黑安格斯西冷飯配温泉蛋（$118）味道非常濃郁，牛扒煮得恰到好處，肉汁鮮美，配上温泉蛋真係好好味！而且醬汁全是店家自行調配架👍🏻👍🏻同坊間既唔同💁🏻‍♀️為食貓表示推介呀！！必食！！📍小食-木魚紫菜豆腐（跟餐+22）味道清新，木魚同紫菜配上炸豆腐，成件事勁新鮮呢😍😍炸豆腐吸左醬汁，勁好食！📍薯仔蘑菇湯呢個湯係店家嘅新產品，淡淡都係薯仔同蘑菇，勁香勁好飲！必食！📍澳洲和牛三重芝士漢堡（$108）真係絕對嘅滋味！漢堡包超軟綿，和牛扒煎得恰到好處，加上啲芝士融入肉汁之中，味道非常濃郁！📍烏龍奶茶同一般茶底嘅奶茶唔同，坊間一般都係用紅茶底。烏龍茶帶嚟嘅香氣同味道更加清新，好開胃。📍菠蘿沙冰（跟餐+$25）真係好涼爽，沙冰係店家人手打，手打沙冰口感綿密，加埋啲勁香既菠蘿乾，仲有粒粒棉花糖，令人回味無窮！Dr Cow牛扒專家嘅服務態度都好好，職員好親切，解答問題都好有禮貌💁🏻‍♀️💁🏻‍♀️而且好細心介紹食物，超讚呀👍🏻

見到顯徑附近呢間店舖嘅評價都唔錯，呢日我哋就黎到呢度食晚餐 （唔熟下徑口村嘅我哋都要花多少少心機去搵）入到嚟都好有溫馨小店嘅感覺，雖然地方唔係話好大，但嘢食嘅選擇都算多。也都有好多客人係街坊我地叫左2個餐😊😊手切牛小排蓋飯配溫泉蛋牛小排肉質較為厚實，牛嘅肉及油味均勻。配合埋佢哋軟硬適中嘅白飯，以及用來拌飯溫泉蛋，好滿足原件黑安格斯西冷飯配溫泉蛋安格斯西冷肉質較嫩，牛嘅油味都香。都係加入埋蛋拌飯，口感一流木魚紫菜豆腐豆腐粒外脆內滑，配上充滿鹹鹹香香嘅鰹魚鮮味嘅木魚，及脆口嘅紫菜絲和芝麻粒，好好味嘅小吃😊在底醬汁都係自己調製，感覺獨特，帶出更鮮嘅味道，更加惹味。菠蘿乳酸沙冰一嚟到嘅時候賣相勁吸引！我想像唔到係咁大杯！杯上有好幾塊菠蘿乾，沙冰軟綿綿，口感一流！悶熱嘅天氣下，呢個係一個勁正嘅暑之選。奶綠感覺香滑清新，奶香較重。淡淡茶香跟在後。總括仍然，呢度都係好值得推介嘅小店，食物質素高，廚師用心烹調，店員感覺友善。

📍大家都知大圍多嘢食，但嚟嚟去去都係去返地鐵站附近，今次我哋一於去遠少少嚟到大圍下徑口村~由大圍站出去都唔使行好耐，大概10幾分鐘到，中間經過田心村，沿路大多村屋同低密度住宅，望到大大個操場同埋好有特色嘅民居，就好似返返去日本咁！如果大家閒日有時間，想周圍行吓，不妨嚟呢度☺️我哋去到嘅時候大概七點左右，當時都冇咩人，但夜少少就會全場full晒。入到去發現間舖頭細細間，喺三層村屋嘅最下面，睇落非常住家，同出面嘅食店非常唔同，有別一番嘅風味。店內環境如下🪑餐牌如下🍲(未能盡錄）🔻1. 菠蘿沙冰（$36）~ 飲品另外有跟餐優惠我平時好怕啲甜品舖或者台式飲品店嘅沙冰油好重人工香料味🙈食落去好似一大堆色素同香精堆砌而成咁，但係呢度嘅菠蘿沙冰好原汁原味！我哋喺出面都見到佢並唔單只係用機打，同樣有用人手打啲沙冰出嚟，所以佢嘅口感比較綿密細膩～而且杯嘢都非常抵，一擺上台一杯好似成個手臂咁高。🔻2. 雙檸特飲 （$ 32）相信大家凍檸茶就飲得多，唔知有冇飲過兩種檸檬混和一齊嘅呢？呢杯嘢飲加咗意大利青檸果肉，同埋新鮮檸檬，令到佢嘅顏色外觀都有兩隻色嘅分差。一邊飲就可以食到啲青檸果肉，細細粒都幾fresh，口

看了openrice 那麼多的好評，於是昨晚和老公二人决定試下。我們叫了一個燒牛肉沙律（$128），一個秘制醬汁牛肉蓋飯（$60）和一碟蒜辣芫荽炒扁意粉配牛肉（$68）。 這間小店位於大圍和顯徑地鐵站中間位置的村屋附近 ，唔算太方便， 這個沙律價錢定位我覺得偏貴， 實際上燒牛肉同埋沙律菜嘅份量都唔算多，味道亦冇咩特別話好好食， 比我早前喺大角咀食嗰間意大利餐廳， 個set dinner包一個燒牛肉沙律，一個西冷牛扒和一杯飲品 都係$188+10%， 大角咀嗰間嘅燒牛肉沙律仲要好食好多。 至於個牛肉飯和扁意粉份量都算好多， 但係牛肉飯個飯就比較爛， 完全食唔到珍珠米嗰種口感， 意粉就好鹹， 亦估唔到間小店走西式路線，但係個意粉嘅味道係麻辣味， 所以對整體嘅食物都有啲失望， 亦唔打算再幫襯。

由顯徑站落車之後走一段小路，就走到大圍區搵食熱點顯徑村，附近有唔少餐廳選擇🍴，今次介紹其中一間專門食牛牛🐮嘅小店 – Dr. Cow。🎈美國濕式熟成「重量級」厚切安格斯肉眼扒 近年大熱熟成二字，濕式熟成做法較易保存，亦可増加牛扒風味。店員表示要稍等，因為牛扒resting需時，resting做得唔好會破壞肉質。安格斯肉眼扒厚切，濕式熟成果然増添了一般牛扒沒有的味道，值得一試。🎈手切牛小排蓋飯配溫泉蛋♨️呢度嘅蓋飯CP值高，選擇多及價格相宜，無特別講究擺盤，用簡約紙盤上菜，可見較為重視選用食材，牛小排軟腍可口，汁料配搭得宜，性價比高。🎈木魚豆腐配秘制醬汁追加一個招牌小食炸豆腐試試，新鮮炸起，加上木魚同甜甜嘅秘制醬汁，有日式風味，味道不俗。小店店員好nice，親自介紹菜式，由於細細間唔多位，試過walk-in無位，建議大家先打電話訂座，以免摸門釘。🐻評分：🐻🐻🐻🐻4/5