Explorer Fusion Restaurant (已結業)

喺石門站好近嘅街，有呢間裝修好有特色嘅fusion菜舖頭☺️ 門口擺住兩隻公仔，吸引咗我入去食🤭🤭 睇佢裝修，以為係食西餐，意粉嗰種fusion菜，點知原來有兩大頁可以揀日式刺身飯！同朋友兩個人叫咗兩個午餐定食:前菜: 中華沙律普普通通，同平時嗰啲一樣。茶碗蒸好食，蛋滑，入邊嘅配菜新鮮。麵豉湯，飲咗半啖頂唔順，超級超級咸😖海膽蟹肉刺身飯睇餐牌英文嗰度寫住好似係soft shell crab，你都原來係蟹肉蟹膏同蟹籽，仲有海膽。雖然大家都係蟹字頭，但係我覺得蟹籽同另外兩樣野個口感唔係咁夾！左下角嘅粉紅色粉，撈埋啲飯同埋刺身，有提升鮮味！朋友叫嘅火炙刺身飯分量OK，擺盤都靚，略嫌火炙時間未夠，刺身外面冇暖暖地嘅感覺，食唔到火炙嘅質感！

最後一日係石門返工,身為黃C嘅我點都要幫襯一次呢間咁黃嘅餐廳🥰🥰同朋友叫左兩個意粉,🍝🍝但我同朋友都一致認同,係完全無味嘅,可以講係難食😔😔,都幾失望,簡單一個意粉都煮到咁差,意粉透熟情況我覺得煮得好好,但講到味道,係完全零味,好似一粒鹽都無落過.唔知係廚師唔記得落鹽定係廚師失去味覺,定係老闆要求做到零味,真係sorry,係我食過咁多間黃店暫時係最差嘅一間

伏到一個點，超「銀」，又沒咩牛味。真心想退。其實個廚師有沒試過d 和牛，好浪費食材。唔信，可以去試伏，反正我唔會再去。開間鋪，煮d 咁既野，不如唔好開鋪。因為我睇唔到有咩成功感。

呢間好早期已經係「金」色嘅餐廳💛Explorer Fusion Restaurant食過佢地幾次嘅午餐，有刺身飯、有扒据，味道唔錯😋最近再去試埋晚餐，不得了🤩大推煙三文魚牛油果沙律、慢煮和牛、慢煮羊扒🤤🤤🤤另外壽司刺身都ok，唔錯😋😋其實仲想試佢地個漢堡，見到隔離枱叫咗一客，超巨咁，勁吸引，但我地人少，食唔到咁多，唯有下次再試啦😆餐廳入面有2個後生仔女招呼客人，服務態度好好，又有禮貌👍🏻整體質素係值得再去嘅💛食物水準👍🏻員工水準👍🏻環境氣氛👍🏻拍拖談心、三五知己聚會，呢間真係唔錯😍佢地就係石門京瑞廣場，好易搵

石門愈來愈多野食今次嚟到京瑞一期嘅💛小店幫襯吓中午頗多人等位好多人等住懲罰佢我哋等咗5分鐘左右就入得店員帶我哋坐outdoor 位置天氣涼涼地有啲風 都幾舒服.慢煮美國IBP級豬胺扒💰90Portion 夠大肉質有少少韌薯角好食好脆意粉🍝彈牙.意式燒春雞半隻💰98雞醃得好夠味唔會好咸肉質軟熟好食！😋.2款食物都跟大大碗足料嘅番茄雜菜湯！個好飲又湯夠熱‼️（哩樣好緊要）.抵食指數：💡💡💡💡

近近哋，散步去石門試新嘢，我未食過呢間西、日餐廳，慢煮澳洲和牛，因為係慢煮，所以生熟程度無得揀，少許鹽稍微調味，吃出肉嘅原味道，肉質軟嫩，醮芥末係最佳搭配老公點了同樣係澳洲和牛嘅漢堡，佢話肉汁爆燈，值得俾

石門越黎越多野食，都有唔少黃店係呢到開舖，今次試下Explorer Fusion Restaurant，餐廳西式同日式都有，但店內比較細同窄，所以感覺會逼少少。極上拖羅蓉海膽魚子丼$98食材新鮮，香港食拖羅好多都會有陣酸味，呢到拖羅都鮮甜，而且打做拖羅蓉令口感比較嫩滑，份量就少左啲。海膽食落有海鮮嘅鮮甜味，唔新海膽外型會溶溶地，但會出水，食落會有腥味。魚子大大粒有海水咸味，但唯一唔鐘意係將紅薑、酸瓜等一齊放落丼飯到，令到酸汁慘入飯到，底部啲飯就會好酸。Explorer Fusion Restaurant餐廳較細，會比較逼啲，lunch價錢都比較貴，但勝在食材刺身夠新鮮，值得一試。

一日一黃店-石門深黃多國菜呢間主打 西餐 刺身丼類內外都有石門連儂牆 文宣 仲有個手足石像‼️外面仲有枝光時旗（比風吹反左）中午價錢大概80-100（可睇餐牌）特別日子會直播立場新聞 今日就Big Bang演唱會.今日叫左d幾邪惡既野食⭐️美式吉列黑豚肉漢堡配薯角$88👍🏻包面明顯有做足烘底👍🏻吉列黑豚好脆口 炸皮唔會皮肉分離😈有蕃茄 薯角 Bacon 俾足沙律醬同菜😈完全感受到由邪惡堆砌而成 好食.⭐️explorer 豐盛丼$98感覺刺身唔夠多 仲見到啲飯（如果似餐牌圖咁會加分）但係刺身正常水平 ok既.西餐送白湯 日式送味增湯仲有小食 同茶碗蒸 👍🏻呢個有驚喜好滑.#ExplorerFusionRestaurant (沙田)地址：沙田石門安群街3號京瑞廣場第一期地下G10號舖.⭐️評分：味道：4/5環境：4.5/5 聽住Big Bang演唱會鍾意韓星會加分服務：4/5抵食：3.5/5

整體來講野食都好新鮮，我地叫左生蠔、魚生、海膽壽司、棒棒雞、漢堡包、羊架，4個大人+1個小朋友食，份量普通，不過味道唔錯，最開心見到隻太陽蛋burger , 好吸晴不過食果時流哂出黎

TL;DR 如非揀無可揀，真係唔好去。Lunchtime時間去, 人比較多但係都仲有一張空檯, 因為少人所以佢一入黎就問我可唔可以搭檯，跟住我話要諗下，之後即刻說話都無講就轉頭走咗⋯之後我地入咗去，安排我地坐最入邊既corner，張檯同隔離既食客拍得好緊，基本上坐低就會掂到隔離檯，咁我地就移開張檯少少因為真係連攞起餐具都會撞到隔離既距離。跟住，waitress 直接過黎張我地既檯好大力咁拍返埋，問都無問過，黑面到好似得罪佢全家。之後問點解，佢話政府要求有social distancing，你咁樣拍埋就係唔得。係囉，你都知要有距離，你又唔做好防疫措施？起碼隔塊板都好呀，文具店買幾蚊都慳。態度差都咁，連問佢攞水，佢竟然指住隔離檯既水叫我地share⋯後來我地堅持，佢地至俾另一樽水咪我地。食物味道就更精彩⋯牛肉丼同砂紙無分別，同埋係完全乾身。其實無論係咩店，可唔可以俾返少少尊重？咁樣至可以互相支持行落去。

首先，大家都知呢間野既立場，但身為食客都係著重於食物質素。最近不斷試新餐廳，發現好多黃店都比人過度吹棒，但唔好食真係乜都假。呢間都係沙田出名多人食既黃店，難得唔算多人等就一於食呢間。當日都已經9點，但等一枱但等左大半個鐘。沙律無論賣相同味道都正正常常。卡邦尼意粉既醬比較傑身啲，但味道同平時既一樣ok反而扒就出出地事，唔知係咪所謂慢煮既關係，成牒唔係好熱似係微溫咁，而無乜味道同埋醬汁都一般。朋友叫左杯梳打，沒有特別。整體來講，我同朋友淨係試左西餐，因為望menu覺得日本野好唔吸引，而食物既味道有待改善。

深明宜家好多餐廳宜家打著黃店嘅旗號 好多都好多人支持 我亦都認為可以嘅話 當然要多多支持黃店但宜家有一個現象發生 就係好多小店打住黃店嘅名 就完全唔顧出品嘅質素 服務態度其差今次我同朋友一齊試宜間貼滿文宣嘅黃店 對食物質素其實無抱太高期待 都係諗住填飽個肚 但可惜店員嘅態度實在強差人意首先入去點菜 已聽到隔離枱點嘢飲 點親咩都話無 綠茶又無 乜都無 而且店員嘅態度實在唔太友善 到我地枱落單嘅時候 又係無宜樣無嗰樣 但嗰個其實係正值lunch time 我同友人都唔係好明點解可以咩都無 到上菜嘅時候 我地叫咗兩個丼飯 咁佢就嚟得一個sauce 因為我地唔係好清楚係邊一個丼飯 所以諗住問一問 點知有一位帶眼鏡嘅女店員係極度無禮貌咁指係邊一碗 連聲都無出過 我明白我都係比梗百零蚊食個lunch 可能你會話我唔好咁高要求 想要米芝連級嘅服務 但我認為做得服務性行業 簡單答個客一句 係配邊一個飯係咩咁難呢 (ps我點嘅呑拿魚腩丼飯唔算差 但友人嘅和牛丼係唔洗嗌 塊牛鞋過沙紙)個人認為 唔應該無條件支持黃店 如果質素差 服務差嘅黃店 係絕對唔值得太家盲撐 好想大家正視宜個問題 唔好等一啲低質嘅黃店

Explorer Fusion Restaurant 今次講下呢間位於沙田石門嘅餐廳，嗰日係屋企肚餓又唔想煮，近近地見佢係沙田，就搭左車過去食啦！我哋當日嗌左三個餸，加紅酒第一樣野係一個鰻魚忌廉芝士壽司卷我唔知個壽司係咪雪得太耐，食落去啲飯都比較硬，雖然話鰻魚壽司卷，但係鰻魚嘅存在感實在唔太重，冇乜鰻魚味，但事實上佢係有鰻魚嘅，忌廉芝士味比佢重少少，但係都唔太濃味。味道有少少似嗰啲連鎖壽司外賣舖入面嘅鰻魚小卷，不過係放大左同埋加咗忌廉芝士嘅版本。不過佢唔算貴，份量又多，所以一分錢一分貨啦！不過下次就算嚟呢間都唔會encore呢樣嘢，寧願出去俾貴啲食好啲嘅鰻魚壽司卷。我哋仲嗌左另外一款小食，焗芝士肉醬配薯角先講講個薯角，個薯角出面炸得夠乾，外脆內軟，唔會太淋，好香口！另外個芝士肉醬都焗得好香，芝士肉醬有粒粒肉碎，芝士味道香，但係如果單食肉醬嘅話就會覺得有少少偏鹹，如果肉醬味道淡啲嘅話就完美喇！慢煮黑毛豬配薯角（3.5/5）呢款慢煮黑毛豬配薯角入面嘅薯角就偏淋，可能因為啲汁淋左上去嘅關係，就唔太脆但係佢哋嘅慢煮黑毛豬做得唔錯！不過我就嫌佢有少少太熟，佢已經係切晒件咁樣上嘅，食嘅時候好方便！

😘好耐冇出街啦，今次reu揀左去石門食黃到金的fusion菜😍，一入到去餐廳，就已經見到連儂牆同埋民主女神。入面的環境偏向浪漫小小，坐得都算舒服，不過要留意每枱都有限時數，想傾耐小小可能要搵定下場的地點😗。(1)慢煮澳洲和牛配薯菜慢煮牛肉size比我想像中多，食落去都好Juicy又林，略嫌咸左小小，咸味蓋左D牛味(2)慢煮西班牙黑毛豬配薯角西班牙黑毛豬比我想像中有驚喜，食落去好有豬味，同個汁好match，慢煮方法保留左豬肉的肉汁，味道亦冇牛肉咁咸，值得一試。(3)卡邦尼意粉意粉粉量正常，料比連鎖餐廳多，食到有芝士味，但唔會係太漏個種，如果上面有埋隻溫泉蛋就會perfect啦(4)泰式燒大蝦伴香草辣蕃茄汁意粉估唔到有兩隻燒大蝦，配埋蕃茄汁酸酸甜甜，夏天食幾開胃，不過佢唔算好辣，如果鍾意食辣的朋友唔好有太高期望。

黃到金嘅fusion餐廳，貼滿連儂牆，成間店舖嘅格局有啤酒飲有室外枱坐，方便客人食水煙及吸煙！Fusion 餐廳主打日本餐及西餐，刺身很新鮮。今次點了壽司拼盤，刺身拼盤，雞翼，澳洲和牛扒，已石門呢個地段你計算比較昂貴但食到呢個質素性價比極高壽司及刺身拼盤10分新鮮肥美，用料上乘拖羅及海膽特別好吃澳洲和牛入口即溶，肉未夠濃，油脂分布均勻😋😋😋餐廳唔係有好多張枱但每次黎親都要等位，所以如果要想食好嘢一定要訂位唷😋😋