Friday Cafe & Wine Bar

营业中

休息中

Friday Cafe & Wine Bar @上環📍上環孖沙街8-10號金滿大廈地舖餐廳走工業風格 仲有好多Marvel Figure 位置好近上環站 平日放工既朋友仔同朋友約食飯傾下計 呢度都唔錯 亦有酒提供🥂▫️芝士肉醬千層麵 $98口感豐富 仲有好多薯蓉圍住係2邊 飽肚感十足！可以同幾個朋友一齊share🤪 芝士仲有拉絲效果🧀😍 真係好邪惡😩蕃茄肉醬味超濃！▫️忌廉蟹肉意大利飯 $128 有滿滿嘅蟹籽同蟹肉 每一啖都食到豐富嘅蟹肉又唔會腥🤩 份量好多！😆 好多三色椒同菇係飯入面 口感更豐富😋 意大利飯偏硬身 我個人鍾意淋d但朋友覺得咁樣啱啱好 幾有咬口～不過整體調味可以再調得好d 面頭既蟹肉鹹左d😣☕️3D Mocha $70立體花花 造型可愛到爆登😆 有貓 狗 熊仔可以畫 但我就揀左random😚 朱古力味香醇濃郁偏苦 口感順滑👍🏼 雖然價錢頗貴 但值得欣賞咖啡師既手工拉花🥰🍯Honey Earl Grey Latte $38伯爵茶好清香 配上柔滑既鮮奶 整體味道比較淡～👅好味：4/5💲價錢：3.6/5🌟性價比：3.8/5👀環境：4/5👥服務：4.2/5

🍽香草羅勒醬雞肉意粉 (4/5) 💰98羅勒醬既香氣一上枱就聞到😚雞肉主要係雞脾肉🐥嫩滑大大件意粉軟硬ok，配上羅勒醬真係會食上癮😏🍽煙三文魚班尼迪蛋 (4.5/5) 💰98兩件size都幾大件，有煙三文魚、水波蛋、荷蘭醬同香草🌿水波蛋火候岩岩好🥚蛋白位置比較凝固但蛋黃又會爆曬蛋漿出黎🤤配上淡淡既酸咸既荷蘭醬一齊食調味就very good啦😆沙律菜沾上甜甜既黑醋汁，非常開胃🍽Latte (4.2/5) 💰42拉花真係好靚🤩配上靚靚既杯子成件事都好賞心悅目😂有淡淡既回甘，加上牛奶既香甜🥛唔錯🍽Iced cappuccino (4/5) 💰42好大杯🤤漸層幾靚，飲落唔會柴口餐廳走工業風，隨處可見既marvels模型，餐具有特色，仲有🍎報紙添佢地最出名既係3D拉花，睇到啲圖已經覺得可愛到爆棚😍可惜星期日佢地唔候拉花😭大家想要拉花就記得星期一至六去啦～

Friday Cafe & Wine Bar (上環)上環孖沙街8-10號金滿大廈地舖朋友話想嚟試下可愛公仔3D立體咖啡，原來限星期一至六下午供應，今日星期日去🙈失策咗添🙈想打卡嘅朋友要留意呀！🤣🤣🙈黑松露炸薯條$78Size是麥當奴的幼薯條～上枱時唔熱，暖嘅～所以唔脆～薯條上沾滿黑松露醬，好香！吸引！😍幼薯條上的黑松露醬比起另附上的黑松露酸忌廉醬更為適合～香草羅勒醬雞肉意粉$98雞肉厚身嫩滑彈牙！Juicy！完全唔乾！！有驚喜！😍羅勒醬香草味濃，若烹調醬汁時，加上蒜蓉一起烹製相信會更為香口惹味黑松露野菌意粉$88與松露醬薯條比較，呢款意粉的黑松露味相對唔突出😳整體味道，食落比較像蔬菜野菌伴意粉😳玫瑰鮮奶咖啡(ice) $46有好淡淡的玫瑰茶味，完全唔係Artificial嘅玫瑰味！奶味都重嘅～Dirty $40奶味重嘅，見到咖啡師調配所有咖啡時都是用Meiji明治鮮奶沖製的！

今次揀上環呢間cafe 係衝住佢哋嘅3D立體拉花咖啡而嚟！😎餐廳一邊係一排酒櫃，而另一邊放咗好多Marvel 啲 figures，有好多Iron Man😝 設計有別於一般咖啡店，好有自己風格。我覺得好啱剛開始約會嘅朋友，係一間好易打開話題嘅餐廳🤣❤️ 3D立體拉花咖啡 $70有cappuccino, chococinno (朱古力)同 mocha 揀，而圖案就有貓狗熊同random 揀，因為想有啲期待感所以揀咗random🙆🏻‍♀️ 喺等待嘅過程我哋傾緊大叔的愛，唔知係咪講得太大聲，居然上枱係viutv 生啤！😍 見到生啤好梳乎咁浸緊咖啡浴，真係超得意呀！炸生啤就見error 玩得多，而我就連生啤都吞埋！知我咩料啦！🤫❤️ 綠茶沙冰 $50朋友就叫咗綠茶沙冰，我試咗一啖，沙冰打得好細滑，飲落無綠茶啲苦澀味，甜度啱啱好，消暑解渴一流呀！🙊❤️ 紐西蘭牛肉眼扒 $268上枱時我同朋友同步地「哇」咗聲🤩 因為無諗到呢個價錢有咁大塊扒，職員話有成10安士！😳 仲有薯角同埋配菜！塊扒食落有少少筋但肉味重，以呢個價錢算係非常唔錯㗎😏❤️ 煙肉芝士焗大啡菇 $88大啡菇好厚好juicy，入面啲菇汁一咬湧哂出嚟

好少寫食評 但如果好嘅真心要讚Coffee shop位置係上環孖沙街，開google map照住行好易搵到，招牌好搶眼好明顯個3D拉花真係冇得輸，打卡一流🤩我係揀左Cappuccino and Mocha，拉花就隨機，等咖啡師自由創作，當然冇令我失望啦‼️

Friday Cafe & Wine Bar 我係特登衝住佢個貓貓 #3D咖啡🥰真係好cute啊3D Cappuccino HK$70除左得意之外，咖啡都唔錯嘅。不過見到杯咁cute嘅咖啡，真係好唔捨得飲。English Breakfast HK$98大大份量嘅#Alldaybreakfast，好彩男朋友幫手一齊食😋用木盤成件事都好靚仔！同埋我最impressive係佢啲茄汁豆係好食嘅茄汁豆，唔係罐頭淡茂茂！🥫Parma Ham with Pesto Pizza HK$128重本每一塊都有Ham，而且仲有好多芝士拉絲！配上Pesto香蒜青醬嘅Pizza，都真心幾好食！Overall黎講，野食都好大份，同埋好食好靚嘅，不過CP值就唔太高。

今日打算去上環附近staycation，路過嘅時候見到呢間餐廳有好特別嘅3D咖啡拉花！但原來呢個3D咖啡拉花只係星期一至星期六嘅⏰14:00至19:00供應！🍡3D coffee HK$70侍應一上枱嘅時候，我同男朋友已經忍不住拎起手機不停咁影相啦！真係好cute好得意好可愛啊！我哋總共叫咗兩杯3D咖啡，而圖案就揀咗貓貓🐱同熊仔🐻‍❄️！搞到我真係好唔捨得飲！❣️Mocha （貓仔）好濃香嘅朱古力味，完全唔會太甜，好啱我呢啲唔係好鍾意咁甜嘅人！❣️Cappuccino (熊仔）呢杯泡沫咖啡有好香嘅咖啡味，但相反地比較淡口，好易入口同埋唔算好重咖啡味！如果有啲朋友仔係本身唔太喜歡太濃咖啡味既，咁就可以試吓呢杯！🍡孜然雞條食落好香孜然味，炸粉炸到好脆，唔油膩！咬落雞肉好軟身，好似食緊雞肉腸既雞肉咁，同其他餐廳的炸雞條好唔同，好好食！不過孜然粉若果可以再重少少會更好🤣🍡肉醬意粉離遠都聞到好香鮮茄味，而且芝士都焗到好吸引！啲肉醬都食得出有牛味，正！🤤🤤🤤🍡英式早餐估唔到呢度嘅英式早餐真係咁豐富，包括有蒜蓉包，火腿，煙肉，薯塊，蕃茄，英式腸，炒菇，炒蛋同茄汁豆！我比較欣賞佢個茄汁豆係事先焗過，同事都聞

約朋友去上環下午茶，在地鐵站附近找到這間休閒風咖啡店，環境舒服寫意，食物有質素，最驚喜仲係有得意立體拉花咖啡，最適合相機食先的我和你。由上環A2出口行過去只要一分鐘左右，交通超方便，不用行斜路上山，寶寶表示高興。咖啡店面積不大，坐滿都只係二十人左右。這天下午茶時間來比較易搵位，亦可以坐耐一點。除了喝咖啡，店內也有賣酒，所以有蠻大的酒櫃。裝修有少少外國酒館風情，氣氛好chill，好適合傾偈。最入面的牆上有世界地圖。最有趣係座位後面有好多 Ironman 的模形公仔，店主一定係鋼鐵人粉絲。這個 Q版鋼鐵人仲開cafe添！餐點以西餐為主，第一版有好多人鍾意的全日早餐，亦有更飽肚的意粉意大利飯，跟朋友分享都有多款小食揀，當然仲有重量級主食。全日早餐、意粉和意大利飯都有方便素食選擇，店員亦會問清楚是否吃五辛，幾貼心。最吸引我當然係這個立體拉花咖啡，仲可以自選動物造型呢。當然仲有更多飲品選擇啦，都幾適合約朋友來飲野喎。3D Cappuccino HK$70立體拉花飲品可以揀朱古力或咖啡底，公仔又可以揀貓、狗或熊仔，我會貪心咁問可唔可以整 Ryan 襯返我個指甲，結果唔知點解得到 Viu TV，都係

黎到上環搵食，呢區小店林立，間間都看似好chill好relax。見到呢間叫Friday嘅cafe門口咁靚，又咁啱門口有錶位泊車，入去開餐啦！ English Breakfast $98🔸️以型格木板作碟盛載住豐富英式早餐蒜蓉包、煙肉、香煎火腿、菇、蕃茄、炸薯角、腸仔、沙律菜......豐富到不得了。 🔸️呢個All Day Breakfast 令人眼睛滿足，更令人肚仔滿足，水準之作！ 卡邦尼煙肉扁意粉 $88🔸️好多菇，好多汁嘅卡邦尼意粉，呢度比出面食嘅唔同，因為意粉上面有沙律菜伴碟架！有菜落肚，感覺健康好多。🔸️仲有呀，份量好大碟，一個人都食唔晒，$88抵食👍 Ice Latte $42🔸️賣相吸引，一杯latte有三層色調，視覺享受完～入口香滑，仲要咁大杯可以慢慢飲，慢慢嘆。 牛奶朱古力 $38🔸️吸睛～吸睛，仔仔睇見不禁發出“嘩嘩聲”！因為熱朱古力上面有畫花架！好可愛嘅Bear Bear熊公仔，仔仔話靚到唔捨得飲🤣 💛環境🔸️裝修佈置用心，好多打卡位。🔸️店內好多Iron man figure，老板一定係Iron man fans。🔸️餐廳不大，大約廿幾個座位，小店有小店好，服務貼心一點。🔸️樓底高

今日嚟到上環拍拖，先去咗西港城打下卡，又去左摩羅街舊地重遊，無意中發現呢間好有格調嘅Cafe仔😆還掂行到攰，就決定坐低食個Tea～立體拉花Chocuccino (Random) $70電子陳order咗3D拉花，有幾款公仔可以選擇，好似有貓、狗、熊仔～ 佢揀咗random等咖啡師決定～ 最後比左隻Pooh佢，真係勁cute‼️ 雖然3D拉花比普通一杯咖啡貴啲，但間唔中欣賞下呢啲手工藝術，飲完覺得好開心，絕對值得try try👍🏻蜜糖伯爵茶鮮奶 $34淡淡伯爵茶香加埋幼滑嘅鮮奶，感謝好清新😋飲完完全無罪惡感～熱香餅 $78本身oder咗自家制雪糕窩夫，但今日menu轉咗熱香餅～ 3層嘅熱香餅夾雜咗蘋果、香蕉、藍莓🫐～ 上面仲有粒龍珠果，第一次食😋酸酸甜甜，幾得意！檸檬雞翼搥 $78一碟有六隻雞搥，肉質嫩滑而且幾juicy~ 加埋檸檬汁酸酸甜甜幾開胃～ 下午茶份量啱啱好～

𝙞 𝙢𝙚𝙖𝙣 𝙟𝙪𝙨𝙩 𝙡𝙤𝙤𝙠 𝙖𝙩 𝙩𝙝𝙚𝙢...𝙙𝙚𝙛𝙞𝙣𝙞𝙩𝙚𝙡𝙮 𝙩𝙝𝙚 𝙘𝙪𝙩𝙚𝙨𝙩 𝙘𝙤𝙛𝙛𝙚𝙚 𝙞'𝙫𝙚 𝙚𝙫𝙚𝙧 𝙝𝙖𝙙🦛🥺🧡.上環不嬲都多cafe，今次揀左黎呢間完全係為左杯3D拉花咖啡，原來除左咖啡外仲有一系列既紅白酒、sparkling wine同手工啤酒！主角拉花咖啡除左基本既貓、狗、熊之外仲有個random，request左個勁冷門既河馬竟然都拉到，仲要唔止得個頭，連頸、背脊同patpat都拉到好精緻，好似趴左係度一pat嘢咁望住你咁，cute到完全唔捨得飲🥺 值得一讚既係放左差唔多半個鐘都冇溶到！另外甜品味道都唔錯仲要價錢勁親民，下次會返黎再試佢其他野食😋

週末約左朋友聚舊，打算找個Cafe 飲下咖啡傾下計。她是一個咖啡愛好耆，專門在中、上環區尋覓高質的Cafe。今天，她就帶我到她收藏已久的精選Cafe — Friday Cafe & Wine Bar。朋友跟我說，她本常星期一至六過來，可以一嚐3D Cartoon Coffee，但耐何工作的關係，只能在星期日先有時間，所以我們都是先試試Friday 的真正咖啡，待下次有時間才來與3D 咖啡打個卡。Friday Cafe 擺放著非常多的擺設，很有歐陸風情，在Cafe 慢慢坐都沒問題。比起其他Cafe，其實Friday Cafe 都算比較多食物款式。傳統英式食物、意粉類、不同種類的咖啡都應有盡有。特別是咖啡類，真的要花點時間去想想點哪款咖啡好，超多選擇。既然今日的主要目的是要嚐嚐這裡的Coffee，所以我和朋友都以Hand drip coffee 為主打。⚉ 1. English Breakfast (英式早餐)English Breakfast，亦即是All day breakfast。份量遠比我們相像多，材料有炒蛋、煙肉、薯角、腸仔、蕃茄、茄汁豆、菇類、蒜蓉飽及沙津，可以供兩人share

這間位於上環街巷中的小店, 又是咖啡店, 亦是飲酒聊天的好地方.。🔸3D 拉花 CAPPUCCINO🔸 德式香腸拼盤🔸 英式早餐 。✍︎︎ 3D 拉花 CAPPUCCINO：看見這麼可愛吸晴的 🐱 貓貓拉花, 平時不喜歡花巧的我都心動了. 以明治4.3特濃牛乳 🥛 打成的立體拉花久久不散, 沒加糖的咖啡味道柔順, 還有CHOCUCCINO, MOCHA 可供選擇, 拉花圖案有4款,包括 貓,狗,熊 或 隨意 (⚠️注意餐廳星期日沒有拉花服務提供), 。✍︎︎ 德式香腸拼盤: 以豬肉為主的5款香腸拼盤, 遠處看到已垂涎三尺, 香腸有淡淡的烟熏味，散发出濃郁的肉香, 最驚嚇是薯蓉非常入味, 又不會搶了香腸的肉味!🤤 。✍︎︎ 英式早餐: 看到大大碟英式早餐, 有火腿、菇、蕃茄、蛋、腸等等, 本來抱著平常心來吃, “咦喂~ 幾好食喎~” , 那塊火腿好味, 其他水準很平均!。

比依間cafe吸引之處就係佢地嘅3D coffee，要用奶泡拉出3D圖案好考技巧，真係要讚下咖啡師🤵🏻除左打卡一流嘅咖啡之外，佢地嘅食物出品價錢唔貴仲幾好味😋**********<芝士肉醬千層麵> $98店員話佢地嘅芝士肉醬千層麵係即叫即整，一層麵一層番茄肉醬鋪上去，仲有薯蓉圍住四邊，最後加上大量芝士！份量仲要好大盤，趁熱食可以拉芝，咁邪惡要搵多幾個人一齊share😈**********<煙肉芝士焗大啡菇> $88焗大啡菇焗得外乾內juicy，好難得焗菇都可以鎖得住咁多菇汁係入面，中間釀左煙肉芝士，一定要叫依個！🍄**********<3D Mocha> $70<鮮橙梳打> $38要mark低只有星期一至六14:00至19:00先有得叫3D coffee，星期日黎嘅話會白行一趟嫁！圖案可以揀cat、dog、bear或者random，咖啡師會盡量滿足客人嘅要求，今次就叫左一隻訓係度嘅熊仔，真係超級可愛😆

@kan.teen呢間Cafe有好可愛嘅咖啡拉花☕️又有好多唔同種類嘅酒選擇🥂🍾🥃🍸總有一樣啱你✨.👅芝士肉醬千層麵$98份量好多😆千層麵入邊有好多肉醬🍝旁邊仲有焗薯蓉 好豐富 啱曬重口味人士🍕肉醬千層麵呢樣嘢真係不敗嘅邪惡組合🍖.👅炸魚薯角 $98又係好大份 抵食～炸魚外皮脆 不過肉質炸到有啲乾🐟薯角就正正常常啦🥔.👅3D Cappuccino $70立體拉花有貓貓狗狗同特別款比你選擇💫我揀左可愛嘅貓貓造型 立體拉花咖啡☕️呢啲真係好花心思🥺見到都心情好😼打卡💯味道正正常常 呢杯飲落特別多泡😹.👅Green Tea Frappe $500綠茶/抹茶味🌵反而似雲呢拿味勁似普通食過嘅雲呢拿雪糕味🍨———📍Friday Cafe & Wine Bar (上環)上環孖沙街8-10號金滿大廈地舖#kanteen上環 #kanteen良心幫襯 #kanteen西餐 #kanteen_cafe