Girlboss by Master Kama (已結業)

去到屯門市中心三樓，一眼望落就有一片粉紅色調吸引了眼睛。地方非常好認，岩岩好就係SixtyEight隔離。等位門口仲有三個粉色系氣球掛左係度，真係好吸睛。有d美中不足就係佢嘅進餐位置係open area，無荃灣店店內裝修咁粉紅氣氛，對於少女心爆發嘅我有小小失望，但相對會比較適合男士，同埋好似我朋友咁唔太喜愛粉紅系嘅女性，壓力感無咁大同時又可以輕鬆進餐。前菜我地分別叫左ShakeShake單骨雞翼同ShakeShake雙重炸薯條。本身ShakeShake單骨雞翼係揀咗配章魚燒粉，不過八點去到章魚燒粉已經賣晒。唯有退而求其次揀咗BBQ粉。首先單骨雞翼嘅好處，就係唔需要咁辛苦去食兩條骨中間啲肉，又唔洗食到成個咀污糟晒，對於好似我同朋友咁嘅懶人來講簡直至愛。炸雞翼色澤金黃，口感外脆內軟，炸到外表香脆嘅同時，鎖住啲肉汁係入邊。但最好莫過於個BBQ粉，唔好睇個份量好似好少咁，雞翼沾左少少粉，就已經有好濃郁嘅BBQ味。重點係味道會留係口中，唔會話一入口就去左d味。至於薯條，睇個名完全無辦法理解何謂「雙重」。上左來見到有兩色薯條，本身以為只不過係唔同色素，點知食左落口，一陣香甜嘅番薯味充斥係口入邊，原

o黎到呢間叫girlboss o既餐廳，欣賞住佢粉紅色o既牆身、飄逸中o既金屬氣球，仲有高雅o既絨布座椅，唔難被佢公主系o既氣氛所感染。做足功課o既我地，一心o黎試呢個三層架，見ig d 相好靚！叫o左一份bossy royal set ($368 未加一)，佢特別在唔係一個個餐咁fix 死o左o既固定組合，而係所有o野食都可以從main menu 度揀，總之揀夠幾多份湯/沙律，幾多份前菜，幾多份main 咁。先o黎o既有是日餐湯同蟹肉牛油果蘋果青瓜沙律。特別想講個沙律，用玻璃杯上，再上面砌到好靚好有心機，唔單止賣相可觀，味道仲十分之唔錯，尤其佢落o左好多牛油果，同d 蟹肉碎互相提鮮，令到單係沙律都足以媲美其他主要菜式，呢個堅讚！沙律唔算入前菜，前菜可以另外點兩個半份。龍蝦芝士雞翼o係炸到香口o既雞翼上淋上惹味龍蝦汁，仲刨o左d 芝士碎o係上面。呢個都叫正常，但德國腸凍肉芝士拼盤就超級唔正常，大份到呢，圖呢個已經叫半份o左！大大碌辣肉腸同慕尼黑腸，芝士都有幾款而且粒粒厚切，大滿足！主菜係一份燒安格斯西冷焗薯粒炸蔬菜香草法式牛油汁(好長的名字……)，牛油o既香酥味幾正，佢o係碟邊亦配上岩

今日同兩個朋友約左去屯門市廣場睇戲，睇完剛好係晚飯既時間。行左一陣俾呢間girlboss master kama既顏色鮮明既裝修吸引左，晚飯時間人流都有少少多，但等左10分鐘左右就可以入座，侍應生都好有禮貌。一打開餐牌見到菜款好多，令我一時之間都有少少心大心細。香烤焦糖黑醋豬肋骨 配 和風柚子沙律 及 薯條 $118 - 老土d講句真係一次過滿足哂你三個願望，豬肋骨既肉質唔錯，份量都幾多但好彩佢唔會好肥，黑醋配焦糖酸酸甜甜好開胃，值得一提既係佢除左薯條仲有蕃薯條呀！係愛呀哈利。Shake Shake單骨雞翼 $68好好食，本身我唔太食煎炸野，但佢個調味粉好香(海苔)，雞翼都唔會算好油。講到成餐晚飯既重點絕對係 香煎鵝肝海膽溫泉蛋飯 ＄168，我估應該係用左加拿大海膽，海膽好新鮮！淨係呢四舊海膽我覺得成碗飯已經值回票價，我先食左一半海膽，將溫泉蛋同海膽拌好飯之後，一啖飯一啖鵝肝，簡值係人生一大快事。低溫慢煮法國黃油雞＄118 係最後一樣上既菜，以個人既經驗，判斷雞煮得好唔好一定係食雞胸，雞肉肉質岩岩好，食落好香雞味。睇黎以後係屯門食西餐又多一個好去處喇！

好耐之前去過銅鑼灣的Master Kama 覺得超級好味 估唔佢會結業..今日來屯門店 本來充滿期待 結果失望透頂不說食物了 太難食坐低5分鐘 要主動要求之下 店員才斟水... 仲要凍冰冰小妹同友人叫咗個層架set 有湯/沙律、前菜、主菜、pasta/pizza湯同沙律最早來 其餘2個前菜、1個主菜、pizza和三文治都係一次過上哂 一次過點食？張檯無咩位剩 放到凍哂最好笑係 個架得3層 食物卻有5碟 咁要個架來做咩？除咗扮到好似high tea咁根本無賣點呢度好少人幫襯 連店員都懶懶閒 空碟空碗放咗成粒鐘都無收過想搵人添水都無人 費事下下要離開座位叫人啦埋單成$500 食物普通 服務差勁 仲敢收人10% service charge... 枉小妹之前極力推介朋友過來.......

今晚去開屯門， 就簡了呢間， 因為之前試過荃灣店， 知道呢到好pink pink , 食品款式都多， 好精緻， 值得再試試， 所以屯門開左分店就幫襯一下😊餐牌都係相同，我同家人簡了GIRLPOWER SET($138)意粉可3選1（卡邦尼意大利粉/ 鮮茄忌廉扁意粉 /黑松露野菌扁意粉）沙律，一口牛，shake 炸薯條&單骨雞翼，窩夫價錢抵， 有咁多野食我地選了卡邦尼意大利粉：好pink pink 意粉， 幾creamy ,唔會太‘流’shake 炸薯條&單骨雞翼：又玩得又食得，薯條又有2種，分別有薯仔及番薯🍠窩夫：熱啦啦， 面還有好軟好滑雪糕，一冷一熱，正😋香烤焦糖黑醋豬肋骨（$118）豬肋骨清清地， 唔會太重味， 健康👍🏻小國王蘋果茶（$58）檸檬.蝶豆花（$48）有支試管裝住檸檬汁， 加左檸檬汁就會變色

最近屯市三樓開左間新開嘅餐廳之前荃灣新開嘅時候已經好想試難得屯門開左 無理由唔食嘅！就等我試試佢！無荃灣咁粉紅 咁少女但一樣係好簡潔幾靚適合同朋友邊傾邊食今次叫左個set 雖然價錢唔算平 但食物高質 好食 一定會再黎🤤蟹肉牛油果沙律作為前菜絕對ok 佢個青蘋果好好食牛油果蟹肉又出奇地夾 加埋啲醋 寧舍開胃蕃茄湯又幾令人驚喜唔太稀 啖啖濃烈嘅蕃茄味👍🏻蜆肉芝士薯蓉啲芝士好好食 仲會拉絲薯蓉出色 唔會無味或太濕Shakeshake單骨雞翼試左bbq粉 又炸得幾好食芝士龍蝦三文治都係好好食😂😂😂一口安格斯其實算係咁多樣最唔好食因為相較難咬 但佢配牛油又加番分總結呢 係有些少貴嘅但味道真係唔差 久唔久黎食下吹下水影下相都ok架👍🏻

和表姐相約食飯，來到這間市廣場新開的餐廳。侍應都穿著整齊的制服，在這用餐有種優越的感覺。點了這個Bossy Royal Set，一個價錢可享受多款食品，份外超值。蟹肉牛油果青蘋果沙律有濃香的蟹肉味，加上牛油果，帶出一種清新的感覺。豆溶忌廉湯自家製的餐湯，豆溶與忌廉的味道很匹配。Girl 分享盤有多款菜式，最欣賞是雞翼，蜜糖味什濃。燒一口安格斯西冷，焗薯粒，燴蔬菜，法式香草牛油汁西冷肉質鬆化，牛味突出，蔬菜混合了香草牛油味，非常好吃。德國腸凍肉芝士併盤富有德國風味的菜式，最愛是香草腸的味道。香蒜大蝦蒜片辣椒意大利粉辣度適中，滿載著蒜香味道。龍蝦墨魚籽寶尼蛋配英式鬆餅龍蝦很鮮味，與蛋漿及墨魚籽是完美的配搭。Queen cheese milktea由芝士奶及布甸製成，有濃濃的芝士及奶香。Master Magic Soda檸檬與碟豆花的配搭，加上檸檬汁，飲品會變色，很神奇。

Master Kama品牌旗下的Girlboss by Master Kama正式進駐屯門市廣場一期。Girlboss by Master Kama 在荃灣的好評也不少，不用出荃灣也不必到港島一試龍蝦包，可算是對屯元天的食客是一大喜訊，因為是新開幕所以人龍都不少，位置位於屯門屯隆街3號屯門市廣場一期3樓，舊舖位也是Cafe，所以一貫舊有的氣氛，因為是露天的關係，空間較為寬敞。Girlboss用上粉紅色為主題，桌面用上雲石，椅背是布藝沙發。在各大網上媒介也推介二人餐，發現二人餐價錢頗合理的，只要$368須加一，但餐飲要另點，Bossy Royal Set 可以選沙律餐湯2款，前菜兩款(半份)，主菜一款及漢堡/薄餅/意粉/意大利飯兩款(半份)，而新店的新菜式有： 烤南瓜松子仁雞絲沙律、 脆炸虎蝦. 炸魷魚圈. 紫薯片、Shake Shake單骨雞翼、低溫慢煮法國黃油春雞、香烤焦糖黑醋豬肋骨、 炸軟殼蟹冬蔭功意大利粉、鱈場蟹肉香草芝士焗蟹子意大利飯、香煎鵝肝海膽溫泉蛋飯、Mac n Cheese熱狗腸窩夫漢堡、煎蛋芝士牛肉漢堡窩夫、龍蝦黑魚子賓尼迪蛋配英式鬆餅。蟹肉牛油果蘋果青瓜沙律用上玻璃

新開黎講，服務態度其差，唔知有咩值得排隊等位食呢間野，二位枱一定要坐二人，四人枱又話一定要坐四人，唔可以坐三人，咁乜野枱先可以坐三人？不停入晒二人，四人枱，三人等位唔洗指意入去食..............................

今日行屯市食午餐，發現呢間餐廳價錢唔太貴於是就行埋去等位。點知係個大伏😥 餐廳裝修似有特定主題但係地方好細，有啲位擺咗二人座位後根本侍應都過唔到。入正題，我點左午餐set，定價由＄62起，包沙律或湯，主菜一杯餐飲。第一碟黎嘅係沙律，份量少到好似食剩嘅咁，非常寒酸😓 跟住來的係香草白汁三文魚長通粉，就咁睇以為係三文魚撈埋長通粉煮白汁，但上嘅卻係煙三文魚+通粉。同想像中有出入唔緊要，但係食物質素真係好唔掂😫1，三文魚係梅嘅；2，長通粉只係微暖，未食到一半已經凍哂😩連最後上嘅凍奶茶都係無味。 最後埋單＄68。的確唔貴但係其實平日以呢個價錢係好多地方都食到好好嘅嘢食，喺呢間餐廳唔止嘢食難食，連服務都非常差。一班妹妹侍應態度愛理不理，仲衰過食茶記。總括而言，環境差，食物差，服務差，一眾打手唔該唔好害人🙏🏻唔好再講乜乜乜粉紅勢力......介紹人嚟呢度食，謝🙏🏻

之前已經去過旺角及荃灣分店，今次同朋友到屯門新店試下，呢間同之前分店裝修同餐牌都有少少唔同，但都一樣咁靚，好適合同幾個朋友食下嘢影下相😍今次叫左幾款食物同飲品，我最鍾意係南瓜🎃意大利飯，慢煮三文魚🐟同Yellow Bus🚌 芝士同南瓜真係好夾，成個飯好香濃好味道😋平時好驚煮熟嘅三文魚好腥，但呢個三文魚真係喜出望外，一d都唔腥，好滑好好食👍🏻至於Yellow Bus 係菠蘿🍍+椰子🥥perfect match 冰涼好飲好夏天呀☀️Pizza都幾香脆，但如果可以多兩塊就更好。意粉幾creamy 唔錯，Girl’s 分享盤入面有幾款小食，亦有幾款shake shake 粉可以選擇，加落雙色薯條🍟味道唔錯。仲叫左幾杯又靚又可以呃like嘅飲品😂Unicorn Dream 🦄 (波子汽水巨峰提子smoothie 🥤🍇)Yellow Bus 🚌 (菠蘿椰子smoothie 🍍🥥)Teddy Bear 🐻 (朱古力曲奇smoothie🍫🍪)Paradise LUPICIA TEA (熱帶水果樂園茶🍊🍍）新開黎講服務都算唔錯，坐得幾舒服。餐廳除左堂食，亦有外賣飲品及外賣軟雪糕🍦下次要試下日本NISSEI

睇完 雜誌 剛巧到市中心 就試一試 晚餐， 第一次就點左個 set 諗住試多幾款菜式 ， 沙律 是有特色 ，但說真的 很不方便 就一個小玻璃樽 ， 從外面根本唔知入邊係什麼 ， 食到一半 結果我點的兩個沙律 都來錯晒 ， 牛油果 變左 青蘋果 ， 三文魚 變左 芝士蕃茄 ， 但味道還可以 ，就算了 ，前菜 ，米卷 有點強差人意 說白了 就是無味 ， 釀蟹蓋 真的很不錯 食落去 有蟹肉而且有日式醬油煮過嘅味道，主菜來了 ， 我點了 蒜蓉牛油龍蝦 做主菜 ，味道偏淡 ，溫度偏凍 ， 配上嘅汁很特別 無咩味 ，之後嘅芝士帶子意大利飯 ， 我覺得都幾好味 芝士很香，雖然帶子比較細隻 ， 但我覺得已經算有水準，最後龍蝦黑魚籽賓尼蛋 也不錯 ， 就是整體菜色偏凍 ，但我覺得以剛開張來說 ， 有進步空間 ，服務態度 不錯 ，都係個句有進步空間囉。

又回來了！補記出發前一晚，在屯門市廣場新開 Girlboss by Master Kama 的一頓，特別推介豐富抵食兒童餐。有拜訪首間荃灣廣場 Girl Boss 的朋友都知道，這是一個粉色主打的品牌；而正好三樓這帶又有 6ixty 8ight，感覺就像粉紅勢力聯合起來了！ 餐廳前身是 baby Cafe，環境佈局也大致相近，比起荃灣店開揚多了；另外可能附近不少家庭客，店內設備、餐牌及餐具都十分照顧小客人需要，如以不同色的兒童餐具取代瓷碟及金屬餐具，全粉紅色的可愛BB椅，以及4款內容豐富兒童餐 ($68-78)～ 這晚兩口子分享了 Royal Fruit Tea ($58)，由不少青蘋果、菠蘿粒加上果茶沖成，果香豐富、清新怡人，份量又足，好喜歡的！ 兩兄妹的兒童餐也有飲品，Chloe選了由 Chocolate and Cookies 組成的 Teddy Bear ($58)，Smoothie 上真有不少可愛熊仔餅，味道香濃不過甜，媽媽也十分喜歡，不過由於底下有些仙草／涼粉，妹妹只挑上面層來喝。 囝囝就選了 Unicorn Dream ($58)，粉紅、粉藍的賣相十分夢幻可愛，而且面層

難得星期六下午，同阿媽在屯門市中心閒逛，見到之前Baby Cafe 的位置開左新嘅Cafe，諗住去望望。門口嘅menu只有飲品，我地以為只得飲品想轉身離開時見到店內客人嘅枱上有食物喎，又回頭再找餐牌睇完一輪，想入去坐，但完全無人理我地(當時餐廳人亦唔多），咁我地見到有位就坐低，再示意先有人絲絲然過來。望望餐牌，飲品選擇多，但價錢唔平，定價$48-58一杯左右。因為只係下午茶，只點左avocado seafood tartare, baked portobello mushroom with cheese,  cappuccino, 同一杯菠蘿薄荷茶。飲品先到，唔難飲但實在係無咩特別，諗唔到點解可以收人$50一杯。cappunccino 都要$38avocado seafood tartare 亦跟住到，份量細到一個點⋯⋯所謂seafood係上面有些好細嘅蝦、三文魚 （好腥）同八爪魚咁，又係只可以話唔難食。食完再等左約5-10分鐘，個焗磨菇仲未黎，（佢一埋黎就問係咪埋單），一問之下原來漏單⋯⋯只點左兩樣食物，點菜時落單個妹妹仲喺張單畫左兩個大圈⋯⋯都漏。咁佢話即刻整叫我等5分鐘，阿媽話費

適逢父親節，在屯市閒逛到6時多，於是就選了這家剛剛開幕的餐廳吃晚飯3人叫左3個main dish，根本食唔飽！同時食物分量太小。值得留意的是，這家餐廳在晚上6點後有最低消費每位$100，但在入座時無講，只用很細的字在點餐紙寫，如果你叫$88的菜色的話......