Go Inside Kitchen (已結業)

今晚同家到此食晚飯，地点座落工廠大厦5楼，颇容易找到！餐廳環境一般，但亦寛敞。我点了一个晚餐，头盤雞沙律几醒胃，餐湯是鮮蕃茄湯，飲落几清新！並非一般罐头貨式。主菜燒黑毛豬鞍架，份量颇足及燒得几好味，但嫌汁畧咸，甜品是泡沫，味道一般。但整体都不差。價錢就要三佰多元一份晚餐會覺得有点貴！服務不过不失。如有空亦會再试。反正是经常食！偶然一次不為过。但要有一点覺得需改善是上菜有点慢及亂！如上完沙律後，餐茶已上但湯卻遲遲未到，主菜亦等颇耐！希望下次去會有所改善。

今天和中學同學來個3人行聚會😂我們行了一條很古怪的路又經過了一個不顯眼的門口，戰戰兢兢的到達了我們一早預訂好的餐廳7點一到步，發現一個人都沒有，個心打左個突好彩坐了下來就有人陸續來到，我們3人叫了兩個套餐再加雞翼，本有考慮要薯條的但擔心吃不完所以就跟侍應說等下再叫，怎知她還想游說我們再叫，幸好大家都被理智叫停了。前菜1：啡菇沙律🥗前菜2: Parmaham 沙律🥗兩個前菜都是估到的味道沒有太特別😂餐湯：我想應該是南瓜加豆吧，不太飲得出🤦🏻‍♀️黑松露雞翼很香脆可口BBQ 醬燒豬肋骨，味道是不錯而且薯格很脆淡蝦醬海鮮意大利飯賣相有待改善但味道是可以接受的，但是海鮮望落的確有點倒胃口現在觀塘工廈cafe林琅滿目，要想留住客人確實需要再下苦工了。吃完之後從正面出去才發現自己兜了個大圈，哈哈！下次再跟J子覓食去xxo

觀塘有太多野食了，逐間逐間食都試唔哂，聽人講Go Inside Kitchen 好食，所以今晚就去試一試😋果然冇令人失望！餐廳好闊落，開放式廚房有啲歐洲feel🤣晚餐有set dinner 可以揀，但我地有4個人，所以決定散叫～首先叫左個招牌沙律招牌沙律 168/4人份量呢個沙律黎嗰下真係比佢嚇親，咁大兜沙律？？差不多有四隻手咁大😂入面都好足料，配菜嘅主要有三文魚同ham🤤醬汁分開上，又係嗰句，唔鍾意食醋嘅人真係覺得咁樣好好！同埋如果是但一個醬唔夠食，係可以叫佢再比，唔洗慳住落～新鮮空運澳洲西冷 $168肉汁鎖得住，個汁都不錯，叫左7成熟但有少少太熟，建議大家想試可以叫5成熟😙咁就應該岩岩好！黑松露蜜糖烤雞翼 $58黑松露味都好香，雞翼皮脆，煎到金黃色🤤夠脆又唔會燶，有肉汁，正！溫泉蛋卡邦尼意粉 $128雖然好鍾意食芝士，但叫卡邦尼意粉都好怕會食到好漏，之後就塞飽左個肚。呢到嘅卡邦尼意粉都ok, 可能汁較稀，唔會好漏，但都有芝士味👍🏻

有搵開野食既朋友, 都會知道觀塘其實有好多匿藏喺工業大廈既隱世美食, 時運工業大廈5樓D室就搵到呢間Go Inside Kitchen 室內環境一d 都唔差架, 唔好以為喺工業大廈入面就會污污糟糟咁精選餐湯一人嗌左一個set lunch, 每人都有一碗餐湯, 今日係忌廉南瓜湯, 有南瓜蓉喺個湯入面架, 絕對唔係開粉沖出黎果d 湯🤘蒜蓉法包極香濃蒜味既法包, 限量供應架, 睇下你好唔好彩喇🙈面頭搽左大量蒜粒, 慢慢焗至金黃色, 極為香脆👍西班牙黑毛豬豬鞍架(8安士) - $148配蜜糖蘋果汁又幾清新wor😂唔似得平時咁配黑椒汁洋蔥汁果d , 創新得黎又唔會令人難以接受, 個汁抵讚👍當然主角既黑毛豬鞍架亦都不能忽視, 切開之後d 肉好厚身, 但竟然係keep 到肉汁而且口感嫩滑, 相信廚師一定掌握得時間好準確💪💪新鮮空運澳洲西冷(8安士) - $118因為我叫左5成熟, 所以廚師係用左快火兩邊反塊牛扒, 極速將肉汁鎖住喺入面, 等你切開一刻感受到果份驚喜👏👏配埋紅酒汁口味都好夾👍歎番杯即磨咖啡先🤤加12蚊就可以歎埋個精選甜品, 呢款係士多啤梨味既泡芙, 入面填滿左士多啤梨mousse, 好

之前黎過食lunch印象唔錯 再帶朋友黎 食番同一個main 水準冇令我失望香煎三文魚扒(8oz)伴刁草忌廉汁 $98大大件厚身三文魚扒用黑椒調味再煎香 雖然塊魚咁厚身但都冇煎到老晒 幾嫩 魚皮香脆不過咸左d 個意粉同上次食一樣 唔係普遍餐廳跟扒餐既無味意粉 係調味得好好既蕃茄意粉 酸酸地既蕃茄蓉中和到魚脂既膩 德國黑椒豬手$128試左朋友點既豬手 個皮香脆 肉都幾嫩滑 而且唔會太咸呀法式芝士煙肉焗蠔 $15/隻前菜加左個焗蠔 芝士幾香既 有d咸 蠔都唔多肥美 不過依個價錢就算係咁啦

星期日的夜晚同兩個姊妹想係觀塘搵間意大利餐廳慢慢食飯傾計 見到Go inside 係open rice 做緊booking 85折優惠 即管去試下一試難忘👍係工廠入面既餐廳少左豪華既裝修但野食的確有水準🤤來之前一心想食ribs 都知係熱門之選 嘩🙀🙀真係台台都會一碟ribs佢的份量仲要真係足料眼看餐廳既食客都係一碟2至4人share 食架😽當然我地都效法啦 其實ribs 可以散叫都可以叫套餐的 知道餐入面會有前菜啦，湯，飽，自選主菜同甜品🤫因為我地都想試下套餐包配既雲石蛋糕 我地就決定叫一個ribs 套餐 再加一個意大利飯果然不足我們所料 ribs好夠食 叫多一款主菜已經夠三人食啦😋🤪可惜美中不足係雲石蛋糕，正當我同朋友期望係一個正宗雲石面的蛋糕 失望呢到既只係一個表面有朱古力雲石花紋既普通的芝士蛋糕 😲😔但總括來說 餐廳食物不錯 環境舒適 都有好多食客在家庭、朋友聚會

好似世外桃源咁。喺觀塘時運大廈一個隱蔽角落嘅Go inside Kitchen 係一間我唔講你都唔會知道嘅餐廳，因為某種特別嘅原因，嚟到呢間餐廳度享用一個舒適嘅晚餐。一般人都會用色香味俱全去形容一個非常之出色嘅晚餐如果嚟到呢間餐廳又食到一個咁嘅晚餐我相信你都會用色香味俱全去形容呢個晚餐今晚首先為我地打頭陣嘅係蒜蓉法包佢香脆有帶着蒜蓉香味嘅麵包令到我食慾大增之後我哋食咗一個BBQ汁燒西班牙黑毛豬豬肋骨佢又香又甜既BBQ汁香味充斥着我既味覺只係呢道簡單嘅菜就已經可以擔當晒色香味三樣嘢啦第三樣嘢我哋食既係黑松露帶子闊條麵由佢個名已經知道呢樣名貴嘅粉面一定好好食當然事實同你諗嘅自然係一樣啦第二樣可以擔當色香味俱全就係呢盤黑松露帶子闊條麵啦講完食又講下呢度嘅服務質素啦呢度嘅服務質素梗係一等一啦呢度嘅侍應好好人㗎

今日行到APM附近, 就想起Goinside Kitchen, 於是就一齊系到晚饭啦！果然無令我地失望今晚我哋叫咗加勒比海飞鱼子烟三文鱼白酒忌廉汁意粉，蒜蓉法包，焗芝士肉酱香脆薯条，最后叫咗个加大士多啤梨泡芙山做甜品，简直系其味无穷！！！蒜蓉法包果然系招牌菜，蒜蓉味十足，香而不腻，赞。跟住嚟嗰个，就系最邪恶嘅焗芝士肉酱香脆薯条，肉碎同食薯条上面铺满咗芝士，叉起薯条连埋肉碎芝士一齐食，哇好味到不得了跟住嗰个加勒比海飞鱼子烟三文鱼白酒忌廉汁意粉，绝对系用心之作，师傅用烟三文鱼切咗朵玫瑰花，卖相已经系№1, 意大利粉里面有好多三文鱼肉碎同埋鱼籽，好似粉红色碎花咁，靓到差D唔舍得食，我食落味道简直一流，有三文鱼嘅鲜甜夹杂住鱼籽嘅的清香，我下次一定要再食最后冇办法唔讲就系个士多啤梨泡芙山，实在系非常美味，我哋系叫咗加大再加大嘅超级泡芙山。我地食完之后，个个都沉醉喺個甜品里面。晕左啦！嗯，今晚系無决定錯誤既，环境又干净，服务员又nice，我地今晚个个都好开心，系一个难忘嘅晚饭。

今日, 我同我嘅屋企人一齊嚟到apm附近嘅一間超好食嘅意大利餐廳提供盡咗一個超好食嘅晚餐我哋一行四個人都食得好滿足。我哋當然有嗌到餐廳嘅招牌餐包蒜蓉法包😋， 啲蒜蓉包塊塊都好大ga🤩。一上枱，蒜香四溢，連平時最鍾意影相嘅我都忍唔住叫佢哋影快啲，想快啲開始食ar😋。 第一啖咬落去， 脆撲撲，真係超好味呀。跟住我哋叫咗 我之前喺 openrice度見到嘅芝士肉醬香脆薯條， 芝士加肉醬嘅配搭簡直係絕配呀。我忍唔住一啖又一啖咁食曬成兜，真係十分滿足吖之後我哋仲食咗BBQ汁豬肋骨、加勒比海飛魚子煙三文魚白酒忌廉汁意粉同埋黑松露帶子闊條麵。 樣樣都咁好食，咁物所值呀 ！碟邊嘅裝飾仲完全突顯晒廚師嘅用心 。最後我哋點咗幾杯嘢飲，嗰杯朱古力真係好大杯好靚ar!!! 兜泡芙 仲不得了呀~真係勁好味呀~ 周圍舒服嘅環境令我同我嘅屋企人共進咗 一個十分舒服同愉快嘅晚餐。 侍應都十分用心同埋服務良好😚 真係一個值得推介嘅餐廳呀!!!

這間在工廠大廈的餐廳，的確給到人驚喜。其實一開始覺得這間在工廠的餐廳，頗麻煩的，剛巧約了朋友在APM看電影,就順便來試試吧。估不到由地鐵站去也幾方便的，A2出口行5分鐘倒就到了。入到工廠大廈，其實也還好，餐廳内的襲裝修非常舒服，木質為主，和三兩好友坐著聊天吃飯，是非常不錯的選擇。然後當然到最重要的美食了！我比較推薦香煎帶子淡蝦醬意大利飯，它的汁比較有風味，其他地方未試過，另外帶子也很鮮嫩。另外黑松露帶子寬條麵也很好吃，雖然這味道常見，但真的好吃，應該合大部分人口味。首先晚市人均就150上下，我覺得對比APM內的消費，這個是頗合理的。然後吃了意粉和意大利飯，份量也非常足夠，而且味道頗有特色和層次。總之是值得一試的餐廳！

*香煎帶子淡蝦醬意大利飯帶子大大粒，咬落好有口感。淡蝦醬好似澳大利風情，其中我最中意嘅就係呢碟，醬汁嘅味道好豐富，好有層次。*西班牙海鮮意大利飯平平凡凡就係佢嘅特別之處，不突不出，亦不失海鮮獨特嘅香味，都值得一試架。*溫泉蛋卡邦尼意粉温泉蛋動L動L咁，咭落去真係好治愈吖！白汁嘅香味，令人食指大動，胃口大開。鐘意食白汁嘅朋友絶對唔可以錯過。*帕施圖汁荷蘭大啡菇寛條面綠色嘅醬汁係呢碟餸嘅特點，經過服務生嘅介紹，原來呢個汁係由唔同香料製成嘅，但係無論由入口個刻定到落肚個陣，陣味亦都唔會太濃。*黑松露帶子寛條面一點點黑色嘅就係黑松露，帶子入口即融，份量好足好新鮮！優點：*環境安靜*地方比較靠近地鐵站同巴士站，交通方便，唔洗擔心揾唔到路！*菜式新穎，好有創意缺點：*碟子比較大，好礙位，希望可以改善，呢個係成個美中不足嘅地方

朋友約飯所以一起黎試一下，我本身其實唔係好食得慣西式料理，但係哩間真係唔錯！哩次一共叫左五樣嘢，有飯有麵，大家一起share黎食。個人極推介香煎帶子淡蝦醬意大利飯，好有大澳風情🤣🤣比較貼近我哩啲食唔慣西餐嘅人嘅口味。帶子煎得剛剛好，唔會太老，好軟好鮮甜😋個飯都唔會太鹹，好香，入面有混左啲菇，好啱我口味！另外仲有個溫泉蛋卡邦尼意粉，隻溫泉蛋好圓好可愛，篤爆距果下好正🤣🤣意粉芝士味好濃郁，啱曬愛芝士人士😋😋不過稍微偏鹹左小小，但係都好好食！如果口味清淡人士可以試下西班牙海鮮意大利飯，對比起其他都比較清淡，因為食左其他先食距搞度距顯得更加清淡😂但係都唔錯架，蘿蔔青菜各有所愛啦。另外仲有柏施圖汁荷蘭大啡菇寬條麵，個菇真係好大！！都好好食😋！個面綠色好得意😂

今日好開心第一次嚟到go inside 觀塘店, 雖然呢間店坐落喺工業大廈但係外邊係觀塘道，好多巴士可以經過,如果由地鐵站行過嚟都係4分鐘非常之方便, 一坐低叫咗個帶子黑松露闊條麵,帶子大大粒黑松露成碟闊條麵上邊,外觀非常美麗....未食已經聞到佢嘅香味濃郁撲鼻，闊條麵嘅柔軟度有剛剛好,黑松露好香，帶子又好味， 我哋都食得好開心因為呢度坐得又舒服，D服務員嘅態度又殷勤有禮,笑容可恭...我哋都食得好開心...我哋四個人叫咗好多嘢食例如有佢出名嘅蒜蓉包啦....又有個豬仔骨仲有嗰個芝士肉醬香脆薯條,樣樣都好好味😋😋😋...甜品我哋叫咗佢個士多啤梨泡芙山,食到我哋嗰個舔舔脷😋😋😋....希望下次好快又可以有機會再嚟到呢度食嘢啦👍

落雨天濕，最好就搵間餐廳食飯吹水，c小姐提供左呢間go inside ，話係食過唔錯，ok最緊要就腳，APM落黎唔洗十分鐘，不過時運大廈個門口就細D，擔住遮睇唔到爭D行過龍🤣🤣，上到去坐低即刻望下個餐牌，最後叫左兩個闊條麵，一個意大利飯，兩個闊條麵都好好好味，兩款係唔同路線，松露係濃香，柏斯圖汁就清香，而且隻松露味係有層次個種，柏斯圖汁就充滿香草既味，我地無嗌沙律不過食呢碟都有清新的感覺，雖然D份量睇落比隻大碟襯得好似唔多，但其實都好夠𡤢，我地兩個個女仔一個男仔食都好夠，另外佢地隻碟真係勁大，我地share食，隻碟遞黎遞去，少D手力都唔掂💪🏽💪🏽，最後就係個西班牙海鮮意大利飯，比較上面的意粉我覺得就清淡D～～

今日星期6 又出黎行街覓食啦。 平時返工都係觀塘呢頭，食黎食去既工廠大廈餐廳都係d平價食堂，好小會試d貴價西餐廳。 咁今次就見放價就試下d好野啦.l其實平時行過都見過呢間野，但因為價錢關係作為一個打工仔係唔會敢入黎。 所以見今日好天心情又唔錯就拉埋女友人黎食餐好既!呢間西餐食材水準非常高， 咁今次我就叫左個廚師推介既美國直送12oz肉眼牛扒。 呢個堅係正！ 好厚實肉質係高品質堅係高級餐廳級數, 咁女友人就叫左個溫泉卡邦尼意粉，個意粉唔錯好有入味。 我個餐仲有埋餐湯同甜品的。 整體黎講呢間工廈裡d西餐廳係幾正既選擇