Here Thai Market

营业中

休息中

本身有預訂枱都要等差唔多廿分鐘入座😓仲要無check我地booking係臨時搵枱出黎😡有個侍應serve野上枱個tray撞落個頭度一句唔好意思都無😓😓真係服務態度好差

餐廳由米芝蓮餐廳名廚和泰國的星級廣東菜師傅共同開設 開幕不久已經門庭若市 店內裝潢以泰國傳統市場風格為主 包括鮮豔的泰國織品 傳統木雕 佛像和吊燈等.🦀餐廳的菜式選擇繁多 食物攞盤精緻 小食推介蟹膏蝦多士 蟹膏鮮美肥厚 蝦多士炸至金黃色 口感香脆可口 蝦肉彈牙鮮甜 與蟹膏的鮮味相互融合 充滿著濃郁的海鮮香氣 唯獨有點偏油膩 .另外泰式墨魚粒蝦餅也很特別 墨魚粒鮮嫩彈牙 並帶有淡淡的鹹味 沾上酸甜的泰式醬汁更添風味 燒巨型元貝則肉質鮮甜並帶點嚼勁 也可以一試.🥘主食點了泰式海南雞 雞肉肉質鮮嫩 並且油潤光澤 沾上特製的酸辣醬汁酸甜開胃 與雞肉的鮮味相得益彰 牛柳炒闊河粉很惹味 牛柳軟嫩 闊河粉帶有淡淡的嚼勁 醬汁香濃並帶有少許辣味 吸收了醬汁的香氣更顯美味.泰式手打檸檬茶用上泰式紅茶底 味道濃厚甘香 配上青檸酸酸甜甜 清爽解膩 杯子外圍用藤枝織成 更添地道風味 .總括來說 這裡小食和炒河粉會相對較出色 食物擺盤精緻 菜式種類琳琅滿目 引入不少泰國街頭小食 店內十分寬敞 以泰式水上市場背景 配合木餐桌 洋溢著濃厚泰國色彩💆🏻‍♀️

琴日放工去食晚餐，首先有兩個問題，第一，侍應喺櫃桶拎餐具，正常跌咗餐具係地下，係要重新拎套新既餐具上餐桌，但係當時位女侍應當人哋睇唔到就咁放喺餐桌上，比新入坐既客人使用！衛生情況令人擔憂！第二，正常一間大餐廳係有暖/熱茶供應，而餐桌上嘅茶壺入面既茶以經凍左，要求侍應加一點暖/熱茶，第一句回答就係沒有！答覆係因為餐廳做法係茶水會等到無咁熱先會供客人飲用，咁算數，有幾個大既保暖壺係出邊話冇暖嘅茶水，到斟完一壺茶後，有另外一位侍應幫忙添加茶壺入邊嘅茶，發現溫熱之餘！會出煙！ 真係離晒大譜！正常無熱茶都會幫忙更換暖茶，唔換不突止仲要一句話無就無！食到一肚火！食物偏鹹，但尚算好食，但係因為侍應嘅態度同埋衛生情況唔會再去。

每次經過都見坐滿人，今日特登去試吓食lunch🤗餐廳的裝修十分華麗打造了泰國水上市場feel，坐得好舒服😌原條燒魷魚-好新鮮、好彈牙、即叫即燒🔥、配泰式辣醬食到停唔到口、最重要價錢唔貴$58🤩雞髀酸辣金邊粉-大大隻雞髀🍗超驚喜👍🏻個湯底酸酸辣辣好特別好有泰國feel。成日食冬陰功湯底，不妨試吓食酸辣湯底好驚喜好好味😜海南雞飯（配湯）-相比酸辣粉海南雞飯就比較一般，不過不失。龍眼冰-勁多龍眼又清甜好飲，最緊要係唔洗錢💰喺呢度食午餐免收茶介免費飲品，下次去沙田都會再嚟食🍜

今次來到一間新開張嘅米芝蓮星級泰國餐廳，餐廳好寬敞，好多座位，裝修充滿東南亞特色，燈光柔和，坐得好舒服。首先，揀咗一個小食「蟹膏蝦多士」，蝦膏好鮮甜、好香口，配合炸蝦多士，炸到脆卜卜，但係唔會好油膩，好正，十分推介。另外叫咗一份「豬頸肉串燒」，一份有兩串，兩個人食啱啱好。 豬頸肉好嫩滑、好爽口，切到薄薄地，燒到外脆內軟，調味好入味、好惹味。澱粉質飽肚主食方面，一定要食「蟹肉炒飯」，蟹肉又多又大粒，而下面嘅炒飯，炒到好香，熱辣辣，完全係大師級師傅製作。仲有「牛柳炒闊河」，河粉好爽口，配合醬料一齊炒，河粉吸收晒醬汁嘅味道，小小辣辣地，好正。飲品方面，叫咗「香茅青檸沙冰加仙草」，酸酸味味，好開胃，大大杯，夠晒冰凍解渴。仲有「鮮椰青」，即叫即開，好新鮮。

同亞女係沙田行街順便食lunch，知道新城市三期開左泰國野，木系格調好有泰國特色，連飯碗都用左椰子殼，都好特別。泰國燒原隻魷魚 $58魷魚size都好大隻，而且新鮮彈牙，配上泰式酸辣汁，很開胃～蟹醬蝦多士 $128蟹膏做法有點似日本嘅甲羅燒，多士夾左蝦肉，仲炸得酥脆，蝦多士沾上蟹膏都好惹味。瀨尿蝦炒飯 $178瀨尿蝦量都好，同埋炒飯好有鑊氣，仲炒得好乾身，而家加入紅蘿蔔粒同蛋絲，有咬口。海鮮炒闊河粉 $138海鮮都多，有大蝦、帶子、魷魚圈等，河粉都好煙韌，亦都係好有鑊氣好惹味。泰式手打檸檬茶Coco可可加珍珠

亞洲50第一名廚Chef Ton x 泰國文苑酒家創辦人文偉賢師傅，2位👑米芝蓮星級主廚會產生咩化學作用??! 佢地聯手喺沙田新城市廣場開咗👉🏻全新泰國菜餐廳🇹🇭Here Thai Market，咁勁梗係要去試下啦～·♡ 羅氏蝦炒金邊粉 HKD$108呢款Pad Thai都係形合香港人口味😌，味道係少少偏甜，金邊粉口感幾有彈性，唔會碎濕濕，條條分明食落幾煙韌👍🏻，金邊粉面頭有2隻大大隻羅氏蝦🦐，幾爽口。·♡ 蟹肉炒飯 HKD$168炒飯面頭鋪滿一瓣瓣蟹肉🦀，蟹肉份量都算幾多，一大口吃啖啖肉🤤，而蟹肉味道個人覺得可以再濃些；炒飯炒得夠乾身不油膩👍🏻，米飯與蛋粒及紅蘿蔔粒一齊炒，口感豐富😚。·♡ 豬頸肉串燒 HKD$24/串（配椰菜沙律+$3）串燒有好多種類選擇，豬頸肉燒後油脂感滿滿☺️，啖啖肉仲有少少燶邊🤩，配椰菜及沾酸甜泰式醬一齊食，可中和油膩感。·♡ 泰式鹹蛋魚餅 HKD$88將原隻鹹蛋黃釀入魚餅🐟中，切開一半後的賣相很吸引，呢個配搭好邪惡😈！·♡ 凍泰式奶茶 HKD$28♡ 泰式手打檸檬茶 HKD$34兩款泰式特飲味道都唔會好甜😊，個人偏愛手打檸檬茶🍋，酸酸甜甜清爽解膩。

店名: Here Thai Market 地址: 沙田沙田正街18號新城市廣場三期2樓A216號舖沙田站A3出口，行5分鐘環境: 4.5/5價錢: 4/5味道: 4/5呢排見到好多朋友飛去泰國🇹🇭搞到我都心思思想食泰國菜，放工就見到有一間新開嘅泰國新式餐廳。望落去裝修好靚，而且環境好闊落🛋️聽講仲係泰國米芝蓮名廚主理⭐️講到咁吸引一定要試🔥蟹肉炒飯❤️❤️❤️❤️❤️$168呢個一上枱就好吸睛👀蟹肉堆滿一座小山。上面全部鋪滿蟹肉🦀一啖飯一啖蟹肉好滿足。炒飯粒粒分明，唔會太油膩，而且食落去好乾爽😚炒到金黃色，火候掌管得幾好🙌🏻安格斯牛肉船麵配金邊粉❤️❤️❤️❤️❤️$128呢個一上菜就聞到好香濃嘅牛味🐂湯頭唔會過鹹🫙，但係亦都夠牛嘅鮮味。配料有: 安格斯牛肉、牛筋、牛丸、炸豬皮、牛燉肉。整體嚟講牛肉容易咬，牛味好香濃，配搭金邊粉吸晒湯嘅精華🍜。呢個絕對可以一試🔥燒完隻魷魚❤️❤️❤️❤️❤️$58原隻魷魚切件🦑，燒完之後都唔會縮水👍🏻，仲係大大隻。而且魷魚味好濃，唔會過韌，醬汁酸酸甜甜，一定要點醬汁一齊食🥳芒果糯米飯❤️❤️❤️❤️$78食得泰國菜點會唔食芒果糯米飯呢😍煙靭嘅糯米飯，再加上濃郁椰香味椰奶，配上酸酸甜甜嘅芒果🥭，

First time writing a review but the food is so bad that I have to write one. The restaurant is big and super comfortable but all the staff are super rude apart from just one man who was quite nice. The food was way below average. I do not have high standards in food at all but this was really bad. Our bill came to $650. We ordered the hainan chicken and it was the worst one I’ve ever had in my life. Same with the pork neck salad and pork neck fried rice. I’ve never tasted pork neck cooked this b

慶祝生日朋友簡左呢間餐廳食生日飯。book左位去到即刻有位。環境優美。餐具擺位有特色。最特別係黑色有格調既紙巾🤣 食物美味。價錢合適。當日職員仲幫助點蠟燭和唱生日歌。主動幫忙拍照。很有趣的職員。最後仲有9折優惠👍 值得推薦和再去👍

🙋🏻‍♂️餓底探員去咗沙田調查呢間泰國菜，餐廳由泰國米芝蓮名廚主理，加入新派元素，打造出多款不一樣的泰菜，餐廳裝修成泰國水上市場，喺度用餐好有氣氛🐖豬頸肉串 $24/串 （2串起）🙋🏻‍♂️表示個豬頸肉燒到焦香，食落有咬口，配上泰式醬汁，味道惹味🍞蟹膏蝦多士 $128🙋🏻‍♂️表示個蝦多士炸到金黃色，口感香脆，蝦肉彈牙，配上香濃嘅蟹膏，好好味👍🏻🥩安格斯牛肉船麵 $128🙋🏻‍♂️表示個船麵麵底揀咗金邊粉，口感滑順，配上鬆軟嘅安格斯牛肉，爽彈嘅牛丸，有咬口嘅牛筋同酥脆嘅炸豬皮，加上香濃嘅船湯，造成呢碗高級版嘅船麵🦞瀨尿蝦炒飯 $168🙋🏻‍♂️表示個炒飯用上瀨尿蝦，雞蛋，洋蔥，蔥粒等配料炒成，炒飯粒粒分明，食落香口，瀨尿蝦肉爽口，味道鮮香，加上其他配料，豐富咗炒飯個口感層次🍋泰式手打檸檬茶 $34🍹龍眼冰 $28🙋🏻‍♂️表示杯檸檬茶用上泰式紅茶底，味道濃厚甘香，配上青檸，飲落好清新，杯龍眼冰入面有好多粒龍眼肉，味道清甜，飲品杯外圍用藤枝織成，杯柄都織埋出嚟，好靚好實用👍🏻⚠️餐廳有伯爵花茶供應，味道清香，用個充滿露營風嘅茶壺裝住，夠晒chill，茶位每人$10📈吃貨指數😋好味度 8.5/10🔙返啅

夏天咁熱，來到餐廳一定要叫一凍飲，見到餐牌，呢度有好多款特色飲品，最冰凍又最解渴一定係沙冰，今次揀咗「芒果沙冰」同埋「青檸沙冰」，飲品唔算好甜，超級大杯，真係好冰凍，好解渴。接着，叫咗一款小食「雞腿串燒」，雞下鎚，細細件好多肉，外皮燒到脆卜卜，內裏肉質好嫩滑，調味相當適宜。主食方面，叫咗「蟹肉炒飯」，大大粒新鮮蟹肉，好有蟹肉嘅鮮甜味，飯粒全部散開，粒粒都好結實，一啲都唔油膩，廚師一定下咗唔少功夫，係一個高質素、非常完美嘅炒飯。另外，仲叫咗一款主食「牛肉炒寬河粉」，寬河粉爽口彈牙，感覺有啲似雞絲粉皮嗰啲粉皮，但係比較黏口，同埋薄身一啲，寬粉形狀不規則，好似係手作拉出嚟咁樣。調味辣辣地，適合重口味重口味人士，無論味道同質感，都配合得相當之好，比較其他店舖，真係勝人一籌，非常推介。最後揀咗甜品一款「椰青椰子雪糕」，椰子雪糕好香好滑，配合超甜粟米，將整個晚餐完美畫上句號。食完感到非常滿足。

兩位泰國米芝蓮名廚聯合主理，四手聯合打造香港最強泰菜。瀨尿蝦炒飯瀨尿蝦仔已經剝好晒殼方便食用，帶有少少鹹香味，下面配嘅炒飯香口又有鑊氣，帶有泰式嘅香料氣味。羅氏蝦炒金邊粉泰國出產嘅羅氏蝦結實又爽口，炒金邊粉有一啲蝦乾豆乾嘅配料，配上偏辣嘅醬汁十分惹味。燒原隻魷魚魷魚彈牙有咬口，上面塗上甜甜地嘅燒汁，仲另有一兜泰式辣汁，啱晒鍾意食辣嘅朋友。龍眼冰、菊花冰兩款泰式特飲，啱晒熱辣辣嘅夏天，清爽又消暑，龍眼冰仲有滿滿嘅龍眼肉。泰式香蕉煎餅金黃色嘅香蕉煎餅口感酥脆，可以根據個人口味自己添加煉奶同朱古力醬添。

"Here Thai Market" 餐廳的裝飾和氛圍模仿了泰國傳統市場的風格。餐廳內可能使用鮮豔的泰國織品、傳統木雕、佛像、吊燈和市場小攤的佈置，營造出活潑、熱鬧的市場氛圍。**今晚菜單**～安格斯牛肉船麵$128這道菜以高品質的安格斯牛肉為主要食材，搭配泰式風味的濃郁辛辣湯底，牛肉嫩滑多汁，口感豐富。～羅氏蝦炒金邊粉$108選用蝦肉鮮甜的羅氏蝦，搭配泰國金邊粉，加入香料炒製，米粉吸收了蝦的鮮味和香料的香氣，滑嫩且富有彈性，鹹香適口。～燒原隻魷魚$58以泰式風格燒烤整隻魷魚，外層微焦，帶有燒烤的煙燻香氣，搭配泰國特有的酸甜醬，魷魚口感鮮美，有嚼勁。 ～燕窩芋圓斑斕奶凍$68這道甜品融合了燕窩、芋圓和斑斕葉風味的奶凍，燕窩滑嫩，芋圓Q彈，奶凍帶有斑斕葉和椰奶的清香，甜而不膩，口感層次豐富。～泰式椰奶咖啡$34咖啡香醇，椰奶的甜香，清涼爽口，好適合炎熱天氣飲用。～芒果冰沙$48芒果香甜，冰沙細膩，清涼解渴，帶來愉快的口感。

沙田新城市廣場係我一家很喜歡揾食的地方，今晚同阿囡去嗰度shopping，順道食埋飯先番屋企。見到呢間佈置得好有「泰」feel就走入去，好在我們早了一點，冇幾耐已經坐滿人了！🦀蟹肉炒飯 - Stir-fried Rice with Crab Meat ($168)炒飯粒粒分明，仲要好多蟹肉，鍾意食蟹但又怕剝殼嘅我哋，食得好有滿足感!🐮安格斯牛肉船麵 - Premium Mixed Beef Boat Noodles ($128)有安格斯牛肉、牛肉丸、燉牛腱肉、燉牛筋等，非常足料，我哋揀咗微辣同配金邊粉，湯底好濃郁。🦑原條魷魚 - Grilled Whole Squid Skewer ($58)燒得恰到好處，夠腍夠入味，又有炭燒香味，仲要係貼地價錢，值得推薦！💯💯🥪蟹膏蝦多士 - Prawn Toast with Crab Roe ($128)未試過係泰國餐廳食此款食物，原來蟹膏的做法像日本傳統的甲羅燒，而蝦多士就炸得好酥脆，中間夾住爽口的蝦肉，整體都好惹味，唯一是有點兒油膩！🥤蜂蜜檸檬水（熱） - Honey Lemonade (Hot) ($28)阿囡喉嚨有點乾，所以要了熱蜂蜜檸檬水