K&L Dream Cafe (已結業)

位於元朗YoHo Mall附近既一間地鋪西餐廳，餐廳佈置簡單，門口位用綠葉點綴非常顯眼，唔怕搵唔到餐廳。✨是日餐湯+蒜蓉包 $28第一眼望落以為蘑菇湯，飲落先知原來係素食西蘭花忌廉湯😳，幼滑順口每一啖都有西蘭花蓉，不錯。✨是日沙律配料有柚子、提子乾和芝士碎，沙律醬用左芒果汁，酸酸甜甜非常開胃。✨慢烤美國穀飼豬斧頭扒 🐷$238擺盤精美用心，斧頭扒燒得岩岩好近骨位置肉質軟腍juicy，但另一邊就有少少乾。不過斧頭扒上面既蜜桃芥末籽醬幾好食，用心自製既醬汁係加左唔少分👍🏻✨澳洲頂級牛肉眼扒10安士(燒汁）$248賣相配菜用料十分有心思，餐廳採用🍠蕃薯蓉代替一般餐廳用既🥔薯仔蓉，食落順滑香甜🤤牛扒煎得岩岩好，我地order 左 Medium well完全無overcook，肉嫩多汁非常軟腍，燒汁調味剛好沒有蓋過牛肉香味。整體而言，食物質素和環境都不錯，岩哂同朋友慶祝生日食！

元朗多野食個個都知道，今日就入元朗見到依間好有特色既餐廳就入左去食。餐廳提供室內或室外既座位比唔同需要既人選擇，內外環境氣氛一流。講到西餐作為餐廳既主打，可以選擇唔同既菜色。總會有一款岩你口味首先上左一碟沙律菜作為頭盤，菜非常新鮮再配上柚子汁同埋提子乾點聚。作為頭盤都咁好食已經對之後點既菜都好期待。蒜蓉包好熱手好脆，難得一見又熱又香既蒜蓉包。蒜香味十足，推薦各位都要試一試是口餐湯係薯仔濃湯，兩個字形容「足料」。啖啖都真材實料，配埋岩岩既蒜蓉包食亦十分夾。主菜叫左巴馬火腿牛肝菌汁全蛋闊條麵。牛肝菌汁岩哂中意食濃味既朋友，夠濃又香。闊條麵亦彈牙吸埋牛肝菌汁令人食唔停。另一碟係烤春雞松子仁白松露意大利飯，烤春雞鮮嫩多汁，意大利飯燴得入味。兩碟主菜誠意推介。

呢排返工都成日OT，放工後唯有係街吃了晚餐才回家。呢間舖成日都經過，平時都見幾多人食，可能夜左既關係，人小左，而家就岩晒我，唔洗等就可以食了。裝飾以灰白色為主，感覺優雅時尚。巴馬火腿蜜瓜羽衣甘藍沙律配蘋果醋汁咸咸既火腿配上甜甜既蜜瓜，味道特別之餘仲擁有爆汁既感覺。少許既蘋果醋再配上羽衣甘藍，帶點酸酸味味非常開胃。比想像中帶點驚喜，好食到停不了口。蒜蓉包用爐烤起既蒜蓉包，香味傳遍四周，特別香脆惹味，填上飽滿既蒜蓉醬，外脆內軟，非常滋味。蘑菇湯蘑茹已打磨形式打碎，材料份量好足，湯香而濃郁，送上黎還是熱辣辣的。我好快就飲晒了，如果可以多d就好了，冬天飲完真係暖笠笠呀。慢煮班馬火腿黑松露野菌釀雞卷雞卷大過我隻手，釀成好似原隻雞咁，肉質比想像中更嫩滑，澎湃既野菌釀入雞卷當中，口感煙韌，幾特別，大家吃起來時不會太狼狽。雲霧煙燻茭白筍紫蘇檸檬焗鱸魚柳這樣既設計又幾新穎，感覺完全唔同帶點驚喜。打開蓋子，濃濃既煙燻味散發出來，魚柳滑嫩而且一d腥味都無，薯蓉香而滑，如果份量再多d就好，因為我實在太愛吃薯蓉了。小食選擇多，價錢經濟，性價頗高。是日推介有3款不同國家既蠔，估唔到呢到竟然有得食。

呢間家庭式溫馨小餐廳個名叫Dream cafe 有種為夢想而努力中的感覺環境清優 仲可以坐戶外 勁有情調😆價錢合理 餐點份量挺多的.🔸紅酒燉牛頰肉配中東小米 $208Set dinner 跟是日餐湯+蒜蓉包仲有柚子提子乾雜菜沙律燉牛頰肉炆到勁入味 肉質軟燸 同埋份量好大 有兩大塊✨第一次食中東小米口感好特別 食出粒粒感覺 .🔸法式芥末籽蜜糖燒豬仔髀意大利飯 $148甜甜地蜜糖加埋芥末籽 整體味覺提升豬仔髀整到好軟 好容易就骨肉分離🫢意大利飯有黏稠 軟硬適中.📍K&L Dream cafe📌元朗鳳攸南街9號好順利大廈地下60號舖

其實平時好少行過嚟鳳攸南街呢邊～都喺網上見過呢頭開咗好多Cafe，但係唔係朋友介紹，真係唔知道邊間好食！今次叫媽咪唔好煮飯，諗住同佢一齊出下街食☺️ 有朋友之前食過呢間推介俾我哋～雖然係一間西餐小店，可能唔係好起眼，但係真係臥虎藏龍！！😂😂呢度係食物，簡直係Fine Dining嘅質素🤤 而且食物擺盤都好講究！真係好似高級西餐嘅享受😍 （但係個價錢相當貼地，都係$200幾蚊一個Set Dinner）CP值極高😍餐前麵包居然係蒜蓉包🤤 餐包麵唔馬虎 蒜蓉味好夠👍🏻 點埋餐湯食Perfect Match～我哋今次揀咗兩份Set Dinner，紅酒燉牛頰肉配中東小米🍷 同 慢烤美國榖飼豬斧頭扒配蜜桃芥籽醬🐷 個斧頭扒啲肉完全唔柴，一咬落去已經好Juicy🥹 同埋我特別欣賞佢調配嘅蜜桃芥籽醬，而唔係用啲現成嘅醬料，食落好Fresh仲同豬肉好夾🤤另外個紅酒燉牛頰肉，淋到唔洗切 好誇張🤣 牛頰肉果然係超嫩口啊😳😳仲有好多其他嘢都好吸引！！🤤🤤 下次要叫多兩個friend一齊嚟～可以試多啲嘢🙌🏻

好味 #晚餐 分享 ~ 意大利菜餐廳門外的雅座設計很吸引，入面都坐得很休閒舒服😊~欖油蒜片野菜扁意粉( 素食 )98，加28可配埋是日餐及湯蒜蓉包好抵食😋，欖油同蒜片容和滲在軟硬適中 的意粉內，香氣十足，每啖都好滋味😋，令我一口接一口😋~蜜糖芥末籽醬烤焗豬仔髀 86豬仔髀係好味道嘅部位，即係豬寸骨，是豬後腿上的寸骨，厚肉及肉質爽而嫩滑加埋蜜糖芥末籽醬嚟烤焗，味道好夾，香噴噴入曬味，外脆內嫩😋~蒜香辣味燒咸牛脷 78 牛味濃郁，分量不吝嗇， 避風塘風味，香辣夠曬惹味😋~英式魚柳配薯條 68炸魚柳又厚又大件，非常脆口😋 厚切薯條夠滿足😁394/2人K & L Dream cafe元朗鳳攸南街9號好順利大廈地下60號舖

友人介紹元朗有間不錯的西餐廳。今日特意去試下晚餐，晚上店內有一些具特式的燈飾，高貴雅緻，氣氛不錯。晚餐有set，配前菜、餐湯及主食。價錢合理。 我們點了不同的主食。沙律菜新鮮，菜有多種款式，份量不少。醬汁是廚司調配，加上柚子肉，份外清新。整體感覺提升，製作絕不馬虎。是日餐湯及蒜茸包，香脆可口，粟米湯有咬口，味道唔錯。主食紅酒配牛頰肉配小米（$208），牛頰肉很淋及入味，肉味香濃，而配襯健康小米很特別，十分可口！挪威煙三文魚卡邦尼煙肉全蛋闊面（$178）卡邦尼醬汁調得好好，不油膩，麵質爽中帶煙韌，充份吸收醬汁，十分好味，友人大讚，超級推介！飲品有許多類別，花多眼亂，素有選擇困難症😀😀😅最後點了一杯蘋果玫瑰疏打，酸甜解膩，精緻不馬虎，味道不錯。老闆K 與L 分別負責廚房及樓面，食得出廚師用心，老闆友善，dream 聯想到他們既dream,落手落腳去經營，眼見也有不少熟客光顧，區內都有一定口碑。綜合一句：酒店級數擺盤，所有食物賣相都一絲不苟，冇一款令人失望。是一所食物具品質的優質西餐！室外佈置都好別緻。還有許多甜品及飲品選擇，見鄰座亦讚口不絕，下次再幫襯，I will be back!

提早同老公慶祝情人節住係元朗咁耐都無發現呢間隱世、高質西餐廳🍴！Menu都幾多野揀，花多眼亂，一於問吓店員有咩推介，其餘交比親愛的老公揀。蘋果玫瑰花茶，微甜、夠熱、有花香，啱哂女士係呢啲天氣飲。Appetiser 叫左煙三文魚牛油果莎莎多士，又靚又好味粟米南瓜湯，跟熱辣辣香噴噴蒜蓉多士，正 👍🏻烤大啡菇黑松露rissoto，忌廉味香濃，大啡菇夠juicy。雖然係素食，但好夠飽咖。店員推介的慢煮巴馬火腿黑松露野菌釀雞卷，睇得出好考功夫的一道菜！出面塊parma ham烤到脆卜卜，入面啲雞肉好嫩，中間仲有一層雜菇，廚師花咗好多心思呢。二人承惠500幾蚊，獲得遠離小孩的浪漫一晚 🫶🏻 我同老公都好滿意！

星期五夜晚想relax 下，所以食下西餐，用餐環境舒舒服服，邊食邊吹水又唔使同人迫，價錢又唔貴，呢間餐廳啱晒心水是日點左一個意大利飯同dinner set:法式芥末籽蜜糖燒豬仔髀意大利飯 HKD149豬仔髀有濃濃既蜜糖芥末味，清清甜甜，肉質好嫩滑同juicy,唔錯呀！ 意大利飯既醬汁creamy,混入甜椒同甜豆，食落有咬口，仲有啖啖蒜蓉味，好滋味燒澳洲頂級牛肉眼扒dinner set HKD249個南瓜湯好creamy,上枱果下熱辣辣，配埋焗到好脆口既蒜蓉包，真係perfect match! 肉眼扒係medium,煎得好好呀，唔會太生又唔會過熟，口感好好，加上塊扒本身都好濃牛肉味，整體味道中上水準是日用餐體驗唔錯，所有熱食上到枱都係熱辣辣，味道水準頗高，人均200蚊黎講，CP值都幾高

自由開放多左我地夜晚都出多左去食飯, 今晚就想食西餐舒舒服服咁兩個人傾下計, 係元朗雞地有間西式小餐廳, 今次就特登黎幫襯喇😊1/ 前菜 + 餐湯🥗 + 🥣估唔到前菜已經咁大份, 食完都半飽咁制😂2/ 摩洛哥辣茄醬烤焗雞腿🍗 $78外層炸到脆卜卜, 但內裡既肉質仲係好滑! 配上辣茄醬相當飲味😋3/ 慢煮美國穀飼豬斧頭扒🐖 (蜜桃芥籽醬) $238燒得恰到好處既斧頭扒味肉汁Juicy!! 咬落好嫩口估唔到配埋蜜桃芥籽醬係咁夾👍🏾4/ 欖油蒜片野菜扁意粉🍝 $98一般西餐廳既意粉份量好少, 但呢度份量都幾多, 每人可以分到兩碟仔, 意粉加上蒜片好香口, 估唔到素食嘅野菜扁意粉都可以咁美味😋5/ 蘋果玫瑰花茶🫖 $38大大壺蘋果花茶, 估唔到兩個人真係可以飲到最尾, 勁香花味帶住一絲絲蘋果香, 超級低飲!

同朋友響Yoho Mall行完，去附近搵下有無d 西餐食下，咁岩見到呢間鋪細細地，裝飾得幾靚，一於試一試佢啦。入到餐廳，佈置同燈光都好浪漫feel，好適合情侶或朋友黎食下野，傾下計，好舒服。打開Menu 都幾多選擇，花多眼亂，好多野都想試，最後同朋友決定叫兩個Set Dinner。頭盤係柚子提子乾雜菜沙律，份量唔少，上面淋左d 檸檬汁，加上提子乾既甜味，作為頭盤係十分開胃。是日餐湯係南瓜忌廉湯，難得地係熱辣辣的 (因好多餐廳都是暖暖的甚至凍既)，南瓜味很濃，入面有少許粟米粒，令湯更加香甜。蒜茸包上面蒜茸充足，包焗得十分香脆，值得一讚。主菜方面我揀左燒澳洲頂級牛肉眼扒，賣相十分精緻，配上南瓜蓉及西蘭花，減低只食肉既油膩感。牛扒份量頗大，肉汁豐富，岩哂我呢d 食肉獸。朋友既主菜揀左燕麥啤酒燉紐西蘭羊膝。第一次食羊膝，幸好地唔會好肥，亦都無羊羶味，同樣地配上南瓜蓉及西蘭花，食哂都唔會覺得膩，有機會都可以encore多次。最後飲品我揀左蘋果玫瑰花茶，食完咁豐富既主菜後，再飲一壺清清地既花茶，十分舒服。朋友揀左新鮮芒果奶昔，開頭都有d 擔心會唔會落芒果醬，但朋友飲過後表示係新鮮芒果，而且十分清甜

餐廳室內佈置簡約又不失優雅，燈光效果打制出浪漫的氣氛，每張枱上有蠟燭燈光更加突出西餐的氛圍，非常舒適且放鬆心情。室外佈置成另一個小天地，有大自然氣息，而且寵物友好，可以帶毛孩一起起餐也是一件樂事。晚餐有套餐提供。主食有豬、牛、羊、魚、雞，選擇滿足所需，都是具代表性的出品，怎會不動心。頭盆係什菜沙律，加入提子乾促進口感，柚子汁酸酸甜甜提升層次更為豐富。是日餐湯是黑松露野菌忌廉湯，濃香的黑松露綿密口感的湯質，配上的蒜蓉包非常香脆，令人胃口大開。主食：芥末籽蜜糖豬仔髀意大利飯飯香濃郁，飯質軟滑粒粒分明有嚼口，豬仔髀肉質嫩滑，有肉味，用左芥末籽蜜糖更吸引食欲。主食：紅酒燉牛頰肉配中東小米中東小米口感有點似黎麥米，但比黎麥更細粒，牛頰肉煮到好軟淋，筋肉分佈均勻，紅酒味與肉味混合一起味道好夾香味俱全，喜出望外，非常高質。水果茶，由乾果浸泡，隨住時間會越來越出味，酸酸甜甜，無論餐前、餐中或餐後都有吾同層次吾同感覺。非常高質愉快的一個晚餐。情人節可以再來。

隱藏在元朗舊區唐樓地下的一間小店，好靚🥰令人心心眼的格局😍- 黑松露野菌忌廉湯好香濃！配埋外脆內軟既蒜蓉包，係讚既👍🏻- 挪威煙三文魚卡邦尼煙肉全蛋闊麵好Creamy！中和到三文魚同煙肉既咸，配搭得幾好😋- 烤春雞松子仁白松露意大利飯擺盤係加分既！🥰 份量夠大，白松露香味濃，都係好味之選😋- 蘋果玫瑰花茶少女心😍😍好似去左酒店high tea咁！甜甜地既蘋果味，好鍾意❤️整體係幾值得支持既小店，而且打卡一流👍🏻👍🏻白天就青青草源、夜晚就浪漫優雅🌹🥰

是日沙律-柚子提子乾雜菜沙律用咗柚子肉同提子乾，Dressing亦用咗少少芒果汁，酸酸甜甜，唔係淨係普通俾堆菜你咁。是日湯-椰菜花忌廉湯(配蒜蓉包)係打到好smooth唔會食到粒粒嘅忌廉湯，而個蒜蓉包上面嘅蒜係唔多但我覺得啱啱好，唔會因為太多蒜而太鹹太重口味。挪威煙三文魚卡邦尼煙肉全蛋闊麵一嚟已經見到擺盤好吸引，一間細細餐廳但一啲都唔求其。全蛋闊麵唔會煮到淋patpat，煙肉非常夠，唔會食到最後得返啲麵。烤春雞松子仁白松露意大利飯呢個意大利飯係好推薦大家試，燒春雞上面舖咗少少嘅芝士，有啲鹹香，意大利飯乾濕控制得啱啱好，唔會濕過頭或者軟曬，面頭有烘過嘅松子仁，脆卜卜再加有蘆筍，夠曬豐富。水果茶(特別menu)有洛神花、蘋果、山渣等，因為2個set已經好飽，飲返杯酸酸地嘅熱茶感覺舒服好多。最後食完係超飽，份量係一啲都唔少，尤其係份沙律同意大利飯。另外個日有枱客人慶祝生日，有職員捧生日蛋糕之餘仲好細心咁播埋生日歌，想食生日飯又有質素嘅西餐，呢間絕對係一個好選擇啊。

為左遠離都市煩忙的生活，尋找繁華生活的喘息空間，今次去大西北屯元天地區揾食。店舖位於小店天堂之元朗雞地內，餐廳環境讓人倍感愜意🍀，讓人放慢生活節奏。🌼餐廳交通十分方便，鄰近港鐵元朗站。加上食物及飲品同樣充滿心思。頭盤沙律菜新鮮爽口，開胃一流。燒春鷄大隻兼皮香肉嫩，配埋意大利飯令人口水直流!巴馬火腿牛肝菌火腿闊條麵，牛肝菌香氣濃郁，不讓黑松露菌的香氣專美。蘋果花能舒解神經痛，補血明目，潤肺悅心，尚有美白袪痘功效，花香四溢，心情都會好起來﹗