LM Cafe (已結業)

和男朋友放工想快快食完晚飯回家，行到中海日升中心收到傳單，還告訴我們當晚有band隊註場，所以一試。到餐廳門外已聽到band隊在試音安坐後發現其實已經很多人，餐廳環境都略有佈置。再看看band隊已在準備，見因band隊吸引而到店用餐的，一般都坐近表演台，還有些熟客與band隊交流。我們看看餐牌，食物食抵食，以有live band註場的招徠，其實價值已很化算。因為不想用腦，又想每樣食物都試一試，我倆人都點了雜扒鐵板餐，食物上枱份量很大，其實兩人分享一個套餐已經足夠。套餐還包括餐湯還有白飯，意粉或薯菜，因為白飯太dry,所以請店員為我的白飯加色。還有餐飲埋單才發現有live band情況下仍無加一，真是超值。

觀塘最多就食野食😂今次搵食搵到呢間LM Cafe 又叫龍門冰室🤔環境幾大，裝飾都有特色～係地下，位置便利～👉🏿✨百搭下午茶 Hkd 30💸 叫左卡邦尼意粉配厚多士，包一野熱飲😀卡邦尼意粉係超級迷你😂聞落就幾香，食落啲意粉好林😞我唔中意...好似一pat野咁..多士都係普普通通～冇話特別脆🤔同埋都等得幾耐下...👉🏿✨自選班戟餐 hkd 55💸 雪糕要左朱古力同綠茶，醬要左士多啤梨同蜜糖，水果要左士多啤梨😀同樣地都係等左好耐...但呢個係好食既！佢地班戟好厚身👍🏿蛋香味超濃，空氣感唔重😍我中意呀！士多啤梨都好甜～可能因為加左啲醬😂雪糕佢個綠茶好食呀～朱古力上到台都溶左😭但成個黎講～係唔錯的

放工去觀塘玩，問朋友觀塘有咩推介食肆，佢話有間cafe觀塘都開咗兩間，心諗既然觀塘同一個地區都可以開兩間應該有返咁上下。可能係放工時段，cafe人唔算太多，環境都算整齊幾靚。我同朋友兩個坐係卡位，我叫左個推介：瑞士汁雞翼撈丁。同我想像中好唔同，雞翼用另一個兜裝住，仲有好多瑞士汁，想落幾多就幾係落啲面度。雞翼食落有好多香料味，個人唔太識，應該係花椒八角，味香，唔重，入邊仲有最少四隻雞翼。撈丁面軟硬度啱啱好，仲熱辣辣添。則邊d菜。。。。我唔太好。。。。冇食到佢仲有杯餐飲，成個餐份量啱啱好，價錢都唔太貴，原本諗住再買甜品，因為甜品個餐牌好吸引，算啦下次有肚先再食。呢間野可以再食多幾次，朋友今次總算冇推介錯

收工行經駿業街見到開左好多餐廳，隨意入左地下既LM Cafe，地方好大光猛又坐得舒服。叫左個傳統英式早餐，玉子燒餐，茉莉香片綠茶。英式早餐(炒滑蛋、德國腸、煙三文魚、煙肉、大蘑菇、薯餅、焗豆、多士)已經好豐富，原來跟餐仲有什菜湯同沙律，正呀！重點一提薯餅炸得又脆又乾身，煙三文魚整到成朵花咁，大蘑菇勁juicy，一切落去已經流好多汁出來好美味喔！什菜湯有小小小辣但都好好飲。朋友叫了黑松露雜菌玉子燒配炸蝦撈丁，香噴噴既黑松露玉子燒，切開d香味湧出來呀！我都忍唔住叉左小小黎食，嘩！太香了，玉子又滑菇又好食！炸蝦個樣都好得呢！到個茉莉香片綠茶，我以為係一杯，點知原來一個order係一壺。剩係睇個壺同杯都已經有點貴族feel，再加上美食，悠閒舒適既一餐就係咁簡單。

As the reviews seem pretty positive so I came to check it out. So disappointed though.This costs 35 dollars? The soup was blend, the fried egg was really average, the mushroom was straight from can.after realizing the lunch tea period starts at 2, I asked if I could order later, but I couldn’t. It was barely 10 minutes difference. Pretty sure I won’t be as mad if this costs 28 instead of 35.If you want noodles, just go upstairs. Can’t wait for nam kee...

今日去開觀塘,行過見到呢張野宣傳,見D野又好似幾抵食,就入去試下啦!入面去,發現呢間野D choice都幾多架wor....又有窩夫又有甜品,D口味仲可以自己簡! 不過我地今次無試!首先更係飲返杯先啦!係1664! 個杯好夠凍....haha !香蒜牛油帶子意粉! 帶子雖然係雪藏既,但1 d雪味都無, 仲好有牛油既香味tim ! 不過略覺得層次感唔太夠,唔係太突出~跟餐沙律,都算新鮮鐵版龍蝦汁金菇肥牛魷魚飯! 呢個配搭真係比較小有! 佢個汁可以自己簡既,例如有燒汁、白汁等等。我最鍾意係佢D蕃茄,因為夠新鮮,又索哂D味! 送酒之選, 芝士肉醬焗薯條! 佢送上黎既時候,好大煙、熱辣辣架!薯條焗到好林, 索哂芝士同肉醬既味道! 正阿!埋單240蚊左右~ 間野幾靜,唔會好似apm個D餐廳咁趕人走, 係同朋友傾計既好地方

下午茶(但其實是Lunch) ，四個人shared五個餐，有部份下午茶餐仲要係選兩款食物，份量都是細細的，但可以吃很多款⋯⋯應該很岩香港人什麼都想食/試的心態。各人有各人口味，今次只提四個人都覺得好吃的：芝士煙肉焗薯蓉 － 這個配搭本身就很好吃，而且很Creamy。流心芝士火腿西多 － 很肥的哦！明擺著是油、牛油和芝士的邪惡食品，惹味。XO醬炒雞絲撈丁 － 麵身夠乾但不似柴，味道岩岩好，也可以配豬扒（我之前試過，更好味！）。炸薯條 － 好香濃的薯仔味，炸到脆卜卜但不會燶，這個是搶食之選。每位＄32.5必然再去！

先倒敘寫甜品，因為女朋友是為了 pancake 而來，這些充滿少女味的照片都是她拍的，哈哈！我們選了朱古力和雲呢拿雪糕、朱古力醬和蜜糖配香蕉，可以自由配搭。擺盤由女朋友操刀，果然似模似樣。Pancake 走厚身路線，合我的口味！$55 的價錢比坊間的甜品店優惠很多，選擇亦好豐富。晚餐的款式夠多，份量可以醫飽肚。星級雜扒鐵板餐非常大堆頭，連三文魚都有，英式腸和炸帶子都有兩件。牛扒雞扒都大大塊的。流心奄列雞扒飯的賣相不算十分討好，但味道不錯。把蛋切開也是有蛋漿，加上雞扒也很豐富。特飲補＄4 差價，價錢不貴。鹹檸七好飲！女朋友選了熱茶和茗，茶具滿佈花花，相當精緻。兩個人食了這麼多都是 $226，性價比高。

呢個係我第一次打評論。我分別叫左一碟焗西蘭花同埋玉子燒，但每一碟都要等半個鐘。而waitress 嘅態度亦唔見得好。唔會再黎。我用左3個小時嘅時間為左食2，3碟菜。

想剧扒，但又唔想俾勁貴食西餐廳最好就係食鐵板豉油西餐真係好耐好耐無食鐵板雜扒識食一定叫黑椒汁！夠辣！黑椒夠香！唔會杰撻撻超正！一定要叫！薯條唔會油淋淋索曬啲黑椒汁同肉汁！無敵治療誠意推薦：仲有配上靚靚tea set嘅Earl Grey Tea食西餐點少得食甜品！叫咗超級多配料嘅原味waffle 好鬆軟又熱又香，即叫即整係零舍唔同！+榛子醬+vanilla ice cream+cream 要讚店家真係好generous+blue berries 一個字「甜」餐廳環境好舒服！好乾淨！最特別係樓底夠高，一啲都唔侷速ps. 最估唔到係1930-2130 有live music，自彈自唱，氣氛都幾好架～ 同朋友傾傾下聽到d歌會自然咁跟著唱

平時極少去觀塘區，畢竟我住在新界，但碰巧到觀塘海旁散步，所以就有機會試到呢間餐廳。 餐廳位置不太顯眼，在另一間餐廳嘅後面，見第一間餐廳有人排隊，不想等所以就入第二間。餐廳裝修精美，有點似咖啡廳的感覺，而且樓底高楚入去都幾舒服。頭盤是蘑菇湯和羅宋湯，羅宋湯沒什麼特別，略有少少過鹹，蘑菇湯不錯有蘑菇蓉特別足料，而且味道還有少少忌廉味。凱撒沙律，沙律芝士粉味道配合焗麵包，略嫌生菜不夠爽口。牛肉鐵板餐，我德國腸帶點黑椒味，亦有雞肉味，牛肉不會太難切開，軟熟，洋蔥汁都帶少少洋蔥粒，鹹鹹甜甜。飲品是日式青檸綠茶和甘菊花茶。青檸綠茶有淡淡的酸味又不失綠茶嘅清新，咁菊花茶是淡淡的菊花味。前者比較特別。芝士味窩夫，都鍾意食芝士嘅人來講10分適合，上枱窩夫仍然脆口，而且有淡淡芝士香，比利時雪糕亦有很濃嘅朱古力味，帶點淡淡的苦。

觀塘呢間係熟食街市旁嘅LM cafe，價錢大眾化，食物又多元化，人客愈嚟愈多，今晚去同朋友去食dinner。入到去，好似個大食堂咁，不過坐滿晒人客，厲害厲害，我地吾介意搭枱，所以吾洗點等就有位啦，地方都算整齊乾淨，入到去都好relax舒服。我嗌左個吉列豬扒黑椒汁太陽蛋撈丁，47蚊加埋杯凍檸茶都係加2蚊，50蚊都吾洗就有個dinner，已經冇乜地方咁平，而且味道都吾錯，大大碟，食飽人，喜歡佢撈丁都好乾爽，豬扒又嫩，加左黑椒汁幾惹味。最後點多個自選班戟餐同朋友share，全部都係自己選擇，雪糕，醬料同生果都有得自己揀，我選左雲呢拿同綠茶雪糕，藍莓醬，蜜糖醬同香蕉，好似都幾甲，不過原來好大份，有四塊班戟咁多，最後都食吾晒，好滿足嘅一餐。

觀塘除左大型商場，仲可以食咩呢？其實工業區選擇都多不勝數，而今次我食尼間仲要唔係貴價cafe 環境光亮寬闊☺️餐湯係紅湯，極喜歡尼度既湯，平時出去食唔係無味就好咸，尼碗湯又大碗，仲係辣辣地，好似一間連鎖餐廳我最愛既湯！❤️除餐附送沙律紅豆冰又係大大杯，美中不足係多奶味 如果多番啲紅豆粒就好啦！☺️☺️呢個係芝士焗薯皮，芝士香濃鐵板牛扒 都算唔難咬🤤，熱辣辣薯條卡邦尼啊意粉❤️ 唔係太creamy 所以唔怕滯最後叫咗個朱古力窩夫配香蕉，雖然窩夫唔會超脆，但係都好香濃朱古力味，香蕉一整條😍😍

是日夜晚叫左個dinner set意粉+湯+沙律+野飲好似$72左右意粉啲味太清，不過都算抵食既朋友叫左芝士蛋包飯平過我果個，又好食過我果個職員態度都ok，有後生妹妹做侍應係咁多

見到依到咁多好評，緊系要試下水準啦。依到地方系離地鐵站有d遠，又吾易穩，冇睇清楚個地方真系好大機會睇流眼牙。一入到去環境幾大幾令，最緊要環境舒適夠大坐得舒服。之後我地睇左陣menu就簡左一個鐵板燒嘅餐，西冷扒配香草腸，揀咗黑椒汁，醒薯菜，依個餐仲送埋餐湯同前菜沙津，真系好扺食，今日我飲嘅餐湯係羅宋湯，同出面餐廳嘅餐湯比起黎真系特別大碗，仲要超好飲，感覺落足料，吾會淡，好夠味，而個西冷扒都幾大份，有拗口得來好好食，幾夠味。之後仲食左個黑松露蘑菇意粉，呢個好重黑松露味，比起相像中更加重，有d驚喜，好好食！之後仲食叫左個小食，芝士煙肉焗薯皮，吾系話勁重芝士味，所以吾會好濟，最後一樣甜品，我覺得係最好食嘅，就係呢個窩夫，朱古力味，超好食，琳琳地，重朱古力味又唔濟，食落仲好似有啲阿華田味，再配埋d雪糕食，真系一流！值得再試。