LM Cafe (已結業)

因為係觀塘返工既關係，成日收工都會係觀塘搵食～工廈既樓上cafe都食唔少，想試下其他野～見到LM Cafe超多好評，排名咁高就心思思想試下。個人都幾喜歡到冰室，所以滿懷期待。兩個人叫了兩個餐。友人叫了蔥油雞扒撈丁。我就唔中意食撈丁既平時，但見到個雞扒咁靚又好想試下，點知一試就食左佢1/4估唔到咁香，鼓油帶少少甜，撈落個麵到又唔會好咸，好好味。$48，凍飲加$2，都幾抵食。大大塊雞扒食左好耐！凍檸茶有怪味，懷疑檸檬唔新鮮另一個餐叫all day breakfast，前菜好酸，無辦法食曬，熱奶茶幾香睇個樣都唔吸引，味道同個樣一樣成個餐最好味係個薯餅同腸仔。因為有研究過食評先叫呢個餐，所以發現佢少左樣野！無左我鐘意食既大磨菇！一問之下佢話賣曬！賣曬唔出聲，襯食客唔為意就算？問左佢先話補返一樣野比我，最後我簡左食多個蛋😑😑😑就咁，食左兩份蛋。。。佢$68話貴唔貴，但唔好食就唔抵。。。比唔到好評佢啦～

$27雙拼三文治+熱飲。早餐時間，為左一杯好飲既鴛鴦，我特地去呢度叫早餐，叫左芝腿治+熱飲27蚊。一般呢個價錢，就算塊芝士唔熱融，塊火腿都起碼煎過。但呢度可能崇尚無火煮食啦，塊火腿融左雪切完就放落包，芝士除左膠袋切完就放落包，個白麵包仲要有放左一晚既硬硬地既感覺，成個包凍冰冰，完全唔似餐廳會做既質素。還不如前面街口間即叫即整煎火腿融芝士先廿蚊雞連野飲，或者觀塘求其一間走鬼早餐檔。其實日日返工，有個熱辣辣既入得口既早餐就算，差到咁都好難得。等得耐都算，但呢個質素好呃錢，以後唔再幫襯。

我同女朋友係觀塘食飯，想食啲冇咁貴嘅晚餐，行行下發現LM cafe，中文名字好得意，叫龍門冰室，所以我哋就入左去。觀塘工業區嘅餐廳比我嘅印象都係地方大，LM cafe都係。佢哋食物款式好多，上至蛋包飯，下至窩夫，裝修都傾向coffee shop嗰啲類型，唔似一般嘅茶餐廳。我哋叫左飯同意粉，所以每人都會有一份沙律同一個湯，沙律比較「的骰」，蔬菜加上少少醋，非常開胃。湯方面我哋叫咗羅宋湯，有少少辣，佢地唔會好似有啲餐廳咁湯淨係得啲配料冇乜湯，唔錯！椒鹽雞翼總共六隻，鹹味十足，亦炸得香脆。更特別嘅係雞翼用鐵板上。流心奄列飯好抵食，不論魚柳、蛋同飯既份量都好大，蛋煎得好滑嫩，魚柳亦炸得恰到好處，脆皮同唔會太粉。意粉嘅份量相比奄列飯就啱啱好啦！😂意粉有彈性，有少少白酒嘅香味，但唔會太強烈。蜆肉都有好多，唔會太咸。topping有小小蔬菜，食落都幾清新。 最後飽飽地都要食返個我最鍾意嘅朱古力窩夫，結果佢都冇令我失望，窩夫總共有四件，食落脆口，加上雪糕香滑，雲呢拿味道好重，食完真係飽到上心口值得一提嘅係入面有live band，食客可以隨時點歌，歌手唱歌都好好聽。最後埋單＄200左右，食物款式太多，

今日同男友去觀塘食晚飯，呢間LM cafe 好多人食又見咁平，應該吾錯丫。入面地方算大，四四方方一眼睇晒，不過都坐滿人。menu都好多野食，不過都茶餐廳茶單咁，有常餐，另外仲有鐵板扒餐同甜品，所以都幾多元化。我點了韓式鐵板鹽酥雞蟹柳芝士汁辛辣面，先50蚊咋。不過要等一等，一上碟鐵板好熱，店員很好，會嗌我地小心，另外一提，我擔心會好辣，所以話左想吾辣，真係吾辣上碟，好好丫，雞係即嗌即炸，熱辣辣好香口惹味，芝士汁好多，少少咸，同辛辣面都好甲，份量適中，大食嘅我都岩岩好。飲品嗌左龍鳳檸樂，先加6蚊又係勁平，即係加左咸檸同檸檬嘅可樂，大大杯，超爽，好飲丫。整體都非常吾錯，價錢超值，下次又再去先。

先點了瑞士汁雞翼餐。瑞士汁雞翼好香，味道剛剛好！ 入味之餘又唔會太鹹 ， 我自己就真係好鍾意呢個雞翼餐啦！ 二十蚊三隻其實都幾抵，加四蚊仲可以轉咸檸七。如果唔係好肚餓呢個做tea set其實已經好ok啦！不過我仲加咗個黑松露芝士焗雜菌西蘭花！呢個係需要啲時間等一下！ 五點零鐘都等咗十幾分鐘...... 但絕對值得等。因為上枱時熱辣辣，仲滋滋聲的。唔好以為茶餐廳啲黑松露就好唔得， 但呢個個味真係唔錯，加埋芝士配合得啱啱好！

身為觀塘友，當然知道呢區有好多隱世美食啦～今次同朋友試到一間情調很好的餐廳～在環境方面，十分驚喜於晚餐時段有live band，而且可以即場點歌，讓餐廳感覺好有放鬆既氛圍。食物方面，也有令人驚喜之處，不但抵食又好味！主菜方面，我們叫了「黑椒香蒜牛扒拼炸蝦」（$80），一上到菜已經有沙沙聲同好大煙，香氣四溢～估唔到個牛排會咁有質素！肉質煙韌多汁，而且黑椒味好濃郁，而且份量都幾大！炸蝦鮮脆，配上入口即化的薯菜，簡直是一流呀！其次，有「流心奄列龍蝦汁意粉配魚柳」（$50），魚柳外脆內軟，非常香口，配上滑嫰的蛋，和鮮甜的龍蝦汁，我和朋友一口氣就吃光了！小食方面，我們選了「蜜糖雞翼」（$38），有濃濃的蜜糖味，配上表皮酥脆的口感，裡面的肉質卻是鮮嫰可口的，非常推介！飲品方面，則揀了「地中海之戀」（$38），由薰衣草、玫瑰粒、蘋果粒等組成，有淡淡香味，非常清香可口！本來我們想叫兩杯野飲，好彩姐姐提醒，原來一杯花茶都已經夠兩人飲啦！整體而言，餐廳本身好有情調，適合邊食邊傾計，而且價廉物美，食物質素幾好，好抵食，已經將佢mark做gathering的必去地點啦！

今日放工唔係早又唔算夜，決定搵食之後先返屋企！行到去龍X冰室，原本已經想坐低，但係望望入面好似仲有嘢食噃，於是就嚟到呢間LM Cafe喇！價錢真係幾宜人，決定豪食叫個西冷扒加香草腸，再加雞翼！當然唔可以太多要求，要求要幾成熟、幾出色嘅烹調手法啦，不過都幾有驚喜，唔韌但又有啲咬口，幾好。再加上個汁都出色，係好令人懷念嘅港式扒餐！至於香草腸就不過不失啦。而蜜糖雞翼就比想像中無咁甜，可能我唔太喜歡甜到爆嘅雞翼，所以都幾合口味。最後想講下呢到真係好有港式味道，我叫咗個熱朱古力，原本都諗住係朱古力粉開架啦，不過一入口就有種好懷舊嘅味道，好似細個飲嘅唂咕！之前唔知唂咕係咩，依家有得查，就知原來係可可沖水，無奶精之類加工，呢個先係我哋印象中嘅朱古力味道嘛！總結而言，想懷念一下舊香港味道，可以嚟試一下！

今晚找觀塘的朋友吃晚餐，在他上班附近有家cafe出名食物大碟，那麼，非常適合我倆大胃王去用餐啊！餐廳在工業區內，地方寬敞座位多，就算晚上也還有好多客人來用餐。這裡供應的食物選擇有好多，我們都看了好一會才決定叫甚麼，就兩主菜一小食吧！飲品選了熱奶茶和紅豆冰。奶茶香滑，味道甘甜，一點澀味都沒有，很不錯！紅豆冰的椰味濃，底部有大量紅豆，爽！餐廳的上菜速度好快，短短時間已經全部上桌。他們的份量... 真的好大！這些就是我倆的份量啊~非常豐富！首先是奄列餐的，選了魚柳，配蕃茄汁和飯。蛋皮覆蓋了飯及一半的炸魚，如果流心的話更正啊！翻開蛋皮，嘩，有四大塊魚柳，真的好足料，比飯的份量還要多。魚柳炸得相當香脆，肉軟滑的，口感豐富，配蕃茄汁最夾的了！就算是汁量也多，除了點魚柳外也能確保沒一口飯都能混汁吃韓式炸雞用小盤裝著，香氣撲鼻。炸雞大大件，上面淋了蜂蜜和燕麥，感覺平衡一點呢。雞也是炸得相當酥脆，內裡肉嫩又juicy，跟蜂蜜味道很配，比得上韓國菜館的炸雞啊~~最後是星級雜扒，最頂部放的是煙三文魚不是煙肉，感覺立即高級了。還有炸帶子，整塊牛扒，雞扒和香草腸，陣容鼎盛。帶子炸得薄脆，香草腸味道濃，咬下去是會

 好朋友介紹 觀塘 駿業街 中海日升中心 地下(商場內) 有昌  LM Cafe (龍門冰室), 晚上7:30-9:30,  都有年輕樂隊唱LIVE, 仲可以點唱! 觀塘 蒲東-結業都有一段日子,  想同好朋友飲啤酒+聽歌, 有好選擇!3/8/2017 (周四晚) 晚上7點左右,  放工後跟好朋友黎到呢家Cafe  (其實, 平時我只係黎食LUNCH- 全日常餐. 次次都要拿飛仔, 等位食野, 無計啦因食物好味及抵食, 好多人下) 一坐低, 都唔知叫那種小食好呢?   可愛既 女待應特別推介 韓式炸雞 (HK$58/每客) + 加上 手工啤酒, 白花香啤 + Live Music= 巧正! 值得ENCORE 多一晚! Relax下!  謝謝 觀塘仲有個好地方 聽歌+有酒飲呀!

觀塘，工廠大廈林立，又多咗好多商業大廈。夜晚搵野食，再唔係只局限於大商場，今日朋友就帶咗我去食LM cafe！ LM cafe 環境都唔差，岩哂一大班同事放工黎chill 一 chill ！😂 我地就叫咗兩個鐵板餐！爵士西冷扒拼香草腸 （$80）-- 食鐵板就最忌塊板唔熱，而呢度嘅鐵板餐就無呢個問題！塊西冷嘅肉質都唔錯，最估唔到嘅係條香草腸！大大條咁，食落幾滋味！星級雜扒（$95） -- 材料都幾豐富！有西冷、雞扒、英式腸、煙三文魚同埋炸帶子！值得一贊嘅係佢既薯菜！粗薯條、條條吸收哂個汁嘅精華，正！蜜糖雞翼 （$38）-- 一碟都有成6隻，都幾抵食。仲要隻隻雞翼嘅外層除咗炸到香之外，仲好完美咁coat 咗層蜜糖，又唔會太甜！ 甜品呢，我地叫咗個waffle，配料、waffle 嘅味道同埋醬都可以自己選擇，份量又比想像中大份，唔錯！ 飲品方面，除咗跟餐嘅湯之外，我地仲叫咗個花茶-地中海之戀（$38）-- 估唔到壺茶都幾大壺。似落仲有陣陣花香，解膩一流！下次再黎觀塘，都會同自己講，唔洗局限自己食大商場既～😏

茶餐廳一定要滿足到我個胃先得，夠大碟，夠爆，就最得。你睇下，全場爆滿喎，見到個個枱上碟野都大大碟，睇到我口水都流埋。無肉不歡？鐵板扒就岩哂。💯爵士西冷扒拼香草腸+薯菜+蒜蓉汁香草腸都好jumbo下，正。西冷唔韌，無筋，易切。呢個價位，抵啦下化😆專登唔配飯/意粉，甘就可以試下其他野丫嘛。就要食埋雞亦啦👇👇💯蜜糖雞亦呢個巴閉呀，上枱既時候好熱，雞亦皮微脆，見唔見到呀，啲蜜糖係滴出泥，令到雞亦好香，入面仲好juicy 架！飲品都係大大杯，我真係好滿足啦，由胃而發！價廉物美呀😌

近日大興新式茶記，呢間LM cafe，個名就相當摩登，而食物除左有港式同西式，仲大玩韓式fusion添！份量仲又大又抵食。✔️芝士鐵板韓式辛辣麵•鹽酥雞•北海道蟹柳〰個配搭好搞笑，睇落好大碟，落足料，芝味濃，麵夠乾身，有微辣。我個口覺得好忙呀，甘多野食。仲有齊紅黃綠三寶🚥粟米粒、車厘茄、西蘭花伴碟，即時覺得好健康。食完已經好飽，但無理由唔挑戰甜品💪✔️朱古力窩夫·榛子朱古力醬·朱古力雪糕·香蕉〰身為朱古力迷既我先甘配搭姐，有其他味揀既，自由度高，任君挑選。窩夫熱辣辣，鬆軟; 雪糕見真章，非普通朱古力，係比利時朱古力，竟然用大牌子，moven____，媽呀好好味呀，超驚喜

今日放工勁肚餓，見呢間cafe係公司附近咁就腳，又幾多人食，就決定係到醫肚。蜜糖雞翼用一個細細既煎pan上，賣相幾得意。雞翼既外皮炸到好香脆，雞肉嫩滑有肉汁，每隻雞翼都好夠蜜糖味，唔錯。爵士西冷扒拼香草腸一見到有鐵板扒就決定要叫！我揀左蒜蓉汁配薯菜，西冷扒好大塊同厚身，咬落有肉汁好juicy。香草腸都幾粗身，煎得好香。西冷扒下面鋪滿新鮮炸起既粗切薯條，香脆之餘仲索晒蒜蓉汁，好入味，旁邊既西蘭花同車厘茄都幾新鮮。羅宋湯鐵板扒餐仲跟埋餐湯，唔記得左影。個湯好夠熱，入面既湯料仲好足。可能係加左辣椒去煲既關係，入口仲有少少辣，酸酸辣辣咁幾開胃。朱古力窩夫(配雲呢拿雪糕、榛子朱古力醬、香蕉)朱古力窩夫既朱古力味幾突出，唔會太甜。窩夫厚身，焗得外脆內軟，算係幾有水準。地中海之戀食左咁多野，飲啖花茶中和下油膩感舒服好多。呢種花茶有蘋果粒，菠蘿粒，玫瑰果，薰衣草，檸檬草同錦葵花。聞落有好清甜既果味，aftertaste帶點回甘，味道都幾特別，我鐘意。見到menu仲有all-day breakfast，下次再搵次黎試下先。

約朋友食飯試酒，刻意搵下免開瓶費嘅餐廳，而LM Cafe係眾多選擇中最經濟方面嘅餐廳。我哋星期五大概七點到，當時未係好多人，而環境的確幾寬敞。Menu上大部分都好經濟實惠，五六十蚊都有飯有嘢飲。我哋點咗芝士汁雞扒奄列飯同芝士汁雞扒焗飯，本身焗飯想點豬頸肉但係嗰日咁啱售罄，點咗之後好快就上菜，芝士汁相對淡口，肉同飯嘅份量就幾大好飽肚。頭頭尾尾都坐咗超過個半鐘，又食到嘢又坐得舒服，係一個自帶酒水嘅好去處！

同女朋友之前黎過食一次，覺得都ok所以行開呢邊買完野再食過。入到去唔洗等位而且枱面都算整潔，不過坐低左無人理無餐牌，因為staff太少太忙。一開始叫左個黑松露意粉，意份的份量適中，夠一個女仔食飽，而入面的黑松露唔算好多，不過都食到有，同都好大陣香味。個汁都幾濃而且入面有好多菇同洋葱一齊煮所以更加香。意粉上面有少少菜所以都幾好清新少少。而個意份有跟一個沙律同一個羅宋湯，沙律唔算好多，入面的菜都幾爽脆，加上少少沙拉醋，唔會太乾。而個湯都幾大同入面都有d料可以食，岀奇地入面有半個蕃茄，超稔同有少少黑椒味，幾好飲。唔會似罐頭沖岀黎。跟住再食左個黑椒汁炸蝦牛扒薯菜，黑椒汁都算濃同有少少辣，牛扒都幾大塊不過唔算厚，但就略微煮耐左少少，牛扒的邊位老左少少，而個蝦外面的炸粉唔算厚，入面的蝦肉都幾熱同鮮甜。而且有5條所以好抵食，不過如果薯菜可以多少少會更好，可能因為我食量大。甜品就食左個朱古力窩夫配雲呢拿雪糕，窩夫上面朱古力醬唔算多不過個窩夫就好濃朱古力味同唔係好甜，而且窩夫都幾飽肚下，仲要有四件，所以兩個人share就岩好。個雪糕都滑幾重雲呢拿味加埋窩夫食幾好。最後覺得呢間都算抵食，可以可黎。