Oliva (已結業)

食物我覺得唔錯啦...locate係大埔有d驚喜. 叫咗mixed pizza( ok), 青口( d 汁好好味, 唔怕就咁飲有dd saltｙ都可以飲..好鮮味), steak (ｏｋ), risotto (唔錯), 墨魚汁pasta ( 都幾好)環境太黑了...我跟我男朋友一家去吃（共５人）..人家媽媽都看不到menu了...至少每張枱加支candle呀!!!service ok啦...有時候都叫一兩次才有人上來(我們坐樓上最入的位置）

貪就腳兩個人去呢度食dinner, 佢個鵝肝整得差咗！雖然外面煎得頗脆, 但內裡竟然過熟...反應頓時因口感而變得失望！牛扒雖然係做到medium to rare, 嚟食咁多次牛, 但仍然係50/50 唔係次次都有牛味.至於飯後甜品個tiramisu, 落咗好多酒, 我覺得我似飲酒多過似食甜品...可能支酒唔洗錢啩！？well, 我會用時間發掘呢間野有冇更多o既優點先！

今次第一次寫評語, 真係有點緊張....> <前兩日又o黎食飯, 其實我同班朋友都好鐘意o黎, 因為呢度係大埔唯一坐得舒服,食物就唔洗講啦,兩個字講晒----平、正(因為呢度真係比出面好味得o黎平.....)食物我一定要堆介*****羊肉中東包**********香辣燒雞pizza**********xxx羊架***** ㄑ------ (唔記得全名)*****朱古力布甸*****仲有另外一提,服務就冇之前講得咁差,有d waiter & waitess仲好好笑容

差----今天到oliva午膳,昨天下午已訂座,但去到餐廳,侍應竟說沒有留座,我們只好等.差----落了order後,餐湯和包來了後,主菜在40分鐘後才到,因為趕著上班,惟有"打包". 我叫的是set lunch,廚房應早有準備,根本沒可能要客人等40分鐘.差----上至經理,下至侍應,全都黑口黑面,客人追單,更是愛理不理.食物再好,服務如此差劣,很難令人再光顧,更何況oliva的食物不是特別出色,就以今天我吃了的餐湯,包和咖啡而言,真的非常普通,可以說和隔壁的"扒王"沒甚分別.包是凍的,湯非常多油,咖啡更是淡而無味.我想短期以內,不會再去.

已經是十時多了，在大埔墟找間似樣的食肆似乎幾難，不是連鎖集團的天下就是良莠不齊的茶記小店，所以堅持要來這裡。最後也如願，這個時數全店只有我們三檯客，而且他們也快埋單了。知道打烊在即，趕快點菜，餐牌上的選擇不多，個人認為這是不熟不做、貴精不貴多的道理。大型餐廳通常有很多選擇，東至中日韓台星馬泰，西至美英法西葡德意也有的，眼花瞭亂，但最後沒有一樣好食的。再次汲取教訓，小心點菜：1)餐包及沙律餐包是方型軟腍的包，蘸意大利黑醋及白醋吃，當中黑醋比較好吃，沙律只有幾只車喱茄，生菜及玉米粒，比較簡單，不過同樣用上醋汁，太酸，破壞了成個沙律。2)西蘭花忌廉湯餐牌上只有兩款湯，一是意大利菜湯，二是是日餐湯，不要菜湯是因為對金寶的恐懼，很擔心餐廳的食物與罐頭味道相似、甚至用罐頭貨。幸而西蘭花忌廉湯夠熱，又夠杰，而且落了不少西蘭花去煲，西蘭花味重，一讚。3)芝士雞肉卷皮是薄薄的，而且非常脆口，芝士與雞肉配合得不錯，結構上穩陣，包得夠實不易散，又夠熱辣辣，口感、味道都非常好！4)蒜蓉包四大片，又是新鮮熱辣出爐，蒜蓉幾足料，最讚的是成片包每啖都是脆的，每一啖都有很重的蒜蓉味，每一啖都非常好吃！5)忌廉三文魚闊

自從睇完呢度既comments,一直都好想Oliva試下有幾好食~不過當我食完後,完全覺得唔掂囉!我同兩個朋友,每人叫左一份set lunch另加一個大既tiramisu~ 先講前菜先,D包都幾香不過就凍冰冰,至於黑醋同橄欖油要request先有...>_< 我地三個order紅湯但最後只得青豆忌廉湯,不過味道都唔錯,OK啦~ 到主菜喇,我地每人都order西冷扒餐~ Order時待應又無問要幾成熟,所以我地特別request要七成...但到最後牛扒送時完全係全熟,比較un同有D難趙,簡直係趙到牙都軟!>_< 到最後個tiramisu,餅底塊朱古力蛋糕完全九唔撘八,而且味道過份甜,甚至比我自已整既仲難食! >_<總括黎講,以佢既質素同茶記冇乜分別,下次唔會再幫襯!

A. 酒保位置(都幾暗下)B.餐廳內景..都幾開揚..但就好暗...C. 送的黑醋沙律(兩個字講晒-->新鮮)D生菜好爽..都好大碟...下次可以考慮唔晒叫咁多個沙律D.金檔荔枝鮮魷沙律- (我覺得麻麻..太清，簡直係無味....)E.燒牛肉芒果木瓜沙律- (d生果好小..平均每人得一舊仔..如果生果多d會好d..但燒牛肉就值得一讚..燒到剛剛好，唔會太熟，又唔會有血水..肉味重..加埋小小黑醋，更架將口感提升..係有力之作，下次會翻叫^^.)F.蝦多士- (好香口，蝦的部份好彈牙,麵包面加上白芝麻..好香..口感唔太油.. 一份4塊..每塊都有半塊麵包店方包咁上下)G.鮮藩茄蒜蓉包--(味道普通，但買相都唔錯)H.龍蝦天使麵--(味道唔錯，但龍蝦肉就較小，可能一分錢一分貨掛..但個汁都重鮮味，唔錯，個麵就好似過熟咁)I.海鮮墨魚麵-(嘩呢個簡直係極品呀，好味都呢，我食唔停口，D麵好有味道，好有咬感，加埋d海鮮..好正..個汁好好正，朋友仔話可能兩個意粉的汁係一樣，但都係呢個好食d...，..下次一定會翻叫^^J. 蕃茄肉醬橄欖長通粉--(好重蕃茄味，唔酸..但好似搵唔到d肉醬

剛於滋味館吃了下午茶的我雖不餓但總是欠缺了甚麼似的, 回程之際與姐姐相約到Oliva再tea過, 希望給自己回家前尋回一點滿足的感覺。在Oliva晚餐已吃過多次, 反而周末的三層架二人tea set還是第一次品嚐, 三層架tea set並沒想像中吸引, 再者以少吃英式tea的我都覺得他們將食物亂放一通, 不要說由上而下、咸至甜, 他們竟將咸甜食品放於同一碟, 這些基本常識亦應注意吧。講番食物味道:最頂層:鬆餅(2件)伴有果醬及cream - 味道一般, 鬆但不夠香, 可幸的是不像晚餐甜品那樣甜得吃不下中層:曲奇(2件) –鬆化ok但味道普通迷你果tart (2件) –只屬一般且tart皮已淋吞拿魚三文治& 蛋沙律三文治(各1件) –味道ok但麵包已有點乾硬日式八爪魚- 味道可以但多吃無益, 所以吃兩口便放棄, 留番quota吃別的底層:咖哩角(3件) –因是即炸, 故皮脆香口, 內裡其實並不是咖哩, 只是一些雜香草味薯蓉之類的味道日式章魚波(2件) - 味道可以, 不太油朱古力brownie (1件)–這個質感應介乎brownie 與蛋糕之間, 食落有朱古力香味但質地像是風乾了一段時間

Oliva的名氣太大，還有人評它是Amaroni's的平價版，終於週末與男友沙田shopping前搭車來試試。　Lunch set售價只$36，比起Amaroni's真的平了一半不只。要了一個白汁雞肉什菌天使麵，一份龍利柳餐後，超級Tiramisu迷的我，又點了一個large size的Tiramisu($55)來朝聖。　食物未上之前，先吃了免費麵包。黑醋及橄欖油並非任倒任食，而是要向侍應request，由他們倒給你；麵包本身帶甜味，麻麻地。　食完麵包，Tiramisu居然先上。雖然我們的確沒有提要餐後上，不過也夠令我們覺得服務不專業。過了5分鐘，天使麵及龍利柳上檯，天使麵新鮮熱辣吃是不差，但味道本身不出眾，一凍就差好遠；龍利柳是水準之下，我吃了兩啖就不想再吃，留肚再戰巨大的Tiramisu。Tiramisu很濕但酒味不明顯，與我自己製的水準相約=>很普通。最後的咖啡就不錯。　環境不差，可與Amaroni's無得比；侍應不專業又沒有禮貌，需要改善。不過價錢的確很平，一試無妨，要食好味的意大利菜還是去Amaroni's/Fat Angelo's罷!

平日同媽咪食午飯，都會去下oliva食午餐，d野食的確好好食，每次去食，午餐menu 都會唔同，可以試到唔同o既野食，真係好好!!oliva o既野食好有水準，就算午餐同下午茶唔係大廚煮都好好味，連餐湯都好好味，特別推介紅酒燴牛膝、各式各樣o既意大利粉、pizza 同甜品，真係勁勁好味嫁!!而且以咁o既價錢真係好抵食，好過去oliva隔離o個間咩王之王，唔好食兼貴。最後，oliva 呢間意大利餐廳無論菜式、裝修都好有特色，值得推介!!!

一行十人.麵包一早擺響度, 凍冰冰亦不軟熟, 可以不吃.(甘荀?)忌廉湯和羅宋湯都ok主菜方面同事們說燒春雞與羊髀都麻麻地, 肉眼扒則不錯我這不吃辣的人膽粗粗叫辣汁海鮮意粉, 和同事都覺得一般, 海鮮(魚柳與魷魚為主)比較濕碎, 幸而意粉並不煮得太淋, al dente就稱不上. 至於有幾辣...一個怕辣的人吃掉了大半碟, 你說呢?我們order了所有menu上有的dessert, 共五件.It turnus out that 甜品是最impressive的我個人favourite 的tiramisu, 入口酒味比上次吃的強了, 口感不過份濕. 很好焦糖燉蛋淋了酒, 好香, 亦不錯軟心朱古力蛋糕(伴雪糕), 蛋糕朱古力味濃而不太甜, 但不"脆", 入口有點硬草莓拿破侖, 草莓不酸, 但吉士唔香, 酥皮不脆, 麻麻地...可能它放了在桌上好一陣子我才吃apple crumble...我沒吃, 未知味道如何.因為打大風又下雨, 人客不多, 今趟沒有上次那樣嘈. 不過, 烏蠅一樣多...食物的portion少了, 不會吃不完浪費食物.服務算不錯.埋單每人六十, 其實非常化算.

平日通常同朋友幾個嚟，咁咪有得左叫右叫選擇可以彈性啲。亦曾經試過同朋友兩個人叫兩個main course 飽到食唔晒的經驗。咁今日兩個人，第一次喺度叫set din ( 餐湯+ 主菜+ 餐茶+ 甜品) 另送麵包沾醋！講餐湯：意大利雜菜湯料好足，夠味，冇咩特別。但另外一個忌廉湯內裡竟然有杏仁，口感又香又滑，似乎唔係用罐頭湯應酬我喎！講主菜：(一) T-骨牛扒反而今次個扒整得好過我上次食嗰個主菜鵝肝配安格斯牛。)今次個扒六成半熟，外脆，但內裡有點微紅咁，仲好有牛味！個chef 簡直開正我嗰範呀！而且伴碟的薯仔連皮似焗過咁，外脆內軟，加上個汁底有黑椒得嚟再有少少蕃茄的甜甜酸酸，好味兼開胃喎！(二) 雞扒、紅腰豆配意大利飯雞扒唔需要有期望，雪藏貨預咗，係鞋口囉！不過反而個飯同平時食開的主菜”意式雜菌飯”係味道一樣！因為我未食時諗住個飯話晒set din 會可能俾人諗埋d 縮數野偷工減料，但食咗後證明又冇喎！餐茶略去唔洗講，因我們飲的唔係咖啡，冇技巧可言。講甜品：今日set din 甜品係芝麻雪糕。我對呢個雪糕充滿疑問，勁想捉個chef 問：你買定整架？因自己有整開甜品習慣，又試過自己去搵機磨芝

見到門面有點高檔,又想起openrice.com曾經介紹過,於是就與媽媽來吃個午餐.內部的裝潢確實不錯!雖然不算是很高檔,但感覺很舒服,好像去了外國的餐廳,心情頓然放鬆下來.點了兩個午餐(@$36)西蘭花忌廉湯很濃的西蘭花味,不錯媽說她的紅湯很酸用來點湯的包不是外面的那款,味道和口感算是不錯.煙肉茄子螺絲粉很油膩,味道只屬一般.西冷扒口感不錯,外脆內軟熟.咖啡十分之苦,連媽媽不下糖的也被逼要下點糖中和一下.不過整體上是抵食的!

昨天星期日又來吃飯，今次點烤魷魚沙律、辣汁青口同埋海鮮墨汁意粉，而上檯的麵包回復了一籃子四件的方型包。烤魷魚沙律：一般的兩人份量，數過...全碟的魷魚只有五小件，實在非常細小，大概是普通食到的尺吋一開二或一開三甘上下，俾人有唔抵食的感覺。辣汁青口：照舊沒令人失望，辣汁沒以往般辣，鹹味亦減輕了，青口亦細小了（可能是夏天的原故）。海鮮墨汁意粉：亦是一般兩人份量，汁很濃稠，若能多一點汁會更好。本來食得好開心，但在食緊青口的中途一位很高很廋的侍應（定部長）突然過來收了碟醋同麵包，朋友就問我點解會唔見哂D麵包同碟醋，侍應聽到至比番我地；當時我地真係好驚訝，一般西餐廳的做法，都是等客食完放低哂刀叉、點甜品咖啡時至會收麵包的.... @@"到了埋單時刻，又係呢位好高好廋的人來打點，朋友放低張信用卡，侍應就話："簽番個名!"，跟住見支筆由佢的手掌碌落個皮folder, 我就諗...如無意外，呢次應該會係最後一次幫襯了。

星期日有個朋友同個妹黎食, 為順便答謝佢, 所以呢餐is my treat.住係大埔好耐但到今日先至有機會黎試下, 之前聽朋友講呢度d 野幾好食, 但就真係嘈d, 今日去到星期日下晝, 出奇地冇人, 於是就入去食了點左幾樣野:1. 凱撒燒雞沙律我本身唔係好食沙律, 但都覺得幾好食, 煙肉好香, 但雞肉就麻麻2. 茄蓉蒜茸飽茄茸酸左d, 蒜茸飽好食, 比el cid 高出一皮3. 雜椒蜆肉意大利飯味道較淡, 嗜濃味者或不喜歡, 但飯身乾濕度適中, 算係唔錯4. 墨汁海鮮意大利粉醬汁極好! 研究過後懷疑係用蝦頭同蟹做的, 只係如果多d 醬汁會更好, 意粉口感唔錯, 海鮮都ok5. 甜品: 意大利芝士餅及朱古力軟心蛋糕甜品算係我比較失望既一環, tiramisu較濕, 口感唔及乾身既好, 酒味較淡, 但同行既朋友就話呢個係佢近年試過最好既tiramisu 之一, 口味真係人人唔同. 至於軟心蛋糕個心唔軟, 好似擺左好耐咁, 有d 失望, 呢方面el cid 優勝一籌。值得一提既係部份待應服務麻麻, 有個上菜時整跌左塊飽係台面, 竟然就咁執番入個碟就算, 我expect 呢類餐廳既服務應該係可