Oliva (已結業)

上星期五(7/7/06), 第一次去OLIVA食晚餐, 或者係星期五, 都唔駛等位, 我一共四個人, 叫左........1. 羊肉中東包1客共$38- OK 唔"蘇"2. 火腿配香瓜2客共$90- 好味, 所以叫左2客3. 生牛肉1客共$55- 芝士唔夠, 但咁既價錢, 想食D咩呢???4. 海鮮墨汁意粉1客共$75- 好味, 佢個汁唔會食到成口黑媽媽5. 什菌意大利飯1客共$65- 好味, 芝士味好濃, 正正正6. 香辣燒雞薄餅半個共$83- 好彩之前既評家提醒, 半個都好大份呀, 材料真係好夠, 但我個人覺得肉太多啦7. 朱古力布丁雲呢拿雪糕1客共$48- 唔太甜, 好味加10%服務費埋單$499我覺得服務都幾好, 或者o個日無咩人啦, 都無見到外型MK feel既侍應以呢個價錢, 食D呢野, 好低呀!!!!!! 一定會再去試其他野食.

早前吃過的簿餅不夠脆, 今次向侍應反映過後有改善, 來的簿餅又香又脆, 不錯。而其他食物質素ok, 與往時一樣, 意大利蛋糕差別不大但甜了, 不要說我為食媽不吃甜, 連吃得甜的也覺甜, 好戲還在後頭, 連個餐後甜品也甜得所有人也吃不下了。沒得吃不單止, 還浪費了食物, 每人吃了一口也不想繼續, 其實這裡的甜品算不錯, 但太甜的話便降低了再選擇試其他甜品的意欲了。

呢間前前後後去過十次左右，一直無意識上來寫comments,直至搵完其它餐廳資料之後突然扯起條筋....第一次幫襯應該係去年，感覺好唔錯，大埔有如此水準的西餐廳令我非常驚訝，侍應服務亦大方得體，睇得出晌高級餐廳或酒店工作過。後來的幾次覺得Oliva漸漸走下坡，食物水準時好時差唔穩定，侍應亦換了其它人，有個仲懶懶閒唔多理d客，服務水平有待改善。侍應外型MK feel無問題，而家年輕人講潮，但服務態度應該好似以前開檔果班甘；有好伙記老闆應該出高少少人工留人，以免壞了招牌。我幾乎每次都係Sunday 3點幾去，無乜人,最記得有次食"lunch", 點了頭盤番茄麵包，居然漏左單，晌我食緊茄汁辣青口(一道要趁熱食的菜)時至拎出來, 食完青口至食佢，麵包已經凍左林左，失去熱麵包配凍番茄粒的真正味道。最離奇的是，呢一餐所有菜都亂哂龍，應先上的後上，應一道道菜上的變成全部一齊上，搞到我地驚食物攤凍哂唔好味而食得好匆忙，最後始終有道熱盤係凍住甘食落肚扣哂分，令我有食完唔想再來的念頭。後來又再去幾次，水準又慢慢提昇番，水平唔夠的侍應已不見縱影，可是...以前上檯的一籃麵包由方型包變為超市的圓型包，數量由四

oliva~d野食都不錯啦(大埔來講)我宇宙仁!!今日專成大駕光臨來oliva,我們一行人係餐廳門前,巳經feel到依間餐廳有幾旺,門口位waitress不停進出。當我進來時,迎面以來係位經理,係經過而不理,我只好企係門口等,幸好位waitress好快帶我們入去。我們order一個chicken and salmon pizza,味道OK good。另外order墨汁意粉,蜆肉意粉,兩個都好好味。我們好快巳經食完,叫埋單,個件經理又唔理我們,嚴重有問題,真係..... 。我們叫左成個字先有位waiter埋來埋單,真係慢。

其實西餐無論（意大利菜....)～～最重要都係只要"野食汁水"整得好自然大家就覺得"好食"同"好味"！！星期日我就約埋我Ｄ朋友去係呢度食飯咯！雖然我都看有過openrice！大部份都話"Oliva"幾"好食"同埋"係大埔唔楚意菜！！但試過之後都"唔係真係咁特別""咁好食"！！！講o下服務喇：Ｄ待應服務態度都幾差！有幾個男待應就似足"ＭＫ仔"咁～！！！大家去食都要做足心理準備！！！

呢間餐廳係朋友介紹, 第一次食已覺得好好味, 又飽土, 價錢ok (至少俾又一城那間平好多, 但水準差不多)我個人認為佢地個白汁煙肉意粉好正, 雖然聰落好普通, 但佢地整到好好味, 只需要60蚊,值得一試。而其他食物亦ok!但佢地d甜品不太特別, 可以不試, 無謂浪費金錢!

上星期六,一家大細黎到Oliva食lunch~初初諗住冇乜驚起,點知係出乎意料之外既好味。 叫左個肉醬彈弓粉,本應以為又係螺絲粉果類野,點知食落口真係好彈牙、好有口感果隻。其他野都不過不失咁啦...但係d 野飲就真係唔係好得囉,因為要自己落糖落奶,奶茶d 茶好鬼苦。記得一提既係...果度既tiramisu係唔岩小朋友同哮喘人士食既,因為brandy太重... 但係整體黎講,我比八十分啦~不過價錢就算中價喇...

近呢幾個月都係咁搵食,都有留意openrice,今次忍唔住上黎寫下,新人來報到其實住左大埔好耐,發現冇乜高級少少既西餐廳一日係八號花園行過見到Oliva見門口po左好多雜誌既食評,再睇入面既環境,好靚好有feel(以大埔黎講係勁少見)5月31日,約左個fd就黎左試一試,order左個肉眼扒60%,一個咩肉腸pizza,後補叫左個炸既魷魚soorder完未夠一mins,waiter拿來沙律及麵包沙律- 都係咁上下,麵包- 最大獲係唔熱(其他餐廳都係咁既？？唔多識)肉眼扒- 12oz,配菜係扒底, 好大~隻碟,令到碟野好似好吉咁, 兩個人share食都剛好~pizza - waiter suggest我地可以叫半份,6折價,即係六十幾蚊,size等同pizza hut普通批咁上下, 一定要襯熱食,凍左好硬...魷魚so - 佢疊到好高, 都係果句, 襯熱食, 脆porpor~凍左又會變好硬凍左叫waitier返熱佢~餐廳內兩部大lcdtv播住d煮野食節目四隻釣燈,加牆上既畫環境係區內算係一流啦價錢既都預左架啦~入得去就唔理架啦~係咪？

mother's day前夕同媽咪黎食,本來想去富山食,但路經呢到見重有位就入左黎,原來我地係最後一張無booking既檯,真好彩3個人唔太肚餓,叫左3樣野巴馬火腿配蜜瓜-巴馬火腿有5-6片,但蜜瓜得4片,究竟係蜜瓜比小左定巴馬火腿比多左呢??味道方面巴馬火腿過咸,蜜瓜都算清甜,比起Sabatini當然重爭好遠,但幾十蚊重想點?三文魚pizza-今次個餅底唔夠脆口千層面-呢個唔得,係menu張相好靚既,點知黎到相差好遠,成bat野咁,d面有點硬免費奉送既麵飽同沙律唔講啦~本著試下其他菜式既心態入黎試,點知錯曬,總之食pizza hut好過,下次黎食都係叫番d穩陣既菜式好d題外話:食到尾聲之際,見到餐廳後幾座有個單位起火,大火到d火湧到出個單位窗口,好恐怖

一向少踏足大埔既我，今日黎搵個fd 同佢慶祝B'day，終於有機會黎試啦。三個人點左：羊肉中東飽- d 羊肉味道唔錯，但中東飽較遜色，唔感佢有烘過。海鮮墨汁意粉- 比想像中既好，抵讚。食過好幾間餐廳既墨汁意粉，好多時都係得個顏色，食唔出有墨汁味，但呢度既係食得出。加上墨汁意粉既軟硬控制得恰到好處，有口感。個醬汁係creamy 但又有少少醒胃。海鮮材料有蝦(ok 爽)、青口(一般)、魚塊(ok)、魷魚(幾好)、墨魚(ok)等，幾豐富。辣雞肉pizza - 首先黎既感覺係... 份量大(已經係叫一半- 6 塊)。pizza 批底係脆、但可能汁太多，所以批既面同中間都係較濕，即係話除了最底層外，都唔脆，烘耐少少會更好。雞肉幾好，配洋蔥亦夾，但稍為辣了少許。唔係覺得個pizza 唔好食，只係覺得焗耐多一陣會更好。麵飽同沙律(餐廳送) - 兩樣都唔掂。麵飽唔鬆軟，比一般西餐廳既差。而油醋亦唔及出面既好。沙律- 有生菜、洋蔥、車厘茄都係加左油醋，味道很一般。Fat Angelo's 都係有得送，但人地既好食好多。最後大家都係食唔晒，有3 件pizza 要打包。一路食既時候見到d 人走大部分人都係拎

尋日我生日, 老公帶我黎呢度食野, 真係好好食, 唔食唔得!! 尋曰係星期日, 我地大約1點8倒黎到, 唔係太多人, 環境不錯, d人服務態度好好!我地叫左一個香辣雞肉pizza, 因為知道一定食唔晒, 好彩呢度可以用70%價錢要一半份量既pizza, 所以我地就咁做喇! 一半左之後有6件pizza, 我地飽到隻野咁, 始終都係剩左2件, 要打包咯!除左pizza之外, 我地都叫左一個蜆肉意粉, 蜆既份量都唔少, 面頭果d意粉竟乾左少少, 底先至有汁, 唔知係咪特登架呢? 不過我諗如果整體上多番少少汁, 應該都唔會令d意粉太多水既~!仲有, 我地叫左個可樂, 有得refill tim架!

In light of the pleasant experience in Shatin, K and I decided to explore more good restaurants in the New Territories. Our next station was Tai Po. In my mind, good Italian restaurants could only be found in various big shopping malls in the urban area. My prejudice on location led to missing a few good ones in the less popular areas. Environment: Its interior design is very similar to Amaroni's. I wonder if it is the standard decoration for an Italian restaurant. The disappointing thing is tha

三個人開餐, 呢間嘢之前食過好幾次架喇！星期六，等位等咗十五分鐘咁上下啦！前菜：caesar salad. Ok 好食啦！不過好似前幾次好味d 主菜：海洋墨魚麵+ 香辣雞肉細pizza前者勁好味！好鮮味，令到我勁開胃囉！同朋友勁研究佢個sauce 點解咁好味！？正常齋飲汁應該會鹹架嘛！但佢又冇喎！汁底好靚，佢唔會太稀太杰，剛好~ 終於估到佢個sauce 係點樣，似係蕃茄同芝士的組合！( 不過唔知啱唔啱咁解！XD)後者個pizza 就味濃，對我嚟講唔算辣，只係胡椒粉級數咁啦！^^”甜品：士多啤梨千層酥。之前食過會有sauce，口感似m 記士多啤梨新地咁，不過今次佢好孤寒，幾滴仔，搞到個酥乾哽哽咁囉！耐冇去食，換晒人。( 新的服務員同經理冇乜笑容)初初開時去食真係好啱用來傾偈，現在變了茶樓，人有人大聲講, plasma有plasma 講，杯杯碟碟king ling count noun 如同交響樂咁，勁嘈！係咪玩緊鬥大聲比賽！？不過係幾抵食，算係好食又價錢低，出面食返相同質素計埋舖租，我諗就唔止咁平喇！如果要同人靜靜地傾偈又想好食，唔知大埔會唔會仲有第二個好選擇呢！？

先講食物……隨意粉or pizza送既麵包同salad，真係麻麻地，有d交行貨既感覺。叫左個海鮮墨魚麵，好好食，海鮮料唔少，汁夠香濃，好！(意粉or麵類有大同細揀)再叫多個夏威夷pizza。我地得兩個人食，預左食唔晒個pizza，但個waiter話可以叫半個pizza(即6件)，價錢係整個(12件)既六折，於是order左半個，食得晒，仲唔使o徒咁多錢。味道一般，冇乜驚喜。環境方面，十足Amaroni's既迷你版(其實間間意大利餐廳都係咁，舒服就得啦！)。我去果日係星期日晚8:30，冇乜人，清靜。

之前食過2次...試過pizza,南瓜雞肉車輪粉,龍蝦天使麵,牛扒,燴羊膝,cheesecake同暖心朱古力布甸其實以咁既quality,真係算好抵食~不過如果專登入黎食就唔好期望太高囉~最好做番資料搜集,叫番人地話好食個d黎食,因為呢到真係唔係樣樣都好食~特別推介izza,南瓜雞肉車輪粉,龍蝦天使麵同埋燴羊膝意式沙律同麵包就差d,不過free既你想點?同埋呢到d services就麻麻地~d年青侍應成日掛住傾計~