Olive Cafe (已結業)

今日約左大埔朋友黎食飯～朋友推介嚟呢間OLIVE坐坐，環境唔錯，幾適合同朋友傾計聊天。其實一向經過大埔都會留意到呢間OLIVE，不過咁多年都未有機會一嚐。餐廳位於大埔超級城地下而鋪位佔地亦不少。分別點了2個SET DINNER，包是日餐湯/沙律+咖啡/茶。甘荀忌廉湯﹣甘荀味幾突出。餐包凍雪泡奇綠面頭有一層Tiramisu 既mascarpone cheese，而下面咖啡味偏濃，好似飲緊Tiramisu咁。 紫薯奶昔紫薯味道好足亦不會太甜，如果CREAM上加上紫薯碎賣相會更好。香煎芝麻吞拿魚配香芒沙沙吞拿魚只是輕輕一煎不會太熟，配上芒果碎食落幾FRESH，唔錯!焗蠔2款焗蠔分別用上不同配料焗製，有芝士煙肉和白汁波菜。紐西蘭西冷扒配青胡淑汁牛扒揀咗七成熟，青胡淑汁個味同牛扒幾夾，牛肉都唔少肉汁。另外，烤薯仔配菜都唔錯，薯仔唔會太乾身。香煎豬鞍配蘋果蓉豬鞍賣相唔錯，而豬肉雖然較乾身但非常易切。餐廳整體不錯，好適合朋友或家庭相聚晚餐。

煙三文魚意粉配勺草忌廉汁煙三文魚意粉一直都係我最愛 而我特別欣賞呢個意粉 忌廉汁應該在加咗蛋黃醬所以超級Creamy 而且意粉好掛汁呀紐西蘭西蘭扒配胡椒汁今次呢塊扒有八安士 所以厚身好有口感 叫咗七成熟肉汁豐富好重牛味 而且處理牛扒嘅方法好好所以令呢塊好厚嘅牛扒都可以好淋娘惹叻沙叻沙配料豐富 有大蝦魚片豆卜仲有蜆 叻沙湯底好濃郁 椰汁味夠香 唔會剩係得辣味 米線吸曬湯底嘅味 令人好難忘炸魷魚圈配他他汁魷魚圈炸得乾身 唔會太油 魷魚彈牙 係一款唔錯嘅小食 配埋酸酸甜甜嘅他他汁 係超級開胃！

是日假期，難得我和好友放假，就一起晚餐，沒想到好友帶我到佢工作位置附近晚餐，佢話之前見到裡面感覺好吸引，所以想跟我試吓，如果好食的話可以帶同事去食呢度的卡位幾有特色，礙於我們入座時間差不多滿座，只能坐近門口位>.<晚上套餐只有A,B,C，有選擇困難症的我不用三心兩意，跟好友一個食A, 一個食C~~~我點了是日餐湯，好友點沙律（香煎芝麻吞拿魚配香芒沙沙），當我見到沙律時，我有DD後悔，沒想到沙律會配咁大塊吞拿魚，反而我的南瓜湯被比下去= ="麵包形狀幾特別，我反而冇食我點了蜜桃生薑，在開始轉冷的日子飲感覺好正，呢個果茶初初飲係甜甜地，飲到後期會感覺到薑的微辣，而且用蠟燭保溫，令我可以熱住飲，好友點了榛子雪山咖啡，賣相倒不錯~~~紐西蘭西冷扒配燒汁，不來最多只能七成熟，食落口感不錯，我個人覺得加牛油係好食D，而中間的薯係焗薯，食落唔會熱氣~~~香煎豬安配蘋果蓉，好友分咗少少俾我，感覺唔會韌，一定要點汁食才好吃~~~我地另外點了美國焗蠔（芝士煙肉/白汁菠菜），我吃白汁菠菜那件，新鮮熱辣上，感覺好好食~~~晚餐價錢雖然係貴咗DD，但大體都OK，原來下午茶個餐牌更吸引，遲些好友應

同男朋友餐枱腳，想食個西餐浪漫一下。住喺大埔多年，第一次品嚐。叫了兩個set dinner. 前菜有餐湯同吞拿魚芒果莎莎, 吞拿魚醃得唔錯，入味。血橙花茶好吸睛，淡淡的粉橙色, 飲完好relax, 好啱配肉類。芝士黑松露薯條，好食，薯條好脆，炸得啱啱好。紐西蘭西冷牛扒，5成，肉質5成都ok.香煎三文魚扒配海鮮濃湯， 煎三文魚扒肉質煎得啱啱好，入面好嫩滑， 配搭濃湯有意想不到的效果， 有蜆肉同魷魚，好鮮味加了個陪茶cheese cake做甜品, 少有西餐廳有焙茶囗味， 今天餐非常之豐富丫，好滿足

去左幾年冇去過嘅馬鞍山搵朋友gathering, 睇吓附近有乜嘢好食，佢話Olive cafe 幾好 就一齊去咗食。💕我哋order左三文魚忌廉意粉 🍝， 蜜糖雞翼，紐西蘭西冷牛扒🥩， 炸薯條配黑松露醬。煙三文魚忌廉意粉真係勁creamy，超多煙三文魚之餘，個意粉又彈牙。另外西冷牛扒大件又抵食，配埋飲品前菜都係百零蚊，一個set dinner 黎講，確係抵食。我哋另外都有order飲品，阿女勁鍾意飲個香蕉芒果奶昔 🍹， 一路飲一路講話下次又要再嚟飲過。

紀錄幸福的今天，來到了位於大埔的這間餐廳餐廳環境光鮮，坐位也舒適，適合人數較少的聚餐餐廳價位合理，選擇豐富，而且意外地有泰菜小食非常吸引，果斷要一份炸蝦果然沒有令人失望，雖然蝦味欠奉，但份量足，炸得也非常脆餐包外脆內軟蕃茄湯太像羅宋湯，濃但不是蕃茄味，而是醋味愛人喜歡喇沙，當然要一嚐，喇沙湯椰香滿滿，帶微辣，算很出色，配料不算多，但整體不油膩到主菜，豬鞍配蘋果蓉，肉質不錯，但可以更嫩，味道有點叉燒的感覺配合蘋果蓉來吃真不錯，但愛人選擇燒汁薯角不是炸的亦沒有落鹽，雖係味道但也還好。最後的奶茶雖然是預料中的淡味英式茶，但值得一讚是奶也加熱了，非常香滑用不過不失的一餐來總結幸福的今天，這是一家可嚐也不伏的餐廳

今日係朋友生日，就自然要請佢食飯。朋友住喺大埔，所以就到佢附近搵食。想食得比較精緻，坐得舒服，所以就喺大埔中心附近搵到呢間Olive Cafe。之前都有在這裏食過下午茶，價錢抵食！而且味道很不錯，所以今次再來希望能給朋友驚喜。食得西餐，我最鍾意點一定是西班牙豬肋骨，貪佢啖啖肉，而且味道濃郁，好惹味，又能夠多人分享。而且旁邊一定配即炸薯條，夠飽抵食！朋友就係輕食少少，點了一客意粉。餐前麵包麵包焗得香脆，加上牛油，非常香口。西班牙豬肋骨份量超級大份，絕對有10條骨，足夠三人分享。豬肋骨外面的醬汁非常濃郁，帶有香料味道，但不會過鹹。而且豬肋骨夠腍，容易離骨，食得方便。旁邊，有即炸香脆薯條，薯味濃郁，而且炸得香脆，外脆內軟，好正！沙律菜夠新鮮，配上滋味的蛋黃醬，好味！黑松露野菌長通粉黑松露味道清新，配上野菌， 更添香氣。長通粉煮得較為硬身，是我喜歡的口感，比較嚼勁。而且更有芝士碎片，令意粉更加香。Apple Crumble 香甜的蘋果蓉加上提子乾，有咬口。上面仲有焗得香脆的曲奇碎，香氣十足。雲呢拿雪糕球一冷一熱，味道加倍。紫薯奶昔有清新的紫薯香氣，而且賣相好靚，不過就覺得甜左少少。

雖然話Olive係喺大埔超級城，但位置又唔太易搵。如果話喺昌運麥當勞斜對面，咁就好易搵喇！其實門面都好大吓，只係唔係太多途人經過。晚餐set都係百幾蚊，頭盤/湯、主菜、飲品有齊。$48兩隻焗蠔，可以揀芝士煙肉或者白汁菠菜，加左嚟做小食，朋友選擇白汁菠菜焗，夠晒熱辣辣，不過個蠔焗完縮晒水。煙肉薯仔湯有埋牛油法包多士，味道好，但唔夠熱。香煎芝麻吞拿魚配香芒莎莎，大大片，酸酸地幾開胃。紐西蘭西冷扒（八安士）配青胡椒汁，的確係好大塊，牛味出，五成熟，夠腍。香煎三文魚柳配海鮮濃湯，呢個做得好出色。三文魚皮煎得好香脆，魚肉又夠滑。最正係個濃湯，好似龍蝦湯，仲加左大量蜆肉提升鮮味加$28可以選自選甜品一客，即係芝士蛋糕。餐牌有16款口味，不定期更新。但係今日只得三款口味，我地揀左蘋果芝士蛋糕，幾特別，有啲似焗蘋果金寶，面頭脆脆地，入面又有粒粒蘋果肉。荔枝芒果芝士蛋糕好滑好濃芝士味。飲品叫左鮮果茶同熱檸水share，果茶有唔少果肉，果味香，連個火爐仔都好靚架！

大埔一向好多美食，大多都係小店或者港式食物較為出色。如果要數到西餐，想坐得好，吃得舒適，食物質素也不錯的話，我就會選擇這間Olive Cafe。餐廳就坐落喺大埔中心，非常方便。而且環境空間夠大，坐得舒適。落地玻璃亦可望見窗外街景，感覺浪漫。晚上8時半，我和朋友都已肚餓，便每人點了一份主菜。我是食肉獸，所以點了晚市套餐，紐西蘭西冷扒配青胡椒汁。Olive Cafe原本是作西餐為主，但現在卻有新餐牌，加入了不少亞洲菜式，例如日式，泰式等等。望見有海南雞飯便按奈不住，亦都點了一客。香煎芝麻吞拿魚配芒果莎莎這個是套餐前菜。光看這個前菜賣相已經非常吸引。香煎吞拿魚外面加上很多黑白芝麻，非常香口。配上清新的芒果莎莎，酸酸甜甜，非常好吃。旁邊的沙律菜配上蛋黃醬，味道濃郁爽脆！紐西蘭西冷扒配青胡椒汁牛扒點了七成熟，燒得剛剛好。牛扒有嚼勁，接近筋和油的部份更加甘香，牛油味濃郁。胡椒味道不算太濃，輕輕的把牛肉味道帶出，都很不錯。海南雞飯是雞髀喔！啖啖肉！雞油味道很香，雞皮夠滑，如果雞肉做得更嫩滑就更好。雞油飯十分香口，粒粒都金黃色的。雞油很香，好味！值得稱讚是那兩個醬汁，香蔥姜蓉香氣十足，配以雞油飯，是享

放假突然想食 burger ， 於是去了 olive , 因為佢D漢堡幾得。餐廳裝修幾舒服，落地大玻璃，好啱假期食個 lunch 。餐牌有呢個，基本上$70-$100 ，已包湯 or 沙律 及茶。跟餐南瓜湯或沙律二選一沙律菜新鮮但唔算多，配上大量蛋黃醬有點重手左，要「了」走DD先掂。南瓜湯香濃，有南瓜絲，甜美可口。美國牛肉漢堡 $108正呀！饀料有漢堡肉加煙肉，仲有好味芝士，同埋蔬菜做饀。薯條係新鮮薯炸，條條肥嘟嘟，好好味。伴碟係同款沙律菜，同樣地太多沙律醬了。香辣蜆肉意粉 $68意粉煮得乾身，但非常夠味，堅香辣喎！真係超多蜆仔，目測起碼 30 + ， 啖啖都係。呢個價錢算抵。跟餐咖啡熱啡正，香濃郁，仲可以自己加奶玩拉花 😀，我拉左隻大咀鳥 （俾D想像力唔該）。凍啡唔掂！冇乜啡味。讚完食物，又要呻吓了，樓面唔多掂 ：1. 好耐都冇人斟水，最後搵到一個肯幫手，但水只有半杯仔。 一啖飮完，又咪要再揾你地斟過...... 何苦呢？2. 咖啡糖已經實左，完全倒唔出，但仍然會由水吧跟啡上枱俾客用。證明呢枝野，周而復始都冇人關心過佢，太求其了。3.餐廳內明明大把位，但就見門外有人等位，硬係就唔俾客

同朋友行完山之後係大埔解散， 就諗住食個豐盛嘅晚餐補充返體力～💪🏾 點完菜之後， 店員就送上免費餐包。 紅菜頭醃製三文魚（$88） 從裏到外都滲透着紅菜頭鮮豔奪目嘅紅色， 味道帶甜甜的菜頭香， 還有本來三文魚嘅魚油脂香， 值得一試！👍🏾 芝士煙肉、白汁菠菜焗蠔（$108/4隻） 每隻蠔都幾大隻！😯 蠔肉幾新鮮肥美， 芝士煙肉幾惹味，焗蠔簡直稱得上完美嘅配搭！☺️ 白汁菠菜意想不到清新嘅美味， 食落唔會太heavy～😌 炭燒美國🇺🇸極佳牛扒（二人份量）（30oz）配薯條🍟、雜菜沙律（$468） 牛扒份量超足， 足足有2-3cm厚，仲有一隻手掌✋🏾咁大！😦 牛扒外表烤得呈褐色， 但切開裡面，中間的肉微暖呈鮮紅，名符其實嘅5成熟！👏🏻 肉質保持軟嫩多汁，肉味香醇濃郁，牛味十足！🐮 雖然旁邊有特調紅酒汁作調味， 但牛扒夠新鮮， 所以連額外的調味料都不需要加， 就已經滋味得很！😋 海膽扁意粉（$128） 碟頭很多， 不過略嫌醬汁不夠，未能沾滿每一條意粉， 但勝在意粉彈牙，海膽都算新鮮， 加上蕃茄仔嘅配搭，可以解解膩！ 野莓之森（$35） 以野莓為主題嘅水

大埔olive餐廳裝修簡約時尚，四周都放了小擺設，牆上掛著幾幅壁畫，帶點藝術氣息。店子環境寧靜，其中一邊座位靠窗而設坐低後先細看餐牌，除了散點項目的前菜、意大利飯、主菜和甜品🍴芝士煙肉焗蠔以煙肉粒和芝士等焗製，蠔入口滿是煙肉和芝士的香氣，味道不錯，蠔肉豐滿很討好。🍴香煎1855肉眼扒10安士198肉眼扒10安士重量級的份量，伴著很多的薯條及時蔬，肉眼扒多汁質感腍腍的，牛肉香挺濃，火喉控制得不錯，切開依然是半生熟的🍴龍蝦意大利飯好靚呀😍龍蝦殼與肉竟然係上碟前分開，見到大大件龍蝦肉，龍蝦肉彈牙肉汁豐盈，廚師掌握火喉的功架可見一斑。煮製時沒有加入大量調味，只以少許鹽花提鮮，意大利飯充滿龍蝦的原汁原味。🍴朱古力芝士蛋糕朱古力濃度剛好，加上芝士質感鬆軟，古克力味在口中慢慢融化，而且啖落甜度適中，身為朱古力迷的我，當然是一人獨霸了！🍴Berry forest 野莓之森夏日炎炎，一杯冰凍的凍飲不能小。而我千挑萬選的這款，則是以士多啤梨、雜莓攪埋一起，非常健康。🍴凍Ice mocha很尊敬這裡的服務員及老闆，人人平等，應該給予尊重支持，真心敬佩老闆的大愛，因為當日看見稍微有點障礙的店員在工作，讓這份愛

位於大埔超級城既Olive Cafe, 周不時都會同朋友黎幫襯不過食評就第1次寫😆悠閒的格局加上大量自然光, 好有悠閒假日的感覺: )食物選擇堅係好好好多~ 肉類, 意粉, pizza, 沙律一應俱全🍕🍝但係我最深刻既係呢度既飲品!! 有齊最受歡迎既口味...宇治抹茶, 香芋, 紫薯...!!💜但價錢完全無好似出面D Cafe咁貴非常貼地同抵飲~夜晚9:00後入座仲有85折 $v$!!印上店名的碟子~龍蝦濃湯$62每碗龍蝦湯都有一隻大蝦🦐其實落單之後都等左一陣子...但飲完就覺得值得等因為真係有好濃既龍蝦味!! 飲得出係用左大量龍蝦殻+長時間熬製!🧡至於大蝦本身既味道就唔突出...但沾滿龍蝦湯味已經令人滿足~西班牙海鮮飯$142飯粒較大呢~ 每粒都索滿醬汁..微微酸甜, 係開胃的一款另外更加附有青口同虎蝦...個人特別偏好虎蝦🦐鮮味濃郁~香煎1855肉眼扒10oz $288 五成熟🥩可以係3款醬汁入面揀2款:: 紅酒汁/ 青胡椒汁/ 洋蔥汁大推介青胡椒汁~~ 有新清的味道💚另外都幾鐘意佢沙律係配蛋黃醬呢🥗板薯條唔過乾又熱辣辣..加少量既鹽去調味, 好輕盈又好食肉眼扒既牛味夠香,, 係一

今日同朋友去開大埔搵食 經過一番搜尋 終於去到大埔中心嘅呢一間享負盛名嘅餐廳 見到有個大牛扒 身為食肉獸嘅我哋當然要入去挑戰下大牛扒啦食肉獸薄餅 香濃嘅香腸薄片配上雞肉等等嘅配料 擺咗喺香脆可口嘅餅皮上面 油脂甘香 口感豐富 極之正嘅pizza燒豬骨配香煎三文魚 燒烤汁淋喺燒得剛剛好 口感極之軟滑嘅燒豬骨上面 豬肉味發揮得淋漓盡致 食到舐舐脷 而且三文魚煎得好 脆口 魚油非常之多 食落好甘香炭燒美國極佳牛扒 呢個係Olive cafe嘅招牌菜 係一塊兩隻手板咁大嘅牛扒 而且足足有成一寸厚 我哋叫咗五成熟 入面嘅肉質亦都十分之多 唔會咁容易燒乾 食落非常之軟熟 牛肉味非常之濃郁 配上清清嘅炸薯菜 真係有種美國人嘅味道呀香煎蟹餅配刁草芥末醬 有勁多嘅蟹肉壓成一個餅 炸得好香脆 啖啖都係蟹肉 冇其他 添加品 真材實料嘅蟹餅 去邊度搵呀香烤春雞 呢隻春雞肉質非常之嫩滑 雞味濃 色澤好 而且燒得嗰個皮脆卜卜 極之好食香煎西班牙黑毛豬鞍 黑毛豬相信有啲人都食過 呢個黑毛豬鞍燒得有少少果香 唔知係唔係因為佢哋食得多橡果嘅緣故呢酥炸羊架 羊一向都係我嘅至愛 呢個雖然係炸咗 但係都保留咗一點點嘅蘇味