Pasticceria Giovanni Pina 1920 (如心廣場一期) (已結業)

這間餐廳尖沙咀有分店，我試過覺得環境、食物、服務都有質素。媽媽最愛蛋糕，得知荃灣有分店，即刻帶媽媽來。坐在餐廳內，會有種似坐在米蘭街頭食嘢的感覺，很寫意。餐牌款式都幾多，最後選了沙律和套餐。<意大利黑毛豬腩煙肉金槍魚子合桃沙律配香草油醋汁>豬腩煙肉有些甜甜的味道，沙律菜超新鮮爽脆，合桃幾脆，加了香草油醋汁，唔會覺得太油膩，反而多了些酸味，令人開胃。~Ciabatta Set套餐都幾抵食，有湯、麵包、蛋糕和飲品。<甘筍薑湯>湯夠熱，有甘筍香味，帶點微辣，麵包條脆口。<豬手拖鞋包>拖鞋包外脆內軟，豬手皮脆肉嫩，洋蔥和其他蔬菜新鮮美味。甜薯很脆。<棋盤蛋糕>食甜品是我最期待的一環，餐廳的蛋糕真的好吃😋外邊的蛋糕起沙，層次分明，共有五層，裏面夾着一層榛子和一層朱古力味的蛋糕，口感柔軟。最令人滿意是蛋糕沒有過甜，而且仍保持濕潤的感覺。<米蘭咖啡>咖啡香濃美味。用餐時，不停見到有人來外賣咖啡和蛋糕。如果我住附近就好了!

經過見到餐廳外觀好吸引, 有情調, 就入去食晚餐.餐廳於商場內開放式設計, 但係又唔會被騷擾, 唔會焗促, 感覺舒服.甜品雪糕櫃設於餐廳另一邊, 食完飯可以同朋友或情侶一齊去揀甜品, sweet sweet.帶子蘆筍意大利飯帶子鮮甜, 好大粒! 煎到啱啱好熟度. 意大利飯唔會太乾身, 忌廉汁好香好滑, 齊體配搭好好味!凍特濃朱古力朱古力真係超濃, 有一條條濃朱古力脆脆係頂部, 一路飲一路有香味飄上黎!食完晚飯好滿足, 不過見到D蛋糕好靚, 外買D返屋企食.開心果櫻桃慕絲開心果味濃慕絲好幼滑, 推介!紅莓慕絲慕絲一樣幼滑, 紅莓帶微酸, 唔錯!

星期五跟媽媽去嘆afternoon tea。呢間店大有來頭，係意大利百年烘焙品牌Giovanni Pina，店內仲有意大利最著名咖啡品牌Caffe Milani ，鍾意食甜品同飲咖啡一定不能錯過。呢個tea set $298/2位，有2件蛋糕、6件手工迷你撻、一個焗意大利長薄餅包、兩杯咖啡或茶。我哋當然係揀經典米蘭咖啡，原來每杯附上一個泡芙，很驚喜。咖啡好香濃，雖然我唔係好識飲，但我覺得幾順口。薄餅有兩款口味，一款係田園蔬菜加雞肉，另一款係parma ham。兩款都有好多芝士，啱晒我口味。薄餅熱辣辣微脆，芝士鹹鹹香香，加上惹味青椒洋蔥或者甘香Parma ham，食到舔舔脷。6件迷你撻之中，我鍾意杏仁松子吉士酥皮撻有nuts幾香口；fruit tart幾經典，酸酸甜甜的生果加埋吉士味道唔會酸，幾清新；藍莓果醬撻成個裝滿藍莓醬；仲有一個裏面夾左滿滿cream cheese。Cake方面就揀左Sacher 同埋棋盤Sacher係比較濃味嘅朱古力蛋糕，中間有層層杏桃果醬，呢款蛋糕會比棋盤甜。棋盤就係海綿蛋糕，中間隔住一層吉士一層朱古力咁，蛋糕鬆軟，吉士加上朱古力的配搭好好味，食完都唔會感覺太H

荃灣新開了一間意大利餐廳，主打意大利正宗蛋糕，午飯時間十二點多來到餐廳都有不少食客，幸好還有空枱不用排隊就能入座。/甘筍薑湯🌟甘筍和薑的組合看起來有點怪，有點像中式湯的材料配搭，但試過後味道都幾夾，薑味不算太重，飲落少少甜。/香蒜辣大蝦扁意粉🌟一碟意粉共有四隻大蝦，每隻大蝦咬落十分之爽口彈牙，好好食，而扁意粉加了煎香的薄片蒜頭炒，辣味是用了去了辣椒籽的辣椒仔，可接受不會太辣。/熱經典米蘭咖啡🌟咖啡聞落去已經有好香的咖啡味，味道一點都不苦，有少少果酸味，旁邊還附上一塊小曲奇。/聖安娜蛋糕🌟跟餐的蛋糕，今日的限定午餐款式是聖安娜蛋糕，上面有四粒小泡芙，好可愛，切開層次好豐富，望落有三層蛋糕，食落有少少橙香味，甜甜地，同埋咖啡係絕配。/食完飯行出去見到幾大個蛋糕櫃，出邊可以直接外賣甜品，見到有意大利餐廳必食的tiramisu，於是外賣回家品嚐。

這間位於荃灣西站附近的餐廳，由意大利甜品大師主理，百年老品牌，這裏的咖啡及糕點最為聞名。意大利特色早午餐焗至香脆的蒜茸多士；咸香味適中帶肉香的風干火腿；帶芝士香及番茄酸甜味的烤雞柳，以煙肉包裹著的焗蘑菇及蛋白，質感幼滑；跟餐還配上咖啡，味道濃香。意式蘋果批玉桂味濃郁，蘋果切成薄片，入口帶點爽口，批皮鬆軟，甜度適中。開心果櫻桃慕絲三款甜品中最好味，中間有浸了酒的櫻桃粒，幼滑中帶點咬口。提拉米蘇中間有粟子蓉味道，反而似粟子蛋糕，有微微咖啡香味，但酒香則不覺。意式開心果吉士牛角包中間的開心果吉士醬香甜，牛角包比較硬身。意式朱古力卷充滿粒粒朱古力，香甜好味。

終於可以同哥哥一齊品嚐呢間百年品牌既蛋糕喇😍荃灣如心廣場呢間分店裝修精緻奢華💝佢地d蛋糕用天然酵母、意大利原裝麵粉同獨特烘焙方法製成，大小朋友食多幾件都唔怕肥💗我地叫左個Ciabattach Set🌟有餐湯、主食、精選蛋糕同餐飲❤️餐湯係南瓜蟹肉忌廉湯🥣香甜南瓜蓉好綿滑好creamy！仲有好多蟹肉絲！每一啖都多重口感😋 主菜我哋揀咗燒牛肉意大利包三文治伴炸甜薯及蘋果紅菜頭沙律🥗意大利包三文治真係好大份😍 三文治內涵狹左好多薄片燒牛肉！哥哥就最鍾意食佢哋嘅蘋果紅菜頭沙律！全部都係粉紅色好得意好好味😋 炸甜薯嚟到嘅時候仲係外脆內軟！同哥哥一齊爭住食😆精選蛋糕係雜莓蛋糕！有藍莓、紅桑子、士多啤梨之餘上面仲鋪埋金箔片✨✨真係睇得又食得！食完之後我哋仲買左忌廉牛角包同埋意式薩赫蛋糕咗返屋企俾小公主一齊慢慢品嚐😚忌廉牛角包🥐外面甜甜地！咬落酥酥脆脆！薩赫蛋糕外層嘅朱古力香濃細滑！小兄妹都食到停唔到口😋

意大利神級大師黎左香港開店，名氣咁大當然要去朝拜一下啦！價錢定價中上，環境氣氛都非常好，放假chill下都好舒服！今日中午約左朋友去食個brunch，梳化位好舒服啊餐牌有兩個餐，分別係pasta和sandwiches，包括餐湯、甜品和咖啡或茶，都好抵食我同朋友就單點兩個主食！All Day Breakfast食材同出面唔同，有煙肉焗蛋、芝士蕃茄雞扒、巴馬火腿⋯好特別啊！新鮮感滿分！雞扒香嫩又多汁，加上蕃茄醬和芝士焗香，超惹味！蒜蓉麵包配牛油和士多啤梨果醬，味道豐富多士好香脆，蒜味又重我叫左吞拿魚醬拖鞋包，賣相好靚！餡料又多，他他醬好香甜，麵包又用牛油烘香！

自從荃灣開咗幾個新樓盤之後 啲商場開咗好多新嘅食肆有一日行過見到一間好靚嘅餅店諗住都要黎會一會佢， 點知上網睇原來係一間意大利殿堂級烘焙大師開嘅餐廳餐廳裝修好精緻，水晶吊燈富麗堂皇原本諗住黎食件cake飲杯咖啡,點不知原來有熱食供應午餐有蕃茄忌廉湯，鮮香味美即烤意式火腿水牛芝士拖鞋包三文治超級大份量，Parma ham鹹鹹香香跟水牛芝士絕對係絕配配菜沙律十分之新鮮焗大蝦肉醬意粉🍝大蝦爽口彈牙，滿口芝士香味午餐仲附送一件蛋糕🍰，我見到蛋糕櫃裏面有好多唔同款式應該係可以外賣嘅，加上我要去街唔返屋企，唯有留返下次再試其他口味最後飲埋一杯米蘭咖啡作為今餐嘅總結，飛唔到去意大利食返一餐意大利大餐補數

農曆新年快到，應承咗車媽媽去辦年貨、買海味。辦完年貨，梗係要同靚太去high Tea一番 。靚太真係好識食，要求我同佢去試一間意大利新餐廳。喺鄭楊屋道街市對面如心廣場，最緊要係泊車有free parking，食滿$200便有兩小時泊車。兩個人叫咗一個意大利粉套餐 ，仲有一份三文治套餐。媽媽十分喜歡那個蘑菇火腿水牛芝士拖鞋包，個麵包質素非常高，外面香脆內裏鬆軟，配上炸甜薯條好特別。叫我下次一定要帶埋囝囝一齊食。佢嘅咖啡無論熱飲定凍飲都好出色，香味濃郁。套餐包埋湯、沙律、飲品，大蝦芝士肉醬意粉非常出色，配嘅甜品係當日精選蛋糕，散叫都要50幾蚊一件。所以叫套餐就最抵食。下午茶食完已經不用再食晚餐。

如心一期新餐廳，見經過見到唔係好多人，便入去試吓，set lunch 選擇得兩樣，分別係risotto set （$228）同Panino set （$208）！有意大利雜菜湯，蛋糕以及茶或咖啡，主菜一個分別係意大利飯，另外一個係三文治包！散叫方面就有sandwiches $128包甜薯一客及米蘭咖啡一杯！其實如果想食包，又唔係太想飲湯同埋甜品，散散叫會比較化算！我哋分別帶咗一個panino set 及散叫左一客sandwich!🌀Panino set:$208意大利雜菜湯，蕃茄芝士雞肉包配炸甜薯，燒菠蘿火箭菜車厘茄沙律，精選蛋糕，茶或咖啡雜菜湯好足料呢間啲甜品外型不太討好，外賣果啲，對我來說真係唔吸引，呢件就太甜！🌀即烤蘑菇水牛芝士火腿拖鞋三文治包配炸甜薯及米蘭咖啡：$128散叫的三文治包份量大過set lunch !沙律仲有無花果😍炸甜薯係不敗既食物😋等食物期間入咗十幾廿個疑似大陸團既人（全部講鄉下話，又有一個疑似領隊/導遊/親戚，期間不斷替他們點餐影相），所以我們一食完就即刻走！埋單：$336 兩人lunch

話說4個女仔約左年初三食brunchwalk in 之後發現周圍枱枱都係情人節得我地係食年初三🤣🤣🤣佢個情人節set 都幾吸引但我地最後係叫左a la cart 4樣野share😂black calabrese pancetta tuna roe salad with walnut and licorice oil意大利黑毛豬腩煙肉金槍魚子沙律 配合桃甘草油好食！☺️napoletana正正常常的拿玻里pizzaitalian all time brunch呢個brunch 好正好好食😍有parma ham~中間個舊煙肉卷蛋白好好食！！！仲要送米蘭咖啡rich chocolatebut its not rich at all🙄但個presentation 幾靚我想再encore 個brunch 😂

意大利大師級烘焙名店在香港新開了分店，而且就在荃灣如心商場，咁近就可以食到意大利星級餐廳，梗係一定要試吓啦。必要試嘅，就係佢哋著名嘅米蘭咖啡，一杯香滑口感加上濃郁嘅香氣咖啡，已值回票價。餐牌中有一版係食意大利包，揀其中一款，會送上一杯米蘭咖啡。餐廳係烘焙出名，一定要試佢嘅意大利麵包，餡料豐富，分量十足，一食就知龍與鳳，美味無窮！佢哋有兩款套餐，我哋叫咗其中一款套餐，芝士肉醬大蝦意粉。啲大蝦好大隻好爽口，仲有好香嘅蝦味，並不是一般雪藏蝦可比較。意粉煮得彈牙，煙un 程度剛剛好。食完已經飽到不得了，於是將套餐的甜品外帶回家才吃，晚上打開小盒子，充滿驚喜，果然甜品是他們的必勝術。

經過如心廣場，與友被其店內陳列的甜品所吸引，姑且一試甜品的確好味。餐廳環境雅致，店員親切，仲免收加一確係難得。即烤蘑菇火腿水牛芝士拖鞋包三文治(配甜薯條) $128 三文治份量十足，二人分享先食得晒，餡料夾住沙律菜、蕃茄片、火腿、蘑菇、水牛芝士，要無曬儀態咁大啖咬落去先可以一啖過食晒所有餡料，爽呀。 Pasta Set $228 蕃茄忌廉湯湯底濃郁茄味十足，蕃茄酸甜適中，飲落令人開胃。 大蝦肉醬意粉肉醬份量足以掛滿意粉，再蓋上一層半溶芝士，香味倍增，三隻大蝦爽口彈牙，意粉亦都唔錯。 精選蛋糕(棋盤)蛋糕外層舖上椰絲，頂層舖滿忌廉、吉士及朱古力醬。切開入面每層海綿蛋糕均以吉士醬及朱古力醬分隔，混合一齊食味道甜美可口，忍唔住買多件回家食。 經典米蘭咖啡咖啡杯旁伴上一件提子小曲奇，食完甜品飲啖香醇咖啡，的確幾滿足。

十分懷念意大利的旅行時光念念不忘意國的風景美食只好相約友人來到這間剛開的意式餐廳一解相思查看網上資料才知餐廳大有來頭GIOVANNI PINA 是意大利百年烘焙品牌CAFFE MILANI 也是意大利有名的咖啡店兩店合力來港開店分享意式美食給港人餐廳主色是深啡色的木質感給人沉穩的感覺金色圓尖拱頂配上白色牆面設計類似意國的修道院建築風格 裝潢典雅餐桌是雲石面鑲金邊配紫色金腳椅 營造出淡淡的高貴感邊看這裡的設計裝潢邊與友人回想意國美景風土人情 真係酒不醉人人自醉ok 回到現實睇返菜單我哋選了pasta set 同即製蘑菇火腿水牛芝士脆包落單不久便送上咖啡和蕃茄忌廉湯蕃茄加上忌廉 味道濃厚加上粒粒蕃茄肉 幾開胃更是驚喜是這裡的米蘭咖啡 咖啡豆香十足 味道不酸不澀 加上鮮奶 味道均衡店員說是正宗意大利咖啡直送香港難怪甘好飲餐廳跟配一塊小小的芝麻提子餅乾鬆甜好味 令人驚喜又回味 這個包真係外脆內軟 名副其實係即製加上烤好既蘑菇火腿和水牛芝士 口感豐富另外沙律菜和無花果也是新鮮配上蕃薯脆條 比一般薯條更是香甜可口主set 既大蝦肉醬意粉蝦烤得剛好 保留到蝦既鮮味芝士味濃 意粉正常甜品是特濃朱古力加

傳聞中既百年老店黎荃灣開新店當然要去試一試中午12點到達 淨返最後一張枱 好彩唔使等位無論餐具定係Menu俾人感覺都好高貴呢度有set lunch亦都有得散叫我同朋友就叫咗一個set再散叫個pizza同咖啡聽聞呢度嘅咖啡好好飲令我都好期待餐湯今日係雜菜湯味道唔算好特別 但都見到有好多雜菜喺入邊馬天尼忌廉青口意大利飯份量唔算多因為隻碟好淺青口煮得啱啱熟鮮甜多汁值得一讚嘅係飯入邊仲有好多小青口個忌廉汁亦都好濃味呢個係四重芝士pizza仲會跟一個蜜糖俾我哋點嚟食濃濃既芝士味 夠晒鹹香批底係薄皮 趁熱食會軟身得來有啲煙韌好可惜食食吓發現痴咗一條毛髮即刻覺得呢間食店衛生有待改善當然亦有向店員反映呢個係跟餐嘅普通咖啡仲會配1塊曲奇 塊曲奇可以話係全餐最好味嘅嘢咖啡亦都好香冇酸味另外今餐仲會有一個甜品而今日嘅甜品係忌廉蛋糕忌廉好滑配上海棉蛋糕一層一層咁比較普通 同期待嘅有啲出入呢個價錢 同我期待嘅食物嘅質素有啲出入大失所望