PAUL LAFAYET

营业中

休息中

早前同朋友去了白石燒野食加慶生，除了烈酒外大家都買左不少私伙入來其中一個就係Paul Lafayet 的馬卡龍了，這間我比較喜歡焦糖燉蛋，每次都會要求拎走個啡色小碟。而店員會包一隻全新的讓你帶走，服務不錯的！朋友總共買了14顆，顆顆也不同，原來有原因的，就是代表當晚出現的朋友，合共14人，每一顆也代表其一，而且是獨一無二的，so sweet。我揀了粉紅色白色的，內餡是荔枝口味，因為天氣熱及已經放置了一段時間，所以脆身的表面有少少裂開，底面不同色都幾有趣，裙邊都幾靚，入口外脆內軟，內餡是以荔枝和白朱古力製成，口感交錯，甜膩感比一般的少。

上個月鋪頭做優惠，焦糖燉蛋買一送一，但係冇得即時食，係買禮券咁既形式，＄45有兩張焦糖燉蛋禮券！值得一讚係佢嘅安排，個人覺得佢嘅買一送一推廣做得好妥貼！買嗰陣又唔洗大排長龍，而且禮券有效期為1個月，可以隨時食！之前食過佢嘅馬卡龍，都係覺得有d甜，可能係因為馬卡龍本身偏甜為主既甜品，今次試到佢嘅招牌甜品: 焦糖燉蛋每一個焦糖燉蛋都係落單之後，由職員即場係燉蛋上邊烤一層焦糖，我等左大約三分鐘之後就有得食！店員好窩心咁準備咗紙巾，見我哋兩個人就比左兩隻匙羹，而且服務態度好好，非常友善雖然焦糖燉蛋比我想像中細個，但係呢個甜品真係好味而不漏口😋😋😋上面一層脆口嘅焦糖，下面有蛋香味而且好滑又凍凍地嘅燉蛋☺️一個完全唔夠喉😆！食完之後裝住焦糖燉蛋嘅砵仔可以拎走， 店員仲好貼心咁幫我包起佢！

每次經開k11都會諗起Creme  Brûlée，今日食完lunch,諗起就當然要去食！店員即燒焦糖，全間店都濃濃香味送到面前影幅相，即刻開動，焦糖香脆，蛋味濃滑，底下好多温里拿籽，真係好正，雖然貴D，但完全值得再去食

伯爵茶焦糖燉蛋 $38評分：🌟🌟🌟🌟-可能好多人都曾經試過食佢既焦糖燉蛋，但未必好多人知佢有新味喔🙊而且仲不錯添！新既伯爵茶味既底一樣係同原味咁creamy，唔係出面個啲蒸蛋質地😍茶味、蛋味同奶味都又香又濃郁，上面既焦糖脆口又唔痴牙呀～店員都好細心提翻大家買左45分鐘內就好食喇～唔係上面層焦糖就會硬架喇🙈

要數城中出色既焦糖燉蛋 定必會諗起Paul Lafayet 不過焦糖燉蛋始終係要即燒即食先最好食 但係就唔係間間分店都有位置可以堂食 之前外賣返屋企食已經覺得好好食 呢次係呢間可以堂食既分店首次嘗試佢即燒即食既焦糖燉蛋 就更加驚為天人Creme Brûlée ($45)付錢後店員先會係燉蛋面層灑上糖燒成一層薄脆既焦糖 輕輕敲碎焦糖面層 連埋底下超級嫩滑且帶香濃雲尼拿味既燉蛋一齊放入口 一暖一凍 一脆一滑 簡直係人間天堂 好幸福食到底層仲會發現有超蛋雲尼拿籽非常足料

Creme brûlée $40 一直好出名嘅Paul Lafayet 焦糖燉蛋果然名不虛傳。店員會即場係你面前燒個焦糖面，個燉蛋真係又香又滑食到低見到好多雲呢拿籽 真材實料

法國傳統甜品店Paul Lafayet 進駐香港，看報道知道邀得於米芝蓮三星餐廳的法國餅廚，於香港自設工場每天新鮮炮烘，以最頂尖的材料，法國牛油、Valrhona朱古力、西班牙杏仁等等，製造出很多沒有不含防腐劑和人加味道的甜點，向我們表現正宗法國餅藝術。 已經忘了最初吃Macaron是甚麼時間，應該是在外地旅遊那時候。吃了也忘了，那個Macaron也不好吃和討好。令我醉心的Macaron，就只有Paul Lafayet 的Macaron。她提供佷多款口味的macaron，每款口味都是原原本本，能夠吃得出來的。Macaron只有好味和不好味兩個種類，不好吃的是只有唯一的甜味而欠香味，不論什麼味道如呍呢嗱或朱古力吃起來也是同一樣的味道。好吃的macaron就折而不同了，原本材料的香味和味道是絕對能夠吃得出來，Paul Lafayet 的馬卡龍味道濃厚，你不會吃了呍呢嗱味而以為自己吃了檸檬味。Paul 當中的Earl grey 和玫瑰口味是我的摰愛，每一次吃都十分享受。跟其他同類型馬卡龍店相比香港，沒有比Paul 這麼有水準。曾經試過比利時朱古力店的馬卡龍，仍然是令人失望。最後終於

食完晚飯當然要食甜品畫上完美句號啦朋友話不如去paul lafayet食燉蛋緊係好啦 我承認我大鄉里未食過😭打電話去店舖訂左先 然後慢hea過去店舖小小的 位子只有三個 好彩有位店員即場為我地燒香焦糖燉蛋嘅表層不消30秒 香脆嘅燉蛋送到面前💕💕 簡直係完美 焦糖分佈同顏色都好平均👍🏼 "卡"一聲 how破脆脆嘅焦糖面層忍唔住立即放入口 OMG!!!好好食啊！凍冷嘅燉蛋非常香滑 密度甚高 唔會有空虛嘅感覺 而且甜度適中蛋味香濃👍🏼 完全好食到停唔到口 雖然價錢唔平 但絕對物超所值！點解我會咁後知後覺架😭

上個月呢間推出買一送一優惠 又要排隊買飛 憑單再換卷 再預約先換到 呢個等左好耐既焦糖燉蛋 到我去拎個陣都太多人 店員都好冇耐性 平時都會比你望一望再放入紙袋 但係佢冇比我望拎完比我就叫下一個拎到返去個紙袋都就爛 唔知邊到出水定焦糖溶左 仲之好似啡啡地好濕 好彩捱到返屋企拎到返去食個陣再雪多左一個幾鍾 食落去好似冇左層焦糖 係有甜味 不過唔知係咪太簿 平時一食就脆卜卜 呢個係冇左個回事 個燉蛋就好滑 好香雞蛋味 同雲尼拿味 個低好多雲尼拿子 好香 味道係唔差 不過佢太小 個兜好淺 我覺得佢個兜仲貴過入面既蛋 個兜用左木去做 好實心 超重手 用完唔搭得掉 我媽咪話送比人做煙灰缸岩岩好😅買一送一先會試

Reknown for it creme brulee, I decided to give this place a try after a long day of shopping in TST. The top was a bit overburnt which resulted a bit of the bitter taste. However, the custard was quite decent but could have been improved with some additional sweetness although it was quite smooth. I also had a go with the macarons (Champagne and Rose), which were quite decent, fluffy on the inside and crispy on the outside with a great filling. Lastly, I tried the Mango Soleil, which consists of

想試好耐既 tiramisu, 入口好滑好好味呀！而且食完個陶瓷杯仲可以重用，夠唒環保個個都話一定要試既燉蛋，裡面有好多雲呢嗱籽，好香滑呀！唔怪之得話必食啦呢個就冇乜特別

他們這款蛋糕是眾多款式中我最喜愛的一款|Chocolate Charlotte|就跟其名字一樣吸引，出乎意料地好吃！蛋糕從內到外都是朱古力，完全為朱古力迷而設！從裡頭的海綿蛋糕，到外圍的手指餅，都能帶給你不同的口感。香醇的朱古力在你口中慢慢溶化，不知不覺我們兩人竟一口氣吃了一半😱😱1磅才不過$320，節日慶祝不妨買一個，從影相到入口，包你一試難忘👍🏽

Paul Lafayet嘅cake我一向都麻麻地，所以咁耐以黎行過無數次都唔會特別留意同買佢嘅cake 今日咁啱同事拎左兩粒比我試，唔洗錢的話咁又一試無妨，哈哈 一個係 passion fruit另一個係 chocolate 唔知係咪因為佢有個膠殼蓋住，保護佢唔好壓爛，但我覺得望落感覺好似超市嘅零食，冇乜新鮮可言 點知食左一粒 passion fruit之後發現都唔差喎，甜就一定架啦馬卡龍，但佢甜得黎 passion fruit味仲係明顯食到！之後食埋朱古力味都覺得唔錯，對Paul Lafayet有新睇法！

囝囝的生日蛋糕很好吃，兩天清光；兩天後爸爸的生日蛋糕更誇張，當晚即被KO，因為那是個人見人愛的巨大 Macaron！ 　其實，最初計劃是10/27那晚兩口子出去撐檯腳的，但因犯上低級忘記訂位錯誤，飯局要順延。也好，在 Petrus 午餐又參觀「秋燈展」後，乘西鐵轉車之便，在 K11 帶了這超美的 Berries & Heart Macaron 蛋糕回家了。好在蛋糕先在店內拍了照，雖然底部貼上了膠紙，但始終小組件多，回家後果然朱古力片飛脫了！好在沒影響賣相太多，蛋糕本身又連上精美的金色蠟燭，點上去好美啊。 本來就微醺的壽星公見到蛋糕超級開心，兩隻也非常興奮，但拍照時非常不合作，不過東倒西歪的照片也一樣值得紀念。　是時間要切／吃蛋糕啦:用巨大馬卡龍來做蛋糕，切出來的成品雖未致慘不忍睹，但也實在不能稱作好看，不貼上來了；口味方面，巨大馬卡龍口感清脆，加上中間的玫瑰味鮮奶油，味道十分香甜，非甜魔老公會嫌它甜了點，更喜歡面層的青蘋果味 Macaron。好在餅中有大量的清新雜莓作中和，結果一家四口加上姐姐及嫲嫲，順利將整個蛋糕清光，盡興滿足～下次再試試其他蛋糕及出品！

一直以來光顧Paul Lafayet多次，甚喜歡吃馬卡龍，今次來到尖沙咀第一店，改吃切餅嘗試如何。蛋糕櫃滿佈七彩繽紛的甜品色彩，搶眼奪目，魂魄也飄出來了。馬卡龍是首選！店內還供應試食服務，我試食了我未曾吃過的口味紅莓和意大利咖啡味，原來也不錯，留待下一次可選擇這口味的馬卡龍。蛋糕點了一件特濃朱古力脆餅，當然不少得吃返粒馬卡龍，沒有抹茶味的唯有選玄米茶味馬卡龍，還有一杯Anastasia,即是有點橙味的伯爵紅茶。特濃朱古力脆餅單看深色黑朱古力顏色便預料到食落一定會好膩口，事關朱古力味真的非常濃郁，很有層次感，有朱古力慕斯、海軟蛋糕，朱古力醬和最底層的朱古力脆脆粒更增添口感，整件蛋糕吃落很軟熟不會硬生生，朱古力滿足度超高。玄米茶馬卡龍，外脆內軟，又不會過甜，玄米茶味香濃。服務員真是很nice，服務態度親切有禮，會為顧客介紹食品，顧及客人所需。馬卡龍真是好好味，食品整體質素偏高，相對價錢亦會偏貴少少，也值得去享受法式甜品的美味。