Running 燒 (已結業)

💖 Running 燒 (旺角)✨旺角彌敦道726號9樓〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️旺角Running燒放題是一家位於香港旺角的燒烤放題餐廳，提供顧客多種食材選擇，包括肉類、海鮮和蔬菜等。款式多樣化😍，顧客可以在桌上的燒烤爐上自行烹煮，享受烹飪的樂趣，也可以按照自己的口味調制調味料，讓用餐體驗更加個性化。餐廳內裝修溫馨舒適，環境整潔，讓顧客可以放心用餐❤️。此外，餐廳還提供各種韓式小食和飲品，讓顧客可以在品嘗美食的同時，體驗韓國文化的獨特魅力。旺角Running燒放題的價格實惠👍🏻，用餐體驗豐富，受到許多顧客的好評。如果您正在尋找一家美味的燒烤放題餐廳，不妨來一次旺角Running燒放題的用餐體驗，相信您定會滿意。想繼續睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @gladysfoodie如果大家有其他餐廳推介可以𝒟𝒾𝓇𝑒𝒸𝓉 𝓂𝑒𝓈𝓈𝒶𝑔𝑒📩

兩個人食比咗$700好似食垃圾咁，啲生菜有泥，無洗過，洗下啲菜其實都唔係好難姐，基本嘢都做唔好叫人點食？啲肉又大舊又厚，啲醬係多但係無味，啲蝦梅既大隻又如何？唔明點解會有咁多好好食，好好乜，好好物既評語！個火已經係最細，但係都好大火，野食好快燒蕉有個丫姐態度好差，好似爭佢錢咁，凶神惡煞，幫我換gas果下動作好豪邁，gas 樽上面啲水珠滴哂啲野食上面，但人多果枱就好好招呼，好貼心咁問仲有無野需要？啲野食齊唔齊？有個丫姐仲好笑，當我想清咁啲板上面既黑蕉果陣先比舊野我同我講話，用依個整，擦下就乾淨，我心諗，你遲啲先比我丫，唔係應該準備左先架咩？其實咁既價錢，真心比多少少🤏🏻去牛角好過，最起碼啲菜無泥先啦，就算牛角盤菜黎到有水，啲水係淋上去都好啦，但感覺會良好咯，依間無下次

同朋友半年一聚，緊係要搵搵個平平地又食得盡興既地方呢個韓燒想試好耐，疫情前座無虛席， Walk in咗幾次都食唔到。今次難得夾到時間食早場，嗱嗱臨book 5:30入座，仲有七折添！我哋四個人，佢只開一邊爐，我哋加多$100開多一個爐諗住燒快啲，點知勁快燶😂😂😂手速唔夠haha推介食物有牛舌，肥牛，帶子，生蠔都唔錯，不過慢慢燒。其他肉都味道正常，我仲叫左勁多熟食，辛辣麵水冷麵炸餃子同炸雞都好食🤣🤣最尾一人一條韓國雪條，有芒果士多啤梨同蜜瓜味，做收尾都唔錯！走嗰陣門口已經排緊長龍等入場人lu~等陣啦

首先係落單漏單漏得好嚴重 漏得好嚴重！！！我落咗2次2件嘅炸雞 最後要到第二次先有1件落泡菜唔上泡菜 落湯唔上湯 所有嘢基本上係要落第二次先會上來在14:01嘅時候我落單 到14:08都未上過嘢 我問店員點解仲未上嘢食店員話 我check 先 然後！佢print曬我落過嘅嘢 問我 「有咩未來」大佬 我食放題 我邊度記得我有咩未來 有d我食完覺得好食我再落 我點記得我落咗咩 而且1次份量為1件 佢張清單水蛇春咁長 我點睇啊！！然後落到上菜 基本上少一半 係有d嘢根本唔上俾你！！然後我哋係13:16入座 知道本身餐廳最遲入座時間為13:10 燒110分鐘坐低之後店員話 14:15截單 14:45離座？餐廳午餐時間為12-15點 用餐時間為110分鐘 但卻要14:45離座 然後我提出疑問 店員就話 係啊我哋寫明出來㗎啦嗯 確實在海報上面 下面好細嘅字寫住 14:45離座 但係咪係我入嘅時候應該要同我講明 我知道並且唔介意嘅時候先入座 我都知道13:16係遲咗小小 如果係110分鐘計 要我15:00離座我唔會有意見。我哋14:25 距離離場仲有20幾分鐘 個店員就已經送埋個雪條上來 我個爐仲燒

·『旺角高性價比海鮮燒肉放題——𝑹𝒖𝒏𝒏𝒊𝒏𝒈燒🇰🇷』裝修還原返韓國燒肉店設計🥳好有氣氛每張枱都設有長煙囪吸走油煙味🌪️而座椅係可以收埋啲袋喺入面嘅設計🛢️唔洗驚會整污糟同吸曬成陣燒烤味採用𝑸𝑹 𝒄𝒐𝒅𝒆手機自助落單📱夠曬方便快捷款式分門別類排列 十分清晰 好易搵到想要嘅🤓| 牛 | 豬 | 雞 | 羊 | 海鮮 | 熟食類 | 麵湯飯 | 酒類 |而且用件數𝒐𝒓𝒅𝒆𝒓 避免浪費食物♻️一坐低就上咗三款前菜：泡菜、海帶、芽菜 都係可以任添另外仲比咗一大塊生蘿蔔用嚟清潔鐵板 第一次見🤣飲品種類一應俱全🥤果汁汽水啤酒任拎 仲要有埋無糖茶選擇 啱曬中意走甜人士🙌🏻👇🏻必點食物推介：🌟————————————《🥩牛五花》牛類都有好多唔同部位選擇西冷、牛肋骨、牛舌、牛脷粒、牛柳片、肥牛...最推介牛五花 肉質嫩滑juicy💦牛脂感最重 配埋燒肉汁包生菜食一流🤤呢度啲醃肉本身調味比較輕手🤌🏻唔會一食落去就已經好鹹/好重口味可以食到本身嘅肉味 亦唔會有雪藏味《🦪蒜蓉芝士生蠔》大大隻夠新鮮 肉質肥美🤤面頭鋪咗勁多芝士🧀非常惹味雖然連殼燒要耐啲時間～不過慢燒會比較嫩滑中意食蠔嘅一定要狂點 回本首選⚠️真係超好食

在openrice 見到呢個韓燒，都多人like, 朋友話想去試， 於是就入去餐廳入去見到環境都都乾淨， 冇油煙味， 比之前起的其他店舖好去到就揀左韓燒放題 ($278/人）野飲都多，韓式汽水，無糖茶，汽水,啤酒都有， 落單用QR CODE落，落完單好快到，食物都好多野揀，有海鮮，有肉類，有蔬菜，有熟食同埋炸物我地叫左蠔,扇貝同帶子，蠔同扇貝比較耐先會熟，燒得比牛肉用時更耐，但味道非常鮮甜，仲有d海水味，我自己就覺得另一款帶子最好食，肉質好又無殼，所以燒一陣就熟，岩晒我呢d 心急人去食熟食方面，我朋友最中意佢魷魚鬚，話有酒樓水準，好食另外佢d燒肉醃得幾好，特別推介佢d辣味五花肉，肉味出色，值得再叫， 下次會再試。

同事們話好耐冇去旺角搵食, 但要搵到又性價比高又好食嘅其實唔容易👍🏼👍🏼打邊爐食得多，所以今次食韓燒放題, 不是很貴 🔥🔥今次揀咗running 燒裝修座位都幾闊, 一入到去就感受到滿滿韓國氣氛, 枱夠大配料應有盡有,滿足一眾肉控😳😳我最喜歡吃肥牛, juice 軟熟, 有啲入口即溶嘅感覺😎😎孜然雞翼香唔肥膩仲好多汁, 食落零舍有風味😀😀慢慢燒，燒到韓風五花腩一啲都唔柴, 肉質好嫰滑好多肉汁, 超juicy, 出奇地好味😋😋魷魚鬚彈牙, 甜甜哋，又幾好食👌👌芝士焗生蠔超誇張的, 睇住啲芝士慢慢咁熔,真係好治癒.😌😌芝士好邪惡又愛又恨,不過太多會漏😅😅好彩呢度有好多新鮮蔬菜,for example:燒茄子都好好味,食到最後都唔會覺得好膩呀😀😀

🌃 餐廳環境為韓燒放題， 位於旺角彌敦道，全日供應韓燒放題及午市定食， 設計以工業風為主導，以四至六人枱為主， 每張枱都有獨立抽氣系統。 -🤠 通粉foodie 於正價晚市時段進食 ， $278 另加一，任食110分鐘， 另外介紹一下有優惠嘅早鳥時段， 於五點半入座，七點四離坐，只需248蚊再七折， 即係二百蚊就可以埋單， 另外九點半後入座， 只需258蚊再七折。.🦐🦑 海鮮類👉包括生蠔、 蒜蓉芝士生蠔、 咖哩魷魚鬚、大蝦、帶子、扇貝、魷魚圈、鯖魚、 龍脷柳片。💟 身為精明嘅消費者， 當然專攻海鮮啦， 絕對係回本嘅首選， 雖然海鮮只是雪藏貨色， 但以依個價錢， CP值已經超級高， 再自行加上醬汁調味， 就可以突出海鮮嘅惹味，而醬料吧有蒜蓉、大醬、 韓式辣醬、鹽醬、烤肉醬、甜酸烤肉醬可以選擇。.🥓主要肉類👉包括 肥牛、 牛舌、 雪花牛仔肉、 西施牛肉片、 牛肋骨、 牛柳片、 牛柳粒、 薄切西冷牛扒、 牛五花肉、 厚切豬腩肉、 豬頸肉、 豬大腸 、 豬梅肉、豬耳、羊髀肉、香草羊西冷、 雞肉、 雞翼、 雞髀肉， 雞粒、雞腎。💟 推介有牛五花肉，厚切豬腩肉， 油脂滿滿， 燒得會比較香口。.🥗🍤

難得同朋友聚舊 就揀左間可以任食既韓燒店大家可以食得盡興啲我哋今次揀咗running 燒座位都幾闊落而且手袋可以放喺椅子內唔使吸入油煙味👍🏻餐廳係採用手機點餐都幾方便一開始梗係要食下肉先啦先啦餐廳嘅擺盤好靚 已經好吸引肉類嘅質素亦都唔錯豬頸肉幾彈呀 有咬口而我最推介嘅肉類係雪花牛仔肉佢雖然細細條 但係好多雪花而且肉味濃除咗肉類之外仲有海鮮芝士燒蠔係必點既滿滿嘅芝士 簡直可以滿足芝士控既慾望而且帶子都好大粒鮮甜好食除咗燒肉外 餐廳都有一啲韓式小食餐廳嘅炸雞都做得好出色外皮香脆 內裏嘅雞肉嫩滑而且加埋有柚子醬好出色😋仲有我最愛嘅水冷麵同之前喺韓國食嘅味道係一樣棉質都係咁彈牙餐廳中提供沙律同埋紫菜飯最後當然要食返個甜品啦我就揀咗芒果雪條芒果味超級濃郁 10分推介👍🏻

旺角人氣韓燒Running燒係樓上鋪，一入到去就感受到滿滿韓國氣氛，一眼望入去位置唔算多，座位啱啱好擺滿，人多可能會迫少少好彩所有燒肉等等都係落單叫佢拎過嚟，只有飲品調味料需要自己起身拎，飲品櫃擺咗係走廊位，都係快快拎完就好返埋位飲品選擇好多，有無糖嘅冷泡茶、韓式罐裝汽水、維他有氣蜜桃茶、荔枝玉露等等都有醬料都有6款，每一款都好受歡迎，不過其實佢哋嘅燒肉好夠味，唔需要點醬韓式燒肉同料理都係佢哋主打，有生蠔、扇貝、大蝦、西冷牛、五花腩、炸雞、水冷麵等等……..任點任食，店員比較講效率，啲野食落單無耐就上枱，另外店員指明4個人只可以開一爐，而四人枱又有2個爐，唔坐爐邊嘅朋友就無法享受韓燒之樂，比較可惜旺角少有性價比高嘅韓燒-Running燒，一次食晒韓式料理同燒肉放題！

放工約左三五之己黎到旺角依間樓上既韓式燒烤放題聚一聚，同朋友聚去食放題就最方便，唔洗就住就住嗌ＸＤ價錢都唔算貴呢～每位都係二百幾左右餐廳環境闊落乾淨，每枱都有獨立既抽氣系統，唔怕成身都係油煙味有好多款肉類選擇呀！雖然係放題但擺盤都絕對唔馬虎～牛肉新鮮嫩滑，牛味濃郁。牛小排有返一定既厚度，食落好有口感呢！豬頸肉夠爽口～海鮮拼盤超豪華既海鮮拼盤呀！！有生蠔，海蝦，帶子等。。每一款都係大大隻絕對唔小家！而且淨係睇賣相都已經知道係好新鮮，燒完食更加肯定，鮮味十足完全唔會腥！海蝦因為夠新鮮，肉質超彈牙！生蠔配合芝士同蒜容，燒完勁惹味帶子亦好彈牙～牛舌燒完夠晒爽口Juicy, 肥牛相對上就普通左少少~不過有其他肉類選擇所以唔太緊要！咖哩魷魚估唔到竟然有我最喜愛既咖哩魷魚呀！要重點介紹下先得ＸＤ魷魚好大條，亦都非常新鮮。咖哩都算幾濃味，所以燒完係超級香！食落亦好彈牙～我一個人就食左差不多一碟呢另外餐廳仲有不少熟食可以點，我地就試左魷魚鬚同鹽酥雞。炸得夠香脆，肉質仍然保持到，好味！燒完既食物係咪好吸引呢真係睇返Ｄ相都流晒口水ＸＤＤ餐廳好細心提供韓式既紫菜飯素飯，唔係就咁一碗白飯咁簡單非常傳統既年糕海帶

約埋三五知己聚下，最岩就係一齊圍爐打邊爐或者燒烤！打邊爐食得多，所以今次同 friend試試新餐廳去旺角食韓燒放題。Running燒限時110分鐘任食，有多款牛、豬、羊、雞、海鮮可以燒，仲有好多韓國熟食揀。飲品可以自助任揀，有韓國嘅忌廉溝鮮奶。塊鐵板夠大力夠大，可以好快燒到好多肉。試左唔同野食，同朋友想再 encore嘅有：咖哩魷魚 - 咖喱醃到入哂味，一燒好快就熟，食落口感好柔軟。豬頸肉 - 雖然要多少少時間燒，但係較厚身啖啖肉，食落去口感好爽。辣味更加惹味開胃。牛五花肉 - 加埋啲醬夠哂味，一放落鑊就即刻熟，牛脂同肉比例適中，充滿牛油香。蒜蓉芝士生蠔 - 芝士加蠔嘅配搭一流！唯一可惜係要耐少少時間燒炸雞 - 韓式炸雞外皮夠脆，仲有幾款味揀，個人鍾意柚子味，清新得來夠晒開胃。食完哂最後揀一款韓國雪條，最鍾意食melona嘅蜜瓜味！

阿女今晚話要去食韓燒，佢話冇得去韓國旅行，喺香港食住Running 燒回味下都好。餐廳以韓式料理及燒肉放題為主打。店內以韓式燒烤店佈置，每一張枱都有一支長長的煙囪從天花懸垂至燒烤爐上，用作吸走油煙.110分鐘任飲任食，優惠時段重有7折。燒肉肉類分為豬、牛、羊、雞、魚，另外有海鮮、蔬菜、小食，飯麵、湯水等，牛肉軟腍、豬肉油脂豐腴、雞肉和雞翼肉嫩、大蝦鮮甜彈牙、帶子鮮嫩、燒烤過的魚柳特別香，冇骨啖啖肉、蒜蓉芝士生蠔蠔味濃冇腥味，配蒜蓉和芝士一流！每人一支韓國雪條，味道可選蜜瓜、芒果、椰子等，蜜瓜就略帶香甜。

同事們話好耐冇一齊出去食飯，今晚放工就去旺角搵食，有同事話想食Running 燒放題，話佢哋食物質素唔錯，價錢公道。而且啤酒汽水都係任飲，大家可以邊食邊傾，開開心心食返餐！餐廳抽氣做得好好，唔會話周圍都係煙,而且用手機落單，方便又環保！燒肉放題以肉類為主，亦有海鮮、蔬菜、小食，飯麵等。等待燒肉時，先來些熟食，韓式炸雞當然係首選，即叫即做，外脆肉嫩，加上酸甜汁更惹味！咁多種燒烤食物，海鮮係我首選，蒜蓉芝士生蠔：生蠔大隻好新鮮，加上蒜蓉芝士，燒出嚟蠔味濃郁，蒜蓉芝士又惹味，食完一隻接一隻停不了口！帶子、扇貝不用燒太耐，食落口感鮮嫩。大蝦新鮮好大隻，味道鮮甜又彈牙。龍脷魚片肉質幼滑香軟。煎鯖魚香噴噴，肉質肥嫩 ，油脂非常豐富 。肉類有豬、牛、羊和雞，有些用調味料醃過，有辣有唔辣，非常入味！肉質鮮嫩有口感，沒有醃過的肉，可點些醬汁調味，令肉味更提升。最後每人會有一支韓國MELONA雪條，我比較喜歡蜜瓜味，味道香甜，蜜瓜味濃郁。

無論旺角或將軍澳分店一直熱門，今日個朋友一早book定枱，所以我都有得準時入座，唔使餓肚仔。極開心2個人坐都有張大枱，落order 唔使就住就住，可以狂點😆😆而且張枱後面就自助飲品飲品櫃，好方便。手機落order 好方便又快，除咗不同嘅牛部位，小食種類都好多，就連炸雞都有多款口味😆 而且職員好有禮貌，會幫手講解可以無限refill 泡菜芽菜生菜，泡菜同芽菜唔會太辣，是我鐘意食個款。-水冷面係真韓國個隻面，煙韌有彈性，食落清涼酸甜好開胃😆推介-牛肉部分都唔薄，而且用呢啲碟上，集中，唔會散嬲嬲，搞到成張枱好多碟，十分欣賞-海鮮部份雖然係韓燒，但係海鮮種類都幾多，不過解凍時間唔夠😂-蔬菜部份個人10分推薦南瓜🎃，大塊又唔薄，而且好甜好好味