Running 燒 (已結業)

話說上網見到評論幾好就約埋老婆黎食加埋一306一位開頭食水冷面都幾好食炸野都幾好但韓燒梗係主打燒肉嫁啦一上d肉見到都無胃口仲衰過我去涷肉鋪買果d但係蝦，帶子！蠔都ok既野飲無乜選擇最激氣就係個長頭髮阿姐我地燒到一半，成個鐵板都係鑊屎，我老婆就叫佢黎換啦，個阿姐就話，咁乾淨唔洗換啦！我老婆就話我地自己用紙巾抹左d渣，如果唔係都唔知點燒足110分鐘，然後個阿姐都係唔換，好似d鐵板要佢收工洗咁#阿姐係樓面然後個短頭髮阿姐就話換比佢啦，佢先肯換成程都無乜點食過d肉，一位306$正係食水冷面，飲個湯，食下炸野，泡菜***如果老闆見到呢段嘢，希望你同呢位長髮阿姐***佢嘅水平應該去做大排檔#以往running燒比我感覺幾好!

啲牛肉醃左等於無醃，又切到好厚，味道完全唔掂，最主要係啲肉質好一般，又冇牛味，我以為自己去左漢和。芝士生蠔同帶子，第二次叫就拎啲冇解凍好既拎出黎，燒左勁耐先熟…另外隻隻蠔都勁多碎殼，食到要lur番出黎…燒完縮到勁細隻唯一可以食下係啲蝦..都算大隻，燒到有少少焦香，全餐最好食一樣環境方面，好勁油煙，食完成身油煙味。 最唔中意地下都好似油淋淋咁…個飯後甜品…唔食都罷..相都費事影…唔明點解咁多好評哂錢哂時間…冇下次…

Running燒 依間餐廳 聽朋友講左好多次今日終於有時間黎食餐廳唔算好大 但係枱唔會擺得太密坐得都幾舒服 揭起坐墊 就可以放袋 唔洗吸哂bbq味飲品同醬料都係自助形式可以慢慢揀佢牛嘅種類都幾多牛五花好好食 重牛味 而且好簿燒一下就食得 岩岩上到去肚餓就岩哂海鮮有蠔 有帶子同埋蝦都唔錯特別係蝦 好大隻 好彈牙 唔會霉豬類 厚切五花腩最正肥瘦剛剛好 厚切好爽口攞生菜包住好好味又唔會太油膩仲有雞腎都好好味 好爽同埋佢本身醃左 好夠味 唔洗點醬都得平時任食我都好少叫粉麵飯但係見到佢個紫菜蛋飯同水冷麵又好吸引 都係叫左黎試下紫菜飯真係夾咩肉都咁好食燒到熱熱地 一啖水冷麵即刻舒服哂仲有好驚喜嘅炸雞 即炸 夠熱夠脆 仲有汁 真係冇諗過👍🏻👍🏻👍🏻👍🏻最後仲有韓國牌子雪條食到好飽 278一位都幾抵 品種夠多 值得試下

旺角高質燒肉放題😋😋大家一講話食燒肉放題多數都係牛角又或者兆萬，不過原來旺角都有其他選擇個喎😳今次嚟到Running燒，發覺都幾高質，而家再同大家分享一下啦。餐廳使用電話落單，選擇都幾多，肉類、海鮮、蔬菜一應俱全。另外仲有唔同嘅熟食供應：例如韓式炸雞同餃子，甚至牛角飯都有😂😂味道同原版一模一樣！肉類方面，個人最推介牛五花，肥瘦適中，肉汁滿瀉！如果加番啲蒜蓉落去炒，重嘢未過出邊大排擋。食到停唔到口😋五花腩都非常唔錯，加上呢度有新鮮生菜提供，可以包住食，減去肥膩感。海鮮方面，除咗一般嘅蝦同魷魚，呢度仲有芝士生蠔提供，不過要燒熟就要啲時間，我自己心急，就只係叫咗一份。買單都係$300唔使一個人，非常抵食㗎。

食物選擇都幾多，海鮮有帶子、扇貝、芝士山蠔、蝦、魷魚等。帶子、蝦同魷魚都幾好，肉質都幾結實。最特別係咖哩魷魚鬚都有得燒😋肉類方面齊晒牛、豬、雞、羊。今晚集中食牛，有各種不同部位，自己比較鍾意牛舌，juicy 味道濃郁。西冷都唔錯，都算幾大件但唔韌，有牛味。蔬菜有金菇、南瓜、茄子…另外叫咗生菜籃，份量唔少，啲菜新鮮爽脆，加埋泡菜，自製韓式生菜包，食多幾嚿肉都唔會膩👍🏻飲品都唔少款式，除咗一般汽水盒裝茶，還有jolly shandy、乳酸飲品同蘆薈飲品。等緊海鮮既時候試咗啲熟食，味道幾好，炸物都係熱辣辣同埋唔會油立立。鍾意炸魷魚鬚，一啲都唔韌，炸衣好脆。柚子炸雞酸酸甜甜幾開胃，韓式炸餃子外皮唔硬餡料同市面急凍貨差唔多。另外，水冷麵夠凍，食落帶點酸甜，感覺清涼😌職員熱心主動問要唔要換鐵板，啲油煙都抽得快。最後食埋甜品，蜜瓜雪條，正！整體感覺幾好，上菜速度快，熟食味道唔錯。

極低低低質燒肉 👎🏻👎🏻👎🏻沒有任何一款菜式或肉類勉強可以讚下，就連醬汁都極之求其，嚴格來講根本不叫有甜品選擇，食完就比4款口味雪條你揀就叫做有甜品😑。另外飲品選擇也不多。作為任食最低要求，嘢飲選擇都甘少，完全唔掂 。環境就一般啦，限聚關係都唔會逼得去邊😮‍💨。

勁難食勁難食勁難食🤢🤢🤢首先係食物質素而言，生蠔同埋蝦都係霉既，勁臭勁腥，而且啲肉都係霉既，海鮮勁差完全唔夠膽食。最好食既我諗就係個炸雞掛…🤢🤢其次係環境舒適度而言，間野d冷氣勁細，而且抽煙系統好差，成間嘢都勁大油煙味，搞到勁唔舒服。衛生情況十分惡劣。🤢🤢最後，係員工服務而言，員工普遍幾nice，同埋唔使出去攞野食，係手機落單送到你面前。🤢🤢總結：咁既質素咁既環境同埋最後埋單327per each 咁點解唔食牛角呢？🤮

Running 燒旺角彌敦道726號9樓===================今日同朋友去開旺角，佢話好耐無食韓燒，在openrice 搵到呢間餐廳都好多好評，就決定試下佢啦! 佢在彌敦道旁邊, 非常易搵! 每個爐都有自己的獨立抽氣扇，令到成間店完全無咩油煙味。韓燒放題 ($278 加一 / person)野飲都算種類多，有韓式汽水，韓式無糖茶，港式汽水,啤酒等等! 連啤酒都係任飲，其實真係算抵! 至於落單方面, 係用手機掃QR CODE落，落完單後好快有食物送到! 食物都好多野揀, 有海鮮，有肉類，有蔬菜，有熟食同埋炸物等等! 我地第一round 就主打蠔,扇貝同帶子! 蠔同扇貝因為有殼, 所以比較耐先會熟! 但味道非常鮮甜! 仲有淡淡的海水味, 食落好好味! 帶子就真係歸本之選, 佢係急凍的, 但肉質彈牙! 佢無殼, 所以燒一陣就熟!! 😋😋由於野食要時間燒, 未必立即食得, 所以我地叫埋熟食! 信唔到呢度D 熟食都係即叫即整, 都算快上菜! 最中意佢ge "魷魚SO"! 非常香脆好食! 另外佢ge 燒肉醃得非常入味,佢ge 辣味五花肉勁正!而且肥瘦比例岩岩好！最尾仲有一人一條韓國

今次黎咗旺角呢間食韓式燒肉放題嘅餐廳，旺角地鐵站出口行幾分鐘就到👍🏻👍🏻一入到去侍應好nice，環境都幾闊落，仲有落地玻璃可以望到出面嘅景色😚😚每人一張凳，打開張凳入面可以擺袋🤣🤣有自助調味區🤤好多野飲可以自己揀，啤酒加錢就ok~餐廳選擇好多，除咗有牛肉、豬肉、羊肉、雞肉，仲有海鮮、蔬菜，同埋一啲前菜同小食😍😍😍勁豐富我哋叫咗勁多肉😋啲肉都好新鮮，而且同一款肉有唔同味可以揀啲蔬菜好新鮮，尤其係杏鮑菇👍🏻👍🏻燒完好清甜海鮮質素都唔錯😚😚我哋仲叫咗兩個沙律同一個飯😋沙律好大份仲好足料！！而且啲菜好新鮮，沙律醬都好好食🤤🤤推薦！！呢個飯都好大碗🤣🤣🤣上面有温泉蛋、紫菜等，用黎配燒肉食啱啱好😍

Omg ….. it super yummy 🤤!!!! Long time no hv Korean barbecue 🍖 ~ love it so much 💋Variety of food u can choose ~ My favorite seafood 🦞 so yummy for barbecue. No quota!!!! We ordered a lot . 🥰 esp for the shrimp 🦐 First to eat. They are fresh too. 元貝，蝦，帶子都yum yum !!! Must give it a try Meat !!! The size is super big and I love eating it . Beef 🥩, chicken 🐔, pork ~ both mouth-watering . Will come again for sure .For the drink ~ u can get wt u wanna get ! Finally, u can also hv the fruit 🍉 🍌 🍓 ice

Running 燒係一間放題式韓燒，啱晒大食嘅你大快朵頤。小編平時食燒肉起碼四五百蚊先食得飽，呢間餐廳$300左右可以食到飽，嘢飲任飲，員工仲好好招呼，換塊鐵板換得好密，真係有賓至如歸嘅感覺！食物方面，海鮮之中蝦係最出色嘅！好實肉大大隻，燒出黎好味到犯晒規😋除咗大蝦嘅肉質鮮味之外，扇貝同埋帶子都好正～店舖送食物嘅速度都好快，一落完單轉個頭已經到，有啲餐廳嘅放題雖然任叫，但係好遲先拎過嚟根本都食唔切🥲肉類方面，淨係牛已經有十種八種不同嘅部位，可謂五花八門琳琅滿目。當中最正嘅我覺得係牛肋骨，少少黐住骨嗰啲牛筋超級彈牙好食，牛肉本身又嫩滑，又能夠有效鎖住肉汁。其他豬、雞、蔬菜都正常發揮，店舖抽氣系統同埋冷氣都相當理想，食得舒服坐得舒服～推介俾大家不妨試吓😙

好耐無食韓國菜，又想咩都試下，於是黎到而間任食韓燒去到餐廳，職員好熱情又有禮貌，好快帶我地去枱前，絕對無嘥時間；另外都好多嘢飲選擇餐廳有好多款食物，有牛、羊、豬、雞翼及海鮮～ 牛方便我介紹牛五花，因為油脂最多；豬，我就建議豬頸肉，醬汁好好味；健康之人，我會建議包埋泡菜及生菜一齊食，有返到家鄉嘅感覺 🇰🇷海鮮方面，有帶子、蠔、蝦及扇貝；蠔有原味以及芝士，個人比較鏗意食扇貝，正~再黎，我哋都叫咗好多熱食，有辛辣麵、紫菜飯、韓式涼麵同埋啊朱媽推薦湯及烏冬等；個人比較建議韓式涼麵，因為食咗咁多肉類及海鮮，涼麵嗰浸酸酸美味嘅味好解油膩；最後，每人仲會有一條韓國雪條，揀左士多啤梨味，夠香夠濃

今日同友人去旺角玩，玩到肚餓又想食韓國野，於是黎到而間任食韓燒一上到去，職員就好熱情，好快帶我地去座位上，完全無浪費時間~菜單有好多款肉，有牛、羊、雞同埋豬，每款都有唔同既醬汁，完全唔洗驚食黎食去都同一款牛肉種類都算多，特別推薦牛五花，因為油脂感高，包埋生菜同埋泡菜，完全有回到韓國既感覺~另外，除左肉，仲有海鮮，如帶子、蝦同埋蠔，蠔有原味以及芝士(爆多)，個人比較鏗意食帶子，大粒又甜，正~再黎，我同友人都好鐘意食澱粉質既野，所以大多數澱粉質類吧食物都叫左，個人比較推辛辣面同埋烏冬，份量多得黎，湯底都好味，必叫~~最後，每人仲會有一條韓國雪條，揀左椰子味，夠香夠濃

一上到去就有熱情嘅招呼，好快咁樣帶咗我去開位然後我就馬上去點菜啦。選擇左多款雞肉，都有唔同種類嘅調味。 而且仲有好多種燒肉醬揀。 唔使驚食到厭。牛肉種類都算多，店員特別推薦牛五花，油脂感重。 西施牛肉片相對較瘦，個人比較推介。驚油膩嘅話亦都可以叫一啲蔬菜搭配，而且仲有任食嘅韓式小菜，我哋就不斷叫泡菜食啦。燒肉食到有啲渴嘅時候亦都有免費嘢飲，除咗平時可口可樂之外亦都有啤酒。佢仲有多款唔同海鮮例如有蝦帶子青口蠔，但係同朋友都唔食海鮮所以冇叫到。驚唔夠飽叫多咗個烏冬，份量都好足夠。最後仲送咗韓國雪條，揀咗芒果味，夠香夠濃除咗平時嘅燒肉之外呢度都有唔同嘅炸物，選擇左韓式炸雞。炸得都香口。加上呢度座位闊環境都算大坐得舒服。 這服務態度唔錯。

開始健身之後都不斷諗有咩餐廳可以大量吸收蛋白質，韓燒係一個唔錯嘅選擇。我今次平日晚市$278一位。一入到去各位姐姐都非常熱情，好快幫我哋set好個爐仲俾咗個蘿蔔我哋。一開頭以為個蘿蔔係食嘅點知原來係用嚟清潔個爐。 都算係大開眼界完全唔知道蘿蔔有咁嘅功能🤣醬料呢度係自己拎嘅幾推薦佢嘅甜酸烤肉醬。亦都有多款多款汽水選擇。我唔係好飲酒所以就冇拎到。一開頭叫咗牛五花，西冷牛肉片同西施牛肉片。 個人唔太鍾意食肥牛，反而鍾意多啲肉嘅西冷牛肉片。 作為健身人士一定係食雞肉， 叫咗多款唔同種類嘅雞肉。 佢有唔同嘅調味醬料我自己覺得辣味係最好食嘅。食到有啲制之後帶咗碗阿豬媽靚湯，其實係紅蘿蔔湯嚟嘅，清清地幾好。亦有叫到啲泡菜同生菜包肉食，食落冇咁油膩。自己唔食煎炸野但朋友叫咗炸雞同魷魚鬚，佢話都幾好食。最後有支雪條，芒果味雪條幾吸引，佢仲有其他melon牌嘅韓國雪條。成餐都食到好飽。