Running 燒 (已結業)

有一日諗起好耐冇食過任食嘅韓燒就同我女朋友去食。依家韓燒放題非常抵食，你叫幾多件肉佢真係比到咁多件肉，肉嘅選擇亦都非常之多。醬料吧，有六款醬料俾我哋揀。當中有蒜蓉，配埋海鮮一齊燒非常之正。飲品都係飲囉成個雪櫃有好多唔同種類嘅飲品，好彩都有啲無糖嘅選擇燒烤爐去用gas嘅。我哋去到發現爐比較細火，同店員講，店員亦都會好快手幫我哋換gas。服務非常之好。我哋用手機程式落單，店員上菜速度亦都非常之快。食得太多燒肉就想食個水冷麵涼涼個口。味道相當唔錯亦都夠凍。之後見隔離枱食炸魷魚鬚我哋亦都口痕叫左份。原本以為係Hea貨，但原來熟食都非常之好食。任食燒烤來講呢一間非常之唔錯，不過上菜速度同份量嘅控制亦都非常之好，值得推介。

第一次上來running燒吃東西。環境一般，服務員的態度還可以。肉類有牛羊豬、海鮮有生蠔，扇貝，帶子，大蝦，魷魚圏、蔬菜有生菜籃，南瓜片，茄子片，青椒片。不過時間不太夠，只有110分鐘，燒海鮮的時間比較長。生蠔的內外都洗得不乾淨，燒好後吃下去有沙同埋size好細、扇貝吃下去也有少量的沙、大蝦不新鮮，帶子還算可以。飲料種類還算多。熟食推介水冷面、炸雞及煎餃。最後會有雪條給你選，每人有一條。吃後感：吃一次就夠了。

入冬時間，就係燒烤邊爐出場既季節，今日小妹拉埋男朋友過黎旺角食RUNNING 燒，一間韓式燒肉店燒肉放題套餐分由午市提供到晚市，每節110分鐘任燒海鮮豬牛雞蔬菜等燒物，當中午市/1920前離座/2130後入座 更享有全單7折優惠埋位坐低後侍應給予一張2D barcode 紙，疫情底下，全店已走電子落單系統，相當衞生岩心水既肉類click 哂入購物車一次過落單，快捷方便生肉類：小妹同男友主要叫左黑豚肉，五花腩卷、腸仔、雞件、雞脾肉，大部分肉類已經預先用調味料醃過，肉色鮮紅，新鮮度99分蔬菜類有生菜（用黎包肉食）、茄子🍆、冬菇、雞脾菇等，已切片上，相當方便等食既過程要相當有耐性，好彩有男朋友親自操刀，小妹坐住等食海鮮類：作為蠔友我誠實推薦芝士/原味生蠔比大家，雖然燒既時間比較耐（約20mins)但係慢燒下既蠔真係嫩滑d 炸物類想食即叫即有既炸物類，小妹馬上推薦柚子味炸雞+原味炸雞比大家，皮脆肉嫩，相當出色另外，炸餃子🥟亦唔錯，十分香口特別推薦 - 紫菜玉子飯燒完既肉片放入碗入面，撈埋蛋黃汁，絕對會好味到令你食到停唔到口飲品類：提供凍罐裝汽水、無糖茶、酸奶👍🏻燒左接近兩個燒肉放題，我同男友由

Running 燒，位於旺角彌敦道726號9樓，餐廳以韓式烤肉放題為主打，以手機QR code 點餐，餐牌設計簡單方便易用，肉類海鮮蔬菜熟食等等。餐廳肉類選擇比較多，牛豬羊雞都有。韓式燒肉一定要試厚切五花腩，肉帶肥肉，但經燒烤過程迫出油份，肉要微燶，用生菜包裹配合餐廳提供韓式大醬，韓式辣醬，實在正宗韓國味道。真正韓燒必然選擇是燒豬皮，豬皮由硬變軟再變脆皮，正。餐廳亦提供大量海鮮類食物，芝士生蠔，大蝦新鮮彈牙。回本之選。

天氣涼涼哋，朋友約咗去食韓燒。餐廳走韓國style，每張枱都有煙囪吸走油煙，加上環境開揚，座位闊落，感覺唔到有油煙。就座後，店員會送上三碟韓國泡菜，泡菜唔算太辣，味道唔錯。呢到係用手機掃QR CODE落單，十分方便，食物選擇多，上菜速度都幾快。另外醬料及飲品，需要自己到醬料區及雪櫃度拎。醬料有7款選擇，而飲品選擇都唔少，汽水同茶都有。響電話落單嘅食物陸續送上；牛舌、牛肋骨、雞翼、雪花牛仔肉、五花腩、芝士生蠔、帶子、扇貝、帆立貝、海蝦、金菇、茄子等等...五花腩肉厚肥瘦適中，肉質嫩滑又香口。雞翼燒完外皮焦香，肉質鮮嫩。牛肋骨醃得入味。大蝦同帶子食落鮮甜。芝士生蠔燒咗一陣芝士開始慢慢溶化，芝士配埋蠔肉嚟食，非常芝味。呢度除左燒嘅食物外，熟食嘅小食都做唔錯，炸魷魚鬚同炸雞，新鮮熱辣炸起，勁香口，又有肉汁，值得一試。最後食埋甜品；密瓜味雪條，密瓜味濃郁，夠香滑，而且唔太甜，真係食過返尋味。]]]]]]]]]]

整體黎講幾抵食，110分鐘任食，雞牛豬羊海鮮都有，同埋上菜係勁快。呢到係用qr code落單，幾方便。一開始燒牛肉同牛脷先，快d有得食！第一盤每樣野都叫左一份試下，推介牛柳粒同埋雞肉。呢塊西冷好大塊，薄薄地好快熟。男朋友叫左d豬腩肉..呢到可以小小地佢叫自己個份，我唔洗食都好（肥）仲有蠔、扇貝同大蝦，加咗啲蒜蓉落去仲好食。食到熱辣辣有水冷面食好爽。每人都有一條雪條quota，係韓國雪條呀，最鍾意蜜瓜味！

在openrice訂座，於7時20分前結帳，可以折扣。店家畀咗張四人枱，有兩個爐，但只開一個爐給我們四人用，如要另開一爐要加錢，真不明白是什麼玩法。四個人用一個爐，吃得比較狼狽，而且油煙非常非常大，常常煙燻著眼，吃完後全身都是油煙味。食物質素是不錯，但應該不會有下次。

突然好想食韓燒，朋友介紹嚟食「Running 燒」！Lift門一打開，已經聞到陣陣烤肉嘅味道，十分期待！店員安排座位後就立即俸上3款前菜，包括芽菜、泡菜同海帶，當中我覺得最好食係泡菜。餐廳每個烤爐上都有一條排煙管，所以絕對不會有「煙霧迷漫」嘅感覺。落單就透過QR CODE，而且都好多選擇！牛、豬、雞、羊、海鮮、熟食、蔬菜⋯樣樣有！而且按件數order，可以減少浪費。熱食就點咗炸雞同炸魷魚鬚，兩款炸物都好好食！新鮮炸起，口感酥脆，炸雞除咗酥脆入味多汁之外，肉質一啲都唔硬，呢兩款熱食都十分出色！肉類方面就嗌咗雞翼、雞腎、厚切豬腩肉、牛脷、雪花牛仔肉、豬頸肉、牛肋骨⋯五花肉肥瘦層次分明，放上鐵網上燒，油脂甘香，肉味香濃，非常好食！豬頸肉醃得入味，將豬頸肉燒至燶邊，肉質爽口多汁，油脂滿滿，非常滋味！雞翼、雞腎、牛脷、雪花牛仔肉都唔錯⋯而海鮮⋯帶子同大蝦都唔錯，食落鮮甜彈牙，都係必食之選！最後仲有甜品，係melona雪條！有蜜瓜、椰子、草莓同芒果選擇，我揀咗椰子味，味道清甜可口，濃厚嘅椰子味清爽透心涼！總括嚟講，食物品質有保證，性價比高，種類選擇多，絕對值得encore！

朋友話呢間店嘅名running燒 原來係由韓國綜藝 Running Man！😊  餐廳環境很大， 可以坐得好疏！ 炸雞都有很多種味道， 可選擇小辣，中辣，原味或柚子味！ 炸雞賣相吸引，外皮香脆 ，  雞肉嫩滑，而且無骨啖啖肉！ 最出色是柚子炸雞， 有柚子味非常濃郁酸酸甜甜， 令到炸雞不會太熱氣！ 韓式餃子也很美味， 非常大隻又足料！  而且熱辣辣即叫即炸👍🏻👍🏻👍🏻海鮮比想像中多款式，有帶子， 大蝦， 生蠔， 芝士生蠔，青魚，魚柳，全部都非常新鮮！ 醬油一共有三款可以任添！ 茶水自助， 另外有非常多款式的凍飲可選擇😍

除了將軍澳有running燒之外， 原來旺角彌敦道都有running燒非常方便！  早點埋單就可以享有七折！ 而且最早五點半就可以開始食 ， 啱曬唔鍾意食得太夜嘅人！ 估唔到六點幾已經差唔多坐滿,很受歡迎！ 食物嘅款式都算幾多，  牛，羊，雞，豬及海鮮類都有！ 仲有一樣會適合你吃的👍🏻👍🏻👍🏻  那些肉有調味， 大部分都好嫩滑juicy! 很有驚喜的是熟食類的韓式非常正宗！  水冷麵麵身煙煙靭靭，質地剛剛好😋😋😋  食完辣野食返水冷麵可以降一下溫, 湯底酸酸地,好開胃！每人也有一條韓式雪條,  有四種口味任您選擇😍 是最佳的甜品 🥰

呢間韓燒10分有驚喜，用嘅材料上乘，有生蠔扇貝等海鮮，生蠔有得再加芝士，成個邪惡程度直線上升。材料例如肉類嗰啲俾得一啲都唔手軟，不過就應該都係冰鮮嘅，因為啲肉有啲灰灰地。另外個炸雞幾好食，皮脆肉嫩，柚子味相當開胃，辣嗰啲都10分過癮，甜甜地辣辣地，不過唔食得辣嘅就唔好嗌中辣以上。總括來講呢個價錢可以一試。服務生態度良好。👌👌

好耐無同班fd一齊做食肉獸，即刻就約埋佢地一齊去啲任食燒肉今日黎到旺角呢間running燒，韓式燒肉放題，價錢一啲都唔貴，非常合理入面環境好乾淨整齊，啲枱櫈唔會好多油漬，坐得舒服野飲自己係雪櫃拎，唔洗等人攞黎，夠晒方便。叫野食方面就用QR code上網落單。未叫野食店員已經主動提供韓式餐前小食，酸酸地好開胃呢到肉類好多款式，豬牛雞羊都有，仲有好多唔同調味揀，唔怕有野唔岩食呀蔬菜菇類亦好新鮮，好綠好靚，唔會放到霉晒變色，幾好最最最正係呢到仲有唔同海鮮食生蠔、帶子都有，仲有個超正既芝士蠔，平時放題芝士焗蠔就食得多，今次自己燒睇住啲芝士慢慢熔，食落都好味啲呢個溫泉蛋紫菜飯都值得一提，唔會好大碗飯想塞飽人就算，份量岩岩好，燒肉餸飯一流！

旺角📍樓上韓燒放題店👹🇰🇷好耐之前 係Running Man好hit嘅時候 已經有聽過呢一間嘅韓燒🤣 今次終於有機會試吓佢係咩底細🤫$268 任食110分鐘價錢方面 喺放題來講算係比較貴 可能係因為包海鮮嘅原因😆所以我第一時間即刻叫咗佢哋嘅海鮮 種類唔算話太多 我自己就要咗海蝦帶子同埋生蠔 芝士蠔好邪惡 超多芝士🤤不過燒完隻蠔吸晒啲精華會縮水🤭好彩有得任食肉嘅種類都算多 差唔多每隻都嗌左一份 其中覺得最好食嘅係烤肥牛同雪花牛肉！！！肥牛全部都好薄身 油脂分明 好香牛味 正😍！雪花牛肉就比較厚身 連埋燒汁一齊燒 唔錯👍🏿熟食方面要都唔錯 其中炸物最為出色 叫炸魷魚鬚 炸雞同埋煎餃子🤟🏻全部熱辣辣 啱啱炸出來😋 麵食就叫咗水冷麵 佢哋真係落咗超～～多冰🥲有敏感牙齒嘅大家麻煩叫一叫少冰😵‍💫不過我都好唔爭氣咁食咗兩碗Running 燒 (旺角)地址：旺角彌敦道726號9樓食物：👍🏿👍🏿👍🏿環境：👍🏿👍🏿👍🏿👍🏿價錢：💰💰💰服務：👍🏿👍🏿👍🏿性價比：👍🏿👍🏿👍🏿*滿分：👍🏿👍🏿👍🏿👍🏿👍🏿

天氣開始轉涼，啱哂食韓燒～今日約咗朋友夜晚一邊吹水一邊食好西Running燒地點方便，價錢都實惠，所以就嚟試一試佢地用QR code逐件下單，野食好快就送嚟。食韓燒最重要係個爐！佢地嘅爐夠大火，可以食得好有效率食韓燒小菜當然唔少得啦，呢到提供泡菜、芽菜同海帶。我同朋友乜都叫咗份，試一輪睇下邊款好食就主攻幾項我地發現佢地嘅牛肉都幾唔錯！特別係牛肋骨、雪花牛仔肉、西施牛肉片。豬頸肉、調味雞肉、香草羊西冷我地都叫咗幾轉，推介餐廳提供6款醬料，但其實啲肉已給經有調味，就咁燒已經好夠味，當然重口味人士有得揀就仲開心啦我地都唔執輸叫咗啲熟食，估唔到呢到嘅炸雞幾好食，炸粉薄，唔會炸得太耐，雞肉嫩，有水準 炸魷魚鬚、水冷麵都唔錯。另外不得不提佢哋嘅雜菜沙律幾好食，好大碗又新鮮，最欣賞佢地用果醋調味而唔係沙律醬，係真健康沙律呢到有唔少飲品選擇，我就揀咗啲平時比較少見嘅。食完仲有雪條食，勁開心

今次食呢間韓式燒肉，係用網燒，並唔係用爐燒，所以可以大火將啲肉燒到焦香香脆，所以本人比較鍾意食網燒。飲品佢嘅選擇都唔少，有糖無糖有汽無汽一應俱全，仲有熱飲提供。醬汁方便就有蒜蓉燒汁韓式醬汁泰式醬汁等等。食完之後仲會有韓國牌子嘅melon雪條提供。有兩款食物特別想推介，就係炸物，餐廳提供嘅熟食有炸雞同埋炸魷魚鬚等等，佢哋都係即叫即整，所以上枱嘅時候熱辣辣而且好香脆，炸雞外表酥脆內裏仲可以保持到非常嫩滑，魷魚鬚亦都好惹味。